تجمع مابعد الولاده((فتره النفاس))حياااااااااااااااكم

مرحبا امهات وش اخباركم ماعندكم خلطة بالنسبة للسواد حول السرة وبين الافخاذ بصراحة ماجربت شي تكفون اللي عندها شي سريع وخفيف ماياخذ وقت تدلمنا عليه...
عنايتي بنفسي اقعد في البانيو موية وملح وديتول واسوي تقشير يوم ورا يوم وادهن جسمي بيبي اويل و زبدة الفراولة من بدي شوب واحيانا استخدم لوشن الاطفال...

هلا وغلا نودلز مبروك ماجاك والحمدلله على سلامتك حبيبتي وش اخبارك ياليت تكتبين لنا النظام الغذائي...

al3ion;5611265:
شوفو انا بعد ماربيت بس مجهزه لي شوية اغراض اعتني فيها لنفسي نقلتها من امهات خبببببره

للسواد والتشققات ... خذت خل تفااااااااااح يقولون وايد زين ينظف المكان ويشيل اثر التشققات بسرعه
وخذت كريم ماركة روك ... لبعد الولاده يشد البطن ....
وخذت زيت زيتون بمسح جسمي كامل يوميا عشان يترطب ... لان احسه وايد جاف من الحمل

اما بالنسبه للخياطه

اشترت ميبوووو ........... وايد يمدحونه

وبعد اسبوعين بلبس مشد اندونيسي برص الكرشه رص وبمشي يوميا نص ساعه .... وان شاء اللله نرجع مثل قبل واحسن

اما بالنسبه للنيولوك

طرشت خواتي يفصلون لي جلابيات حلوه قطن وحراير
ولمااروح بفصل لي عبي اطقم ... وبصيغ وبحف وبتحنى حنى عرووووووس والمبك اب اكيد لما يشرف بوالشباب يشيلني بعد الاربعين

الله يهون علي ادعوووووووووووولي بنات

الله يهون عليك ان شاء الله وعقبال مانتضمين لنا وفعلا مرهم ميبووووووووو مررررررره يمدحونه للخياط ودكتورتى كتبت لى وانا استخدمه حاليا لايفوتكم رووووعه مره يريح ويعقم بنفس الوقت

هلا نودلز وحياك حبيبتى واتمنى تحطين لنا النظام الغذائي حقك عشان الكل يستفيد ومشكورررره
النفس البريئه كيفك ياحلوه وين الناس؟؟؟؟:(كل يوم ادورك
بالنسبه لسواد الى في السر حتى انا مجننى ابي شي يروحه شكله مقرف ياللاااا يابنات همتكم عطونا حل
اما بالنسبه للعنايه بالمنطقه انصحكم يابنات بالارطه وورق الجوافه تضوق المنطقه طبعا طريقتها تطبخينها وتحطينها في قيصريه وتجلسين فيها طبعا تكون المويه دافيه انا ان شاء الله ببدى فيها اذا تم لى عشرين يوم لانى بصراحه طالما الجرح ماطاب مااحب اخبز عليه من الطب الشعبي مااستخدم الا مطهر بيتادين ومرهم معقم بس الى حد الان وبعد العشرين ابدى اتفنن :Dوعلى فكره ترى ورق الجوافه هذا طب الاندونيسيات وانتم عارفين الاندونيسيات وش مشتهرين به:wink:مالت علينا:tongue:اى واحط مع اكلى الماش طبعا الى هو عباره عن حبيبات خضراء صغيره هذى روووعه شغالاتنا ياكلونه ويقولون زين للى انتم خابرين:cool:(y)والحلبه بعد بشربها ان شاء الله الين اتم عشرين يوم بعدين بوقفها لانهم يقولون انها تجيب مويات بس هذا الى عندى اليوم<<<ماقصرتى فجرتى روسهم بكثر القرقر :Dخخخخخخخ مع السلامه

هلا حبيباتي الامهات
اشحالكم عساكم بخير ؟!!!

النفس البريئه .. الله يبارك فيج حبيبتي .. والله كبرنا وصرنا امهات خخخ
بالنسبه للنظام بحطه لكم لا تحاتين وفالج طيب ^.^

رسيس .. ماشالله يعني بتدين الشغل العدل عقب ما تكملين 20 يووم
يلاا GoOo وانا معااج بعد ^.^

وهذا هو الجدول ..

الافطار :
2 رغيف من التوست الاسمر او 1 حبة من الصمون الاسمر+ شريحة من الجبن الخفيف الدسم او جبن فلاديفيا القليل الدسم +احبة طماطم + ا خيار او عدد ا بيضة مسلوقة
(طبعا اما بيض او جبن ).

