تجمع حوامل الثلاث الشهور الوسطى4 - 5 - 6

صباح الخير يا أحلا كروشات....
ما شاء الله فاتتنا سهرة حلوه....بس ما شاء الله عليكن شادات الهمه غبت يوم واحد و ألا ألاقيكن طرتن للصفحه ال 74...يالله...ربي يعطيكن الصحه و العافيه...

fashion girl;6002129:
عيون محمد... تعالي بحنييييج خخخخخخ<<<< حنى العيايز(قصه) شرات عيايزنا في الفريج

اسولف عن تزعلين

حد يتعشى 2!!! الناس تتعشى 4 خخخخخ شراتي

يالله بسير اجوف لوست

لا مابي حنى عيايز ابي حنى اماراتى شرات يهبل عنكم وربي انا با ايي الامارات وبا اسرق لي حرمه علشان كل ما راح الحناء ارد اتحنى واقهرج:tongue:<<< مرره صدقت عمها انها اماراتيه هههههههه تطلم اماراتي وش عندك <<<:

ايها انى اتعشي بااي وقت عادي يمكن الظهر اتعشى عاد ا تستغربي خخخخخخخخخD

انتظـــــااااار;6002397:
-


نووووووووووووووووووووووووني

وشفيك شلتي شلايلك يمه منك <<<< مرررعبه

رايأن يعني كنك تقولين راي أن 000صح

انا اقول ل روووز انك قلتللي رايان 000 وروان من عندي

بلااااش بكشششششششششششش

-

اووويلاه امحق يا الدلع عنــوني ترى اصدق بعدين نظورتى <<<< :D

موب مرعبه انا طيوبه بس قاهرني اهل زوجي يقولون الولد اسم بنت والبنت يقولون رز <<< تعقدت وربي منهم والمشكله الاسامي اللي يقترحونه موب حلو ما تعجبني

ولا عاد كله كووم وزجه عم رجلي كووم حاطتنى اني ولدت وسمت ولدي ساري وانا تسعه شهور ما كملت زوااج بس هيا حاقده عليا لانه انا ما افهم لغاتهم لانهم شووي بدو وانا جد ما افهم مو مصخره فيهم ودايم تدق با الكلام بنات الحظر وفيهم وفيهم والي قاهرني انها مسوي ليا سمعه حتى حاطتني انى حاامل قبل الزوج << وربي شي يقهر لكن حسبي الله ونعم الوكيل في كل واحد ظالمني

انتظـــــااااار;6002490:
-

يالله تعشي يااختي

بس ترى اذا تعشيتي بتتخدرررين

وماتروميين ترجعييين على قولتكم<<<< اعديتوني ماشالله بالكلام الاماراتي

هههههههههههههههههههه والف عااافيييه


-

هههههههههههههههه نظورتي
الله يعـافيك يا الغلا..
حتى انتى اعتديتي من الرمس الاماراتي <<<< وربي يهبل كلامهم :tongue:


بودي اروح هناك واعرف ارمس اماراتي عدل عقبه افكر ارد يمكن يعيبنى الوضع هنـاج <<<< وش رايكم يا الامارتياات اعرف ارمس امارتى ولا لا تفشلونى لو لا قولوا ايه <<<< هههههههههههه:o

rona_mo7a;6002626:
يتصفح الموضوع حالياً: 5 (5 عضو و 0 ضيف)
‏rona_mo7a, ‏fashion girl, ‏um_3bade, ‏انتظـــــااااار, ‏تايم آوت
إزيكم يا عسولات عارفين اللمه دى ناقصها عيون محمد و تبقى كملت

ووواي فديت قلبه انا اللي متذكرني ....:o

فديتك رونا وفديت جنــإوي <<<< ترى لا تسمحي لي احد غيري يقوله ترى تعبت على الدلع هههههههههههه

انتظـــــااااار;6002665:
-

ايووووووووووووووووووووووووووووه

من قدك يالللي راايح تتعشى


عيووووووووووووووووووووون يالله تعاللي كمليهاااا


-

ههههههههههههههههههه

نظوره تدرين رحنا للغالي نتعشى وياه وبعدها حكم فيني يقول روحى ارتاحي على السرير قلت له طيب التجمع قال وش قلت المنتدى . قال عادي البنات ما بيتغيرو الكرشه فيهم وكل شي فيهم شوفي لمن ترتاحين واحاول من هنا من هنا مااافي مسوي تلغيم للكمبيوتر هههههههههههه ولمن راح العمل جيت << ياعمري عليه بس:o

fashion girl;6002684:
خخخخخخخخخخخخخخخ وينج يا عيووون محمد و تقرين رونا شو كااااتبه

