لأنها أمي ما باليد حيله .. أفضفض لكم خواتي

الله يعينج اختي ... ما عليه يمكن هي غيرانه اشوي ... ما تعرفين اللي في بالها ... دايما اذكري محاسنه والاشياء الحلوة اللي يسويها لج ولبنتج يمكن سبحان الله تغير رايها فيه ...

بس بعد حاولي تتعاملين معاها بهدوووووووووووووووء ... ما بروح بعيده عنج اختي !!!!
انا حالتي نفسج وشو كانت تسوي ... حتى تعرفين خبر حملي الثاني كنت اخاف اقول لها تخيلي ... لاني سمعت في بجري شو قالت وتضايقت ... صح انا بنتها وعندي خوات وصديقات .. بس اللي معاي في الدوام هي اللي شجعتني اقول لها وقالت مهما يكون هذي امج اذا ما بتفرح لج في ويهج اكيد من داخلها مستانسة وفرحانه .. صح تضايقت يوم ما سمعت منها كلمه مبروك ولا اي شي بس حاولت اني اتاقلم مع الوضع وافرفش مع اني ضايق خلقي حييييييييييييييييل بس شو بسوي في النهاية هذي امي .. وما طلعت من بيت قوم امي الا وهي سمعتني كلمه حلوة بالغصب حنيت على راسها وقلت ما برووح الا تقولين لي شي .. جان تقول تقومين بالسلامه ... يعني بالسياسه والحمد لله مشت اموري على خير ... وهي احيانا تكون مزاجيه معاي واحيانا عادي ... بس تعودت شو اسوي .... ودايما ادعي في صلاتي انه رب العالمين يرضى عني وعن امي وابوي ... ما باليد حيله اختي ... سايريها وقولي لها كلام حلو ... عطيها من حبج وحنانج اشوي بتستانس صدقيني لانها تعبت وربتج عل الاقل ردي لها لو جزء بسيط من الحب ... حتى انا تصير معاي واطلع عن طوووري ويعلى صوتي ومن اخبر زوجي يقولي مهما يكون انتي اسكتي واصبري هاي امج ... الله كريم بنتريا .. الله يهديهم ويهدينا معاهم يا رب

الله يكون بعونك بس المفروض امك ماتاخدش زوجك بذنب امه و انتي حاولي على قد ماتقدري تمسكي اعصابك قدامها و ماتنفعليش عليها و انصحك تنفذي نصيحة مسزز غموضة لانها كفت و وفت

هلا أختي

والله مادري شقول لج عن أمج،، بس حبيت أنبهج في نقطه... لا تقولين اللي يصير بينج وبين أمج لزوجج لأن يمكن يشيل في قلبه عليها بس بدون ما يبين ولا يقول،، يعني تخيلي أحد يقول لج إن فلانه ماتحبج ودايما تذم فيج مو بتكرهينها؟؟ وأدري إنج من الضفظ والحنه انفجرتي على أمج،، وإن زوجج كاسر خاطرج أكيد،، بس بعد حبيبتي يودي روحج واستحملي اللي ربتج وتحملت عشانج وانتي صغيره،، وانتي أم وتعرفين شكثر الأم تتعب حق عيالها،، وادعي ان الله يحنن قلبها على زوجج والله يهديها ان شاء الله


الله يوفقج أختي

السلام عليكم ورحمه الله وبركاته

اخواتي والله ما تدرون شلون احب اشوف ردودكم ,,,, والله انكم طيبتم خاطري

خواتي انا ما ايب طاري حق امي عن زوجي لا في خير ولا شر والله انها هي الي تجيب طاريها بسبب وبدون ..

مثال .. مره صحيت متأخر على الدوام ورحت بيت امي بسرعه وحطيت بنتي .. عند امي وقلت لها بطلع مستعيله تأخرت بالنوم .... تقولي وزوجك الي ما منه فايده وينه عنج ليش ما يقعدج حق الدوام ... ( مع ان دوامه الساعه سبع وانا دوامي ثمان ونص ) .. سكت عنها وطلعت..

والله اختي الجوكره انا ما اتكلم عنه ولا في شي جدامها بس هي اي شي يصير .. تدخله في الموضوع ...

بالنسبه اني انفجرت على امي والله يا بنات الله يسامحني ويغفر لي والله مب بيدي غصبا عني .. والله استفزتني .. كان المفروض اقولها ان ياب لها شي بس انا بحسن نيتي قلت لها لا ...

بس هالمره لو اضطر اجذب .. بجذب .. بس انها تسكت عنه وخلاص ... مليت زهقت ..

