احتاج نصايجكم وتشجيعكم عشان ينزل وزني .. لا تطنشوني بليز

رفـآعـيـهـ دبـدوبـهـ;5337629:
عن نفسي صايدني خمول كله ابي انام :(
تريقت لبن اكتيفيا بس
و تغديت 3 ملاعق معكرونة + عصير برتقال
و كلت برتقالة و تفاحة الحين
الصبح فرحت وايد لبست بنطلون كان عندي من شهر او اقل البسه عادي بس اليوم لبسته وسع وايد حتى كل ثيابي وناسة
رحت السوق شريت بدلة حلوة بس صغيرة علي حطيتها هدف لي ^,^

لوووووول .. انا بعد شراتج فديتج احس بخموول هاليومين .. واليوم سرت عند الطبيبة مالت السكن مالنا وقالت بتتابع وياي حالتي وشجعتني والحمد لله اوكي الحين

بس حبيبتي لا تمتنعين عن الاكل وايد ترا بيضرج عقب .. كلي شوي شوي بس ع فترات اليوم قالت لي الطبيبة هالكلام .. يعني بدل لا تاكلين ثلاث وجبات في اليوم كلي خمس وجبات خفيييفة وبسيطة وتكون شوي .. جذي انتي ما تسرفين في الأكل وفي نفس الوقت ما بتحسين باليوع وايد ..

واستانست لج والله يوم قلتي ثيابج وسعت عليج .. وان شااء الله بتضبط وياج هالبدلة وتقدرين تلبسينها .. مبرووك عليها مقدماا ..

وإلى الأمام حبيبتي ..

:)

أسأل الله سبحانه وتعالى ان ينقص وزنك من عافيه وتوصلين للجسم اللي تتمنينه اللهم امين
واهم شي العزم والارادة الارادة الارادة
وربي يعينك ويقويك وتقدرين تنحفين اللهم امين
وانا راح ابدى معكن ان شاءالله
وبالتوفيق لنا جميعا

بنوته 80;5337912:
أسأل الله سبحانه وتعالى ان ينقص وزنك من عافيه وتوصلين للجسم اللي تتمنينه اللهم امين
واهم شي العزم والارادة الارادة الارادة
وربي يعينك ويقويك وتقدرين تنحفين اللهم امين
وانا راح ابدى معكن ان شاءالله
وبالتوفيق لنا جميعا

فدييييييييتج والله حبيبتي بردتي قلبي بدعائج ..
الله يعطيج العافية .. لووووول

وحياج ويانا غناتي ..

دمتي بوك ^^

السلام عليكم

اشحااااااااااااالكم؟؟

شو الرجيم وياااااااااااكم؟؟


مشكورة الماسة عالرد واسمحولي انا مادخل الا نصاص الليالي لاني فاضية وماعندي شغل ونادرا ما ادخل العصر

المهيييييييييييييييييم اليوم ماتريقت لاني انش 12 ومرات 1 وتغديت خيار وتعشيت تكة لحم وجبن فيتا وخيار وبس

وعليكم السلام ورحمة الله وبركاته

هلا شوقي حبيبتي ..
يسرج الحال غلاي .. علومج انتي ؟؟

لووووول ما شااء الله عليييج ممشية عالنظاام .. إلى الأمام قلبي .. وإن شااء الله تضعفييين :)

ربي لا هانج :)

هلا بنات علومكن ؟

اليوم أنا تريقت قطعة صمون صغيرة .. وشربت عقبها قلاص ماي ..

والحين أنا في الجامعة ولحينه ما كلت شي .. بس قلت بين كل كلاس وكلاس بشتري شي خفيف مثل ما وصتني الدكتورة وباكله ..

و إن شاء الله خير ..

يلا بنات انتو خبرونا شو صار وياكم اليوم ...


دمتم بود ..


آلماسهـ :)

وينكم فديتكم اختفيتو ؟؟ ولا هديتووه الرجيم وملييتوو ؟؟ لووولـــ

موجودين قلبي
تريقت كورن فليكس مال ريجيم و حليب قليل الدسم
و بتغدا الساعة 2
و 4 ونص بروح النادي ان شاء الله ^,^

بنوتات وينكم
عن نفسي تغديت شوية برياني دياي + عصير برتقال
رحت النادي 4 و نص
اول شي ايروبكس
و بعدين كل انواع الاجهزة
لعبت لين 7
رديت البيت كلت قطعتين بقصم
تعشيت توست ابيض و جبن و حليب قليل الدسم
و مشيت ساعة و ربع تقريبا