يا بختك يا عيونوووو <<< غيرانه خخخخخ

هههههههههههههههههههههههاااي اروح لك غيره وانا مدري <<< صارت عربجيه عــادي (^_^) <<< تسوي زي سميت بنتها رووز:tongue:



شفتها كلامها فشونه واااي فديتكم جعل ربي لا يحرمكم من الابتساامه يــارب :)(f)

يتصفح الموضوع حالياً: 2 (2 عضو و 0 ضيف)
‏عيوون محمد, ‏ألطاف
صبـاح الخير لطوفتي اخباارك
<<<< اليوم جيت الصباح قلت يمكن اشوف حروف القلب حرف عنيد روز الطاف شمعه <<لانى من زماان عنكم وربي تولهت عليكم


خبريني الطاف متى الوداع للغربه
وش اخبـار البيبي انا خلاص بكره اودع الخامس

<< جالسه تلم اغراضها بتمشي هههههههههههههههههههههههه

<<< واكبر دليل صليت الفجر ولاان بشرشف الصلاه جالسه ههههههههههههههههههه

صبحكم الله بالخير والنور والسرور

للكل دون استثناء

صبحج الله بالخير الطاف شو اخبارج واخبار النونو عسى مب امتعبنج

ربي يحفظهم

ام عبادي هالخياييط اللي انا اقصدهم لاني مريت عند الحرمين لاني كنت اخيط عند العامرات قلت امر الحرمين اخذ فكرة انا ناوية على شهر سبعة ابدا اخيط لبعد الولادة

<<< تتثاوب

يلا بنات تصبحو على خير بنــام << الصباح وش تصبحو على خير هههههههههههههه


خلاص تويب تمسو على كل صحه يااارب

صباااااح الورد

آآآآآآآه الحين بس خلصت من قراءة الصفحات اللي فاتتني .. ماشاء الله عليكم هذا شغل السهرات :)

حرف عنيد

هلا ومرحبا .. صباحك قشطة .. موعدي ان شاء الله الأسبوع القادم .. بعدني ماعرفت شو جنس البيبي .. ان شاء الله أعرف هالمرة .. عسى انتي والبيبي تمام

رووووز

شلونك وكيف الحلوة؟ .. الله يرزقك انتي وأختي شغالات حبوبات ونظيفات وعال العال يارب

رووونا

انا والبيبي تمام الله يسلمك .. وباركيلي زدت فوق الكيلو نص كيلو كمان .. الحمدلله صاروا كيلو ونصف :)
يارب ازيد بعد أكثر .. أبغى اصير دبدووووبه شويه على الأقل لما ارجع عمان يشوفوني شويه متغير شكلي

ام عبادي

اهتمي بنفسك وبالبيبي وعلى طول اقري على بطنك المعوذات وآية الكرسي بعد كل صلاة .. الله يحفظكم

انتظااااار

أعتقد الأفضل ان اريج تعرف ان اللي جاي بالسلامة ولد ان شاء الله .. علشان تكون مستعدة نفسيا ويكون الخبر مو جديد عليها .. ويارب اللي جاي بعدين بنت بإذن الله :)

عيووون محمد

مبروك عليك دخول السادس وعقبالي قريبا ان شاء الله .. نرجع ان شاء الله شهر 6 بس لحد الحين ماعارفين متى بالضبط .. راح اخبركم اكيد قبل السفر لأني بنقطع عنكم فترة لحد ماتتضبط اموري هناك ان شاء الله

صبااااااااااح الخير للجميع ..
ربي يجعل صباااحنا خير وفرح يارب بذكر الله ..
بقرا الردود وبرجع
هههههههههه
ما أحب يطوفني شي..
أحب أطمئن عليكم ...

صباح الخير

ماشاء الله

انتوا شتسون في الليل بالضبط:mad:

انا شبكت المغرب ماكانوا الصفحات هالكثر

طاحت عيني على الكيبورد من كثر الردود:(

ماشاء الله لا اله الا الله لا احسد التجمع:cool:

بس مااقدر اعلق

لاني تعبت:D

صباح الخيرات بنات ..

شخباركم شعلومكم يا رب تكونو طيبات..

تصدقون باقي شوي و انام على الطاولة فيني نوووووم ...

سؤال يسدح نفسه هنا ؟؟...
انا اللي اعرفه ان الأرق يجي الحامل بالشهور الأخيرة و يسبب قلة النوم...
انا يجيني ارق يوميا يعني ما اقدر اواصل النوم..

