هو ده الزواج؟؟؟؟

حبايبى بنات عروس ..

شاركتونى فى أزمتى لما اشتكيت لكم .. والله حبيت تكونوا أول ناس تشاركنى فرحتى بالتغييرات اللى حصلت فى حياتى, أخر تطورات علاقتى بزوجى بعد ما عرفنا أن فيه سحر وحسد وخلافه كنت قولت لكم أنى مستمرة فى قيام الليل وفى الاستغفار والدعاء الى جانب خطة كده فى المعاملة مع جوزى مشيت عليها

وبفضل الله رجع جوزى يهتم بيا تانى ويسأل عنى بالتليفون من شغله زى أول الجواز رجع يتصل فى اليوم مرتين وثلاثة ورجع يقولى وحشتينى .. صحيح الكلام ده بسيط بس أد أيه بيسعد قلب كل واحدة جوزها يقولها كلمة بسيطة أو يحسسها باهتمام ولو بسيط ...

ربنا يخلى لكل واحدة من بنات المسلمين جوزها ويبارك بينهم ويارب البنات اللى لسة ما تزوجوا يرزقهم ربنا بزوج صالح

أنا انهاردة مبسوطة أوى علشان كده كتبت لكم لأن جوزى من ساعة ما أتغير معايا مجابش ليا أى هدية ولا قالى كلمة حلوة بس الأسبوع ده جابلى مرتين بوكيه ورد ورجع يدخل البيت وهو بيضحك ومخبى الورد ورا ظهره علشان يفاجئنى بيه ..مش قادرة أوصف لكم فرحتى

رغم أن البوكيه اللى جانى الأخير أتحسدت بسببه( من أخته !!!! لما شافته ) وكنت همووووووت أنا وهو بسبب الحسد .. تخيلوووووووووووا السخان فى الشقة أنفجر بس ربنا لطف بينا أووووووووووووووووووى والله يا جماعة أد أيه ربنا جميل ولطيف

ورغم رعبى فى اليوم ده الا أنى كنت سعيدة بجوزى ووقفته جنبى وأخده ليا فى حضنه طول الوقت وخوفه عليا

كان نفسى ساعتها أقوله كان فين ده من زمان ؟ ليه حرمتنى من المشاعر الحلوة دى ؟ بس الحمد لله على كل حال

وأنا حبيت أحكى لكم أخر التطورات علشان تشاركونى سعادتى زى ما شاركتونى ألمى وربنا يخليكم ليا وعلى فكرة أنا هفضل مستمرة فى خطتى اللى بعامل بيها جوزى لغاية ما ربنا يرجعه ليا تمام زى أول ما عرفنا بعض وحبينا بعض وأن شاء الله ربنا هيرجعه

وأنا بدعى دايما لكل البنات فى المنتدى وأنا بصلي ربنا يكرمكم ويفرج كربكم ويعطى كل واحدة منكم اللى نفسها فيه ,,,, وأنتم كمان أوعوا تنسوا تدعولى بالذريه الصالحة ليا ولكل واحدة محرومة منها يارب ..أأأأمين

انا ماراح اقول شي البنت ماقصرو
بس بقولك طهري بيتك من المعاصي
وبلااااااااااش موسيقا-انتي عارفه ان الموسيقى حرام وبتجلب الشياطين للبيت
بي للأسف ناس كثير يتساهلون في امر الموسيقى والأغاني
وزمنا هذا هو الزمن اللي استحلت فيه المعازف والحر والحرير-للأسف
وبدأ الإسلام غريبآ وسيعود غريبآكمابدأ-فطوبى للغرباااااااااااااااء

فأتقو الله وطهرو بيوتكم من المعاصي وأكثرو الإستغفار-تسعدو!

ألف مبروووووووووووووك عزيزتي الله يتمم لكم على خير.... ونصيحة واظبي على أذكار الصباح والمساء إنت وزوجك والله يهدي سركم ويسعدم يا رب :)

مبروك رجوع زوجك زي اول

بس كيف عرفتي ان انفجار السخان كان حسد؟؟؟
يمكن كان فيه مشكلة بدون ما تعرفوا....او زاد الضغط عليه او اي سبب

