تجمع حوامل الشهر التاسع - فقط

عيون بوظبي;6067328:
صباح الخير يا كروشات..

الله يسهل علينا وماناخذ من التاسع اللا اسبوع بالكثير ان شالله ..

بس ام نمير بالفعل سألت اكثر من وحدة وطلع صدق انه الدكتورة تفحص حتى لو مافي وجع ولادة .. عشان تشوف سماكة الرحم .. وتشوف اتجاه راس الجنين حتى لو انه يبين بالسونار ..

ولو الرحم له قابلية يفتح او لا .. في حملي الاولاني فحصوني اكثر من مرة لما كنت في الثامن لما ياتني تقلصات
بس عليكم بتليين البطن .. لاتخلون الامساك يتغلب عليكم.. تراه يتعب مع الم الولادة واصلا فشلة .. صار لي كم يوم متواصلين على الملينات الي كتبتها لي الدكتورة عشان الامساك والغازات الي عندي ..

واااااااااو عيون والله شي يخوووووف بصراحة ما حصلي
بحملي الاول ولا الثاني ولحد الحين ما حصلي احس
المسالة تفقع العين بدون فائدة انا ابي شي يسرع
الولادة قبل الاسبوع الاربعين لان في الاول كملت الاربعين اسبوع والثاني
واحد واربعين اسبوع والحين ابي اولد اقلها في الثمانية او التسعة والثلاثين
والله يسهل علينا

يالله يا ام نميير .. وانا بعد والله ودي ما اخذ اللا 10 ايام هههههه (على كيفنا)

افا يعني انتي من النوع الي يتأخر شوي ؟؟

ولدي الاولاني ربيت قبل مووعدي بعشر ايام الحمدلله .. هالمرة مادري ...

عليج بالمشي .. ولو رحتي للدكتورة خليها تفحص عادي بالعكس احسه بيساعد

يعني لو فحصتني الدكتورة اول ما ارجع على طول بشرب قرفه او خروع لأنه بعد الفحص تدرين اتيي تقلصات خفيفة وتروح وممكن تستمر

تدرون اليوم من الصبح فيني تقلصات والم في ظهري ..

احيانا يكون متقارب واحيانا متباعد .. سبحان الله اليوم اول يوم لي في التاسع ..

بس الي قدرت الاحظه انه الالم يقوى ما يخف ..

وان شالله بطلع امشي عدل اليوم لعل وعسى

انا صار لي اسبوع في التاسع بس انشاءالله اربي بسرعه ادعوووولي

عيون بوظبي
يارب يسهل ولادتج بشرينا عاد لا تنسين

mar102 وانا بعد نفسج تجيني تقلصات تروح وتجي كل يوم بس الالم ما يقوى
يارب يسهل على الجميع ان شاء الله

انا بعدني صامدة وفي اوقات يشتد الالم ..

بعد شوي بطلع امشي ان شالله .. اصلا الي عندها ولد نفس الي عندي المفروض تربي من الخامس مب التاسع .. من كثر ما هو رافع لي ضغطي وهلكني ..

وصلت لمرحلة عادي اضربه ضرب اخليه بعاهات .. تعبت والله تعبت

مراااااااحب يا اخوااااااات كيف الحااااال

احس ان رجووولي بتنخلع ماهي من جسمي من الثقل
والااااااااام بظهري هلكتني والله المستعان تصدقون على
هذا التعب كلة شغل البيت علي ما عندي شغالة
والتعب الكبير هو البنات وطلبااااتهم وشغلاتهم الي
ترفغ الضغظ........
عيون بوظبي والله حااااسة فيك انا زيك اعصب عليهم واضربهم
وخاصة بنتي الكبيرة بس بعدين اندم واتاسف عليهم واقول في نفسي
ايش ذنبهم مهما كان لساهم صغااار بس ايش اسوي نفسيتي
مرررررة زفت والله المستعاااان انا احاول امشي واعمل رياااضة
الاخت mar102 بس بسرعة اتعب وما اطول احس بالااام في المناطق
السفلية تتعبني يالله طولت عليكم الله يسهلنا جميعا .......

الله يعيننا يا ام نمير على هاليهال ..

والله اليوم اصيح من غضبي عليه .. الله يهديهم بس ..

بس شو هالتمارين الي تتكلمون عنها ؟؟ منها فايدة يعني ؟؟

ماعليه ام نمير اي شي يعور ويزيد الالم نباه ههههههه عشان نحرض انفسنا للولاده ههههه

انا ان شالله ناوية بعد اسبوع اشرب خروع واشوف ان شالله خير ..

حتى انا ريولي تعورني والله من مفاصل الحوض .. احسها بتتفتت من الضعف والألم

ام نمير
الله يكون في عونج وان شاءالله تربين بالسلامه ويسر لج أمورج

صادقة الاحساس تسلمين حبيبتي
الله يعافيك ويقويك ويكون في عون الجميع

عيون بوظبي ايش رايك تنصحني ابتدي بالخروع
انا ما اعاني من الامساك او انتفاخ البطن بس ابي اولد بسرعةهههه
وبتحمل التعب والالاااااام انت ايش رايك.........؟؟

ام نمير حبيبتي ..