و بعد بنات بقول لكم شغله..
فيني التهاب اش كثر نسبته ما ادري مستشفياتنا الحلوه ما يقولون لنا ..
المهم التهاب في الأبوال اقصد تكرمون ..
هاليومين صايره ريحة البول تكرمون قويه مب كريهه لا قويه يعني كأنها ريحة حمض او شي جذي ما ادري اشلون اوصفه.. اخاف فيني شي ..
المستشفى يعطوني مضاد بس اداوم عليه بس بدون فايده.. و لون البول تكرمون غاااااااااااااااامق..


تحياتي
أم محمود

حروف القلب .. أم سويره

صباحكم بركه وخير يارب

ام احلى محمود

كثري من شرب الماااي .. على طول حطي الماي جنبك واشربي .. والالتهاب صدقيني بيخف ان شاء الله

بالنسبة للأرق والله الحال من بعضه ... أعاني معاناه شديده لحد مايجيني النوم .. واشوف البنات الحلوات هنا نفس الشيء يقولون عندهم ارق .. يعني شكلها مشكلة عامة :)

صبحج الله بالخير يا ام احلى حمودي ربي يحفظه ويحفظ اللي في بطنج

بالنسبة للارق انا بعد والله الصبح اقعد ريلي للدوام وجهزت له اغراضه وجهزت اغراضي للدوام بس رحت طحت يمه فيني ارقاد مب راقده عدل ربي يحفظ اللي في بطني طول الليل وهو يرفسني وانا اتم خايفة عليه اقول يمكن امضايقته في الرقدة بصراحة صدق تعبانه

يالله مب جليل اتكون الجنة تحت اقدامنا الله يرزقنا اياها ان شاء الله

بالنسبة للالتهابات اذا ما نفع وياج هالمستشفى ليش ما اتغيرينه لانه مب زين وياثر عليج

يمكن صفار البول ( وانتي بكرامة ) يمكن من الدواء

بس نصيحة اخت كثري كثر ما تقدرين من شرب الماي مفيد لاخر الحدود

خواتي ادعوا لحميتي ( اخت ريلي ) الحين في غرفة الولادة

يا رب سهل عليها يا رب

يحليلها من امس وهيه بالمستشفى تعبانه

والله انا من كثر ما احاتيها احس انا اللي بولد وانا اللي خايفة

يا رب سهل عليها

انا احب كل اسبوع اقرا شو راح يصير في بيبيتي

والحين انا داخلة الاسبوع العشرين

شوفوا شو كاتبين عنه

لقد انتهت الآن نصف فترة الحمل . مازال حجم الرحم يزداد وسينمو من الآن
سنتيمتراً كل أسبوع . أصبح الجنين الآن حوالي 16 سم طولاً ووزنه حوالي 253
جرام .يبدأ الجنين في ابتلاع سائل النخط ، وتبدأ الكلي في تكوين البول . أما شعر
فروة الرأس فقد بدأ ينبت خلال هذه المرحلة .يصل نمو الحواس إلي أقصي ذروته
هذا الأسبوع ، وتقوم الخلايا العصبية بخدمة جميع الحواس الخمس من تذوق –
شم – سمع – رؤية – لمس .

تنمو الآن كل هذه الحواس في أماكنها المحددة في المخ .يزداد نمو الخلايا العصبية
في المخ وتصبح أكثر تعقيداً . إذا كان الجنين أنثي ، فهي لديها الآن حوالي 6 مليون
بويضة في الرحم . ولكن تنفجر معظم هذه البويضات أثناء النمو ويتم ولادة الجنين
بحوالي مليون بويضة فقط .

تشعر الأم بحركة الجنين في البطن بوضوح تام ، وسوف تزداد هذه الحركة
كلما مرت الأسابيع ، حيث تكون العشرة أسابيع المقبلة هي أكثر فترات النشاط
للجنين في بطن الأم .

حرف عنيد

الله يسهل لأخت زوجك ولادتها ...
أنا مشتركة بموقع وتوصلني هذي المعلومات كل اسبوع من اسابيع الحمل على ايميلي .. بس بالانجليزي

هل تجيكم يابنات وساوس ومخاوف عن الولادة ؟ .. بصراحة كرهت أقرأ قصص الولادات .. أحس انها تحسس بالخوف خاصة اللي مثلنا ما مروا بالتجربة هذي من قبل

ريماس3;6003514:
اهلين جست كيفك وكيف البيبي ومبروك زواج اختك وبالنسبه للفستان حاولي تقسينه الحين ووسعيه حسب الحجم ومااعتقد انك بتحتاجين شي واجد.........

\
هلا رموووس

ابشرك قسته وطلع حلو كثير صحيح الكرشة شوي باينة بس مو ضيق وحاشرني حمدالله:)

صباحكم ورد بنات(f)