تجربتى الشخصية مع الرجيم خسرتنى 30كيلو

أولا .. مبرووك على نزولك كم كيلو والله صراحه انجاز ماشاءالله عليكي عندك همه حلوه
بصراحه أنا جربت اعمل كدا لكن استمريت بس اسبوعين او أقل ورجعت ثاني ...:(
بس ان شاءالله برجع تاني واتبع نظام مضمون..

ثانيا.. لا تسمحي للظروف تسيطر عليكي وتمنعك من أحلام تبي تحققيها وان كانت بسيطه
خليكي واثقه في الله واعرفي انو تراجعك عن اشياء كنتي تعمليها محا تغير من همومك شئ
اسأليني أنا مجرربه:confused::confused:
اخواتك هنا معاكي وأنا منهم :) ونشجعك انك تواصلي وتحققي اللي تتمنيه ..
ولاتنسي لما ترجعي تنزلي تاني بشرينا طيب ؟

ربي يفرج همك وغمك ويريح قلبك ويسخرلك الزوج الحنوون الصالح اللي يعينك على الدنيا والدين..

عرفي امورة حسيتك تتكلمي عليا

اني طول عمري دبدوبة
يعني مش لدرجة كبيرة بس دبدوبة
بعد ما تخرجت وخشيت نقرا وهكي اهملت نفسي
وبديت ناكل لان طول الوقت برة الحوش
يا في الجامعة يا المكتبة
وكنت زي عمرك 23 سنة
وبعد سنة وزنت لقيت روحي 95
حي عليا حي قريب متت كيف وصلت لهكي
يعني اخر مرة وازنة فيها 75 مش لدرجة نزيد 20 كيلو من غير ما انحس
ومع هذا ما قدرتش ندير رجيم بكل
خصوصا اني ما نفطرش وما نتعشاش ونتغذى بس
ونشرب في قهوة بدون سكر بكل لاين نحبها بدون سكر
مشي مرة القهواجي متاعنا قالي شنو خيرك من غير سكر
شنو تبي تضعفي
راه ما عمرك ما حتولي ضعيفة
اني نصدمت معقولة حتى الناس رايها هكي فيا
وعلى قولتك اللي يشوفني يسحابني اكبر من ماما وبصغاري
مشي قلت لازم نضعف
وفعلا بديت نمشي هلبة كل يوم وناكل وجبة وحدة اللي هيا الغذي
خضرة وبس مرة سوتيه مرة شربة ونتكم لروحي الخضرة وخلاص
ولا ناكل شئ غير هكي وما حسيتش بحرمان بكل وكان جوي عااااااااالمي
وسبحان الله كل ما تنقصي كيلو تحسي روحك في السمي وجوك حلو وكانك ملكة جمال العالم
واحلى شئ لما الناس تتكلم وتقول حي ضعفتي حي محلاك ووووووو يا سلااااااااااام
المهم نزلت نزلت نزلت من الاول وصلت 90 بعدين 85 بعدين 80 بعدين 70 لين وصلت 65
هذا كله في ظرف سنتين واني مبسوطة ولا حسيت باي شئ
ويا سلام ما احلاي لما نمشي نشري حوايج
كنت نلبس 46 ووليت نلبس 40
حتى وجهي مش وجهي ونفسيتي مش نفسيتي وكل حياتي مش نفس حياتي
وقعدت على الرجيم نفسه لسنة ثانية يعني وصلت 3 سنين بس للاسف السنة الاخير ما نقصت شئ ونفسيتي تعبت
نبي نوصل 55 وهذا حلمي بس مش قادرة للاسف
بعدها خذيت دواء لتقوية الشعر لان شعري بدي يطيح هلبة
بس للاسف بدت عندي شهية غير عادية
وبعد ما تميت الدواء هذا عرفته انه فاتح للشهية
هذا الكلام من ثلاثة سنين فاتو
وللاسف ذدت فيهم هالثلاثة سنين ووصلت نلعب بين 75 و 80
يعني لما نشد شوية نوصل 75 ولما نرخي وما نعدلش نوصل 80
واني مش عارفة شن ندير
وين عزيمتي مش عارفة
مع ان قبل هو اللي ماكانش فيه راجل وخطيب وحلم بالفيلو وعرس وهكي
ومع هذا ضعفت وكان عندي عزيمة
وتوة في عريس وعرس قريب ومش قادرة نشد روحي بس

يا ريت يا عروسة ادوري على العزيمة معاي بكشي نشدوها مع بعض في القريب العاجل

سامحيني يا عروسة دويت هلبة وفرجت على همي عندك ماهو حسيت بيك على الاخر
شكرا لك