التوظيف في وزارة التربية (بنات البحرين)

هلا و الله ..

رحت اليوم قسم المراجعين وسألتهم طبعا كل ماعندنا خبر و اذا وصلنا شي بنتصل لكم ..


قمت من عنده و القهر اني اتكلم وياه و هو ينادي رقم 85 لانه تقديم طلبات .. قهررررني ..


طلعت و رحت لصالح اللي يتصل للي بيتوظفون .. و سألته عن التوظيف ..


قالي اي صح في ناس اخدناهم بس للحين ما كملو اجراءاتهم بس المفروض من شهر 6 يداومون ..


و طبعا اني مو منهم قالي اسمج مو موجود .. و صالح قالي احنا ماعندنا خبر احنا بس نتصل اذا وصلتنا القوائم روحي قسم المراجعين عندهم القوائم ..


رديت رجعت للاستاد اللي في قسم المراجعين و يوم قلت له رحت لصالح و قالي جدي و جدي .. الا يقولي ليش تروحين له و مادري شنو .. <<< حسيته عصب و انقهر ..


قلت له انتو ما ينأخد منكم لا حق و لا باطل .. و مني كلمه و منه كلمه ..


قلت له على الاقل قولي اني ناجحه و الا لا ..


قالي بتصل لمادري من في الوزاره و عطاهم رقمي الشخصي و قالي اني ناجحه ..

و بس ..


و على فكره قبل يقولي مادري و ماعندي القوائم و احنا مضغوطين بتجديد الطلبات .. لكن ما هديته .. بعدين هو قالي انزين بجوف اذا شاله فلان نسيت اسمه و شنو وظيفته هو قالي بس نسيت .. بخليه يطلع لج النتيجه ..


ترى قالي في قوائم بتنزل على شهر 8 اكثر الظن اذا مو نهايه 7 .. عشان 1/9 يداومون ..


أدعوا ان نكون منهم ...


الله يوفق الجميع ..

شووووووووق البحرين ...

مادري متى بيي دور 2004 و 2005
بعد 10 سنين اتوقع

اي والله صادقة

Sm!LeY;6147558:
هلا و الله ..

قالي اي صح في ناس اخدناهم بس للحين ما كملو اجراءاتهم بس المفروض من شهر 6 يداومون ..


معقوووووولة ما داومو للحين





ترى قالي في قوائم بتنزل على شهر 8 اكثر الظن اذا مو نهايه 7 .. عشان 1/9 يداومون ..


أدعوا ان نكون منهم ...


الله يوفق الجميع ..

جان نزلوهم من الحين عشان نعرف راسنا من كرياسنا

سميلي ........مشكككككككوووووووووووورة على سرد تفاصيل قسم المراجعين

مراحب يا عرايس ... و مكشورين على المعلومات المفيدة و على التجاوب

و أنا اليوم اتصلت على الوزارة يمكن صار لي ساعة و لا أحد رد على التلفون ... كل ما اتصل على قسم المراجعين يصيح و يموت من الصياح :confused: لين ينقطع و ما أحد يرد و لا و على طول أرد اضرب الرقم و يطلع مشغول و أرد مرة ثانية و ثالثة و مية و ما في فايدة ، و قلت يا أني ياهم ... لكن سحبي الله ما يكلفون روحهم و يرفعون السماعة ... ما أردي ليش يوظفونهم يقعدون في البيت أحسن و معاشاتهم توصلهم ( لا و اسمه قسم مراجعين ....... صج مراجعين بدون موظفين:tongue: )

تصدقون حتى البدالة ما يشيلون التلفون ... بعدين اتصلت على رقم كانوا عاطينه لزوجي لما راح يسألهم على النتيجة ، و رد علي واحد و سألته عن القائمة الجديدة متى بتنزل قال ما عندي خبر لين جابوها راح نتصل فيكم ... ما أدري متى ؟؟؟؟؟؟؟؟؟:confused::confused:

و الله دوخونا وياهم .... لين سألناهم عن النتيجة يقولون ناجحين و على قائمة الانتظار ... شنو استفدنا عجل مو طول هالسنين كل على قائمة الانتظار اللي ما أدري متى بتتفعل هالقائمة

الله كريم ........

