لحقووووووووو غالية الأثمان وزوجها والزوجه الثانيه ....!!!! لحقوها بمشكلة

حاولى تجمدين أعصابك الله المستعان وأهم شئ الصحة والعافية
لأنه يا أختي كل شئ مكتوب ومهما صار أحتسبيه عند رب العالمين

لحقووووووووو غالية الأثمان وزوجها والزوجه الثانيه ....!!!! لحقوها بمشكلة

--------------------------------------------------------------------------------

بسم الله الرحمن الرحيم
السلام عليكم ورحمة الله وبركاته
شحالكم خواتي عساكم بخير.....
والله يا بنااااااااااااااااااات
ماكان ودي اعرض مشكلتي بس والله العظيم حدي تعبت ولاني عارفة شسوي مع زوجــي !!
والله يخليكم بس ابي حل ابي ارتاح الله يريحكم .... مضااااااااااااااااااااااايجه حدي... ومزاجي متعكر حييييييييييييييل.. ومدري منو الغلطان انا ولا هو ....

سالفتي انا متزوجه من سنه و8 شهور وعندي بنت ولله الحمد.. مشكلتي خواتي زوجي من ولدت وبعد ولادتي بكمن شهر احسه موووول مب هو زوجي الاولى ... بتقولون لي كيف ... ويمكن تلوموني .. بس الله الشاهد اني مب مقصره وياه لا بلبس ولا بعنايه ولا بطبخ ولا بغير ...
اوكي مب معناته انا انشغلت ببنتي لأنها اول بنيه لي يعني خلاص ... المفروض كان يساندني ... اوكي اطلب منه هالشي يسوي بس احس انه طلبي ثقيييييل ...

السالفه
من عقب ما عرست وانا عطيته مجال انه يطلع ويا ربعه يومين بالاسبوع ... ويمكن هو تعود بحكم اني اول سنه زواج قضيتها في بيت اهلي لأني كنت اكمل دراستي في بوظبي وهو في دبي .. فتعود ان يطلع ويا ربعه .. اوكي انا شسوي ؟؟؟ هاي الدراسه ... كنت كل ويك اند ارد دبي وعقب ارد بوظبي يعني حالتي مشتته بس كان كورس واحد وخلصته وعقب الحمل على نص السنه الثاني كانت ولادتي وفضلت اني اولد في بوظبي .. وكنت اقعد عند امي بحكم ان هي مريضه بالخبيث في الكبد والقولون وانا اكبر خواني يعني باختصااااااااااااااار كنت مجبورة على هالوضع ... بس والله يابنات كنت اتلبس له واتعدل له واسوبله الاكل اللي يحبه وكنت اسويله حفلات والله واعطيه بدل الهديه 6 او 8 هدايا بحفله وحده وكنت وانا حامل اسويله حفلات صغيره ويوم ترقى سويت له حفله لنا روحنا لا صارت ولا استوت .. وعطيته هدايا شكثر نعول عزكم الله وهدية وهدية مكتب وساعه وغتر وغيره وغيره .. عشان تعرفون انه حتى لو بعيد عني انا افكر فيه ....

ومن عقب ما ربيت حسيت انه ما يراعيني خصوصا في مرحلة اكتئاب ما بعد الولادة ... وعقب هالفتره ... استمريت اروح بيت اهلي في بوظبي بكم ان امي تاخذ كيماوي وتتتعب حييييييييييل وكنت انا المعين لها ..... خواني صغار بالكيجي تو الرابع .... اوكي ما مقصر علي بلبس لا لي ولا لبنتي .. بس بنات كلام حب وغزل مافي ... ايدي ما قام يمسكها يوم نتمشى بالمول مثلا يوم امسكها يقول كبرنا على هالكركاااات .. وبينا بنت شو يعني خلاص انتهت الرومنسيه ... اي شي يقولي اياه سويته ... حتى بشقتنا روحنا ما يقولي شي طيب تحملت وحاولت اكون معاه اكثر واكثر.. والحين بنتي عمرها احين 7 شهووور... لاحظت في فتره اخر 3 شهووور لما نطلع كه يخليني اتمشى روحي بالمحل وهو يطلع يكلم برع ... حتى اخته قالت لي تحملي فلان ترى شوي عيونه زايغه انا ما صدقت ... والحين تأكدت من هالشيء اخر فتره كله يتكلم بالتيليفون حتى اذا جا في الشقه تيليفون يطلع برع يكلم تيليفون ... فلان منو كنت تكلم ... والله ربيعي قبل كان يقولي بو فلان ولا بو فلان ... الحين لا حتى اخته تقولي نحن بعد يوم يطلعنا السوق ويتكلم بالتيليفون يروح لبعيد ليش...؟؟؟؟ من فتره قام ييب لي طاري الزوجه الثانيه وفلان رئيسي بالقسم متزوج ثنتين ومرتاح ... وفلان بالدوام قال بعرس ومن هالكلام ...

