تجمع حوامل الشهور الوسطى 7-8

كنانة;6481069:
مراحب حوامل

عيووون وركااااااايز ورونااااااااا والماسة ونوووسة وشمعة المحبة وعروس الغبيراء
و روززز وردية نعامة والحب الكبير و دقات قلبي وام سويرة وحرف عنيد و المولعانية حبيبه زوجها
بارك هايين

وان شاءالله ما اكون نسيت احد
حبيت اطمنكم اني صرت احسن من قبل
وشكرا على كل من سال عني
وطلع الم ظهري لاني يومين ما شربت حليب
ولانه بالاصل الكالسيوم نازل
فالم الظهر والرجل كان من قلة الحليب

fatma;6480948:
اليوم كنت عند الدكتوره وقالت لي المشيمه الاغلب منها خلاص متكلس ولازم اولد على الاقل اول يوم من التاسع
واذا ماجتني بوادر ولاده بتسوويلي طلق صناعي
الله يهوون عليه يارب
:(

شمعة محبة;6482145:

أحس بويع في منطقة المثانه ... يااااااارب يكون خير ..
المهم بخليكم ريلي وصل الحمدلله ... بروح أحط راسي وأنام ما أشوف الدرب جدامي ..

حرف_عنيد;6482459:
صبحكم الله بالخير والنور والسرور خواتي الغاليات اشحالكم

اختكم حرف عنيد اليوم هلكانه مب راقدة متاخرة في الارقاد ونشيت على خمس صليت والحين منتهيه تعبانه

صار لي يومين احس بدوخة ونفضه بجسمي بس مب طول الوقت لا اوقات افكر اليوم اروح للدكتورة اطمن اشوف شو السالفة واشوف بنوتي الغالية فديتها

عيوون محمد;6482515:
هلا بحرروفه صباح النور
انا بخير انتي شحالج والله يعين النووم قال بكثره لا على الجنب اليمين ترتاحىى ولا اليسار والبطن ممنوع النوم عليه وظهرك خطر تنامى عليه يلا عسى بس تعدي الايام على خير ياارب ومبرووك لدخولك السابع عقبال ما ابارك لج بولادتج
عاد انا يوم الاحد ادش الثامن الله يسهل ياارب

انا امس جايه من المدينه وتعبااانه وربي تعبت لي ابعد حد اتوقعت امس وربي اتنوم با المستشفى بس ما رحت للامانه
ونمت وصحيت وشوي احسن الحين والمشكله ام زوجي عندي وللان ما صحيت ولازم لو صحيت اقوم اسوي لها فطور وبعد شوي جااي ابو زوجي ( عمي) ولازم فطور عاد لهم احس لو قمت بيح وربي موب عاارفه شو اسوي ادعي اقول ياارب ما تصحي قبل 8 تكون الوالده صحيت واخليه تيني تسوي فطور لانه اخجل منها صراحه اقولها انتي سوى بنفسك
ومافيني حيل اقووم حتىى قبل لا يمشي ريلي للعمل خليته يجيب ليا مويه عني عشان ما تعب واروح للمطبخ
ويلا خير ياارب

rose_rose7788;6482576:
باقي الامهات شخباركم ؟؟؟ عساكم بخير يا رب .. وشخبار كتاكيتكم ؟؟؟ طمنونا عليكم ....

عن التجهيزات ان شاء الله باقي لي اشوية اغراض واخلص اللي عندي ....

الماسة وحساسة;6485618:
هلااااااا نووووووووسة
طولتي علينا اليوم عسي بس المانع خير