قصة ولادتي بطفله من متلازمة داون (الطفل المنغولي)

الحمدلله على سلامتج والف الف مبروووك البنوتة

الله يخليها لج وييشفيهااا

الصراحه ما في صديقه تتأمن على سر هليومين

وانا صارت لي من صديقه مقربه لي امنتها على سر وبعد اقل من اسبووع اكتشفت انها مخبره كل حد

ومن بعدها قمت ما اثق في احد ما اقول اسراري الا ل زوجي وبــــــس

الله يصبرك يا الغاليه

تحياتي

ام هدووووووووية انتي ماكان لازم تقولين لصديقتج حتى لو ان هي شكت




يعني بصراحة ماله داعي ان احد يعرف عن بنتج وثانيا اللي قلتيه عنها يبين



انها طبيعية الف بالمية ما يهززج ريح وخلج دايما مفتخرة بها




اني يوم سمعتج اتقولين شنو قالت ربيعتج حسيت ان البشر مو كلهم طبعا في البعض منهم



ما يتأمن على اسرار شلون امنتيها ؟؟ لا والقهر اللي قالت لج ما تعتبر من العيال



ان جان رديتي عليه برد يخرسهااااااااا ما تعرف ان البشر احاسيس ??!!



ولهم قلوب وعقول يحسون بها والا تفلت حجي بدون ما تعرف قيمته



اكيد السبب في عدم ردج لها العبرة لان من خلال كلامج شكلج وايد حساسة صدقيني



صدقيني بنتج ما فيها الا العافية اقنعي نفسج ان هدوية طفلة طبيعية




وجميع تصرفاتها يدل على انها بتصير متفوقة ومتميزة بس صبري عليها



وبتشوفين ..اعرف ناس كير عندهم داون بس ما يسون ولا الربع من اللي تسويه بنتج




ماشاء الله ..حصنيها واقري عليها وايد لا تصيبها عين لأن العين حق وربي يخليها لج



ان شاء الله ..اني يمكن لو لاحظتي في ردي السابق قلت لج



صبري عليها لا تحملين ..بس اني الحين انصحج ان تحملين



عليها عشان تجيبين لها اخو يونسها واذا كبر يتكلمون مع بعض ويتعلمون مع



بعض اني ما قلت لج هالكلام الا عن احساسي ان هدوية ماشاء الله



انسانة طبيعية فحمدي ربج على هذه الهدية ..

او بالنسبة للدائرة خليها تطالعج اول شىء وانتي ترسمينها شوي شوي


خليها تمسك القلم بالشكل اللي هي تمسكه ومسكي يدها وانتي تدورين مرة ومرتين


وثلاث لما تتعلم مع اني احسها صغيرة بس يارب انها تعرف ..



منتظرييينج حبينا قصتج وحبينا هالطفلة ربي يحمييييها ..

تقهريني يوم إتصيحين من كلام الناس

والله بنتج طبيعية لا تقنعين عمرج بغير هالشي

الله يبعد عنها عيون الحساد وما عليك من كلام الامهات النابع من غيرتهم من اهتمامكالزايد ابنتك

السلام عليكم..

مبروك والحمدالله على سلامتج...

صراحه ماشاء الله عليج أم مثابرة وصبورة ....والله يصبرج...

والله يجعل بنتج من الصالحات وهيه تصرفاتها نفس تصرفات العيال الطبيعيين وهيه الله يحفظها في سن ولدي وتصرفاتها نفس تصرفاته .... ماشاء الله عليها الغاليه دوم اقري عليها وحصنيها ترا عيون الناس ماترحم.. وهالناس عينهم على كل شي....ماشاء الله عليها والله يحفظها ويخليها لكم...

والغاليه بالنسبه لربيعتج الله يسامحها ويهديها... وصراحه الواحد ما يأتمن على اي شخص في هالدنيا....

والحمدالله على سلامت بنتج...