تقريبا من شهر كان كله هالكلام مزاااح بمزاااح وكنت اقوله انا واثقه فيك (( في بداية الموضوع )) ما بتعرس لأنك تحبني .... وبعدين قمت اقوله لا ما بخليك ((( مزح )) بجتلها وبجتلك ... من بابا المزح بوهالفتره حسيت كلام الحب والغزل خلاص انمحى ... حتى مايلمس ايدي واتلبس له واتمكيج ولا شي فايده ... الخلاصه الفتره الماضيه عن الزوجه الثانيه وهالسوالف .... قبل الباااارحه تخيلو فتحلي الموضوع وقلت له لو تباني انا اخطبها لك واجهزها مستعده ... واتاريه كان يتكلم جد ...

قال لا جد اتكلم ابي اعرس انا اللقمه غصيت ابها ... اعرف ريلي متى يبا يتكلم جد ... طالعته وتميت ساكته .. وجاريته بالكلام قلت له ومنو هاي سعيدة الحظ تخيلو .... وحده عنا بالدوام ... يتيمه مسكينه عمرها 33 .. واسمها فلانه بنت فلاان ....تميت ساكته وين بتسكنها قال الشقه اللي جدامنا بيطلعون قريب بسكنها هناكي ... بنااااااااااااااااااات انا لأخر لحظه كنت اتوقعه يمزح والله ان كللامه جد بجد ... يعني يطولها عقب لا كنت اسولف وياج ... وانا تمييييييييت ساااكته جنه سكينه تنطعن بصدري ... قالي شو فيها انتي بتكوينين الاولى وانتي الاصغر عمري وعمره 24 ...

اوكي ادري من حقه .. والمشكله اقوله ليش بتعرس يقولي بس جيه قلت له مقصره وياك بشيء حلف والله اني ولا بشيء مقصره وياي ... تمييييييييييت ساكته وكاااااااااااااااااااااتمه وهو يعرف لن بسرعه ينباااان على ويهي .... وتم فلانه شفيج انا شو قلت ليش تغيرتي وين اللي قالت انا عادي عندي ورااااضيه ... عقب قلت له مشاءالل يعني كنت مخطط حق ها كله .... تخيلو قال انا اشتغل في هيومن ريسورس واعرف كل الموظفين واعمااارهم واساميهم ووشو يشتغلون!!

و زعل وطلع من البيت زعل ليش اني قلت له انه مخطط ومختار وانا اخر من يعلم

الحين زعل من كلمتي وما حس بمشاااااعري ولا بزعليييييييييي... طيب قبلها يا بنات ب5 ايام ينزل تحت البنايه يتكلم بالتيليفون ويرجع ... وعقب بيومين يرن تيليفونه 5 الا ربع الفجر الاذان 5 ونص يوم اساله منو يقولي ربيعي يوعيني حق الصلاه ... اتحدى لو ربيعه لأن ربيعه هاه دوووومه متاخر عن الدوام ودوووم يشتكي ريلي منه ... ويوم شيكت على الرقم طلع نفس الرقم اللي مكلمنه الليله اللي قبلها الساعه 12 ونص بالليل يوم نزل تحت .... وقبل لا يصير الموضوع ..

لاحظت انه تغيرت من ناحية انفاقه يعني هو شوي شديد من هناحيه ما يشتريلي الا بعد طلعت روح وزن ..... تيليفوني تخرب ولا قام يشتغل ... اقل شيء بيوديه يصلحه لا راح اشترالي اخر تيليفون نوكيا نااازل السوووق وثاني يوم وداني محل كنت ابا منه ثياب لي بالعاده لا عندج ومدري شوه على طووووووول راح وداني ورحت انا اختار وهو طووول الوقت ماسك هاليتيلفون ويدور ويا عربة بنتي ... ويبعد عني كل ما سرت صووووبه ... ما تبوني اتضايق...

ووداني باريس قاليري كنت ابا ميك اب لأن اللي عندي مخلص .. مو مثل العاده بالزوور لين يوديني وداني ... وانا اقول ليش الكرم ها كله والسرعه ااثاريها الهدوء الذي يسبق العاااااصفه ..... بنات والله اني ما انام الا 3 او 5 ساعات واصحى اتم اصييييييييييييييييييييييييييييييييييييييح والله ماعرف شسوي

