التوظيف في وزارة التربية (بنات البحرين)

اهلين+ ---

انا نادونني للامتحان نهاية 2 او شهر 3 .......تصدقين ما اذكر!

المهم...بعد الامتحان مباشرة قالو لنا مقابلة ..........

وسويناها .........وللحين لا حس ولا خبر.......ز

بس في بنات وياي اتصلو اليهم حق توظيف وبنات اتصلو اليهم وبلغوهم انهم راسبين واذا يبغون يسوون تظلم...

وبنات مثل حلاتي لا حس ولا خبر.....

واختك مثلك انا بعد من تخرجت اكثر من 3 سنوات.......

شنسوي الشكوى لله

أني سمعت من بعض الزميلات ، إن الوزارة وظفت عدد من البنات و ذلك قبل ما نقدم الامتحان الأخير :confused: ، ماأدري ليش نعيد الإمتحان كل سنة و حنا قادين بالبيت

في الإمتحان الأخير اللي قدمناه و خصوصاً العملي مو الكل نادوهم ، كانوا منادين على عدد أقل و على طول يوم ثاني كانت المقابلة . بس ما أدري(y) يمكن يوظفونا على هالحسبة :tongue:

انشاالله يا رب (y)

دعواتكم ....... ملينا من الإنتظار

بالتوفيق للجميع (y)

السلام عليكم


معااكم وعلى نفس الحال ،، شلوون اسمع انه في ناس نادوهم حق التوظيف ؟؟؟؟ العاام حطوا لسته الاسامي بالصيف بشهر 8 ،،، وحتى من ضمن الاعلانات انه تم توظيف 400 من العاطلين الجامعيين واول وزاره حاطينها وزارة التربيه !!!


شلووون ومتى واحنا الحين صارلنا شهر من خلصنا امتحاناتنا والمقابله معااهم ،، يعني لي متى بنقعد ؟؟؟؟



بس بنات بسألكم (( وحده كله اخر خبر ))) ووين اقدر اتأكد من اللسته مال العاطلين الجامعيين ،، لازم اروح وزاره العمل ولا اقدر استفسر في مكاان ثاني ؟؟؟ بلييييييييييييييييز خبرووني

حبيبتي ماركة بحرينية أهلين

لما كنت في المقابلة زوجي سأل واحد من اللي كانوا يصوتون على الأسامي متى راح يتم التوظيف ، قال حق السنة الجديدة (الفصل الدراسي القادم ).

بس لما سمعت انه في ناس وظفوهم :eek: اتصالنا للوزارة يمكن صار لينا نص ساعة من رقم لرقم يصيح التلفون ويموت لين يسكت بروحه ، و يالله في الأخير تفضل واحد و تكرم و رد علينا و قال للحين ما جاتهم القوائم ، إذا أقروها راح يتصلون و الله أعلم .

و بالنسبة لقوائم العاطلين ، ما أدري شكلها تبع وزارة العمل ، لأن لما نادونا وزارة التجارة لمقابلة قالوا القوائم جاية من عند وزارة العمل........ و الله أعلم

أنتي اتصلي فيهم و تأكدي .. بالتوفيق

هلا أختي نسيم

رحت اليووم وزاره العمل ،، كلش مافيها احد اكثريها في معرض المهن الي في مدرسه الدراز !!! وكل وحده تقطني على الثانيه ،، المهم في الاخير وحده تقوولي دام انهم ينادونج حق مقابلات توظيف يعني انتي موجوده في لسته العاطلين

انزين عيل شسالفه الاعانه ؟؟؟ شلون توصل ؟؟ انا كللللللللللش ماكنت اروح حق المركز من عقب ماطنشونا وزاره التربيه العام ،، واليووم رحت ،، تقولي لازم تقدمين طلب جديد ولا اتيين اليوم لانه مافي احد يتابعج ، تعالي الاسبوع اليااي !!!!!!!!! من صجهم طلب يديد ،، يعني اطلع جني توني متعطله مو من اكثر من سنتين الحين ،، شهالساالفه معااهم ذيلين !!!


بالنسبه حق وزاره التجارة ،، اول ماتصلوا فيني استانست لاني كنت مقدمه بنفسي عندهم ،، يووم رحت الا اجووف الويووه معرووفة ،، كلهم الي قدموا في التربيه جفتهم هناك ،، وتصير عفيسه المقابلات خخخخخخخ

بس جفت الاوراق اللي كانت في يدهم لما نسجل الاسامي مكتوب علينا ((( ضمن المسجلين في المشروع وممن يطلب العمل في القطاع الحكومي فقط ))


يالله ان شاء الله نسمع اخبار حلووة جريب ،، تعبنا واحنا ننطرها منهم وموفقين ان شاء الله أجمعين

مراحب بنات

سؤال

لمتى اخر يوم التقديم حق وزارة التربية والتعليم
بالنسبة لتخصصات العلوم الانسانية؟

تفضلي اختي هذي اعلان وزاره التربيه الجديد

:mad::mad::mad:خبر طازج و ساخن جداً ............ :mad::mad::mad:

