لحقووووووووو غالية الأثمان وزوجها والزوجه الثانيه ....!!!! لحقوها بمشكلة

فديتج يا الغالية.. والله جنه أمسات كنا نتناقش في قسم العروس عن زهبة العرس و عقبها في منتدى الحمل و الولادة... و ما توقعت اشوفج هني.. صدقيني من قريت مشكلتج أمس و انا متضايجة ... مادري ليش الرياييل عينهم زايغة و ما يمليها الا التراب... ليش ما يحسون بتأثير اللي يسوونه في حريمهم و يخافون ربهم..

والله حاستبج حبوبة.. لأني مريت بتقريبا نفس الشي.. اكتشفت انه كان على علاقة بوحدة و انا بعدني عروس و حامل و ماصارلنا الا سبع شهور معرسين... صدقيني ما جد قصرت عليه بشي و حتى دوم اسأله اذا يباني اتغيرله و يقولي انتي كاملة و الكمال لله... بس ما اقول غير حسبي الله و نعم الوكيل...

على فكرة.. لو انه السالفة عدت على خير... بس قبل اسبوعين تقريبا دشيت على حسابه في الفيسبوك و شفت ايميلات بينه و بين وحدة و تذكره انه كانت اتعرفه من سنتين!!!! يعني من ايام خطوبتي... و فجأة وقفت الايميلات من بينهم و يوم جيكت لستتها لقيته ضايفنها باسم ثاني من وراي...

غالية الأثمان... ما تتصو رين اشكثر قلبي يحترق يوم اشوفه ميود موبايله و يشله وياه لين الحمام - اكرمج الله... ع الأقل ريلج صارحج بس انا يسوي الشي من وراي و مب عارفة كيف اصارحه و لا محصله الفرصة عشان اصارحه... بس انا رايي من راي خواتي انج تكثرين الاستغفار و تدعين ربج انه الله يهديه و حاولي انج تقسمين وقتج بينه و بين الوالدة (الله يقومها بالسلامة يا رب) لأنه يمكن يحس انج بعيدة عنه و لا تعطينها اي فرصة انها تستفرد فيه... و اتمنى اني اسمع البشارة منج و ادعيلي وياج حبوبة...
اسمحيلي على ردي المخربط بس يتني الصيحة و انا في الدوام الحين...

الله يكون في عونك انتي قولي ليه لما انته كاسرة خاطرك البنت وشافق عليها ليش ماتدور لها واحد مب متزوج هم بتكون اسعد من وياك انت متزوج وعندك بنت وانا بنفسي راح ادور لها على عريس جذي تكشفي نواياه اذا كان حابنها ولا انه يبي يستر عليها اقول ليش لازم تشوفينها انتي او تدزي احد يخوفها من رب العباد انها داشه تخرب بيت عامر ومرد الله بيخرب بيتها لو هي سوت هالشي

الله يهديلج ريلج يا رب وايسر امووركم .. ويرد بحضنج يا رب ويصرف نظر عن هاي البنت يا رب يا رب يا رب

الله يكون في عونج .كثري من الاستغفار نزوى وبتروح باذن الله

الله يساعد قلبج الغالية

والله قلبي معاج وتأثرت بمشكلتج بس ما أدري وش أشور عليج وشنو الحل

مالج غير الله عليج بالدعاء والصبر والله يزيح هالهم من دربج

الله المستعان هي كبيره وعانس يعني راح تتعلق به لي آخر نفس، وهو ما يندرى وش اللي صار له

أنا لو كنت مكانج وزوجي اللي أحبه يقولي هالشي يمكن أموت وقتها من الصدمة، الله يقوي قلبج

حبيبه قلبي غاليه ..والله العظيم عورتيلي قلبي...هاك اليوم اذكر يوم تخبرينا انج ملجتي و تراوينا الفستان...هالرياييل اعوذ بالله مادري شو فيهم..يدورون عوار الراس و هم مرتاحين...ما اعرف كيف انصحج لاني لو كنت مكانج مادري شو كنت بسوي...الله يصبرج بس و دوم حطي في بالج ان هذا ابتلاء من رب العالمين لانه يحبج و يبغي يجوفج كيف بتصبرين..و بيأجرج ان شاء الله...و ترى مرده لج ...وقولي ماعليه بصبر ..هذي كبيره و مب متزوجه للحين و يتيمه..بكسب فيها اجر و ربج بيحل لج السالفه ...
من شهر تقريبا وحده من اهلي اعترف لها ريلها انه تزوج عليها من سنه!!! و هم معرسين من 22 سنه و عندهم عيال و بنتهم معرسه!!! بغت تتخبل يوم قاللها...لا ووحده مغربيه بعد و عمرها 22 سنه!! هاي بالله عليج شو تبا في واحد قد ابوها..المهم من اسبوعين تقريبا طلقها..لانه بدا يحس بالمشاكل اللي يابها على عمره....ان شاء الله ريلج ينسى سالفه هاي حتى قبل لا ياخذها...
بس ماشاء الله عليج..تدرين لو انا مكانج والله بلبس ريلي و لا كانه موجود..خلاص بيطلع من عيني و قلبي...
الله يصبرج حبيبتي

و طمنينا عليج

وما تشوف شر الوالده ..الله يعافيها و يشفيها يا رب..ويخليها لكم

الله يفرج همج حبيبتي و يسخر زوجج لج

ماعندي لج عزيزتي غير الدعاء
الله يفرج عنج بحق محمد وآل محمد