ليه العرس له كل هالهاله الاجتماعيه..بديت اكره اهميته

miss_engr;6009337:
اسمحوا لي لكن في بعض الردود مبالغ فيها.. شنو يدخلون غرفه نومج .. ويفتحون كبتج؟!...


ليش الموضوع سايب؟.. عزيزاتي الذكا ان الوحده تعرف شلون تحط حدود للناس بدل ما تقعدون تلومونهم....


والي يمشي ورا كلام الناس يتعب!..

بعد الزواج الكل يدخل غرفه النوم يشوفها

الا اذا انتو طبعكم غير

واللي يدخل اذا كان محترم مايلمس شي
يبارك ويطلع

وقليل الادب مثل الفئه اللي احنا نتكلم عنها يفتح ويلمس ويشم ويعلق

والله صارت

مااحد يكذب
صارت قدامي

اذا انتي نجيتي من هالاشكال غيرك واصل حده

واذا مثل كلامك تبين تعاملينهم بادب
شلون تبين تردين عليهم ولا تزعلينهم
شلون احط لها حد اذا خلاص التفتي ولقيتيها تحوس باغراضك

تحرجينها
بيقولون ماتستحي وفيك وفيك

العبره من الموضوع انو ماتقدرين توقفينهم عند حدهم وانتي في نفس الوقت تبين تصيرين معهم مؤدبه ومحترمه

لازم تصيرين قليله ادب علشان توقفين هالاشكال عند حدها

والله لايقطك فيهم

انا مثلج لا اسال و لا احب انسئل

و هذيل الناس في نظري مثل ما هم في نظرج مزعجين ...لكن في ناس سبحان الله يحبون الاسئله هذي و يحبون ينسئلون و يسالون هذا نوع من التواصل و معرفت اخبار الاخرين و الاطمئنان عليهم في نظرهم

و المشكله الي يسال مب مثل الي ينسئل

مثال موضوع الحمل ...الكل على الاقل مره وحده يسال عن الحمل و يستغربون اذا عصبتي او انزعجتي و هم يشوفون نفسهم سئلوا سؤال واحد بس ...ما يستوعبون انج انتي يمر عليج اكثر من 10 اشخاص و الكل يسال نفس السؤال لين تطفرين .. و تكرهين الحمل و ساعه الحمل و التفكير في الحمل ..ما يحسون لانهم ما مرو بالضرف نفسه

و مثله موضوع تاخر زواج البنت و تاخر زواجها بعد خطبها او طولت الملجه و غيره و غيره

وعن نفسي اذا سالت اجاوب على قد السؤال و اطنش عشر اسئله

لين الناس تبدا تستوعب طبعك و تقل اسالتهم مع الزمن ...المهم ما تعبرينهم واااايد لان اذا خذتي و وياهم بالكلام بيسمحون لانفسهم يتدخلون بكل شي بكل شي

و الله يعنيا هذيل الحريم و هذا طبع الحريم و بنظل نشوف هذي الاشكال ما دام في الدنيا في حريم

الصراحه انا مع صاحبة الموضوع هي ما تقصد الناس القريبين منها هي تقصد الي علاقتها معاهم عاديه
وانا اول ما تزوجت حصلت وحده اعرفها علاقتي فيها عاديه وسالتني سؤال صدمني قالتلي مبروك ازوجتي اكيد الي خذج يا كبير فالسن يا مزوج وعنده عيال فما بغيت ارد عليها بالكلام خليتها تشوف صورة ريلي ونصدمت لانها حاسده
وهذا يدل ان في ناس غلسين وحاسدين وما يبولج الخير وهم الي تكون اسالتهم وايد وزايده عن الحد

صادقه والله وجيتي على الجرح
لقافة البنات ماتخلص
انا انخطبت وبدت الاسئله
والله يستر على الجاي
احس مااحب اقعد مع البنات والسبه اخاف يسئلوني اسئله تحرجني مااحب اتكلم عنها
عشان كذا اتجنب جمعات البنات من انخطبت
الله يعين

مرمر;6012702:
انا مثلج لا اسال و لا احب انسئل

و هذيل الناس في نظري مثل ما هم في نظرج مزعجين ...لكن في ناس سبحان الله يحبون الاسئله هذي و يحبون ينسئلون و يسالون هذا نوع من التواصل و معرفت اخبار الاخرين و الاطمئنان عليهم في نظرهم

