زوجي كله نايم

هلا حبيبتي

انا اتمنى لو تضغطين على نفسك وتسوين الي انصحك فيه
ترا زوجك صار عنده روتين وصار عنده عادي حتى لو ما رجع البيت
وشافك اهتمامك بالصغيرة اكثر منه فحس بالاهمال من ناحيتك بتقولي هو هاملني
بس تخيلي الراجل يطلع من 8 لغاية 3 وكله ضغط ويمكن عمله مش سهل ويرد منهد
فايتمنى لو يشوفك جنبه وسهرانة عشانه
حاولي تنومي الطفلة مبكر وانتي بعد بس جهزي له كل شي قبل قبل ما يرد
تسبحي وتعطري وجهزي الاكل وكل شي تسوينه قبل ما تجبون البنت
وانتظريه

وصدقيني بتشوفيه على طول يتغير لان الراجل اهمليته وهذا تراح تحسس منه
لانك انتي جاوبتي على نفسك انك قبل كنتي تسهري معه بس الحين انقطعتي بسبب
نومة الطفلة وانتي لاحظتي الحين هالتصرفات طبيعي

اتمنى لو تسوينها يوم بعد يوم حتى ما ترهقي نفسك وتحاولي تحسسيه انك
ما همليته بالعكس مهتمه فيه واكثر

موفقة

البنات ماقصرو ام نجودة

لا ضايقين نفسش وطولي بالش

والصبر جميل ومفتاح الفرج...

صدق اصعب شي لين الزوج والزوجه ينشغلون باشياء ثانيه عن بعض بس احمدي ربش وصبري

ونامي مع نجودة اذا هو في شغله

وقعدي حزت اللي بيرجع..

وان شاء الله خير

ام شهد11;5661165:
البنات ماقصرو ام نجودة

لا ضايقين نفسش وطولي بالش

والصبر جميل ومفتاح الفرج...

صدق اصعب شي لين الزوج والزوجه ينشغلون باشياء ثانيه عن بعض بس احمدي ربش وصبري

ونامي مع نجودة اذا هو في شغله

وقعدي حزت اللي بيرجع..

وان شاء الله خير

اختي السلام عليكم ورحمه الله وبركاته ..

حتى الخدم اعزكي الله لهم وقت اجازه.. ولا هو ياخذ الاجازه .. overtime ان كان ياخذها .. فطالبي فيها ..
ولكن مثل ما قالو لج الاخوات .. ظروف عمله وتحملي واسرقي اللحظات السعيده مهما كانت قصيره..

تحياتي
ام جنى

الله يعينك

غيري نظام نومك انتي والبيبي

الله يعينك يااختي

دوامه من 8 الى 3 الليل .. وماتبينه يرتااااح ؟؟؟ وفوق كذا لاجا من الدوام ماينام الا 6 ..

تبين الجد اللهل يعينه ..

حاولي تآزرينه ..

بس بقولك حاجه ترى الرجال لارجع من الدوام .. راح يكون تعبااااان وهالك

ومن حقه ينام .. يعني ليله كله رايح بالشغل .. ويجي من الدوام محتاج حنيه وكلمة حب دااافيه

مايبي لوم وعتاب او اي كلمه تنرفزه .. لأنه راح يكون بهالفتره مضغوووط مره ويبي يتنفس

المفروض ماتفتحين معه هالموضوع .. لانه المسكين مورايح يلعب برا .. راح يشتغل

له ولك وللبيبي ... شجعيه .. وحاولي تجلسينه يصلي العصر على الاقل .. عشان يبقى له وقت يجلس معكم

الله معك

مو احسن يكزن مشغول في الدوام ولا مع الشلة ونفس الانشغال اللي يخليكي تتعذريلو انو
هذا شغلة بس عاد عساة في ايا الاجازة يعوض انشغالة
الله يعينك ويساعدك ويصبرك ويتغير دوامة انشالله خليكي متفائلة
ولا تزني على شي مو بيدو ترى يكرهك ويكرة حتى يوم الاجازة يجلس معاكم .........

صراحه ... مايحس بالنار الا واطيها ..... كلكم بحثتون عن اعذار للزوج ونسيتون ان الزوجة تبغي زوج وشريك واب لبنتها ........... هو يرجع الساعه 3 المفروض يصلي الصبح ويرقد الى وقت الغذا خلاص .. يكون نام بما فيه الكفايه يجلس مع اسرته يطلعهم يقضي احتباجاتهم واذا صار له وقت يريح لمدة ساعه قبل لا يروح الشغل زين بعد ....

انا زوجي بعد دوامه اخر الليل وماعنده اجازه مثل حالتكم... لكن بصراحه موفق بين شغله وبينا انا وعياله .... واذا يوم زودها بالنوم احس اني راح انفجر من الوحده والملل ..