الفترة بين الوجبتين : اما تفاحة واحدة او حبة من الموز .

الغداء : 2 كوب من السلطة + كوب من الارز + صدر دجاج مشوي او كوب من المعكرونة او كوب من البرياني ( اهم شي السلطة تكون ضعف الوجبة ).

الفترة بين الوجبتين : 2 اصبع كيت كات او كوب صغير من الايس كريم او 2 حبة من الفواكه .

العشاء : مثل وجبة الغداء او وجبة الافطار + 2كوب سلطة .


ملاحظات :
1- مسموح بشرب كوب واحد من الشاي بدون سكر او قارورة واحدة من البيبسي او الفن اب الدايت
2- شرب على الاقل مايعادل 6الى 8 اكواب من الماء .
3- شرب 1كوب من الماء الدافئ على الريق .

واللي تبا تسويه تقولي عشان نقارن الوزن مع بعض ^.^

هلا نودلز برنامجك حلو طيب نقدر نحذف الرز النشويات بشكل عام بالنسبة لي هالايام عايشة على الحليب واكل برتقال والتمر مع الحبة السوداء وبالنسبة للرشاد اكلتها لى عشرين يوم بعدين وقفتها...

هلا وغلا رسيس ان شاء الله اصيدك يوم ابجرب طريقتك بالنسبة للجوافة كودي القى ورق جوافة...

باقي الامهات وينهم ............

النفس البريئة;5618086:
هلا نودلز برنامجك حلو طيب نقدر نحذف الرز النشويات بشكل عام بالنسبة لي هالايام عايشة على الحليب واكل برتقال والتمر مع الحبة السوداء وبالنسبة للرشاد اكلتها لى عشرين يوم بعدين وقفتها...

هلا وغلا رسيس ان شاء الله اصيدك يوم ابجرب طريقتك بالنسبة للجوافة كودي القى ورق جوافة...

باقي الامهات وينهم ............

ههههههههههههه ياحليلك كودى <<<معجبتنى :D واهم شي بعد الارطه (العبل)دوريه كودك تلقينه تراه يشد المنطقه ويضوقها مع انه يسودها بس مو مشكله بعدين نبيضها:Dخخخخخخخ

النفس البريئة;5618086:
هلا نودلز برنامجك حلو طيب نقدر نحذف الرز النشويات بشكل عام بالنسبة لي هالايام عايشة على الحليب واكل برتقال والتمر مع الحبة السوداء وبالنسبة للرشاد اكلتها لى عشرين يوم بعدين وقفتها...

هلا وغلا رسيس ان شاء الله اصيدك يوم ابجرب طريقتك بالنسبة للجوافة كودي القى ورق جوافة...

باقي الامهات وينهم ............

هلا النفس البريئه
صراحه ما عندي فكره اذا تقدرين تحذفين النشويات ولا لا .. بس هذا الجدول صحي وهدفه انه يتضمن كل العناصر الغذائيه اللي يحتاجها الجسم .. يعني اذا لاحظتي فيه من كل المجموعات الغذائيه ..مجموعه الحليب ومشتقاته .. اللحوم .. النشوياات .. وبعد من الحلويات والفواكه والخضروات.. يعني هو يتميز بوجود جميع المجموعات الغذائيه لكن بكميات ومقادير معينه تساعد على نقصان الوزن ..
وعلى فكره قريت موضوع يقول الام المرضعه تضعف طبيعي من اثر الرضاعه وخاصه اذا تحسين لما ترضعين انج تتعرقين وااايد هذا دليل انه جسمج بدا يحرق الدهون والسوايل اللي كانت متخزنه بجسمج وقت الحمل ..! < عجبتني المعلومه هذي واايد استانست عليها خاصه اني ارضع ولدي رضاعه طبيعيه:D
يعني نصيييحه رضعووو طبيعي وشوفوا النتيجه عقب كم شهر تصيروون عصااقييل خخخ:tongue:

مممم بنات عندي سؤال ..
انا ولدي فديته طلعتله حبوب حمرا مكان الحفاظ يعني بين رجوله ومن ورا كله المنطقه محببه :(
شو الحل يا امهات ؟؟!!!
انا الحين استخدم كريم مضاد للاتهاب الحفاظ ..
ومن اليوم ما بلبسه حفاظ يعني قالولي اخليه شوي بالجو تهويه كم يوم عشان يخف

شو رايكم .. ساعدووني ابا الحل بسرعه بليييز ..:confused:

الله يحفظ اعيالكم من كل مكروه انشالله

انتم السابقون ونحن الاحقون :):):)

