زوجي كله نايم

الصراحة انا مريت بهذه المشكلة لما ولدة اول طفل لي كان زوجي دايم متضايق مني وزعلان ونومة الزايد وطلعاتة وسهراتة طبعا السبب تغيرات التي بسبب الحمل واولهم اني متنت وثانيا كان يغار من البيبي لان اهتمامي كلة له وطبعا الغيرة كانت عفوية وطلبات البيبي , وطبعا انا من النوع الي ماسكت صبرت كم شهر وبعدين انفجرت في وجهة وسبب الانفجار لانة شد بجامتي مايبيني اروح انام يبي يسهر وانا ما احب هذه الاسلوب وخاصة اذا كان بثقل دم رحت مصرخ في وية وثاني يوم شليت اغراضي من البيت ورحت مع اخوي عند امي طبعا ماخليت ولا شي لي ابي افقدة الامل فيني وقالي خلي البيبي ابو 3 شهور في البيت قلت له ان شالله هذه كلة صار الظهر المغرب جابلي ولدي طبعا من الظهر الين الغرب وانا قلبي يتقطع على ولدي بس قلت اصبر اذا الرجال يبيني ويعزني بيرجع لي وبيرجع مثل قبل جلست بيت امي تقريبا 3 اسابيع وقلت لة اذا ماتغيرت ابي طلاقي ولدك خذة ماعندي استعداد اربية واللة وثم واللة انة لما شاف الامر خلاص واحد راح حق اخواني يترجاهم ارجع لة وكل يوم يكلم اخواني الين ذبحتة قهر الين مانزلت دمعتة من الحسف بعدين رجعت وبشروط
لكن الحين شوفية الحمد للة صار يحب بيتة وطبعا روحاتة للاصدقاءة والرحلات والسهر هذه باي باي صار بيتوتي وايد اذا بيطلع يوم الخميس والجمعة هذة للمجلس ونادر يروح رحلة يبات صار مثل اول واحسن ( لاني احبة وايد سويت هذه الشي لان الكلام والاسلوب الحلو مانفع معاه )
وهو ماقصر فيني لما ربيت وداني احسن المستشفيات الخاصة وكان سعر الولادة 20000 ريال وكانت هديتي سعره يقارب 40000 ريال

شكرا يا بنات سويت بنصايحكم وصرت اقعد قبل رجعته وانتظره

صار يخلينا قاعدين ساعة مع بعض

وبعدها ننام

وصار هو يقعد قبل ساعة من طلعته يقضيه معانا

يعني ساعة مني

وساعة منه

والحمد لله نفسيتي احسن بفضل ردودكم الذكية

الله يعينج ..

الاخت قويه الساس .. ماقصرت ..

اصبري وان شاء الله بيقعد معاج وبتاخذين راحتج وبيعوضج الي فات ..

مه السلامه

تسلمين يا بنت الامارات الغالية

الحمد لله بعد ما اخذت برايكم نفسيتي تعدلت وزوجي تغير وااااااااااااااااااايد

تفاهموا مع بعض وحددو وقت تجلسون مع بعض مثلا تنامين مع بنتك لين ما يقرب موعد رجوعة من الشغل وتقعدين معاه وتتعشون سوا ثم تنامون مع بعض وتقعدون من النوم قبل موعد الدوام بثلاث ساعات عاالاقل تأكلون وتتكلمون في حياتكم وأن شاء الله تعيشون في سعادة

تسلمين عزيزتي الزواج وهذا فعلا اللي قام يصير

اختى ام شجاع اصبرى عليه انه اول زوجى هلون بس صبرت اعرفين ناس نايمه وهو يشتغل نومه مومنتظم من جذى يبله الاعصاب حاولى اختى ما تكررين نفس الموضوع لانه الريال يتملل من المراه اذا تحن عليه وقفى معاه

ياربي وش هالدوام الممل
طيب احلى اوقات الجلسه والطلعه والتمشيه والوناسه تبدأمع دوام زوجك والله صعبه
المهم
دام انه هذا دوام زوجك ولابد منه مثل ماقالو لك الاخوات نظمي نفسك ووقتك على دوامه
والله يكون في عونك وعونه ويسعدكم يارب

الله يهدية وييسر امرج
والله شقول لج
الظاهر مافي حل غير انه على الاقل يغير شفتة
يعين يخلية اول ليل واجد اهون
ممكن انه يكلم الشغل في هالمضووع
لانة مااشوف فية حل غير جذي

الحمد لله الوضع حاليا تعدل شوي

صرت اعطيه من وقتي وهو يعطيني من وقته

اختي ام عبادي المشكلة ما يصير يغير الدوام

هلاااا...كان الله فعونج...شوفي حبيبتي...يمكن روحه يكون حاس باللوم...بس ظروف شغله...