الأخت : وقار

الحمد لله أنا مش بحب التليفزيون أصلا وشكرا على نصيحتك ومرورك

الأخت: أوركيد

ربنا يخليكى يا قمر ويسلم مرورك نورتى وعطرتى المكان

الأخت : وايت

مرسيه يا جميلة بس أنا عرفت أنه حسد لأن فى نفس اليلة جوزى كان جابلى بوكيه ورد كبير م غير مناسبة كده كان عايز يقولى وحشتينى وكان بقاله كتير ما جابش ليا حاجة وبعدين فجأة مامته وعيلته كلها أتصلوا وقالوا جايين نسهر معاكم وطبعا أنا مجهزة البيت زى الفل وربى يشهد بعاملهم أزاى وبهتم بيهم ازاى .. المهم عملت الواجب معاهم وزيادة شويتين لكن لاحظت من أول ما دخلوا ومامته بتبص على كل حاجة فى البيت وتفتش فيها حتى باسكيت الزبالة .. وطبعا أبدت ملاحظاتها على كل حاجة وكنت برد عليها بابتسامة وبمنتهى الذوق , لكن أخته بأه جريت على الورد من غير ما شاء الله ولا أى كلمة شهقت وقالت أيه الورد اللى يجنن ده ومن أمتى أخويا بيجبلك ورد ؟؟؟؟؟ و ووووووووووووو أسئلة كر ورا بعض وساعتها بجد قلبى أنقبض لأنى مجرباها قبل كده وقالت لى على شوز سينييه كنت لابساه أنه يجنن وفى لحظة وأنا فى عربيتى لقيته انشق نصين معرفش أزاى والله حتى السبحة الكريستال معلقاها فى عربيتى وهى ومامتها قالوا تجنن وهما لسة موجودين فى العربية السبحة انقطعت وخرزة فيها كريستالة انشقت بالنص تخيلى!!!!!!!!!

المهم مشوا على الساعة 3 صباحا وأنا ما جانى نوم أبدا وكنت قلقانة وحاسة حاجة هتحصل وعلى الساعة 5 صباحا فجأة سمعت فرقعة وكأن حد بيضرب بمدفع رشاش بره ونطيت من السرير لقيت دخان كثيف خارج من المطبخ وبرضه الفرقعة شغالة والماية مغرقة البيت كله وجرى جوزى ورايا وصرخت واحنا الاتنين مش سامعين بعض من كتر ما الصوت الفرقعة والضرب ورا بعض ومرعب والجيران فى العمارة كلها طلعوا وكسروا باب الشقة وافتكروا ان الغاز عندنا وانها حريقة وبالمرة لقينا مواسير المياة اللى داخلة الشقة انكسرت من جوه الرخام .......... والحمد لله ربنا نجدنا ولطف بينا أووووووووووووووووى .. كل ده ومش عايزة أقول حسد ... أيه رأيك ؟

حبيبتى في الله نوجا اولا الف الف مبروك والله يبارك لكم بحياتكم ويحميكم من كل اذي يارب وثانيا الحمد لله انكم نجيتم من السخان والعين الحمد لله بس بالله عليكى ماتنسي اذكار الصباح والمساء لانها تحميكى انتى وزوجك من العين وربك يحميكى يارب واكيد لايحسد المال الا اصحابه يعنى والدة زوجك بتحسد ابنها وزوجته وانتى كمان ممكن تحسدى نفسك فخلى بالك كل شئ يعجبك قولى ماشاء الله والله يرعاكم ويحفظكم وابقي طمنينى عليكى باستمرار استودعكم الله الذي لاتضيع ودائعه سلام ياحبيبتى

حبيبة الحب .. حبيبة قلبى

أنا والله يا نونا دايما أقول بسم الله ما شاء الله على أى شىء فى حياتى أو أقابله أو أشوفه وعندك حق ما يحسد المال الا أصحابه .. وأنا بصراحة جربت عنيهم فى كذا حاجة من يوم الخطوبة والحمد لله ربنا بيسلم

السلام عليكم

اختي الغالية انتي لسه بتقولي يا هادي
يعني ايه 8 شهور زواج
اصبري سنين لو عايز تحسي بتغير والوقت الحالي هي فترة التعود ....أسألي نفسك انتي كيف حاباه يكون وعوديه.... الإنسان اللي معاك يا اختي فكر ومشاعر
اولا افهمي شخصيته ثانيا اعرفي الطريقة اللي تؤثر فيه
نصيحة فكري بعقلك وليس قلبك لأن المرأه عاطفة أولا والرجل العكس
والله أمام عيني ياما حريم قايدين ايديهم شمع ورجالهم ولا مقدرين
أسأل الله العظيم أن يوفقكي ويهديكم ويصلحكم لبعض
الحمدلله ان حالكم اصبح أفضل