سلاااااااااااااام
عن نفسي مالي نفس كلش في الاكل منسده نفسي تماما
لكن اجبر نفسي على الغذاء الي يفيدني ويقويني
وياليت البنات يفيدونا في شي يوخر سواد الجسم

مساء الخييييييييييييييييييير
ج.ن مين يطولها حياك حبيبتى وش اخبارك وين هالغيبات والله يعينك على سدت النفس شي طبيعي حبيبتى لايهمك كلنا في الهوى سوى
انا البارح بغيت اموت من ضيقه الصدر والاكتئاب :confused:شي فضيع الله لايعيده بس الحمدلله جاء زوجى الساعه 11 وشوي غير الجو على الله يعين
اما بالنسبه لسواد انا لقيت وحده تمدح لوشن مبيض للجسم اسمه ايبيديرم تقول مرررررره روعه يبيض في اسبوعين واثنوا عليه البنات وسعره رخيص مررره 15ريال دورته مالقيته اتمنى القاه وارتاح من السواد خصوصا الى في السر:ss:دوره يابنات على الله نلقاه

منوى;5624324:

سلاااااااام شخباركم مربيات
شحالكم شمسوين مع البيبيات والكتاكيت الحلوين
حبيت أسألكم متى يلتأم جرح الخياط أني مسوي عملية قيصرية؟أستخدم كريم ميبو
ونفسيتي مرة منسدة نا أشتهي أكل شو الحل؟
نفسيا تعبانة متمللة حيل وجسديا فيني خمول وكسل كمان شسوي؟
متى يتوقف نزول الدم صار لي أسبوعيا وينزل مني دم ؟

هلين منوى احنا تمام ياقلبي
بالنسبه للجرح متى يلتأم تقريبا اسبوعين ان شاء الله
والنفسيه طبيعى تكون منسده عادى
والدم انا جلس معاى 35يوم تخيلتى بس الحين مدرى الله العالم متى بيوقف

هلاااااااااااا وغلاااااااااا
اخباركم

انا عن نفسي صار لي اسبوعين من ولدت.. قيصريه طبعا .. وتوأم ماشاء الله تبارك الله!! وحده تنام والثانيه تصحى!!
اول ثلاث ايام الالم لايطاااااااااااق بس بعدها تعودت والله يبارك في حبوب السولبادين!!

واصلا اصلا يادوب اسرق لي عشر دقايق من وقتي واخذ لي شاور ع الطاير
ابي جد اتفرك من قلب وانا اتسبح بس شسوي حسبي الله ع الظالم ههههه

مثل ماقالوا اخواتي مافيه وقت اصلااااااا احك راسي فما بالكم اسوي اي شي!!
النفسيه زفت زفت زفت زفت!!

ساعات لما يصيحون التوأم مع بعض (طبعا مايصحون الا الساعه ثلاث الفجر وطالع!!)
ودي اسكر اذني واحقرهم واكمل نومي بس مايطاوعني قلبي!!
والادهى لما ارضعم واغير حفاظهم ويظلون يصيحون اقطهم على ابوهم واقعد اصيح اصيح اصيح ليما امووووووت وينفجر راسي!
امي واختي مساكين تعبانين معاي! وزوجي مو عاجبته القعده معاي في بيت اهلي(طبعا يجي لي اخر الليل ينام معاي بغرفتي ببيت اهلي والصبح يروح الدوام!) وانا احس نفسي ضايعه بدونه!!

ايه والشي اللي يقرف: على قد ما اهتميت بحالي فتره الحمل طلع لي تشققات ببطني ما اقول لكم كثيره او قبيحه بس فيه شويه تشققات والله يستر شكله صدري نفس الشي بيطلع فيه من كثر ما تمغط قصدي تمدد!!

ايش بعد.. قرفانه من حالي من جد وساعات استغفر الله اقول ليش ياربي كذا لو انهم بداخل بطني اريح لي.,. الحمدلله ع النعمه احب لين وليان موت بس ساعات اموت ونفسي انام براحتي واصحى براحتي!
واللي زاد الطين بله للحين شغالتي ماوصلت ويبي لها شكلها شهر زياده!
بالنسبه للاكل ما اكل زين الغدا من المطعم والعشا اختي تسويه..
ومافيه فطور..
بالنسبه للحليب .. اغصب حالي احط لي ملعقه حلبه صغييييييييييره في كاس حليب وملعقه عسل واخليه يصخن في المايكرويف والحمدلله الحليب يدر..

مليت من القعده ببيت اهلي وابي اروح الشقه وعارفه اذا رحت شقتي مافيه احد يساعدني هناك! بس شسوي!! مادري احس خلاص طفشت ابي اغير جو

ايه قعدة البيت تجيب العله!!!1 خلاااااااااااااااااااااااااص مليت ابي اشم هوا الوقت الوحيد اللي اطلع فيه لما يكون عندي او عند لين وليان موعد!