سمعت انه في ناس راح يتوظفون في هاي الكورس و اسمائهم انوضعت و راح يتصلون فيهم عن قريب و اللي عرفته انه في تخصص ( التربية الرياضية ، تكنولوجيا التعليم ) و عن باقي التخصصات ما عندي خبر

توظيف من تحت لي تحت :confused::confused: يعني محد يعرفهم ،ما أدري ليش ما يعلنون اسمائهم مثل غيرهم ؟؟؟؟؟؟؟؟ م شالكثرهم اللي يوظفونهم من غير ما ندري ....و الله حرام

و احنا لينا رب اسمه كريم

أهلين أختي ماركة بحرينية ...... و السموحة ، ما قدرت أرد عليج لأن الجهاز كان عطلان

و بالنسبة لوزارة العمل ، أنا كنت مسجلة عندهم من لما بدوا المشروع ( يعني من البداية )، و ما سجلت لمشروع التأمين ضد التعطل إلا من شهر 1 اللي طاف تقريباً ،لأنه صادتني ظروف و ما قدرت أسجل من أول الشيء .

بس إذا مثل ما تقولين إن وزارة التجارة صوتوا عليج من قبل المشروع ، يعني اسمج موجود ضمن قوائم العاطلين بس يمكن مو موجود ضمن القوائم التي تستلم الإعانة . أني بعد شفت هالعبارة لما كنت في المقابلة تبع وزارة التجارة ((( ضمن المسجلين في المشروع وممن يطلب العمل في القطاع الحكومي فقط )) .

على فكرة لما رحت أسجل لمشروع التأمين ضد التعطل طلبوا مني تجديد بيانات ، و عطوني موعد حق محاضرة اللي كانت تتكلم عن (كيفية إعداد cv و المقابلة ) و مدتها لا تتجاوز الساعة . أنتي روحي سجلي ترى من حقج تحصلين هالإعانة ، و إذا كنتين من المحرق فالمكتب في عراد .

بس أنتي تأكدي منهم ، ترى كل شيء جايز عندهم ، يمكن الوحدة مسجلة و يقولون لا مو مسجلة ، الحمدلله و الشكر .


و بالتوفيق للجميع

هلا أختي نسيم

مشكوورة على الرد اختي ،، انا رحت حق مركز العاطلين في عراد ،، كان يووم الخميس واجوف ناس شكثر ، عبالي كلهم ينطرون المسولين اشوه الي ماطلعت (( كلش ماتحب تنتظر)) بس الا تراهم ينتظرون باص بينقلهم لي معرض الوظائف اللي صاير في الدراز:| صج يصعبون الامور على الناس

المهم قلتلها انا من سنه ماراجعتكم لانه اخر شي رحت لهم عطووني وظيفه كلش مو من مستوانا وعقب قالوا لي بس نطري التربيه ،، خلصنا من التربيه ولا في منهم فايده ،، وعقب قلت خل اعتمد على نفسي هذلين مافيهم فاايده ولا عايده

بس حضرتها الحين عطتني فوورمه ،، تقولي لازم تقدمين طلب جديد عشان تكونين عاطله :| الاحد ان شاء الله برووح لهم ، لكن اذا حضرتها بتسجلني اني عاطله يديده جني تووني متعطله ، بقولها مابي شي من عندكم والله يوفقني بدونكم ،، الا اذا بيصير اكمال بيانات او تجديد حق ملفي هذي يمكن اقبلها



وعن سالفه التوظيف ،، هذاني متوترة ،، يوم الثلاثا اتصلوا في بنت من التكنولجيا وقالوا لها تعالي خلصي اجراءات التوظيف ،، والخميس بعد عرفت عن بنيه من التربيه الخاصة


تعبنا واحنا نركض وراهم ولا في منهم فايده ،، يله ان شاء الله ربي يتمم لنا على خير ونفتك عقب هالتعب

ماركة بحرينية ............نسيم فاطمة...

اخر خبر سمعته من وحدة رسبت في الامتحان وخلوها تعيده........قالو ليهم انه الي نجح في الامتحان الي فات والي رسب وبعد عاده ..........الكل راح يعيد الامتحان شهر 6 القادم من جد وجديد و مالمقابلة بعد.........

تصورو؟؟!!!!!

مو كأن مصخوها.......يعني استعدو من الحين وادرسو........الله عليهم

ماركة



هذي الفورمة لتحديثالبيانات مب للتسجيل يديد




وكل شي بالكمبيوتر بملفج ما يتغير ابدا


يعني فقط تحديث بيانات



والله يوفقج

زهرة ايامي;6046016:
ماركة بحرينية ............نسيم فاطمة...

اخر خبر سمعته من وحدة رسبت في الامتحان وخلوها تعيده........قالو ليهم انه الي نجح في الامتحان الي فات والي رسب وبعد عاده ..........الكل راح يعيد الامتحان شهر 6 القادم من جد وجديد و مالمقابلة بعد.........

تصورو؟؟!!!!!

