تجمع حوامل الثلاث الشهور الوسطى4 - 5 - 6

يا الله خواتي اشوووفكم على خير ان شاء الله الاسبوع الياي لانه احتمال اني ارتاح في البيت وما ايي الدوام هل كمن يوووم مرهقه الصراحه ... وان شاء الله خدامتي توصل مع نهاية الاسبوع وارتاح وتطلع وحده زينه مو مال مصخرة وخرابيط يا رب ...

دلوعة حمد;6005870:
الجاهل مايظل ع وضعيه وحده يظل يتحرك ويسبح

يعني مب بس انا الي اخاف من السلمانيه خخخخخخخخخخ

الله يقومج بالسلامه ان شاء الله

هههههههههههه وهل يخفى القر

السلمانيه طول عمرها رعب

واليوم اسمع من البنات ان منتشر فيها فايروس وانتقل مع المرضى للعسكري

انا المفروض تكون ولادتي في محرق على اساس انها اقرب شي لعنوان زوجي

بس ماادري شيصيدني من اشوف المستشفى احس بالكآبه احسه قديم وزوجي اذا يبي يرفع ضغطي يقول لي مالج الا هني :mad:

rose_rose7788;6006236:
يا الله خواتي اشوووفكم على خير ان شاء الله الاسبوع الياي لانه احتمال اني ارتاح في البيت وما ايي الدوام هل كمن يوووم مرهقه الصراحه ... وان شاء الله خدامتي توصل مع نهاية الاسبوع وارتاح وتطلع وحده زينه مو مال مصخرة وخرابيط يا رب ...

ماعليج شر الغاليه

راح توحشينا وايد

وان شاء الله الشغاله تكون زينه وتشيل عنج شوي

طمنينا عليج الغاليه

أم سويره;6006239:
هههههههههههه وهل يخفى القر

السلمانيه طول عمرها رعب

واليوم اسمع من البنات ان منتشر فيها فايروس وانتقل مع المرضى للعسكري

انا المفروض تكون ولادتي في محرق على اساس انها اقرب شي لعنوان زوجي

بس ماادري شيصيدني من اشوف المستشفى احس بالكآبه احسه قديم وزوجي اذا يبي يرفع ضغطي يقول لي مالج الا هني :mad:

بسم الله علينا وعليكم اي فيرووس؟!!

-لاتخرعيني ترى اراجع بالطب الخاص في الدفاع وناويه اولد عندهم:ss:

دلوعة حمد;6006484:
بسم الله علينا وعليكم اي فيرووس؟!!

-لاتخرعيني ترى اراجع بالطب الخاص في الدفاع وناويه اولد عندهم:ss:

اسم الله عليج من الخرعه

ماادري والله انا بعد سألتهم فايروس شنو

قالت ماتدري بس هذا الكلام صار له فترة وقالوا ان السلمانيه عشان يتعقم لازم انهم يخلوننه بالكامل

وهذا مستحيل عشان مافي مكان بديل

والعهد على الراوي

الطااااااااف هلا الغالية ..
حلووو اللون الأخضر وكلنا نوحد إن شاء الله ...

روووز .. ما عرفت والله شو فيني .. بس من الله حياه الله.. وما تشوفين شر الغالية..

أم سويرة .. شكل إلي فيج بنت ...صح؟؟

شمعة الله يسلمك من الهم والإكتئاب دوووووووم .. وبنتج صارت في الجنة .. وصفحة وانطوت من الحياة .. تكون في القلب بس .. وبتشوفينها بنت 33 سنة تشفع لج ولأبوها إن شاء الله .. وتشجعي وافتحي الصندوق .. قولي في نفسج ماضي حلو ومر وراح .. ترا المكتوب ما منه مهروووب .. لازم أول مرة ألحين بتفتحينه بتبجين .. وثاني مرة وبس ولما تتعودين على الأمر خلاص .. بتسترجعين قوة إيمانج بالله أكثر .. وهذي الحياة .. نحن أمهات لازم نصير قويات نتغلب على المصاعب مهما كانت .. تدرين متى تفتحينه بعد الولادة افضل لج وللبيبي .. الله يكون في عون الجميع..

أم عبادي .. الغالية وصلني إحساسج أكثر .. وشعورج حبيبتي .. لا تزعلين منى .. أنا ماكنت أدافع عنها أنا كنت أقوي شعورج بالفراق أكثر .. والمقارنة إلي سوتها صح موب زينه .. وخاصة باليهال .. وزين إناها اعتذرت لج لأنها حسيت بالشي الغلط إلي سوته .. حيبتي لا تزعلين .. وقلبج طيب عرفت من مسامحتج لها .. الله يدوم الطيبة والحنان في قلبج ..ولا تنسين بكون يارتج في المستشفى عند الولادة إن شاء الله في رمضان..