و المشكله الي يسال مب مثل الي ينسئل

مثال موضوع الحمل ...الكل على الاقل مره وحده يسال عن الحمل و يستغربون اذا عصبتي او انزعجتي و هم يشوفون نفسهم سئلوا سؤال واحد بس ...ما يستوعبون انج انتي يمر عليج اكثر من 10 اشخاص و الكل يسال نفس السؤال لين تطفرين .. و تكرهين الحمل و ساعه الحمل و التفكير في الحمل ..ما يحسون لانهم ما مرو بالضرف نفسه

و مثله موضوع تاخر زواج البنت و تاخر زواجها بعد خطبها او طولت الملجه و غيره و غيره

وعن نفسي اذا سالت اجاوب على قد السؤال و اطنش عشر اسئله

لين الناس تبدا تستوعب طبعك و تقل اسالتهم مع الزمن ...المهم ما تعبرينهم واااايد لان اذا خذتي و وياهم بالكلام بيسمحون لانفسهم يتدخلون بكل شي بكل شي

و الله يعنيا هذيل الحريم و هذا طبع الحريم و بنظل نشوف هذي الاشكال ما دام في الدنيا في حريم

ياقلبي انتي

قلتي كلمه مهمه

انو اهم مايدرون فعلا انو انسالتي هالسؤال مليون مره
مرات يكون سؤال عادي بس تنفجرين

وعارفه حبيبتي

اللي يخليني انقهر
انو مهما قررت اطنشهم
واعتبر السؤال عادي
ولما يتكرر السؤال اقوم انا اشك بنفسي انو في شي وانا مو شايفته
اجل اهم ليش لفت انتباههم
اكيد فيه شي بالسالفه انا غافله عنه
علشان كذا مااحب احد يصحي اشيا نايمه
مثل الحمل
وتاخر الزواج
فيه بنات كثار شكوا بنفسهم من كثر مانسالوا

haduih;6013004:
الصراحه انا مع صاحبة الموضوع هي ما تقصد الناس القريبين منها هي تقصد الي علاقتها معاهم عاديه
وانا اول ما تزوجت حصلت وحده اعرفها علاقتي فيها عاديه وسالتني سؤال صدمني قالتلي مبروك ازوجتي اكيد الي خذج يا كبير فالسن يا مزوج وعنده عيال فما بغيت ارد عليها بالكلام خليتها تشوف صورة ريلي ونصدمت لانها حاسده
وهذا يدل ان في ناس غلسين وحاسدين وما يبولج الخير وهم الي تكون اسالتهم وايد وزايده عن الحد

هذي اللي سالتج بتموت من القهر

يكسرون خاطري الناس اللي مايخشون غيرتهم
مايتحملون من الغيره لدرجه يتكلمون عن اللي بخاطرهم ويفضحون نفسهم
احرجت روحها الذكيه

مثل العسل55;6013752:
صادقه والله وجيتي على الجرح
لقافة البنات ماتخلص
انا انخطبت وبدت الاسئله
والله يستر على الجاي
احس مااحب اقعد مع البنات والسبه اخاف يسئلوني اسئله تحرجني مااحب اتكلم عنها
عشان كذا اتجنب جمعات البنات من انخطبت
الله يعين

تحسين انو الكل حاسدك ويبي شي يصير لك

واالوحده مو لازم تصير قليله ادب.. عشان توقف الناس عند حدهم...
انتي من البدايه حطي حدود...

ويكون بعلمج.. انا حملت بعد سنه من زواجي.. ومحد قبلها كان يتدخل .. ويقول.. كانت تجي تعليقات من اهلي لكن كنت اقولهم انا بمزاجي مأخره.. (وهذا الصح).. ليش بيروحون ويفكرون.. هاي شعلتها ولا اكيد زوجها فيه شي..!.. ولا.. سقطت.. ومحد سوا شي.. ولا قال ليش وماليش.. بعد هاي شي الله كاتبه...والحمدالله الله عوضني عنه...


وبصراحه.. الناس الي انتي معاهم مافيهم حيا..شلون يفتحون اغراضج.. وينبشون فيها.. كلنا تزوجنا واكيد دخلو غرفتنا.. لكن الحمدالله محد تجرا يلمس شي...


وعادي.. شفتي وحده تجرات.. وافتحت كبتج.. بكل ادب.. وابتسامه حلوه قوليلها حتى لو بضحك.. انج شلون تكشخين عليهم واطلعين اللي عندج اذا هم جاو وتمو يشوفون الي عندج.. وبضحك.. كانها نكته.. وصكري باب الكبت!...ليش مكبرين السالفه...