مبروووووووووك با نوجا بجد فرحتيني
انا مصدقاكي طبعا في موضوع الحسد و حصلي موقف زي كده لما اخت جوزي اتفرجت على شبكتي
لقيتها بتقوللي ايه ده تحفههههههههههههههههه
و اول ما روحت لقيت فص وقع من المحبس و طبعا انهرت فيها
المهم ربنا يسعدك دايما إنشاء الله
يالله بقى الخطوة الجاية خليه يرجع يصلي زي الأول

أختى الحبيبة .. نهار وليل
أشكرك يا جميلة على نصائحك ومرورك الكريم وربنا يخليك ويسعدك

حبيبتى مها .. ازيك ,, وحشتينى والله
فيه ناس كده أحيانا ممكن يكلموك مرة واحدة بس بيسيبوا تأثير حلو وانطباع أنك تعرفيهم من زمااان .. أنت منهم

مرسيه يا توتة على كلامك وربنا يكفيك شر الحاسدين وخصوصا اللى قريبيين:wink:
وأنا بحاول معاه وربنا يسهل وماشية فى خطتى مظبوط ..
تعرفى امبارح سهرنا لحد الفجر ولما الفجر أذن روحت أتوضيت ورجعت أصلى وهو برضه مبحلق فى التليفزيون بيتفرج على فيلم أجنبى وطبعا أنا كل مرة بطلب منه يقوم يصلى بيرد يقولى حااااااااصر ويكبر دماغه بعد كده بيسكتنى بس فصليت السنة وقلت يارب الهمنى أعمل أيه . وخلصت السنة وروحت له قلت له حبيبى .. ياللا .. قالى ياللا أيه ؟ أبتسمت وقلت له وحشنى تصلى بيا جماعة بحس أن فيه بركة فى بيتنا وبكون فى منتهى السعادة وأنا واقفة وراك بنصلى أدام ربنا .. وطبطبت عليه وبوست رأسه بحنية وبصيت له برقة كده وحنان وبينى بينك قلت هيحرجنى زى كل مرة بقوله قوم صلى بس الحمد لله ابتسم وقام أتوضى وجه صلى معايا وبعد الصلاة قولت له أوعدنى تصلى معايا تانى ولو حتى يوم أجازتك ..قالى أن شاء الله بس يارب يوفى بوعده ..ههههه

إن شاء الله هايوفي يا نوجا ربنا كريم اوي والله :)

عسل يانوجا الله يباركلك انتى هنا الان ونفسي اكلمك كتير بس مش عارفة ازاى المهم خليكي فعلا معاه كده وربك يسهل وانا بدعيلك في صلاتى سلام ياحبيبتى وطمنينى عليكى كتيييييييييييييييييير