السلام عليكم و رحمــة الله و بركــاته

أخبــار الكروشــات عساكم بخــير .. البـارحه حلمت حلم حــلو و إن شاء الله ربي يحققه لي .. و تصدقون اني بعد حلمت التجمــع لوووول

طبعـا راح اتقيد بالقوانين اليديده و راح ابدأ اكتب بالأزرق بس هذا ما يمنع إني ادخل الاسود معـــاه ^__^


رونا كلنا والله نعاني من الأرق و أحلى نومه لي تكون بعد صلاة الصبح

فاشن جيرل لا تستعيلين على النشه بكره إن شاء الله إذا يا البيبي بتقومين على كيفه و بتنـامين على كيفه يعني ما تدرين يمكن يحقق هالشي لج و يرقدج من وقت و من صباح الله خير يوقضج

جست برايد انا مثلج من دخلت الخـامس حسيت بطني فجأه تغير حجمهـا سبحـان الله .. حاولي توسعين الفستـان اللي عندج إذا ما في مجـال إنج تاخذين اي شي جــاهز

حرف عنيد بس شهر سبعه يمكن يكون عنده ضغط تدرين وقت ولادتنا في رمضان و ما شاء الله بتلاقين الحريم من شهر سبعه و ثمانيه يفصلن حق رمضان هذا من غير حق العيد .. انا اشوف تسوينهن الحين و تخلين قصتهن كلوش و الجلابيه بيكون فيها زياده من الداخل يعني فرضا لو ما يت على قياسج يقدر يوسع فيها هذا رايي .. بس خياط المزايين حسيت خياطه انظف من الحرمين حتى القماش اللي عنده حلو

لطوووفه اخبــارج .. ان شاء الله امورج طيبه .. يا قلبي ان شاء الله هالمره تضبط معـاج و تعرفين جنس البيبي و يارب يكون مثل ما انتي تتمنين .. و بنتوله عليج إذا قطعتينـــا .. و مبروووك النص كيلو ^___^

روووز و شمووووعه\\\\ خوفتونيي... انا لو انام شرات الخلق من وقت و انش من وقت جان عرفت انظم حياتي عدل!!! بس ريلي يرجع متأخر و يباني اكون واعيه و اترياه بعد!!

انا لو اقدر اعدل سالفه الرقاد... برتاح واااااااااااااايد!! ساعدوني الله يخليكم .. شو اسوي؟؟

حروف\\ بغيت اسألج... انا اول ولاده كانت عندي قيصريه... و بغيت اعرف كم طفل ممكن اني ايب اذا نويت اربي قيصريه؟؟؟ و ان شاء الله ناويه اخلي الفرق بين الطفل و الثاني سنتين و نص.. هل ينفع؟؟؟

لووول ام سويره انا تكون عندي نفس حالتج يوم اروح بيت هليه تخيلي يوم ارجع ما اعرف من وين ابدأ حتى البارحه اضطريت ارجع للتجمع القديم عشان اقرأ اللي فاتنـــي

أم أحلى محمــود ما تشوفين شر إن شاء الله .. عليج بشرب المـاي و السوائل لازم تشربين في اليوم لترين مــاي تخيلي انا مثلج من النوع يوم احمل لازم اييني التهـاب و طبعا في حملي الأول ما كنت اعرف شسوي ...بس في حمالي هذا غرشه الماء دووم عندي لازم اشرب لترين و لا ما برتاح و الحمدلله ما اعاني من شي.. اما الأرق الخير عندج و عندنا من زمان ما نمت نومه حلوه

حرف_عنيد حلوه المعلومــات دايما حطيلنا شو يصير كل اسبوع لأن انا و انتي تقريبا نفس الشي .. و ان شاء الله ربي يسهل على اخت ريلج ولادتها و يفرحها بالصغيروني طمنينا عليهـــا

ألطـاف بالنسبه للولاده انا من النوع اللي ما احب اكثر من قرايت قصص الولاده لأني مره قريت عن تجربه وحده مع العمليه القيصريه قبل لا اسويها ويوم قرروا عليه العمليه كنت خايفه و كله اربط احداث القصه معاي و اقول اكيد بيصير معايه مثلها .. بس سبحان الله عمليتي كانت سهله و الجرح ما شاء الله برا بسرعه و ما عنيت من اي تجلطـات وغيرهــا .. فا اشوف الوحده ما تكثر من هالقصص و تدعي ربها انه يسهل عليها و إذا حبت انها تاخذ خبره تسأل امهــا لأن ما في مثل الأم راح تطمن قلبج و تشجعج .. و الله يسهل علينــا جميع ولادتنــا و يفرحنـــا بإذنه تعـالى