الحمدلله
تقريبا كل شي تمام .. بس اشوي اخبص اشوي بسس

اهم شي اني مواظبه عالمشي
وما اكل سويت وشبس وهالسوالف

:)

انا بشارككم بنصايحي :

1- لا تشربين المشروبات الغازية.
2-لا تاكلين وجبات سريعة.
3-الاعتدال .. لا تحرمين نفسج من شي بس باعتدال.
4-اكلي كل شي خاطرج فيه بس عدلي عليه شوي .. يعني لو تحبين البرجر اوكي اكلي برجر بس لاتحمرينه بزيت حمريه بدون زيت يعني جنه مشوي عرفتي اشلون و لو تحبين هم النقانق تسوين نفس الشي و اللحوم و الدياي و السمج خليه هم مشوي .
5- الرياضة ثم الرياضة ثم الرياضة.
6-لاتاكلين عقب الساعه 6 يعني تعشي 5 و نص و بعد الس 6 بس شربي سوائل و اكلي فواكه تراها تشبع.
7-لازم تخلين لج يوم واحد بالاسبوع تاكلين فيه اللي تبينه بس بشرط ( الاعتدال) يعني كل شي بحدود و ثاني يوم تضاعفين الرياضة عشان تحرقين اللي كليتيه.
8- دايما ابتدي اكلج بأكل السلطة عشان تشبع.

و بس و انا اضمنلج انج بتنزلين بسرعه ... تقبلي تحياتي يالغلا و انشالله توصلين للوزن اللي تتمنينه

السلام عليكم ورحمة الله تعالى وبركاته..
الاخت الجميلة ألماسه،،
لقد وضعت قدمك على الطريق الصحيح،وما عليك الا اكمال المشوار!!
اهم شيء هو شعورك بحاجتك الى انقاص وزنك،دعي هذا الشعور مسيطرا عليك،،لانه هو الدافع في الاستمرار..
تقولين وزنك 93 كيلو ،،وبإذن الله سيصل الى 53 بإذن الله:clap:
لقد كتبت عن تجربتي في موضوع آخر ،على هذا الرابط
http://www.3roos.com/forums/t303209.html
حتى لا نقع في التكرار
اتمنى ان تقرايه،،وتاكدي انني لن ابخل عليك بأي نصيحة..
دعواتي لك

حبيباتي رفاعية دبدوبة و أريشة العين ..

بالتوفيق قلبي .. أهم شي تستمروون عليه ^__^

memo90;5360624:
انا بشارككم بنصايحي :

1- لا تشربين المشروبات الغازية.
2-لا تاكلين وجبات سريعة.
3-الاعتدال .. لا تحرمين نفسج من شي بس باعتدال.
4-اكلي كل شي خاطرج فيه بس عدلي عليه شوي .. يعني لو تحبين البرجر اوكي اكلي برجر بس لاتحمرينه بزيت حمريه بدون زيت يعني جنه مشوي عرفتي اشلون و لو تحبين هم النقانق تسوين نفس الشي و اللحوم و الدياي و السمج خليه هم مشوي .
5- الرياضة ثم الرياضة ثم الرياضة.
6-لاتاكلين عقب الساعه 6 يعني تعشي 5 و نص و بعد الس 6 بس شربي سوائل و اكلي فواكه تراها تشبع.
7-لازم تخلين لج يوم واحد بالاسبوع تاكلين فيه اللي تبينه بس بشرط ( الاعتدال) يعني كل شي بحدود و ثاني يوم تضاعفين الرياضة عشان تحرقين اللي كليتيه.
8- دايما ابتدي اكلج بأكل السلطة عشان تشبع.

و بس و انا اضمنلج انج بتنزلين بسرعه ... تقبلي تحياتي يالغلا و انشالله توصلين للوزن اللي تتمنينه

تسلمين والله حبيبتي وما تقصرين فديتج .. و إن شااء الله أتبع تعليماتج .. بس دعواتكم قلبي أني أنزل .. والله نفسيتي تعبت مع اني أحاافظ وجب بعده وزني ثابت ما ينزل .. ما أعرف وين الخلل