المهم انتي استمري على مثابرتج وان شاء الله بنتج اتكون ابخير... ومعاليج من كلام الدكاتره.

والغاليه انتي مثال الام المثاليه وانتي فخر الامهات... وقلبي وياج و حبي هداوي فديت قلبها والله يخليها..

وتحياتي واحترامي:

أم الحارث

الغاليه لا تخلين حد يضعفج ويقلل ثقتج بنفسج ولاتتحسفين للانج قلتيلها يمكن هذي خيره من الله يبيج تعرفين من صديقج ومن عدوج كل هذا نابع من غيره وحسد الله يكفينا من الحسد انتي ثابري وجاهدي للانج من اهل الاجنه امين يارب دعواتي لج بالنجاح ودعواتي للابنتج الغاليه ربي يحفظج ويحفظ بنتج .

ام هدوية طمنينا على احلى هدوية انا كل يوم بدخل اشوف اخبارها اية واطمن عليها
ربنا يحميهالك امين

دايم ما تقصرون في ردودكم الله يخليلكم عيالكم وبرد عليكم عسب الامور تكون واضحه
اولا انا انسانه حساسه لاخر درجه وفيني طبع ما احب اغلط على الناس حتى لو غلطو عليه اقول اذا هو داني ليش اصير مثله وكله عند رب العالمين

ثانيا انتو تعاتبوني ليش قلتلها اذا انا قلتلها وقالت حق خواتها اني مستحيه الناس يعرفون لو ما قلتلها شو كانت بتقول

ثالثا انا خبرت الناس لانه فكل الحالات بيدرون واحسن يعرفون مني ولا من غيري ويبدا الكلام اني مستحيه ولا بنتي متخلفه عقليا عل الاقل يوم انا اقوللهم اقدر افهمهم ان بنتي طبيعيه بس لوسمعو من غيري بيحطون فبالهم هالشي انها متخلفه وبينظرون لها نظره ثانيه ومحد بيفهمهم والناس الي اعرفهم لازم بلتقي وياهم فمستشفى فمركز فمحاضره لان هدويه وايد مواعيدها فالمستشفى فحوصات دوريه تفادي لاي مشاكل حتى لو ما فيها شي لازم اسويلها هلفحوصات واكثر من عياده العيون الاذن الاطفال الغده دكتور الجينات الوراثيه وايد حصلت ناس اعرفهم فهالعيادات بتقولولي مش امبين عليها بقولكم اوكيه والكل يتردد هالعيادات لكن من تزقرج الممرضه اول سؤال ما شالله داون دي حتى مش امبين عليها وكل الحريم يسمعن كانها مش هديه من رب العالمين والسبب ملفها مكتوب فيه متلازمة داون فانا ليش اخلي الناس يتكلمون على بنتي ويقولون انها متخلفه وبعد من ورايه وما اقدر ادافع واصحح معلوماتهم وانتو لو الشوفون اكثر الناس الي عرفو من دون ما اقوللهم والله انهم يبعدون عيالهم عن بنتي و في حرمه من اهلي مع انها اتعرف انه هدويه طبيعيه ما تخلي عيالها يلعبون عند بنتي ولا مره شلت هدويه ولا باستها وهذي بعد انا ما قلتلها وحده شافتني فالمركز اتعرفها وقالتلها عن هدويه كلمتهاووفهمتها ان هدويه طبيعيه اتعرفون شو قالتلي ها حليلها ما شالله عليها بس ما اتيب عيال وما تتزوج ريال طبيعي انا وايد عانيت من الكلام ما ياثر فيني اويشككني انها طبيعيه بس ما ابا حد يتكلم عليها واصلا هو جاهل هذي هدويه حبيبتي ما ارضى حد يمسها بكلمه والله لو اتشوفونها بتقولون حرام حد يشوفها وما يشلها وبعد يعذبها من البوس اي مكان اروحله ويشوفونها الحريم ايني يتمن يبوسنها وما يكونون يعرفون انها داون