ام محمود اليديد حبه شديد صدقيني هالإحساس راح يروح راح تبقى غلات محمود و بتلاقين انه غلات البيبي اليديد هم بعد راح تكبر

روووز اللي بشغل بتشوفينها فترة و خلاص بس اللي اتكلم عنها قريبتي و ما شاء الله زياراتهم وايده انا احبها بس ما شاء الله تدخلاتهم ما توقف .. يعني حتى يوم قلت انا إذا الله رزقني بولد ريلي وده يسميه عبدالله احتشرت و قالت ما ايوز و من هالكلام و سمو هالإسم ولا تسمون هالإسم فسبحان الله تستغربين من هالناس ..بس مثل ما قلتوا انا بحاول اتجنبهـــا و الحافظ رب العــالمين

حرف عنيد [GLINT]الف مبروك و عقبــالنا جميـــع إن شاء الله[/GLINT]

حروف القلب يا بعد قلبي و الله انا ما اعرف ازعل من حد و انتي ما غلطتي بس اللي حبيت اوضحه انه حتى لو كان هذا اول حمل لي ما بحب هالمقارنات خصه انه وحده تحط ايدها على بطني احسها قويه انا ريلي اذبحه لو حط ايده على بطني وين الناس العاديين و إن شاء الله نربي جميع في نفس الفترة و تزوريني و ازورج ..

فــاشن جــيرل أنا مثلج اول ولادة لي كـانت قيصريه .. و بعد ست شهور حمــلت في البدايه كنت اخطط اني على طول اطلب قيصري .. بس سبحان الله وحده من هلنـا ربت بعد القيصري طبيعي مـا شاء الله مع انه الفرق بين الولاده الاولى والحمل الثـاني ثمان شهور .. فقررت اني اعطي نفسي فرصه ما تدرين يمكن ربج يسهل عليج ولادتج و تربين طبيعــي و في حال ما قدرتي و قرروا عليج عمليه بتحسين انج سويتي اللي عليج وما بتتحسفين في المستقبل و تقولين ليتني عطيت نفسي فرصه

اما عن العدد فيختلف من وحده و الثــانيه انا اعرف وحده يايبه سبعه ما شاء الله و صحتها زينه بس كان تفرق بين الحمل .. و في حريم ما يقدرون اييبون غير اربعه .. يعني يعتمد على حالة الام الصحيه و كيف يكون وضع الرحم يعني هل يتحمل حمل ثاني و لا لا ... و تفائلي خير ما تدرين يمكن ولادتج تكون طبيعيــه

حروف القلب;6006801:
الطااااااااف هلا الغالية ..
حلووو اللون الأخضر وكلنا نوحد إن شاء الله ...

روووز .. ما عرفت والله شو فيني .. بس من الله حياه الله.. وما تشوفين شر الغالية..

أم سويرة .. شكل إلي فيج بنت ...صح؟؟

اي:o

شريت حق سارونتي جم شغله ان شاء الله وقت افضى بصورهم

يعني عن خاطري شريت لها قطعتين:D

ام عبادي\\\ انا وايد اخاف... لان في الولاده الاولي تميت عشر ايام يحطوني طلق صناعي و عذبوني... بس ما فتح الرحم عندي :( و كنت اصيح ابا قيصريه.. و يوم سووها.. ارتحت وااااايد

اخاف امر بالي كنت فيه قبل!

أم سويره;6007555:
اي:o

شريت حق سارونتي جم شغله ان شاء الله وقت افضى بصورهم

يعني عن خاطري شريت لها قطعتين:D

ام سويره.. راوينا نبا نجوف شو خذتي خخخخخخخ فضووووول

فاشن استخيري و اللي فيه الخير الله بيجدمه .. و بعدين اللي سوت مره قيصري خلاص ما يعطونها طلق صنـاعي يعني انتي راح تطلقين عادي و إذا شافوا ما في فايده راح يقررون عمليه ..فستخيري و انا بعد ان شاء الله بستخير و ربج بيقدم اللي فيه الخــــير

ام عبادي\\\ يستوي خير ان شاء الله.. المهم صحه الجنين عندي :) وين ناويه اتربين؟؟؟ و عند منو تراجعين ام عبودي؟