هذا كل شي الحين..
بقوم انام مادام البيبيات نايمين1
تصبحون على خير :)

هاله حبيبتى الله يعينك بس لازم تهتمين بنفسك شوي وباكلك ترى النفاس فتره وتعدى ان شاء الله وترجعين لحياتك الطبيعيه وبالنسبه لطلعات اه بس متى اطلع واتمشى زي الناس قعده البيت ملللللللللللللللللللل يوم اطلع لموعدى انبسط احس انى مسجونه لى سنين:(

الحمد لله على سلامتكم واتمنالكم كل خير
واتمنا انظم ويااااكم بسرعة

هلاااااااااا خواتي .. مااشوفوا شر يااااااااارب

ليش كذا نفسيتكم ... خليكم مفرفشين ومستانسين ... الدنيا ما تسوه .. صج اليهال يعصبواا مرات

بس كلها زي العسل على القلب ...

الحمد الله انا احس نفسيتي احسن من الحمل بوااااااايد ... انتطط على كيفي صج الوقت كله الى النونو

والنوم متقطع ... بس اهون من الثقل خليه على الارض اشيله ولا في بطني ...

واتطعلوا اتمشواا غيرو جو صج قعدت البيت اجيب المرض ...

انا اطلع يعني بين فتره وفتره بوكيند اروح المووول لو المطعم اغير جووو

حتى احس شهيتي الحمد لله مرره منفتحه ..

وما اشوفوا شر بنات .....



أختكم

أم السيد محمد

ماشاء الله عليك حبيبتى ام السيد محمد دوووووووووم ان شاء الله نفسيتك تكون حلوه
احس كلامك جدد الامل في قلبي بس انتى لك كم يوم من ولدتى؟؟؟؟:Dلقافه خخخخخخ
بس ابي اشوف يعنى متى اقدلر اطلع من البيت مثلك:)

هلاااااااااااااااااا غناتي .... ايه كذاااا كل قولي الحين خلاص ابريت وماافي شي الحمل هو التعب الحين الحمد الله

كل احسن من الثاني ... انا بعد اسبوع طلعت المول بس ماطولت بس كذا تمشيه وشريت لي ايسكريم اممممممممم لذيذ

وبعدين طلعت بعد 3 اسابيع من الولاده ....اروح اسبر ماركت اشتري كم غرض الى البيت ومنها تمشيه والمطعم

واطلعواا مثلا حديقه لو شي ... مرررررررره بصير النفسيه غييييير

حتى النونو غير جوووو ... انا ماقدر على حبست البيت ... لة اجلس في البيت كان امرض

بس اهم شي ما اتعب روحي ... يعني طلعه خفيفه

صيااحكم خير وسرور ونور

والله يااابنااات انكم عااايشين بنعيم ,,,,,,,,,,,لان اغلبكم هاذا البيبي الاول ...صح

لكن تعااالي لمن يكوون عندك بزوره غير البيبي الجديد يعني 2 او ثلاااثه ,,,,,,,,,>>>,انوااااااع الاكشن

واحد ينااام والثااني يصحى والثاالث يبكي ويصحي الناايم بصووته

وهكذ..........ومااتحسي بالنفااااس ابدا ,,,,

انا عندي عياالي الكباار لسه صغاار يبغاالهم احد يجري ورااهم ,,,واحس اول ماوللدت زاادة الشقااوه

500%’,,,,,,,,,,,ونفسيه مخليتها على الله ...

والاكل بالمرررررررررررره مالي نفس ولا في اي حااجه ...

وقعدت البيت تجيب المررررررررررررض بس هاانت انا اليووم 33يووم

والحمد الله على كل حاال

هاانت

الييوم بتصل على صاالون وبحجز عندهم عشااان النيو لووك <<<خخخخ اي نيو لووك معا البزوره

وبااروح للمول .....طفشت من البيت قصدي السجن

الله يعينكم وفتره وتعدي بأذن الله .. انا صار لي 38 يوم من ولدت ..

ونفسيتي بهالولاده احسن من اللي قبل . ع الاقل ماصادني اكتئاب الولاده ..

بس الاكل الى الحين مااشتهي اكل وانا بطبعي اكلي قليل والمسكين ولدي ارضعه طبيعي

ويالله يحصل حليب واضطر اذا شفته ماشبع اعطيه رضعه صناعي ..

وبالنسبه للحكره بالبيت هذا اكثر شي يعقد . مابديت اطلع الا بعد ماكملت شهر وطلعاتي

للاشياء الضروريه لاني خايفه ع ولدي من تغير الجو ..