وبصراحه... انتوا الظاهر هاي عوايدكم في البحرين.. (لان معظم المشاركات من البحرين)..احنا الحمدالله في ناس تتليقف شوي.. لكن ما قد حد مره علينا.. وقال اللي قلتوه!...وتجرا وسوا شي من اللي ذكرتوها..

وترى لما دخلت ارد على موضوعج ادري انج مرتبطه.. لكن اول سطر كان تعليق على كلام انتي كتبتيه...

وثالثا : سالفه الحمل اللي كتبتها اتمنى انها تصير لج علشان تعرفين شلون تذبح وتحرج

عزيزتي في اسلوب احلى من جذي... واذا كانت هذي طريقتج في الحوار بالعاده!... فما استبعد انج فهمتي كلامي انج لازم تكونين قليله ادب عشان توفقين الناس عند حدهم!!....

مسس انجر الشيخه كل ابلاد فيها الزين والشين ولا تقولين انه قطر مافيها لاقفه ؟؟؟؟

لا والله في ناس عندنا لاقفتها ماحصلت احنا مانقول عن الاهل الاقراب الاهل الابعاد عنا او ناس انعررفهم

معرفه سطحيه احنا لا مكبرين الموضوع ولاشي انتحدث عن عاده سيئه ذمها الرسول عليه الصلاه والسلام

ومحد في الدنيا يعيش حياه مثاليه !

اذا انتي محد اذاج الله يوفق لج يارب ويبعد عنج الملاقيف لكن في ناس صج تعاني من هاذا الشي يعني تعتقدين

انه كلنا نكبر السالفه وكلنا غلط

ملاحظه هاذا مجرد انتقاد لاتوقف عليه حياتنا ولا نبني على اساسه شي

سوري على الهذره بس لانج كاتبه انه كلهم من البحرين وانا قطريه وقلت نفس الكلام لووووووووووووول

عن أبي هريرة رضي الله عنه قال : قال رسول الله صلى الله عليه وسلم : ( من حسن إسلام المرء ترك ما لا يعنيه ) حديث حسن رواه الترمذي وغيره .


الشرح

أرشدنا النبي صلى الله عليه وسلم في هذا الحديث ، إلى الطريق الذي يبلغ به العبد كمال دينه ، وحسن إسلامه ، وصلاح عمله ، فبيّن أن مما يزيد إسلام المرء حسنا ، أن يدع ما لا يعنيه ولا يفيده في أمر دنياه وآخرته .

وفي قوله صلى الله عليه وسلم : ( من حسن إسلام المرء ، ترك ما لا يعنيه ) توجيه للأمة بالاشتغال بما ينفعها ، ويقرّبها من ربّها ، كما جاء في الحديث الذي رواه الإمام مسلم عن أبي هريرة رضي الله عنه أن النبي صلى الله عليه وسلم قال : ( احرص على ما ينفعك ) فأرشد صلى الله عليه وسلم إلى اغتنام الأوقات بالخيرات ، فإن الدنيا مزرعة للآخرة ، وعمر الدنيا قصير ، فهو كظل شجرة ، يوشك أن يذهب سريعا ، لذا فالإنسان العاقل الذي جعل الآخرة همّه ، والجنة مأربه ، يغتنم أوقاته كلها ، وقد أحسن الشاعر إذ قال :

اغتنم ركعتين في ظلمة الليــ ـل إذا كنت فارغا مستريحا
وإذا ما هممت بالخوض في البـا طـل فاجعل مكانه تسبيحا


إن اهتمام المرء وانشغاله بما يعنيه فيه فوائد عظيمة ، فالنفس إن لم تشغلها بالطاعة شغلتك بالمعصية ، فمن اشتغل بالناس نسي أمر نفسه ، وأوشك اشتغاله بالناس أن يوقعه في أعراضهم بالقيل والقال ، كما أن انشغال المرء بنفسه وبما يعينه فيه حفظ للوقت ، ومسارعة في الخير ، فضلا عما يورثه ذلك على مستوى المجتمع من حفظ الثروات ، وتنمية المكتسبات ، وإشاعة روح الجدية والعمل ، والإخاء والتعاون .
والتَرك المقصود في هذا الحديث يشمل أمورا كثيرة ، منها ترك فضول النظر ، لما في التطلع إلى متاع الدنيا من إفساد للقلب ، وإشغال للبال ، يقول الشيخ عبدالرحمن السعدي رحمه الله في تفسير قوله تعالى : { ولا تمدن عينيك إلى ما متعنا به أزواجا منهم زهرة الحياة الدنيا لنفتنهم فيه } ( طه : 131 ) : " أي: لا تمد عينيك معجبا، ولا تكرر النظر مستحسنا إلى أحوال الدنيا والممتعين بها، من المآكل والمشارب اللذيذة، والملابس الفاخرة، والبيوت المزخرفة، والنساء المجملة، فإن ذلك كله زهرة الحياة الدنيا، تبتهج بها نفوس المغترين، وتأخذ إعجابا بأبصار المعرضين، ويتمتع بها - بقطع النظر عن الآخرة - القوم الظالمون، ثم تذهب سريعا، وتمضي جميعا، وتقتل محبيها وعشاقها، فيندمون حيث لا تنفع الندامة " .