رابعا انا مقتنعه مليون فالميه انها هدويه طبيعيه ومحد يقدر يشككني فهالوضوع ولا ما كنت كتبت هالوضوع وبغيت اعرف جميع الامهات وعطيهم فكره عن متلازمة داون

خامسا وانا اعرف ان الغيره موجوده والكل يستغرب من اهتمامي الزايد ببنتي ويغارون وفي منهم قالولي هالكلام بطريقتهم بس فهمت انها غيره وفي وحده قالتلي لو الله عطاني طفل معاق ما اقدر اسويله نص الي اتسوينه وبيتم نفس ما هو لين يموت اذا عيالي طبيعين ويمرضون ولااهتم لين يشتدد المرض قلتلها انشالله الله ما يعطيج طفل معاق لانه بينظلم عند ام مثلج

سادسا انا افتخر ان عندي طفله مثل هدويه ومن متلازمة داون واحمد ربي على النعمه وفعمري ما استحيت منها حد يستحي من هدية ربه وانقهر يوم حد يقول يمكن مستحيه

قصتنا بعدها ما انتهت ولازم تعرفون كيف خبرت اهلي واهله ومتى وشو قال اخويه من دمي ولحمي من ورايه
عن هدويه الحلوه ويوم وصلني الخبر انفجرت من الصياح

اشكر جميع الاخوات الي سا عدني فتعليم هدويه رسم الدائره استخدمت وياها اكثر من اسلوب ولي نفع وياها اني امسك ايدها ونرسم مع بعض الدائره وهي عيبتها السالفه وخلص الدفتر ونحن نرسم وكل ما نرسم اتقولي دايره ومستانسه وانا تعبت وما شالله عليها مسكت الدفتر ونسدحت على بطنها ويالله رسم وكله شخابيط ويوم اسالها شو اتسوين اتقولي دايره وبعد اشوي قامت ويلست وحطت الدفتر فحضنها ومدة ريولها ومندمجه قلتلها تعالي بعلمج مره ثانيه وبدينا الصراحه شديت عليها شوي ورسمتلي نص دائره الحمد لله وانشالله ما يمر اسبوع الا ونحن مخلصين الدائره وسارت وزقرت ابوها تبا تراويه وريلي وايد فرح وفالبدايه ما صدق ويوم راويته ان من كثر التعليم الدفتر خلص ابتسملي ابتسامه خفيفه وقالي ما قتلج انج قدها والصراحه كله من تشجيعكم وهذا الانجاز اعتبره انجازكم وانا حبيت اطلب من جميع الامهات الي عيالهم من سنتين وفوق يبدون ويايه فتعليم الدائره

موااااااااصلين معاج يا ام هدووية والحمدلله ان بنتج تتجاوب معاج وشجعتيني اعلم بنتي على



رسم الدائرة ززبس بسألج شلون عن الألوان ابي اعلم بنتي ما عطوكم طريقة لتعليم الألوان ؟؟




هذا اكيد الهدف مخلينه بعيد لأن الطفل يميز الألوان من بعضها بس مو بسرعة




يتعلم هذا لون كذا وهذا لون كذا يبي له تعليم وصبر..والا شرايج؟؟؟

صدقج أم هدووية لو أنا مكانج نفس الشي بسوي ،،، ما أقدر ألومج الصراحه

الواحد قد ما يقدر يطنج بس كم بيتحمل الا ما تأثر في الكلمه خصوصا من القراب

بس ما شاء الله عليها هدووية حبيبتي الله يحفظها و تشوفينها أحلى عروس ان شاء الله

مقهووووره من هالناس المتخلفه .....


صدقيني الله بيجازيج على صبرج و بتشوفين كل أحلامج تتحقق في بنتج الحبيبة ....

بانتظار قصتج مع بطلتنا ،، لا تطولين علينا ....