اليوم على شي تافهه انفجرت ما عدت استحمل ... قلت له انا بشو مقصره شسويت لك اي شي تباه سويته كل شي تتمناه تحصله ... راح قالي اللله طلعتي اللي بقلبج انفجرتي ها كله من موضوع امس انا غلطااااااااااااااااان اني فاتحتك بالموضوووع لا وها انا ما سويت شي عيل شو كان بيصير لو ما قلت لج او لو تزوجت عقبقلت لج بنات بلييييييييييييييييييييز شورو علي شسوي .... والله كل ما اشووووفه قلبي يتقططططططططططططع كل ما اتكلم بالتيليفون انحرق حتى لو ريال .... شسوي والله اني احبه والله مادري شسوي بليييييييييز بنات والله اني اصييييييييييح انا غلطت وبشو غلطت وكيف انسيه الحلم اللي يحلمه .... كيف الكلام صار شبه معدوووم بس كلمه ورد غطاها شسوي ... محتااااره والله ............. شورو علي قبل لا يخترب بيتي .....


ردو علي بس خلال هالثلاث ايام ليوم السبت ... عقب بسير دبي وهناكي مافي نت والله يعلم متى بلتققي ويااااكم سااا



صلي وادعي وان شاء الله الله يصرف عنة هالفكرة واستغفري وهدي اعصابك والله يفرج همك يارب

انا من قرهي تدري شنو ممكن اسوي اروح لها الشغل واهزئها قدام الناس كلهم واقولها انتي ياخطافة الرجال ياحقيرة مالفيتي الا على زوجي واخلي الناس كلها تسمع واشرشحها من قلب قدام الكل واخليها تصير قد النملة واطلع وارجع بيتي ولا اقول لزوجي اللي صار واهددها لو صار وتزوجته لاذبحها ومو هامني احد واطرش عليك ناس يذبحونك واشوف يا انا يا انتي صدقيني تخاف واشوه سمعتك بين الناس انتي بس جربي تاخدي زوجي وكله تهديد والله ييسر امورك

ويهدي زوجك ابو عيون زايغة

والله من حرتي عليك

اللهم يامقلب القلوب انك ترجع لاختنا غالية الاثمان زوجها ويهنيهم مع بعض وما يبدلها بكنوز الدنيا ويديم عليهم السعاده والحب والفرح ........آآآآآآآآآآآآآمين يارب العالمين

أختي اكثري من الدعاااااااااااااااااااااااااااااء اكثــري واكثــري

الله يصبـــرك أكثــر

حاولي ماتتغيرين كثــير يعني البسي واكشخي وقولي كلام حلوو

قولي حق امه قولي حق أمه حطي للموضوع حدود
يمكن يكون من صاالحج

لاتقولين اذا تزوجها بيكون باله معااي حبيبتي وهي بتشغله بنفهسا واكيد بتجيب عيال عشان تربطه

انتي لاتسكتين واكثري من الدعااااااء

سوري قلبي كنت معصبة

الله يفرج همك ويبعد عن زوجك هالافكار

مدري احس كلامي كان نابع من قهر فلا تاخديه يمكن يكون سيئاته اكثر من حسناته

شلي ريلج و اطلي اجازه سافري اي مكان ...لو اسبوع ...بس يبتعد عن التلفون شوي ...يمكن يرجع لنفسه

و اذا رحتي بوظبي ارجعي نفس اليوم لا تباتين هناك ...اختي انتي من تزوجتي ما تميتي وياه ...و الريايل ما تهمهم الهدايا و اتي في عينهم شي ....نحن الحريم الي نفرح بالهدايا و نقدرها

و لا تصارحينه ابدا و لا تقولين انج تشكين فيه ان يرمسها

يمكن يشوف اانج عرفتي يقول خلاص مافي اي عوائق

انا انصحك انك توكلين امرك الى الله وهو اللي يحل مشكلتك كلنا مابيدنا شي لكن هو القادر على كل شي