فلا تخلين لقائكم عتاب...بالعكس...دلعيه...و قوليله انج متفهمه الوضع....و ما دام انا احبك..يكفي

اني احس بوجودك فالبيت...و الله يعطيك العافيه على تعبك....

بعدين حاول تخلين بنته تكون ناشه يوم هو موجود...خليه يلاعبها....و مع الوقت راح يتعلق فيها...

خبريه عن حركاتها حتى لو كانت بسيطه...و ادعي عسى الله يغير حاله....

ربنا يهديه ويصلح حالكم

قوية السـاس;5652564:
حبيبتي هذا شغله و مصدر رزقه شو تبينه يسوي يعني
كيف يصرف عليكم .. مثل ما انتي ام و مسؤوله عن طفل و نومج مرتبط بالبيبي هو بعد اب و مسؤول عن البيبي نفسه و لازم يشتغل عشانه و عشانج
تخيلي يودر شغله عشان يكون له وقت للبيت كيف بتعيشون
هو ما يقدر يسوي شي عشان جيه يسد الموضوع بعصبيه .. لاتضغطين عليه .. اذا تبين اضغطي على عمرج و نشي الساعه 3 او 4 و يلسي وياه لين الساعه 6 هاي عالاقل ساعتين او 3 انتي بس ويا ريلج بدون صريخ يهال و حشره و ترى احلى وقت هو الليل .. خاصه انج متطمنه البيبي نايم
فكره صح

الغالية انا من راي الاخت


هذا شغله يعني لازم تتحملين لين يشوف شغل ثاني اريح لو تتعدل الظروف


بس انصحج لا تندكين عليه لان جاي منشغله تعبان يبغي يرتاح


لان اذا اتكلمتي او لا ماراح يتغير شي مو معقول يترك شغله

فانتي حاولي تريحينه من يرجع من الشغل والله يعينك

أنا أشوف ماتكبرين الموضوع يشتغل أحسن مايقعد على كبدج اليوم كله بدون شغل وحبيبتي حاولي تجدولين حياتج نفس جدوله واهني تنحل المسأله وتشبعين منه ولاتضغطين عليه وهو بنفسه بيحس اذا شاف ان الموضوع صار عادي بالنسبه لج بس عندي سؤال اذا تبين تقضين حاجه من السوق او المستشفى شتسوين؟؟؟؟؟؟؟؟؟

نسيت أقولج آنا نفس حالتج لكن إنتي أهون بواااااااااااااااااايد تخيلي يداوم الصبح بالمدرسه وعقب يرد البيت الساعه 2 الظهر يتغدى ويحط راسه وينام تدرين متى يقعد والله العظيم اليوم الثاني الساعة 6 ويروح دوامه شرايج ؟؟؟؟ أدري مو مصدقه وتعبت معاه حاولت اعدله مافيه فايده تركته وعشت حياتي وهو موجود...

ياختي عجزنا ماندري شنسوي انا مايحب النوم بس السهر مع الاصحاب حاولت مني مناك مافي فايده الحمدلله على كل حال قريت مره في منتدى انه لاتخلينه كل اهتمامك عادمادري بس انتي حاولي تغيرين نومك معاه ثم اذا قدرتي خليه يغير دوامه دعواتكم بالشفاء

حبيبتي واللة حاسك فيك كنث مثلك كان عمل زوجي شفتات اول اسبوع يكون دوامة اخر اليل من السعة تسعة الليل الين الساعة سبعة الصبح ويجي تعبان وهلكان يفطر وينام على طول طبعا اكون صاحية انتظرة ونام ويقعد نايم الين الساعة ثمانية الليل ويقوم يتعشا ويروح العمل وماكنا نسولف الا كم كلمة والاسبوع الثاني يكون دوامة من الساعة وحدة الظهر الين الساعة احداعش ونص الليل ويجي وعلى طول ينام وقعدنا على كذا ست سنوات حتي الخميس والجمعة كان يدوام لكن صبرت وراعيت عملة وتحملت عصبيتة من ظغوط العمل والحمد للة الحين تغير دوامة صار يداوم من الساعة 5صباحا الين الساعة 3 العصر والخميس والجمعة اجازة

الله يعينج ويعينه بس حرام شغله بعد شنو يسوي

الله لا يخليني منكم يا بنات

رماني زماني;5826124:
أنا عندي سؤال اذا تبين تقضين حاجه من السوق او المستشفى شتسوين؟؟؟؟؟؟؟؟؟

انا عندي سيارة فاضطر اكمل كل شغلي بنفسي، بس صراحة اعتدل الوضع الحين بعد ما سمعت كلام البنات وصرت استقبله اذا رجع من شغله

صار هو الحين يعطينا من وقته والحمد لله