بغيت أعرف شو أعلم ولدي ،، هو الحين 11 شهر ... أفيدينا بخبرتج يالغالية

هلا حبايبي
قطرات الندى ما كان الموضوع بالضبط عن الالوان بس جابولنا لعبه فيها اشكال هندسيه وكل شكل بلون وكل شكل اتحطينه فالفتحه الي نفس لونه الشكل الهندسي التطابق وهي بدت اتميز انه هالون مثل هالون بس ما تعرف اساميهم
طير السلام في هالفتره اتاشر على اجزاء الجسم وبدينا بالشعر وكنت اسالها عن شعرها وبعدين اقوللها وين شعر ماما وكل ما تخلص نبدا بشي ثاني وتميز وبعد كيف تمسك الملعقه وتبدا تاكل بروحها وطبعا فالبدايه
بالمساعده وكيف تقدر ترفع الكوب الي فيه غطا ابو مسكتين وهي يالسه الي شفايفها وانشالله اذا ذكرت اشياء ثانيه بقولج لان صديقتي شلت عني الدفتر الي ادون فيه تبا تعلم ولدها بس ولدها طبيعي الحمد لله

الله يحفظها لج
ولايحرمج اجرها

الله يخليلج هدويه ويحفظها من العين ....احنا معاج ومتابعين لمسيرتك والله انك ام صابره ...الله يفرح قلبك وتجيبي لها اخت او اخو ...انشاءالله يارب

ننتظر تكملت القصه

نحن متابعين معك حبيبتي

ماأقول ألا ماشاء الله عليك والله يكملك بعقلك ويعطيك على قد نيتك ويخلي لك هدويه ويرزقه ماتتمنين لها



في أنتظارك حبيبتي

انا اسفه على التاخير كان ابو هدويه موجود و ما قدرت اكتب والسموحه وانشالله بكمل
حبيبتي طير السلام تقدرين بعد تبدين ويا طفلج بهذي الاهداف
التحكم بصبع وحده انه يعرف يبند ويفتح مثل المسجل الالعاب الاكترونيه

علميه كلمة كبير مش بنطق انتي قوليله كبير وافتحي يدينج وخليه يسوي مثلج واول مره ساعديه مثلا انا جبت لهدويه الفيل الهزاز وكنت اقولها الفيل كبير وكانت اتسوي مثلي وبعد فتره فهمت معنى الكلمه والحركه ولحد الحين اذا سالتها الفيل شو يا هدويه اتقولي كبير ومع الحركه

نفخ الفقاعات الصابونيه فلبدايه انتي انفخي وخليه يمسك الفقاعات هذي تخليه يركز وين راحن وتعلمه المس
تحصلينه فالبقاله ولا تخافين عليه

جيبيله مجموعة كور صغيره وخليه يدخلهم بفتحه مناسبه للكور وهذي بتعلمه التركيز والضغط على الكور عسب يدخلن العلبه انا جبت لهدويه دجاجه اتبيض فيها فتحه ادخلين فيها الكور

تميز الصوت فتيلفون مثلا خليه يكلم خالته او اي حد انتي يوميا تكلميه بس مش ابوه فتيلفون يوميا وبعد فتره روحيلها وخليها تكلمه وشوفي اذا قدر يعرفها ان هذي الي تكلمه فتيلفون وبتحسين فيه

جيبيله العاب فيها اضواء ومو سيقى فنفس الوقت وهو الي يشغل العبه وركزي على الاضواء

جيبيله اشياء فيها الوان مثلا المكعبات وختاري الالوان المختلفه وشوفي اي لون بيختار وبعد ما يختار خذيه منه ورجعي ولخبطيهم وخليه يختار مره ثانيه وثالثه لحد ما يستقر على لون معين

التصفيق كل ما يسوي شي صح صفقيله وقوليله شاطر

اذا تعدى السنه جيبيله خرزه صغيره وخليه يشيلها باصبعين فقط

واي استفسار من عيوني لاي ام