تسلمين مرة ثانية فديتج

ربي لا هانج =)

molyy3;5361785:
السلام عليكم ورحمة الله تعالى وبركاته..
الاخت الجميلة ألماسه،،
لقد وضعت قدمك على الطريق الصحيح،وما عليك الا اكمال المشوار!!
اهم شيء هو شعورك بحاجتك الى انقاص وزنك،دعي هذا الشعور مسيطرا عليك،،لانه هو الدافع في الاستمرار..
تقولين وزنك 93 كيلو ،،وبإذن الله سيصل الى 53 بإذن الله:clap:
لقد كتبت عن تجربتي في موضوع آخر ،على هذا الرابط
http://www.3roos.com/forums/t303209.html
حتى لا نقع في التكرار
اتمنى ان تقرايه،،وتاكدي انني لن ابخل عليك بأي نصيحة..
دعواتي لك

أولاا أبا أقولج .. تجربتج بالفعل راااااااااااااااااائعة وحلللللللوة .. وحمسني حتى أني على طوول قمت سويت رياضة من بعد ما قريته .. هههههههههه

و الله يقويني مثلج واقدر أضعف بعدني يبالي وايد حتى اصل لوزني المثالي ..
مع اني الحمد لله حلوة و ما ينقصني شي .. ويوم نقصت 5 كيلو الكل قال احلوت ملااامحج بطريقة رهييبة .. ترا السمنة مغطية على ملامحي .. وأحاول الصراحة .. والكل يشجعني بس سبحان الله .. ما أعرف وين الخلل ..

وشي ثاني حبيبتي تسلمين والله .. بس ادعيلي انقص .. لأنه نفسيتي تأزمت .. صار لي شهرين عالرجيم ولا نقصت كيلو وااحد تخيلي :confused: ..

عزمت الحين أني ابذل مجهود مضاعف .. وإن شاء الله خير ..

بس ادعووولي ... :(


وتسلمين مرة ثانية حبيبتي ...


ربي لا هانج :)

يوم السبت - 8/مارس/2008م

اليوم الصبح تريقت عصير تفاح فقط

الظهر تغديت عيش ولحم بس كمية بسييييييطة

العشا كلت حمص مسلوق


وطبعا يوم كنت أحس بالجوع آكل تفاحة أو برتقاله ..


وبس هذا لليوم .. وإن شاء الله باجر بكتب لكم شو كلت لووول


اترياكم انتو بعد تكتبون حبيباتي ..


دمتوو بود :)

وين اختفيتو بنات ؟؟ ليش محد قام يحط يومياته ؟

يوم الأحد 9/ مارس/ 2008

الفطور : تفاحة + كوب ماء

الغداء : كمية صغيييرة من السمك مع بطاطا مسلوقة + خبز اسمر مع روب وسلطة طبعا

العشاء : فول


والله يوفق الجميع يا رب :)

من يووم الخمييس انا مخبصه
ومالي ويه اجابلكم ههههههههههههه
بس الكل يقولي ضعفاانه خخخخخ
وعاد ما صدقت حد قالي هالجمله بدال ما اتشجع خبصت الدنيا
خلاص ببدا باجر مره ثانيه

تعرفون شو اللي خرب عليه
السح ( التمر )
ابويه ياب سح خلااص مدلوج
وانا نقطة ضعفي السح وخاصة الخلاص
عااد طحت فيييه طييحه الين ما خلصت كله هههههههههههه
اليومالصبح مخلص
خلاص بما انه خلص برد على ريجيمي


الماااسه بالتوفييق فدييتج
بتضعفيين ان شا الله بس اصبري على عمرج اشوي

أريش العين;5394989:
من يووم الخمييس انا مخبصه
ومالي ويه اجابلكم ههههههههههههه
بس الكل يقولي ضعفاانه خخخخخ
وعاد ما صدقت حد قالي هالجمله بدال ما اتشجع خبصت الدنيا
خلاص ببدا باجر مره ثانيه

تعرفون شو اللي خرب عليه
السح ( التمر )
ابويه ياب سح خلااص مدلوج
وانا نقطة ضعفي السح وخاصة الخلاص
عااد طحت فيييه طييحه الين ما خلصت كله هههههههههههه
اليومالصبح مخلص
خلاص بما انه خلص برد على ريجيمي


الماااسه بالتوفييق فدييتج
بتضعفيين ان شا الله بس اصبري على عمرج اشوي

ولهناا علييييج حبيبتي :o

ههههههههههههههههه ضحكتني سالفة السح .. الله يحفظج حبيبتي والله ..

انا هالاسبوع شوي قاسية ع عمري .. بس ان شاء الله خير .. ابا ارد هالويكند ويقولون لي ضعفانة واشتركت في الايروبيكس .. و التمارين عالاجهزة .. وان شاء الله ببدا اروح لها من السبوع الياي

وانتي بعد غلاي شدي حيلج وان شاء الله خييير ..


دمتي بوود :)