اليوم عملت المنسف وهو من الأكلات الشعبية المشهورة في الأردن
يستخدم في الأعراس وفي العزائم :21_93:
طبق سهل ولذيذ جدا اتمنى ينال اعجابكن
طبعا المقادير حسب حجم العائلة وعادة بينحط في صدر واسع مدور
أولا ننظف اللحمة بالملح وشوية خل ونضعها في طنجرة مع ماء وملح وحب هيل
وورق لوري وفلفل حسب الرغبة ونتركها على النار حتى تنضج أنا حطيتها
بطنجرة الضغط أخذت 30 دقيقة وكل ما كانت اللحمة مستوية أكثر
بتكون أطيب
ثانيا ننقع الأرز في ماء ساخن خمس دقائق تقريبا ونغسله في المصفاة
حتى النشا تقريبا يروح منه ونضع في طنجرة على النار ملعقة صغيرة زبدة
أو زيت قلي أو مرجن ونضع الأرز مع ماء( لكل كاسة ارز كاستين ماء أنا حطيت
كاستين أرز و اربع كاسات وربع ماء) وملح وورس (كركم)
هون خليته يغلي ثم وطيت للنار لآخر درجة وغطيت الطنجرة
وخليته يستوي على مهله
هون لما استوى الأرز
نضع في الخلاط علبتين لبن وبنفس العلبة ماء وبيضة ونخلطهن
ونضعهن في طنجرة على النار مع ملح وكركم مع التحريك المستمر
حتى تغلي
بعد استواء اللحمة نصفيها من الماء والهيل وورق اللوري ثم نضعها
في اللبن على حرارة متوسطة مع التحريك كل شوي ثم
نطفيء النار ونضع الطنجرة على جنب حتى لا يتكتل اللبن
في الصدر أو صحن التقديم (أنا استخدمت الصحن لاننا ثلاث أفراد)
نضع الأرز بحيث يكون مثل الجبل
ثم نضع اللحمة ويزين باللوز والبقدونس حسب الرغبة ونصب على الصينية شوية
من اللبن بعد ما نصفيه وهاذا منسفنا
وهون عن قرب قبل ما أحط البقدونس واللبن فوقه
ترى ما تعبت غير بالجلي والكتابة وتنزيل الصور بدي رأيكن بصراحة وبدون مجاملة:poster_ban:
وصحتيييييييييييييييييييين وعافية