والله انا ناوية اشربه الاسبوع الياي ان شالله ..

شوفي .. حطي في بالج انه بيصير معاج مغص فضيييييييييع.. واسهال ..

المغص متعب اكثر من الاسهال .. وممكن على شكل تقلصات ..

بقولج انا شو سويت في حملي الاولي وسوي مثله لو تحبين ..

شربت الخروع على العصر .. وطلعت مشيت ساعة بعد المغرب ..

ابتدا المغص في الليل قبل النوم .. والفجر رحت عشان اربي ههههههه

فشوفي .. انا اخاف اقولج اشربي نص غرشه نفس البنات ..

حطي 2 ملاعق كبار في عصير واشربيهم وبعدها بكم ساعة اطلعي امشي .. بس عاد لا تروحين اماكن بعيدة بتحتاجين الحمام .. انا ماذكر كم ملعقة حطيت بس لأني شربته اكثر من مرة وكل مرة ازيد الجرعة.. بس المرة الي ضبطت معاي لما شربته ومشيت بعدها .. قبل كنت اسوي العكس .. امشي بعدين ارد اشرب

هذا الي صار معاي وشوفي الي يناسبج عسى خير ان شالله

مرحباااا بناااااات شلونكم
ان شاء الله بخيررر
بنااااااات انا باقي لي كم يوووم وادخل الاسبوع 39 ولسه ما احس
ببوادر الولادة واحس ان بدري علي
بس يعني يجيني احيانا الم بظهري واحيانا تقلصات في بطني واتأمل انها تزيد
واخر شي تختفي ولا كأنها جات يارب ابي اولد
وشكلي بطووول
وصحيح ابي اسألكم الحين الاسبوع 40 من اول ما ندخله يعني خلصنا التاسع
ولا لازم نخلص الاسبوع 40 علشان نخلص التاسع ؟؟

حبيبتي سنيوريتا .. انتي الحين في الاسبوع الاربعين اصلا

شوفي انتي الحين كملتي 39 اسبوع صح؟؟

كل يوم زيادة ينضاف عليه يعني من الاسبوع الاربعين .. وبجي تكونين من تكملين 40 اسبوع خلصتي التاسع

الله يسهل عليج ان شالله وتفرحينا قريب وعقبالنا احنا بعد يارب مانطول وايد ..

بصراحة كل مرة اتخيل كيف بتكون بداية آلامي ..

مرة اتخيل افرازات فيها دم .. مرة ينفتح الماي .. مرة الم في الظهر والبطن

كل مرة اتخيل شي .. والله يسهل

اتصدقووون بنات أحسن شي انا ما انفكر في الولاده أبدا الدكتوره قالت لي كل ما تفكرين بالولاده وتتمنين تربين بسرعه ما رااح تربين وبتكملين التاسع وفوقه هذا طلق صناعي الله لا يقول أحيانا أقول صح كلامها وأحاول اني أطبق بسسسس المشكله انه التعب التعب التعب والله التعب مهلكني
كيف ننسى
يااااااااااااااااااااااااااارب نولد آآآآآآآآآآآآآمين ويسهل على الجميع
ياااااااااارب آآآآآآآآآآآآمين

يؤؤؤؤؤؤؤؤ

بسم الله يعني انا الحين صدق قربت اولد
<<< لسه مو مستوعبة انها بتووووولد ههههههههههه
وربي يسمع منك عيوون ابوظبي وان شاء الله تكون ولادتنا سهلة ميسرة يااااااااااارب

صادقة الاحساس ما في اكثر مني ما يحاتي
متى يولد ولين الحين بخلص التاسع وما ولدت

سنيوريتا22;6097659:
يؤؤؤؤؤؤؤؤ

بسم الله يعني انا الحين صدق قربت اولد
<<< لسه مو مستوعبة انها بتووووولد ههههههههههه
وربي يسمع منك عيوون ابوظبي وان شاء الله تكون ولادتنا سهلة ميسرة يااااااااااارب

صادقة الاحساس ما في اكثر مني ما يحاتي
متى يولد ولين الحين بخلص التاسع وما ولدت

لا شو رايج تمين طول عمرج حامل خخخخخخخخخخخخخ الله يستر اخاف اتشمت عليج وانا قفل التجمع :confused::confused:لالالالالالالالالالالالالالالالا

ههههههههههههههههه
شكلي ابي اطولها وهي قصيررررة
<<<9 شهوور قصيرة يعني
شووفي روحي فداك انا وانتي نولد يوم الاحد
شووفي بعد شوووية نقوم نمشي
ومن بكرة نمشي لنا 4 ساعات
وعلى يوم الاحد لعلى وعسى نولد

سلااااااااااااام بنات.. و انا للحين بعد ما فيه اعراض ولادة.. الله يسهل..