noga2472007;5800857:
[SIZE="5"]السلام عليكم اخواتى
اسمحوا لى أنا أول مرة اشترك وجديدة هنا بس عندى حاجات كتيرة عايزة اقولها يمكن حد يستفيد من كلامى أنا سيدة من مصر عندى 33 سنة أنا نفسى أفضفض معاكم تسمحوا لى :o
ادخل فى الموضوع على طول .... انا اتجوزت من 8 شهور كنا بنحب بعض اوى وحاربنا علشان نتجوز أنا مش بحبه بس انا بعشقه والمفروض انه كمان بيحبنى وكل تصرفاته كانت بتقول كده المهم هحاول اختصر .. عشت شهر كامل فى جنة وحسيت كل أحلامى بتتحقق فى الزوج اللى احبه فى الله وأرضى ربنا فيه بكل الطرق والله العظيم يا جماعة بعامل جوزى زى الرسول عليه الصلاة والسلام ما قال وكما أمر الله تعالى .. من حب وطاعة ودلع واهتمام وحنان وتدبير وخوف باختصار بعامله زى ما يكون البيبى بتاعى :confused: بس اللى مش طبيعى بأه علشان ما اطولش عليكم ان الحياة دى استمرت شهر واحد بس وأول يوم نزل جوزى فيه شغله ودعته بقبلاتى وبحنانى على الباب ودعت حبيبى واستنيته فى البيت بفارغ الصبر لما رجع بس للأسف رجع واحد تانى :confused::confused: ساكت دايما مش بيتكلم ويضحك معايا أول ما يدخل البيت يغير هدومه بعد الشاور ويدخل الليفنج نتعشى وهو ساكت ويفضل يبحلق فى التليفزيون لحد الساعة 3 صباحا وبعدين يقولى تصبحى على خير يا حبيبتى وينام عملت كل حاجة ممكن تتخيلوها ولسة بعمل وبرضه ما فيش فايدة اتغير فى كل حاجة فى مشاعره وتعبيره عنها فى ضحكه فى كلامه فى الاهتمام بيا فى البيت فى السرير :oفى كل حاجة بصراحة وحاولت كتير معاه بمنتهى الحنان وقلت له مش احنا اصحاب طيب عرفنى فيه حاجة ؟ لكم ردوده دايما هى هى ما فيش مرهق بس يا بيبى من الشغل ووصل الموضوع بينا الى فتووووووووووووووووووووووور رهيب ولسة بحاول انهى الفتور والملل ده بس ما فيش فايدة ,,, انا الحمد لله جميلة ورشيقة وجذابة وبعمل أكل يجنن و مخلية بيتى تحفة - اصلى بفهم شوية فى الديكورات والحاجات دى - انا مش شايفة انى مقصرة معاه كل يوم حتى لو مزعلنى مش بصحيه من النوم الا لما اكون بدلكه وادلعه واحضر له فطاره واجهز لبسه والبسه بايدى واضحك واهرج معاه - مع انى انا كمان بشتغل - بس برجع من شغلى قبله وبيرجع من شغله بيلاقى البيت تحفه مزيكا وشموع ورومانسية واحلى بارفانات وعطور مرشوشة فى البيت وبستقبله باحلى ابتسامة وبجرى عليه زى البيبى على الباب وادلع واهنن واحضر الحمام والطبق اللى فيه ماية وملح علشان رجليه والعشا حتى الأكل بعمل كل يوم صنف جديد ومش بكرر علشان ما يحصلش ملل ومش بقدم الأكل الا بديكورات والله يا اخواتى كأنه فى اوتيل فايف ستارز :16: انا عارفة ان لما الست بتعمل كل الحاجات دى لجوزها بينهبل عليها وخصوصا لما تكون حلوة ومدلعة نفسها وبتدلعه هو كمان لكن ليه مش حاسس بيا ساعات بحس انه وهو داخل البيت مش شايفنى بستقبله وانا لابسة احلى لانجيرى وبكون فى ابهى صورة بس مش شايفنى :(:( انا مش بحكى لحد حاجة بتحصل بينا ومش بحب ادخل اهلى او اهله فى حاجة لكن فى الفترة الأخيرة تصرفاته مريبة بيقفل تليفونه المحمول دايما وهو فى البيت وعامل عليه باسوورد احيانا وهو فى الشغل اتصل اطمن عليه ما يردش عليا او يقفل السكة أقول يمكن مشغول اكلمه على رقم شغله مش بيوصلونى بيه بيخترعوا مرة مش على مكتبه مرة مش لاقيينه مرة كلميه على تليفونه :rolleyes: تفتكروا هو ده الجواااااااز .... ممكن يكون بيخونى ... لحق يزهق منى بعد شهر جواز مع انه كان هيموت علشان نتجوز ؟؟؟؟ لو حد عنده فكرة ربنا يخليكوا عرفونى احسن انا خلالالالالالالالالالالاص هتجنن.... وربنا يسعدكم وسامحونى لو كنت طولت عليكم [/SIZE]

اختي الغالية :- ده بالضظ اللي حصل مع بنت خالتي ( كان السبب حسد وعين جامدة قوي:eek:) لانها زي القمر وعملت فرح متكلف شي وشويات غير الناس والقرايب اللي دخلوة شقتها يوم الصبحية والسبوع وشهقه من العفش وجماله ومن يومها وجوزها يضحك ويلعب بره البيت وجوه البيت صنم عارفة عملت ايه ( غيرت العتبة المحسودة) اقولك ازاي ؟؟؟؟؟؟؟؟؟
راحت وخلته ياخذ اجازة من الشغل وسافرت تغير جو لقته يا سلام زي شهر العسل ولما رجعوه البيت رجع صنم فهمتيني ( البيت محسود ) افتحي قران في الشقة وابقي طمنيني انا برضوه زي اختك:21_8:

الأخت نوره ... كلامك غريب شوية !!!!!!!! سمع كذبة عنى ؟ فيه أيه ؟ أنا الحمد لله جوزى واثق فيا جدا وأحنا أتفقنا مع بعض على الصراحة فى كل شىء وأنا مش بخبى عنه حاجة أبدا ..

وبرضه الحمد لله ما فيش مرض أو عدوى أو حاجة ..