مو كأن مصخوها.......يعني استعدو من الحين وادرسو........الله عليهم

لا اختي ماظن انه في اعاده حق الامتحان حق الي قدموا شهر 2 اوراقهم ووخلصوا امتحاناتهم والمقابله في 17-4 ( اتكلم عن تخصص تكنولوجيا)) لانه مسوين لهم استثناء في الاعلان الجديد انه مايروحون يقدمون اوراقهم

شهد العسولة;6046159:
ماركة



هذي الفورمة لتحديثالبيانات مب للتسجيل يديد




وكل شي بالكمبيوتر بملفج ما يتغير ابدا


يعني فقط تحديث بيانات



والله يوفقج

تسلمين شهووده ماقصرتي ،، والله لج وحشه يابنيه انتي ، والله يسهل لج أموورج وأحنا وياج جميعا ان شاء الله

وسمحيلي على القصوور معااج :)

ماركة بحرينة

هذا الي سمعته من البنية بعد ما راحت وراجعتهم....

وبالنسبة لتخصص التكنولوجيا ما عندي علم

زهرة ايامي;6046016:
ماركة بحرينية ............نسيم فاطمة...

اخر خبر سمعته من وحدة رسبت في الامتحان وخلوها تعيده........قالو ليهم انه الي نجح في الامتحان الي فات والي رسب وبعد عاده ..........الكل راح يعيد الامتحان شهر 6 القادم من جد وجديد و مالمقابلة بعد.........

تصورو؟؟!!!!!

مو كأن مصخوها.......يعني استعدو من الحين وادرسو........الله عليهم

مو كفاية الإعادة السنوية ، اللي تخلي الواحد عايش في توتر و قلق و نفسية تعبانة ، شكلهم ناوين علينا هالمرة :mad::mad:، و لو زين يوظفونه ، خب التوظيف من تحت لا تحت بمساعدة فيتامين "و" :D

هم خلهم يعلنون النتايج بأول مو عدل (y)

أووووووووووووووف انه الامتحان يرفع الضغط واييب الاعصااب والتوتر وكلشي

وفوق كل هذي نعيده هذاحنا كل سنه ، وكل سنه عن الي قبلها يصعبونه ويخلونه شي تعجيزي ، يعني حتى الي يتخرجون بالخطط اليديده ، مايفهمون شي ،، جنه امتحان على شي دراسه ذاتيه

خلاص الحين مافي شغل الا بواسطه ،، لكن ماقوول غير وااسطتي رب العالمين واهو الكريم الي بيرزقني الافضل لي ان شاء الله ولنا أجمعين :)

ماركة بحرينية;6042874:


وعن سالفه التوظيف ،، هذاني متوترة ،، يوم الثلاثا اتصلوا في بنت من التكنولجيا وقالوا لها تعالي خلصي اجراءات التوظيف ،، والخميس بعد عرفت عن بنيه من التربيه الخاصة


تعبنا واحنا نركض وراهم ولا في منهم فايده ،، يله ان شاء الله ربي يتمم لنا على خير ونفتك عقب هالتعب

بالنسبة للتوظيف ( تخصص تكنولوجيا 8 بنات ، التربية الرياضية 5 بنات)

بس اللي أبي أعرفه ليش ما يعلنون اسامي هالبنات و يخلونا نشوف النتايج ، الوزارة على طول تقول أنها تعمل بمبدأ الشفافية في التوظيف :tongue: . وييييييييين الشفافية اللي يتكلمون عنها ؟؟؟!!! كلام فاضي نقراه في الجرايد . و كل ما سألناهم عن نتايج الامتحان قالوا ناجحين ، يعني الكل ناجح ، و لا عمرنا شفنا درجاتنا ، يقولون بعد اللي يتم توظفيهم هم اللي جابوا أعلى الدرجات ، أنزين شنو الدليل و الضمان ؟؟؟ مو الكل ناجح !!!!!!

و أنا يوم الخميس يمكن ضليت ساعتين و أنا أدق عليهم،و يالله ردت علي وحده و قالت مو من صوبنا و حولتني على واحد ثاني ..... و تصدقون طول الساعتين الخط مشغول و إذا صار فاضي محد يرد :( يعني لا خذت منهم لا حق و لا باطل

بس قهر عقب سنين كفاح و مشقة نقعد في البيت و ما أدري متى بنتوظف يمكن عقب ما نطلع تقاعد :D:D

في نهاية الهذرة الطويلة أقول الحمدلله على كل شيء و الله يتمم لنا على خير


بالتوفيق للجميع و انشالله نسمع الأخبار اللي تفرح و تسعد القلب (y)(y)

نسيم فاطمة;6052792:


بس قهر عقب سنين كفاح و مشقة نقعد في البيت و ما أدري متى بنتوظف يمكن عقب ما نطلع تقاعد :D:D

في نهاية الهذرة الطويلة أقول الحمدلله على كل شيء و الله يتمم لنا على خير


بالتوفيق للجميع و انشالله نسمع الأخبار اللي تفرح و تسعد القلب (y)(y)

الله يعين...

يا فتاح يا يا عليم يا رزاق يا كريم:)