اقطع زيارة امي ماقدر . لاني كل يوم الصبح اودي بنتي عند امي .. يعني ملزومه اشوف امي كل يوم .. بس اخذ بنتي من بعد الدوام وروح البيت ...
الشغله الثانيه ... امي صحيح مره عوده بس دارسه وفاهمه وتشتغل .. وتشوف مصايب بنات والله محد يشوفها . لانها بالمستشفى .. وتشوف بنات يجون المستشفى الضرب باين على جسمهم..
تصوور يعني ما تحمدالله وتشكره ان بنتها زوجها ما يضربها ولا يغلط عليها ... المشاكل شي وارد بين الاثنين ..

صحيح معاكم حق .. انا ما بخبر زوجي .. وافضل اني اقول هني حق خواتي .. لان يمكن يكرها . .وهو حاليا من عقب سالفه الحج ما قام يطب بيتنا

الله كريم ان شاء الله ..

وانا رجعت اليوم اتكلم مع امي عادي وسويت نفسي مب زعلانه ولا شي .. واهي اليوم الي ما تكلمني

تحياتي
ام جنى

اختي ماادري وش اقوال لك بس الانسان مايبي يخرب حياته صدقيني لاتفكر وخليها على الله سبحانه وتعالى(y)

ابرار الجنة;5326541:
حبيبتي معاك حق و الله يهديها بس نصيحة لوجه الله لا تنقلين كل شي يصير بينكم لزوجك لان راح تتندمين بالمستقبل خلي اللي يصير بقلبك او فضفضيلنه احنا كلنا خواتك

كلام اختى ابرار الجنه صحيح

لا تحكى لزوجك عن كلام امك اى شى حتى لا يتغير تجاهها

ام عمار القمر;5326541:
حبيبتي معاك حق و الله يهديها بس نصيحة لوجه الله لا تنقلين كل شي يصير بينكم لزوجك لان راح تتندمين بالمستقبل خلي اللي يصير بقلبك او فضفضيلنه احنا كلنا خواتك

اوافق ام عمار الرأي

الله يصلح شأنكم

السلام عليج الغالية انا متاخره وايد بس حبيت أشارك أول شي أنا مع كلام الأخوات انه مب لازم تقولين لزوجك كل شي عشان ماتكدرين خاطره وتقوين قلبه على الوالدة ثاني شي أنا أقول ان الوالدة ماتغار منج بالعكس تغار عليج منه مثل ماقلتي أنتي البكر يعني أنتي أقرب وحده لها من الباقين يمكن بعد ماتزوجتي قل أهتمامج بها شوي وهذا شي طبيعي عندج بيت وزوج وبنت لازم بتنشغلين شوي أنا صارلي شي مشابه بس امي ماكانت تغار من زوجي كانت تغار من بنتي البكر وهذا الشي مايعني انها ماتحبها بالعكس بس لانه في حد شاركها في اهتمامي بها أنا اقولج خلي زوجك على صوب وركزي على الوالدة شوي الله يخليها لج ويطول في عمرها تراهم اليوم عندنا ومحلأ تدخلهم في حياتنا لو يغثنا بعد حلو دلعيها ودوم أذكري جدامها فضلها عليج وتربيتها لج وأنها الغالية للي ماحد يعوضج فيها وحسسيها انها هي في المرتبة الاولى وقولي حق زوجك أنا أحبك وشاكرة لك معاملتك الطيبة مع الوالدة بس يوم اكون عندها بدون زعل انا بهتم فيها هي وبس جربي مابتخسرين شي وخبريني عن النتيجة أتمنى لج التوفيق.

rدلوعة باباتها;5331767:
غاليتي ...

من حقج تحبين زوجج و تدافعين عنه و ماترضين عليه ...

لكن طريقتج غلط ...

يعني ابسطها ... امج مرأه عوده .... تخربط و تقط خيط و خيط عن ريلج .. اخذيها بهل صورة ... لا تصعبين الامور فديتج

يعني ابسطها متى ما امج ذمت في ريلج بدال ما يرفتع صوتج عليها و يزيد الضغط عندج و تطولين السالفة معاها و تدخلين في نقاشات مالها آخر و تشوفينها ليحين راكبة راسها و و و

قوليلها بس الله يهديج و سكتي و غيري الموضوع و سولفي عن اي شي ثاني و ادعي ربج انه يسخر قلب امج عليه ... و بس انشاءلله مع الايام بتعزه ...

و نقطة ثانية فديتج ... اكبر غلط اكــــــــبـــــــــر غــــلــــط انج تروحين تقولين حق ريلج الي قالته امج عنه .. حتى لو كنتي مقهورة عليها .. غلط غاليتي ...