وأنا مهما كان فيه خلاف بينى وبينه .. مستحيل أروح بيت أهلى أو أترك بيتى .. الحمد لله بحل خلافاتى معاه بمنتهى العقل وبمنتهى الحب وفى الآخر الغلطان بيقول للثانى أنا أسف ويبوسه

وأحب أطمنك الحمد لله فيه تحسن كبير فى علاقتى بزوجى الأيام دى واذا كنتى قرأتى الردود بعد الصفحة الأولى كنت عرفتى أن فيه سحر اتعمل لينا وأنا قربت من ربنا أوى والحمد لله على كل حال ..
وأشكرك حبيبتى على مرورك

الأخت الحبيبة .. سكارف
شكرا لكى حبيبتى .. وهو فعلا حصل معايا زى ما حكيتى كده بالظبط والحمد لله على كل شىء بس أنا الموضوع زايد عن الحسد كمان بسحر أتعمل له وليا وأنا بشغل سورة البقرة فى البيت كل يوم وبصلى قيام الليل وبدعى .. والحمد لله حصل تحسن شوية , وربنا يحفظنا جميعا ويكفينا شر المؤذيين .. مش عارفة بيستفيدوا أيه من أذية الناس.
المهم شرفتينى أختى بمرورك

يارب يطمنا عليكى حبيبتي

حبيبة الحب ... وقفت شوية عن قراءة سورة البقرة بس لسة محافظة على الاستغفار وصلاة قيام الليل .. ومن يومين حاولت أقرأ سورة البقرة من أول وجديد ومش عاوزة أقولك على اللى حصلى ... أستغفر الله مش طايقة نفسى وعصبية مووووووووووووووت وجانى مغص وأنا بقرأها زى أول مرة قرأتها فيها وكل شوية التليفونات ترن ومعرفتش أركز فيها وحاسة كأن حد بيخنقنى .. وحاولت تانى أقرأها أمبارح معرفتش وانهاردة برضه معرفتش مش عارفة أعمل أيه ؟ ونسيت أقولك بأه عن الأحلام .........
كل ما تتخيليه من تعابين ضخمة وكبرا وتماسيح وعقارب لما خلاص هجنن وبقيت خايفة أنام

حاسة بيكي ياقلبي ومااعرفش انتى قرائتى موضوعى ولا لا قبل كدة هاديكى الرابط بتاعه وابقي اقريه بس اهم شئ انك يكون عندك عزيمة على الاستمرار واستمري وهاقولك على حاجات كتير تانى بس اما اكلمك وماتنسيش تسمعى باستمرار الرقية الشرعية ولاننسي ان نستمر بالدعاء لبعض عن ظهر غيب وادعيلي ان موضوعى يفتحوه تانى لانهم اغلقوه من اسبوع بدون اي سبب دعواتك ده رابط الموضوع



http://www.3roos.com/forums/showthread.php?t=327898

وده شئ بسيط يعبر عن حبي لكي الله يشفيكي ويعافيكى ويسعدك سعادة دائمة ويرزقك خير الذرية الصالحة

هو ممكن بس مسئوليه الجواز هى اللى مخليه فى الحالة دى بس استنى عليه شوية وهى هيتاقلم مع الموضوع لان انتى الحمدا لله بتقولى انك بتعملى كل حاجة بيتمناها اى زوج من زوجته وكمان بتحبوا بعض ومش مقصرة فى واجباتك ناحيته مفيش غير انوا مرة واحده كده لقى نفسه مسئول عن بيت وزوجة والمسئوليه دى برضة مش هاينه دى حياة كاملة حاولى تانى كده بهدوء تتكلمى معاه سايسه خده فى حضنك وانتى بتساليه عشان يحس بحنانك ويكلم معاكى ويفضفضلك عن اللى ممكن يكون مضيقة وسيبك من حكاية انه بيخونك ده انتى بس عشان بتحبيه قوى بتفكرى كده وعايزة اقولك حاجة كمان انتى ممكن تكون احسن صورة وزوجة مثاليه من ناحية مسئوليتك ويتتكلمى معاه بس مش بتعرفى تقربى من تفكيرة كويس عشان تفهميه حاولى وانتى بتعملى مسئوليتك تجاه انك تحطى فى اعتبارك ان جوزك كمان زى مانتى بتعمليه على انه بيبى هو كمان فى الاساس راجل ناضج محتاج انك تتكلمى معاه تقربى منها اكتر واكتر واكتر وحسسيه بحنانك اكتر
والاهم من ده كله انك فى كل ركعه بتركعيها لربنا فى صلاتك انك تطلى من ربنا انه يهديه ليكى ويبعد عن اى حاجة وحشه وانوا يحببكم فى بعض ويجعلكم الخير دايما
وربنا يرفقك يارب ويسعدك