رحت امس اقدم في التربيه وانتظر الامتحان
وتعبت من كثر الامتحانات:( ان شاءالله تكون اخر مرة

انه متخرجه سنه 2006

"معقوووووولة ما داومو للحين"

حبيباتي حتى لو باقي على الإجازة لو يوم واحد بس و تبتدي و هم يبون يوظفون أحد ما أعتقد فيه شي يمنعنهم ....... بس احنا نظل سنين متعطلين و لا يفتكرون

أبغي أطلب منكم يا عرايس طلب .......

اللي تعرف أحد يشتغل في جريدة"صحيفة " أو مجلة لو زين تخليه يكتب عن " المعيار اللي تستخدمه الوزراة في التوظيف ، و على أي اساس يتم التوظيف ، الوزارة تقول على أساس الكفاءة ، يعني اللي يجيب أعلى الدرجات في الامتحان ، أنزين احنا ما نعرف درجاتنا و لا درجات اللي يوظفونهم شنو الضمان و الدليل و كل شيء عندهم سري للغاية ، بس شاطرين يقولون ناحجة أو راسبة ،و أعادة الامتحان اللي يبط الجبد "

" يعني نطالب بالشفافية في التوظيف و إعلان النتايج "

" لازم ياخدون بعد نسبة من سنة التخرج و معدل التخرج و يضيفونهم لمعدل الكفاءة ، مع العلم إن الامتحان ما يكفي ليكون مقياس الكفاءة لوحده "

و على فكرة لوزين كل وحدة منا تقدر توصل الرسالة للنائب البرلماني اللي يمثل دائرتها ، فمن المهم أن تصل رسالتنا إلى الجهات العليا .

و على قولتهم إذا ما في تلاعب في التوظيف ، ينشرون نتايج رسمية و يخلون كل شيء على المكشوف "هذا الميدان يا حميدان "

ما أدري شنو رايكم بالهكلام ...

أنا معاش نسيم فاطمه .. المفروض نجوف النتائج ..

اذا على قولتهم على الأكفأ و الأجدر ..

اني يوم رحت أسألهم عن التوظيف .. سألتهم من اللي توظفوا الحين قالي ماعندي اسماءهم ..

الجذب بعينه و علمه شلون ما عندك و انت اللي تتصل ليهم ..

زين سويتي صحووبه وان شاء الله ربي يجدم لج اللي فيه الخير ،، بس بعد ارجع اقوولج قدمي في مشروع التوظيف لاتتكيسلين على نفسج


سمايلي شلوون في ناس من التوظيف يعني بيداومون شهر 6؟؟؟بس اذا لحين ماخلصوا اجراءاتهم شلون يداومون؟؟؟

أصلا شلوون يداومون ايام امتحانات معقوولة يعني؟؟؟

بس تبوون الصراحه ،، هذي وزاره التربيه ولا يتغير عليها شي ،، يعني كلشي عاادي على الشي الي يبونه يصير غصبا عن الكل خخخخخخخخخخخ


بناات اقوولكم احسنلكم ، شيلوا من بالكم فكره وزاره التربيه ودوروا رزقكم في اي مكان ثاني والله الموفق

السلام عليكم جميعا أخواتي العرايس العاطلين ....
والله الحال من بعضه :confused: ندرس ونتعب روحنا في الدراسة وآخر شي الي يتوظفون هم أصحاب الألقاب عادة ... أنا خريجة تربية رياضية سنة 2006 والحين ثاني مرة أقدم إمتحان وأدري أن في ناس يمكن خمس مرات قدموا .... بس الى متى نشوف ناس تتوظف ما تستاهل ؟؟شنو المعيار في التوظيف ؟؟ والله استانست شوي على قولتهم اشتكيت حالي لأحد وآسفة على الإطالة