الي بين الام و البنت يبقى بين الام و البنت .. مو لازم يطلع و بعدين مو انتي تبين تحسنين العلاقة من بينهم ؟؟ شلون بتتحسنين العلاقة و انتي تقولين لريلج الي قالته امج عنه من ناحية انه مب ريال و و و

جذي ماتدرين ريلج اشممكن يكوّن فكرة عن امج و ياخذ موقف .... من جي حاولي دوووم يوم امج تتكلم عنه بشي شين تغيرين الموضوع و ماتطرين هل شي لريلج بتاتا .. و انشاءلله مع الوقت اكيد بتحبه لانه العشرة تقرب لقلوب .. و الله كريم و يهدي امج و تغير فكرتها عنه

مرحبابج اختي ام جنى ..


انا مع كلام الاخت ....

وربي يهدي والدتدج ،، وتتحسن علاقه امج بزوجج ..

بصى حبيبتى كل ام من حقها انها تتطمن على حياة بنتها وطالما البنت سعيدة مع جوزها خلاص اسالى نفسك انت سعيدة معاه ولا لا انتى بتقولى انة مش مقصر لا معاكى ولا معها يبقى الحل اية مش كل حاجة عن حياتكم الخاصة تكون مامتك عرفها دى اول حاجة زى ما هية عايز هو يجبلها هية جابتلة اية وهو مش ملزم بكد الى ملزم بالام ولادها وبس هية زعلان راضيها ووضحى موقف زوجك منها بس اوعى تقولى لية انى امى قالت كدا وكدا لا علشان ما يشلشى منها خليكى حكيمة الام بتعتقد ان زوجك البنت دة عدوها لانة اخد منها ابنتها خلى بالك من النقطة دى وكمان لما السن بيتقدم بيقوا زى الاطفال الصغيرة عقلهم صغير راضيها على قد ما تقدرى وقولى يارب

حبيبتي
ام جنى
الحال من بعضه مع امي وخطيبي
دوم تشككني فيه وتقولي يمكن بيتسلى فيج ويتركج
لا تسوين عرس مو لازم وفري الفلوس
سكني جنبنا اهله ما بترتاحين معهم
احكـــــــــــــــام وتدمير نفسي
بس انا بديت اخوفها والله وبدون ما اصارخ لان مافادني الصراخ
بعد ما نتصالح بفتره ترجع تعيد نفس الكلام وقدام خواتي وتحرق دمي الله يهديها لي
بس خلاص انا عرفت كيف اضبط وضعي
صرت اشتكي لها اقول مالي خلق اكلمه تقولي ليش؟ شنو سوى؟
اقولها كلامك كرهني فيه وما احس اني مرتاحه لانك ما تحبينه
مره ومرتين اتبعت معها هالاسلوب وهي الي تغيرت وخافت ان اتركه بسببها
واذا اشتكيت عليه وقلت ما ابيه وطبعا انا كويسه معه هي تجلس تمدحه وتقول ما بتحصلي مثله
الصراحه حيرتني وهذا طبع فيها دائم تشككني فيه وتشببني عليه
وانا دوم اتهاوش معه بسبب تعليقاتها
مثلا على سكني جنب بيت اهله في المستقبل
او انه بيتسلى فيني ويتركني بعدين مع انه يحبني يموت فيني
كله تقول عنه لزقه وما يستحي لان مسكين يحبني ولازم يزورني يوميا ولو من الباب يسلم ويمشي
فأنا خففت زياراته وربي نفسيا صرت ما احبه يجي علشان ما تغثني
الله يساعدك ويساعدني ويمكن امي تتغير بعد ما نتزوج
انصحك قولي لها ياامي بديت اكره زوجي بسبب كلامك وربي انا نفسيتي تعبانه وحسسيها انها يمكن
في يوم من الايام تكون سبب خراب علاقتكم يمكن تخاف وتحاول تخفف شوي.
تحياتي

هلا حياتي...

الله يهدي امك انشاءالله ويمكن لانك البكر متعلقه فيك بزيادة تبغااك عندها ....يمكن مجرد رأي

وعلى قولة البنات مو اي شيء تقولينه لزوجك

وشوفي اذا كنتي عند امك وكلم زوجك اذا سكر قولها ابو جنى يسلم عليك يمه ولو ماقاله

و روحي السوق واشتري هدايا وعطي امك وخبرها انها من زوجك لها

واعطي زوجك وقولي انها من امك جايبه له هدية....

انشاءالله يفيدك

البنات ما قصرو معاك ما شاء الله انا بذكرك وا قوووووول ..............


اللي بينك وبين امك لااا يطلع لزوجك ...


واللي بين زوجك وبينك لا يطلع لامك ...


نصيحه عشان تفتكين من المشاااكل بعديييييين ......


تحياتي لك والله يصلح الحال ...

السلام عليكم ورحمه الله وبركاته ..


الموضوع قديم ,, لكن لي عوده .. بما ان فتحتوه .. مادري شالي ذكركم فيه ... عموم اخلص شغلي وارجع ارد عليكم ..

ام جنى

الله يكون فى عونك ويهديها