حاولي يااختي انش تتفاهمين معاه بأسلوب حلو ......... قولي له خلنا نقسم الوقت بما يرضيك ويرضيني من غير هواش وزعل ... اما انك تبغي حياتك على كيفك كأنك واحد عازب ماوراه زوجه ولا عيال هذا شي مو معقول ... وحددو لكم يوم تطلعون فيه مع بنتكم ....

لا طبعا محدش يدخل
انتي نظمي نومك في وقته طبعا طالما غصب عنه

هو بيتعب علشان مين يبقي انتي قدري واستنيه حتي لو بيبي نام استنيه انتي وغير وقت نومك ان شاء الله نومك يقل

استحملي

ربنا يوفقك يارب

حاولي تعرفين شلي يرضيه

اول شي شلون يصلي الضهر والعصر والمغرب كلها تفوته مايجوز

ثانيا 14 ساعه نايم وااااااااااااااااااااجد حتى لو كان شغله متعب

مثل ماقالوا البنات اذا رجع من الدوام حاولي تكونين صاحيه

واذا اذن العصر طبعا يكون الغداء يكون جاهز ادخلي انتي وبنتك عنده وحاولوا انكم تصحونه ولطفي الجو معااه

وخليه يتغدى وروقي الجو

حبيبتي انا مرت فترة كان زوجي يصحى ويروح الدوام، يرجع العصر ينام، ولما يصحى قريب المغرب يدخل يسبح ويرجع الدوام مرة ثانية، كنت احس بضيق من هالشي وبس مرة قلت له شعوري وما عدت اقولها مرة ثانية، كنت احاسب ان زوجي ما يقول اللي قاله زوجج، كنت معودة بنتي تنام من الساعة 11 ونص او 12 بالليل لان ابوها يكون قاعد في البيت من 9 او 10 الين 12، فيقعد معاها ويلعبون وانا مرات انظف البيت واشتغل، وعالـ12 ينامون فاروح انام وياهم، بس زوجي يصحى الصبح وانا لا، لان كان عندي اجازة فاطول في النوم مع بنتي، وبنتي ما تصحى الا الظهر ااكلها واغير الحفاض وانيمها الساعة 3 وقت رجعة زوجي علشان ما تزعجه بنتي، وانا اقعد واتعدل له، واتم معاه لين ما يتغدا وينام وبعدها اروح اشوف شغلي الين ما يصحون اهم الاثنين، زوجي يروح الدوام اانا اخذ بنتي العب معاها... حبيبتي الحياة سهلة للي يبي يسهلها،، البيبي ينام اكثر من الشخص الكبير، فنامي معاه فترة وفترة خليه صاحي علشان ابوها، يعني من الساعة 3 - 6 نيميه علشان تقعدين معاه، ولما يقعد خليج معاه واكيد بيرجع ينام مرة ثانية فنامي معاه بس شرط يكون زوجج محد،، واستحملي الله بيفرجها ان شاء الله، ما عليج الا الصبر حبيبتي وتكونين جنب زوجج دايما فهو محتاجج، وحرام تضغطين عليه وتضايقينه فوق ما هو متضايق ومضغوط... واسفة لاني كثرت حجي بس اتمنى اني افدتج

على الجرح نفس العداب يااختي

شكرا يا بنات

الخدود الحمرا الله المعين

توت بري كلامج على الجرح

هلا حبيبتي

انا وااااااايد فاهمة موقفج لاني مريت بنفس الظرف بالضبط

زوجي كان دوامه من 8 بالليل لمن 8 الصبح و وقتها بس كان عندي ولدي كنت من صج ما اشوفه على ما يرجع الا انا رايحه الجامعه وعلى هالمنوال


لحد ما يوم احترق الحمام الفجر وقمت أصرخ ماسمعني احد غير حماي و وقتها اصريت على موقفي انه يغير وقت دوامه و بالفعل تكلم مع مديره ومشت الأمور

كلميه شوي شوي قولي له نشتاقلك وبنتك تبيك ومن هالكلام واذا في امكانية يغير الوقت ليش لأ

الله يهديه ويسخره لج آمين

عادي سهري معاه اهم شي راحت زوجج ...

طولي بالك

لاحظي انه ينام النهار ونوم النهار مو مثل نوم الليل

واذا تقولين انه يقول على البيت قبر

حاولي تجلسي معاه وتعرفي ليه هو يقول كذا وحاولي تغيري من روتين البيت

يمكن هو نفسه طفشان من دوامه لانه متعب

وان شاء الله ربي يفرج همك

حاولي تتفاهمين معاه


ع الاقل جامليه اذا رجع واسهري معاه

الله يبعد عنكم المشاكل

انصحك اختي تدوامي على الاستغفار لانه مفتاح تفريج الكربة

مشكورين يا عزيزاتي

هذا انا سويت بنصيحتكم وقاعدة انتظره

ما قدرت حتى انام

وتعباااااااااااااااااااااانة

بس انتظر النتيجة

دعواتكم