مرحبا فيج أختنا "عاشقة الهواند" ... صج الوحده منا محتاجة تفضفض و الا اسم الله علينا راح نموت من القهر :confused::confused::mad:

وأني بعد قدمت الامتحان مرتين ، ومن المفروض يكونون 3 مرات ، بس المرة الأولى كنت مسافرة و ما كانوا مخبرينا من قبل ، و اتصلوا لي يوم الخميس تصوروا، و كنا تونا مسافرين حتى ما كملنا أسبوع و احنا كنا ناويين نقعد أكثر من شهر ...و ما حصلت حجز عشان أرجع ، و كل اللي كانوا ويانا في السفر ما رضوا اقطع السفره و قالوا انشاءالله عن صلاح ..... ولما رجعت ما رضوا يعيدونه و صادني إحباط و كل أصيح لأنه راحت علي فرصة ....... و في النهاية أقول الحمدلله ما حصلت حجز و خربت السفرة ,, اللي امتحنوا قبلي خبركم للحين قاعدين في البيت ،و لا كل سنة تعالوا عيدوا الامتحان

ماركة بحرينية;6155195:




بس تبوون الصراحه ،، هذي وزاره التربيه ولا يتغير عليها شي ،، يعني كلشي عاادي على الشي الي يبونه يصير غصبا عن الكل خخخخخخخخخخخ

صااااااااااااااادقة هذي اكثر جملة مفيدة سمعتها

هلا بيش عاشقة الهوندا.........وعقبال ما نصير قائمة الموظفات

نسيم فاطمة;6155876:
مرحبا فيج أختنا "عاشقة الهواند" ... صج الوحده منا محتاجة تفضفض و الا اسم الله علينا راح نموت من القهر :confused::confused::mad:

وأني بعد قدمت الامتحان مرتين ، ومن المفروض يكونون 3 مرات ، بس المرة الأولى كنت مسافرة و ما كانوا مخبرينا من قبل ، و اتصلوا لي يوم الخميس تصوروا، و كنا تونا مسافرين حتى ما كملنا أسبوع و احنا كنا ناويين نقعد أكثر من شهر ...و ما حصلت حجز عشان أرجع ، و كل اللي كانوا ويانا في السفر ما رضوا اقطع السفره و قالوا انشاءالله عن صلاح ..... ولما رجعت ما رضوا يعيدونه و صادني إحباط و كل أصيح لأنه راحت علي فرصة ....... و في النهاية أقول الحمدلله ما حصلت حجز و خربت السفرة ,, اللي امتحنوا قبلي خبركم للحين قاعدين في البيت ،و لا كل سنة تعالوا عيدوا الامتحان

الحمد لله على كل حال.......

والله يسوي الي فيه الصلاح دائما......

تصدقين اني اليوم بعد اتصلت الوزارة .......وابد جان الحيطان ترد هم بيردوووووووووووون...

حسبنا الله ونعم الوكيل....

واما على الرزق ادوره في مكان ثاني تخصصي ما ينفع اليه الا التدريس في البحرين.......

الا على طاري التخصصات يالله كل وحده تكتب تخصصها.....

.

اني تخصصي تربية لغة انجليزية ،، وتعبت من الناس اللي تقول ليي تخصصش مطلوب ، لأن مطلوب بس عليي يصير عندهم اكتفاء .. كل البنات اللي اعرفهم توظفوا ما باقي إلا 10 طالبات تقريباً من اللي متخرجين قبل 2/2008 ، ومو كلهم تخصصهم تربية ، بعضهم آداب وتخصصهم ترجمة وتكنولوجيا وو ( 10 أو 8 طالبات)..

متى بيجي دورنا .. الله أعلم

والمشكلة ان امتحانا هو IELTS

في دورات تقدمها بعض المعاهد مثل البرتش كونسل ، لكن مرة وحدة في السنة ، ما نقدر في أي وقت نقدم :S


نفسيتي تعبانة كلش من هالامتحان ، ما عندنا وقت نجمع أفكارنا ، وكل مرة يسوون لينا فنتك في الامتحان ..

