لأنها أمي ما باليد حيله .. أفضفض لكم خواتي

السلام عليكم ورحمه الله وبركاته ..

خواتي اعتقد الاخوات القديمات يعرفون قصه امي مع زوجي انها ما تحبه ولا تواطنه بعيشه الله وحتى بعد ما وداها الحج لا حمد ولا شكر .. الا ذم في ذم .....

المهم في عطله الاسبوع هذي الي هي الجمعه والسبت .. زوجي راح الكويت مع 3 من اصدقائه عشان يشترون لهم ملابس واغراض .. يعني سفره يومين وراجعين .. وهو ماخذ معاه الا مئه دينار بحرينيه يعني 70 دينار كويتي .. لان بيسكنون عند صديقهم بالكويت وثاني شي الوضع المادي له هالشهر شوي ضعيف لان عليه ملتزمات وايد ...

المهم رجع من السفر وجاب بخور لآمي ... عطيت البخور حق امي ثاني يوم , وسألتني .. ياب شي حق جنى .. رديت عليها ( لا ) ... وبـــــــــــــــــــــــــــــــــس واشتغلت الاسطوانه

ليش ما يجيب لها وليش القسوه يحب نفسه ما يحب بنته .. وزوجك اصلا مع احترامي مب ريال...:rolleyes:
وهو ما يهتم وهو وهو .. ... ليش كل هذا بس عشان ما جاب لها شي ... رديت عليها بانفعال الصراحه ماقدرت اتحمل كل يوم بس تسب فيه وتذم فيه بدون سبب وسبب ...

قلت لها انتي الصراحه حاطه دوبك ودوبه بسبب وبدونه ... وانتي الي تبين تيودين الزله عليه .. الريال مب مقصر معاي وانا مرتاحه ... معاه والريال مب مقصر مع بنته ,, وكل اجازه يطلعها ويوديها ومب مقصر عليها بشي .. انتي الي عايشه معاه ولا انا انتي الي تشوفين اطباعه ولا انا .. ليش انتي جذي معاه شتبين يسوي عشان يرضيج ... انا ما يب طاريه لج ,, وانتي مب مخليته .. مب احسن من ازواج ربعج الي يخونها والي يطلع ما يقعد معاها والي مايدري عنها .. والي والي زوجي احسن منهم بألف مره ومحد يقدر يعيب .. عليه

وهي تقولي اي دافعي عنه باجر بتقولين امي قالت .. ياناس .. ليش تبي تغلط زوجي وطلعه الشين ليش .. شمسوي لها هو .. والله ما سوى لها شي ... سويت كل الي قالو عليه البنات مافي فايده ...

بنات انا انفعلت على والدتي وعليت صوتي من الضغط الي حصلته منها .. الصراحه عورني قلبي عل زوجي .. حرام الي تسويه فيه حرام .. وفوق هذا كله يوم قلت حق زوجي الصبح .. عاتبني ليش رفعت صوتي وان مهما صار لازم ابرها ولازم احترمها ... يعني شوفو الريال قلبه على امي وهي لا

شاسوي قولولي

تحياتي ام جنى