تجمع حوامل الشهر التاسع - فقط

البارحة مسكتني آلام .. بس هالاوجاع ما تعرف طريقها اللا في الليل ههههههه

وبالذات تكون قوية لما اقوم لصلاة الفجر وارجع انام وايد تهلكني وتروح ..

ليش كلنا نعاني من قلة النوم ؟؟ انا والله كل نومي متأخر مع اني ما اصحى متأخر بس ماعرف شو المشكله

اتم يمين يسار ولا فيه نوم .. مايكون شي يعورني بس ماعرف ليش :( مع انه المفروض نعوض نوم ..

هلووووو حبوبات كروشات شخباركم؟؟

انا من يومين دخلت التاسع فحبيت انضم لتجمعكم

شخبارج ام نمير و عيون بو ظبي وكل البنات داخل التجمع الله ييسر علينا وعليكم بالخير

وينكم بنات التاسع

ليش نايمين؟؟

صحيح انا ما الومكم من زود التعب والثقل والله

يا الله الوحده تقوم وتقعد انا حيل تعبانه احس خلاص ابي اولد و افتك

لالالالالالالا اشوه فيه حد بيقعد بعدنا فالتجمع يالمظومه خليني ابشر سنيوريتا وروحي فداك

مرااااااااااحب حبيبااااتي الكرووووشااااات لساني موجووووودة
وياخوووووفي من دخول العاشر على الله لا يقولها ان شاء الله اولد
هذا الاسبوع او الاسبوع الجاااااي وخلاص ارتاااح

مظلوووومة تشرفنا بانظمامك والله يتمم لك ما باقي قلك على خير....,

عيون بوظبي الالاااام بتطل تلازمنا الي ما بعد الولادة خلاص مافي فكة
بس بعد الولادة الاااام براحة باااال هههههه
انا كمااان مافي نووووم بالعافية انام ساعتين بالكثير واصحى قبل اذان الفجر
وما ارد انام الا بالعافية الا والبنات صاحين وهيا لتلبية الطلباااااات الي ما تخلص

بناااات احس من يومين بتحجر ببطني اقول ممكن يكون من حبوب الحديد
لان الدكتورة زاادت لي الجرعة عشان الدم نااااقص وبدت على القسوة
فراح اشرب الحبة الحمراء من اليوم بس ما اعرف كيف طريقتها
الي عندها خبر تعلمني والله يسهلها ولادتها.....

مرحبا بنات .. الله يقومنا بالسلامة ان شالله

سبحان الله شوفوا ضروفي كيف .. :(

عمتي ام ريلي صار عليها حادث امس بس الحمدلله يات سليمة .. وتحتاج مراعاه شوي ..

الله يشافيها ان شالله ..

كان خاطري لما اربي الكل يكون حولي ومرتاح .. بس سبحان الله حتى في ولادتي اول مرة كان ابو زوجي الله يرحمه في المستشفى والكل مشغول وياه :(

نحيسه

ام نمير الله لا يقول ان شاءالله تربين اليوم قبل باجر
يعني الكل نفس الحال لا نوم ولا رااحه باااال آآآآآآخ
عيون بوظبي قدر الله وما شاء فعل لا تحاتين حبيبتي ولا تقولين عن نفسج نحيسه ترى بزعل منج
افرحي تفرح لج الدنيا

مظلوووومة شرفتينا يالغاليه عساج عالقوه:wink:
هلا والله فيج ويااارب يسهل عالجميع

السلاااااام عليكم
كيفكم صباياااااا
ان شاء الله تماااااامـ

حياك الله معانااا المظلومة
وربي يسهل عليك ان شاء الله

سترها عباتهاا شكلنااا حنا يبغالنا تجمع لحوامل الشهر العاشر هههههه

يالله ربي يسهل علينا وع الجميع ان شاء الله

عيوون ابو ظبي الحمدلله جات على كذا
وتفائلي بالخيررر لا تقولين نحيسة


بنات انا الدكتورة عطتني مهلة 10 ايااام قالت لين يوم السبت 7-6
اذا ما ولدت لازم طلق صناعي
ادعوا لي اولد اليوم قبل بكرررررة ياااااااااارب

السلام عليكم أخواتي أم نمير سنيوريتا عيون أبو ظبي المظلومة سترها عباتها و كل الاخوات أنا اليوم دخلت التاسع و أتمنى أن أجد ترحيبا منكن و ان شاء الله دخولي عليكن يقرب لكن موعد الولادة عاجلا غير أجل و لا تنسوني وقت تولدون و تتفكون و بشروني

هلا وغلا اهيلة
حيااااااك الله معاناااااااا
وان شاء الله تكون ولادتك سهلة ميسررة
وانتي لا تنسينا من دعواتك

الله يسلمكم اليوم واقصد هاللحظه فيني الم ..

بصراحة مقياس للأيام الي طافت.. هذا اقوى الم ياني من دخلت التاسع ..

الله اعلم يستمر ام لا ...

شوفوا كل هذا لأني اقول مابا اربي هالفترة ههههه احس الموضوع عكس

أهيلة محمد هلا والله فيج شرفتينا بحضورج:sa31:

بنات انا امس رحت للدكتوره وقالت لي كل شي تمام والحمدلله
وقالت لي انه راس الجنين نازل في الحوض ايش التفسيــــــــــــــر؟؟؟؟

صباااااح النوور والفرح والسرور عليكم ان شاء الله الليلة

اهلية محمد تشرفنا بانظمامك وانشاء الله دخول البركة

بنااااات ما رديتو علية ابي طريقة استخدااام الحبة الحمراء بليزززز
الي تعرف تردلي........؟؟

mar102 آآآآآآآآمين حبيبتي الله يسمع منك ونولد بسلامة
عااااااااااااااااجلا غير اجل والله اني طفششااااااانة من التعب
وابي ارتااااح يالله تعجل بالفرج ياااارب

ام نمير حبيبتي ..

شوفي في ركن الطبخ في اكثر من طريقة .. تخيلي انا سويتها بس فشلت فيها :(

اليوم الساعة 6 الصبح ياني الم فضيييييع .. والله تميت ادور مكاني ..

وتم يروح ويرد على اخف شوي .. بس خلاص قلت يمكن بدايته ..

وقمت اتجهزت من ناحية النظافة الشخصية هههههه خفت ..

ولين الساعة 8 نمت بالغصب ...يعني احس لو تم الويع ساعة زيادة كنت رحت المستشفى

ولما قمت من النوم بعد حاسه بشد في ريولي والم في ظهري يشد مع بعض .. بس محتمل

والله هذا اكره شي عندي الوحدة اتم تفكر هذا طلق واللا بس جي

هلا بالكرووووشات

مشكورين على ترحيبكم فيني والله يسهل عليكم يا رب

حبوبات شنهي الحبه الحمراء؟؟

الرشاد يعني؟؟

وأنا بعد اسبوع بكمل التاسع وحدي خيفانة
وبعد ما امشي كل قاعدة في البيت
واتعب وايد أدعولي الله يسهل علي وكل حوامل