ومن الأمور التي يشملها الترك في الحديث : ترك فضول الكلام ، ولغو الحديث ؛ لأنه يتعلق بجارحة خطيرة ، ألا وهي جارحة اللسان ، يشهد لما قلناه ما جاء في الرواية الأخرى لهذا الحديث : ( إن من حسن إسلام المرء قلة الكلام فيما لا يعنيه ) رواه أحمد .


وقد امتدح الله عباده المؤمنين بقوله : { والذين هم عن اللغو معرضون } ( المؤمنون : 3 ) ، فمن صان لسانه عن فضول القول ، سَلِمَ من انزلاقه فيما لا يحبه الله ويرضاه ، وحمى منطقه من الغيبة والنميمة ، ولذلك حث الشرع في مواطن كثيرة على لزوم الصمت إلا بما فيه ذكر الله تعالى ، والأمر بالمعروف ، والنهي عن المنكر ، قال الله عزوجل : { لا خير في كثير من نجواهم إلا من أمر بصدقة أو معروف أو إصلاح بين الناس } ( النساء : 114 ) .


وينبغي أن يُعلم أن الضابط الصحيح لترك ما لا يعني هو الشرع ، لا مجرد الهوى والرأي ، لذلك جعله النبي صلى الله عليه وسلم أمارة على حسن إسلام المرء ، فإن البعض يدع أمورا قد دلّت عليها الشريعة ، بدعوى أنها تدخّل في شؤون الآخرين ، فيعرض عن إسداء النصيحة للآخرين ، ويترك ما أمره الله به من الأمر بالمعروف ، والنهي عن المنكر ، بحجة احترام الخصوصيات ، وكل هذا مجانبة للشرع ، وبعد عن هدى النبوة ؛ فإنه صلى الله عليه وسلم كان تاركا لما لا يعنيه ، ومع ذلك كان ناصحا مرشدا ، آمرا بالمعروف ، ناهيا عن المنكر ، عاملا بأمر الله في حلّه وترحاله .


وخلاصة القول : إن في الحديث إرشاداً لما فيه حفظ وقت الإنسان من الضياع ، ودينه من الصوارف التي تصرفه عن المسارعة في الخيرات ، والتزود من الصالحات ، مما يعين العبد على تزكية النفس ، وتربيتها على معاني الجد في العمل ، نسأل الله تعالى أن يعيننا على حسن استغلال الأوقات ، وأن يجنبنا فضول الملذات ، إنه جواد كريم .


منقول للافاءده

هذا كلللللله للتنافس من اكث وحده عندها اسرااااار خخخخ
استغفرالله
صحيح مو متزوجه بس اذا قعدتاسمع بعضهم الله يهيديهم وش عليكم من فلانه خلوها


واكثر نار جهنم من النسااااااء بسبب السنتهم
الله لايبلاني يارب ومن معي

miss_engr;6018550:
واالوحده مو لازم تصير قليله ادب.. عشان توقف الناس عند حدهم...
انتي من البدايه حطي حدود...

ويكون بعلمج.. انا حملت بعد سنه من زواجي.. ومحد قبلها كان يتدخل .. ويقول.. كانت تجي تعليقات من اهلي لكن كنت اقولهم انا بمزاجي مأخره.. (وهذا الصح).. ليش بيروحون ويفكرون.. هاي شعلتها ولا اكيد زوجها فيه شي..!.. ولا.. سقطت.. ومحد سوا شي.. ولا قال ليش وماليش.. بعد هاي شي الله كاتبه...والحمدالله الله عوضني عنه...


وبصراحه.. الناس الي انتي معاهم مافيهم حيا..شلون يفتحون اغراضج.. وينبشون فيها.. كلنا تزوجنا واكيد دخلو غرفتنا.. لكن الحمدالله محد تجرا يلمس شي...