مرة وحدة خلصت الامتحان من وقت ،وعلشانها قطعوا افكارنا وشغلوا الاستماع وبعدين قالو باقي اشوي عن وقت الامتحان ، وهو من المفترض أن اذا خلص وقت الامتحان بعدين يفتحون الاستماع !!!

أول مرة اقدم امتحان كانت جدتي متوفية ، المرة الثانية عطونا الامتحان ويا الإجابة فأجلوا لينا لمرة ثانية
المرة الثالثة كانت جدتي الثانية متوفية
المرة الرابعة احسن مرة سويت فيها + مقابلة نفس اليوم واني ماعندي خبر (( لكن ما اعتمدوا النتايج مثل ما يقولون مع اني متاكدة ان بيوظفون بنات من هذا الامتحان ))
المرة الخامسة على قولتهم قائمة العاطلين من العمل ومن القائمة اللي عندهم .. خبرونا يوم ويوم ثاني الامتحان وعقب أقل من شهر من الامتحان 4 !!!

المرة السادسة ..... >> هذا اذا في سادسة ، مع اني ماعندي نية اروح كلش للامتحان من الحين !!



يقولون لينا لازم كل يوم تراجعينهم وتعورين راسهم بعدين بيوظفونش علشان يفتكون من حنتش كل يوم .. من يقدر يضرب مشوار للتربية في هالحر كل يوم ويتصل فيهم وهم ما يشيلون التلفون بعد الساعة 8:30 !!!

شكلي هدرت واجد ..


نسأل الله سبحانه وتعالى أن يفرج عنا وعن الجميع ويوفقنا لما يحب ويرضى ونسمع عن الجميع الأخبار المفرحة

هلا بيش عاشقة الهوندا.........وعقبال ما نصير قائمة الموظفات

ان شاء الله .. من بُأك لباب السما

شكلي هدرت واجد ..

لا أفا خيو .. اخذي راحتش .. الحال من بعضه ..

تكلمي عشان ترتاحين ..

نسأل الله سبحانه وتعالى أن يفرج عنا وعن الجميع ويوفقنا لما يحب ويرضى ونسمع عن الجميع الأخبار المفرحة

يارب يوفقكم و يوفق جميع المؤمنين و المؤمنات ..


ان شاء الله ما تفتح المدارس الا احنا فاتحين موضوع نبارك لبعض .. أبشركم و تبشروني ..

زهرة ايامي;6151455:
سميلي ........مشكككككككوووووووووووورة على سرد تفاصيل قسم المراجعين

العفو حبيبتي .. عقبال ما نسرد احداث اجراءات توظيفنا ..:21_209:

ماركووووووو قدمت في امشروع في نفس اليوم وقالولي تعالي لمحاضرة وامتحان

يصير ماروح ولا لازم

الأنوار;6157076:
.

اني تخصصي تربية لغة انجليزية ،، وتعبت من الناس اللي تقول ليي تخصصش مطلوب ، لأن المرة السادسة ..... >> هذا اذا في سادسة ، مع اني ماعندي نية اروح كلش للامتحان من الحين !!



يقولون لينا لازم كل يوم تراجعينهم وتعورين راسهم بعدين بيوظفونش علشان يفتكون من حنتش كل يوم .. من يقدر يضرب مشوار للتربية في هالحر كل يوم ويتصل فيهم وهم ما يشيلون التلفون بعد الساعة 8:30 !!!

شكلي هدرت واجد ..


نسأل الله سبحانه وتعالى أن يفرج عنا وعن الجميع ويوفقنا لما يحب ويرضى ونسمع عن الجميع الأخبار المفرحة

باظبط مثل الي يقولونه الي راجعيهم ومليليهم...كأن الشغلة الي يمللهم يوظفونه...

لأن الي بره الموضع ما يدرون مساكين انه هالوزارة ما يعطوووووووووووووووووون وجه ابدا ويرمونا من واحد للثاني.......