وعادي.. شفتي وحده تجرات.. وافتحت كبتج.. بكل ادب.. وابتسامه حلوه قوليلها حتى لو بضحك.. انج شلون تكشخين عليهم واطلعين اللي عندج اذا هم جاو وتمو يشوفون الي عندج.. وبضحك.. كانها نكته.. وصكري باب الكبت!...ليش مكبرين السالفه...


وبصراحه... انتوا الظاهر هاي عوايدكم في البحرين.. (لان معظم المشاركات من البحرين)..احنا الحمدالله في ناس تتليقف شوي.. لكن ما قد حد مره علينا.. وقال اللي قلتوه!...وتجرا وسوا شي من اللي ذكرتوها..

انتي افترضي انو احنا نكذب ونبالغ

وانا من السعوديه

وفعلا الناس هنا ملاقيف

والقصد من القصه كلها

ان الوضع ينرفز ويوتر

والحمد لله انو ربي مابلاك بناس كذا

noare

ماقدر اعلق على رد مثل ردك
ماشاء الله
الله يوفقك

بنت الجزيره

يتنافسون على اسرار
ههههههههههههههه
احسهم يبون الشماته

السلام عليكم
حبيبتي في ناس تسال مو لقافه بس من باب الميانه والفرحه والمشاركه الوجدانيه مايدرون انك بتتضايقين
انا معك في اساله مالها داعي بس اقدر اعديها واقول ماعليش اتحملهم صدقيني حبيبتي ناس كثيره تحبك وتغليك وتفرح لك مو من باب حسد او غيره او لقافه
الدنيا يااختي هي كذا
اتمنى لاتزعلين من وجهة نظري بس هي وجهت نظر السوال في حدود المعقول مرغوب
تحياتي وربي يبارك لك
صرخة غلا

صرخة غلا;6019627:
السلام عليكم
حبيبتي في ناس تسال مو لقافه بس من باب الميانه والفرحه والمشاركه الوجدانيه مايدرون انك بتتضايقين
انا معك في اساله مالها داعي بس اقدر اعديها واقول ماعليش اتحملهم صدقيني حبيبتي ناس كثيره تحبك وتغليك وتفرح لك مو من باب حسد او غيره او لقافه
الدنيا يااختي هي كذا
اتمنى لاتزعلين من وجهة نظري بس هي وجهت نظر السوال في حدود المعقول مرغوب
تحياتي وربي يبارك لك
صرخة غلا

ردك حلو وصحيح بعد
الله يوفقك

اااااااااااااااااااااه يا اختي

الكلام بهالامر يطووووووووووول

انا لما تخرجت من ثانوي

قاموا يتصلون فيني بنات واول سؤال طبعا شخبارج انخطبتي؟؟؟؟؟؟؟؟؟؟؟؟؟؟؟؟؟

افففففففففففففف بس الحمدلله بعد كم شهر انتقلنا بيت جديد وتغير رقم البيت وما عطيتها اياه وافتكيت

بس الناس ما تخلي احد

لابد من هالاسئلة المعتادة

انخطبتي
تزوجتي
حملتي
ولدتي
عندج بنت
عندج ولد
وووووووووووووووووووووووووووووو

الناس فضوووووووووووووووووولها قاااااااااااااااااااااااتل

والي يسمع كلام الناس ويتابعهم يموووووووووووووت هممممممممم

احسن شي التطنيييييييييش لانه هو الحل

وما ارد عليهم خصوصا ثقال الدم الي يلحوا وما يحترموا نفسهم بالاسئلة التافهه

ولك كل التحيات والامنيات

نسالكم الدعاء لي بالزوج الصالح والتوووووووووووفيق خخخخخخخخخخخخخ

حبيبتي الحياه الورديه

الله يعين بس

انا مرت علي وحده مثل صديقتك هذي

بس كانت حاطه دوبها دوب وحده من البنات معنا بقصد انها تغثها

كل مره تشوفها تقولها
ما اعرستي

يالله روحي عرسي
والا اقولك مابي اشوفك لين تعرسين
وتضحك بصوت عالي وتمشي

وكل مره ندق عليها تسال عن فلانه بالذات وتقول مااعرست
ليش متى بتعرس

الصراحه الموضوع شيق ويستاهل التصفيق
والقافه فكل مكان لا تقولون دوله فيها ودوله ما فيها كل شي موجود الزين والشين
والسموحه

اللقافه صايره فن