يميه وسععععععععي صدرج ترى ماصارشي ولا بصير باذن الله تفائلي ... والريال مابيعرس الا لسبب ربي ايسرلج من يوقف عند امج وربي يقلبلج قلب ريلج باللي تحبين اهم شي ركزي ولا تكونين سلبيه ابدن ترى الزعل والبعد عن ريلج ازيد الطيييييييين بله ويفتح مجال لثانيه تسرقه منج اول شي لازم تنعشينه ولا تعطين مجال لثانيه تملي قلبه بالزييين لا تسببببببببببقج كوني الاولى وراعية العرش بالحلو والسنع من كلام للفعل ولاتيبين له طااااااااريهاااااااا ولا طاري عرررررررسه ترى هاي نقطه مهمه همشيها عشان اهابج وافهمي بان الاخت شغاله عقلبه بالكلام الحلو فالريال من صوووووووب هالشي شبعااااااان وحاولي تغيرين جووووووو معاه ولا تيبين شي اكدر بخاااااطره سولفيه ضحكيه املي الجوووو عليه وشغليه فيج (روحو سينما متاخر بحيث تيلسون مع بعض تعشو بمكان روحكم ) وان طرى السالفه ذكريه بوااايد اشياء انه السووووووووق قام يرتفعوالواحد يالله الحق عبيته وذكريه بمعاناتج معاه في الصرف .. والي يتزوج ثنتين ولايعدل بينهم يبعث يوم القيامه وشق منه ميت وهذاحديث صحيح فقوليله تقدر على الثنتين مصاريف وميل قلبي؟ وقوليله شلون الله بوفقك بعرس كانت اسبابه عصيان كنت تجوفها وتكلمها وتامل فيها وقوليله هي بنت 33 واكبر منه وتبي تلعب لعبتها وقوليله كانت اوقاتج قبل عسيره وانه احين تتيسر وقوليلها شلون باعد منج احين بسبها وشلون بعد العرس ؟ وكيف الله مايرضى بهالشي واهم شي رزي خشمج عنده لو هو اهمممممشج مره مرتين بحس بج اهم شي وااااصلي عسب ما يكون له حجه عندج وانج تضمنين عيونه وقلبه ونقطه مهمه سلطييييييييييي بنتج خليه اموووووووت فيها ........... وبعدين يوم تسوووقين تدلعي لا تاخذين الشي الا وهو مختاره من لبسج للبسه للبس بنتج احشرررريه بكل شي باللي خصه وما يخصه تضمنين مايظهر وان ظهر قوليله بلاه ربيعك غلس يدق لنا بوقت ماصخ طبعن بدلع ورقه مو بعصبيه ودامه راضي عليج بالبيزات هاليومين اي جوله تسوقيه خليها ما تخلى من نصيبه بقمصان النوم اللي عذوقه وعطور عذوقه واشتغلللللللللللي عسالف الصالونات.... وبنتج ههههه شربيها دوم نعناع لتهدا وترقد وماتخرب عليكم بطلعاتكم وقعداتكم واحسن شي سفر وخاصتن للعمره تطلبين يغلق تيلفونه طبعن باسلوب راقي وحلو وحاووووووووووووولي تحسسينه انج تبين تكونين مركز اهتمامه بس هو ما تاركلج الفررررصه

لسلام عليكم ورحمة الله وبركاته

والله وايد تضايقت عليك انتي وبنوتك

بس ما ادري شو اقولك احس زوجك يبغي يتزوج وخلاص

المشكلة انه ما يلقاكم غير 3 ايام بالاسبوع يعني باقي الايام بيكون معاها وها الشي بيخلي زواجهم قوي فعلا :(

وما انصحك بالحمل بنتك توها صغيرة وبالعكس ممكن الحمل والتعب يخليه يفكر اكثر بالزواج عشان يبعد عن التعب

كلمي اهله يمكن يكلمونه ويفكر احسن

هي عمرها 33 وهو كم عمره ؟؟؟؟؟؟؟؟؟

بسم الله الرحمن الرحيم
حبيبتي غاليه
ودوري على الدكتوره ناعمه الهاشمي
ترا انتي قربيه منها وهي باذن الله تساعدك وراح ترتاحين وتعرفين الطريق الصح
واهدءي وروقي الدكتوره جدا رائعه بكل ما تحمله الكلمه من معنى
وانا انتظر ردك
دمتي بود

ياااااااربي والله ماتخيل اللي يصير لج

ومن قريت وانا الافكار توديني واتيبني.. صدق الرياييل مافيهم خير

وانا احيدج حبيبتي من ايام الملجه مامقصره معاه وتسوين له حركات وهدايا

الله يسخر لج قلب زوجج يارب.. ويفرجها عليج.. ويكفيكم شر هالانسانه اللي ماتخاف ربها

الله يفرج همك أختي


انتي اتصلي بالبنت واحكي معاها


والغريب أنه عمره 24 وهي 33 فرق شاسع

الله يعينج ويصبرج يارب

ومثل ماقالوا لج خواتي روحي عند الكتوره ناعمه بتساعدج وايد

و ان شاء الله اللحين بطرش لج رقمها عالخاص

/
/

اللهم فارج الهم وكاشف الغم مجيب دعوة المضطرين

رحمان الدنيا والآخرة ورحيمهما

اللهم فرج هم أختنا غالية الأثمان

اللهم فرج همها وأبعدها عن كل مكروه

اللهم الطف بها في تيسير كل أمر عسير

فإن تيسير العسير عليك يسير

يا لطيف فوق كل لطيف

الطف بها في امورها كلها

اللهم امين

الله يعينك وماعرف ارد عليك لك بدعيلك ان الله يسخر زوجك

فديتج ياأختي .. الله يرجع لج زوجج و يصرفه عن فكره العرس ياااااااااااااااااااارب ...

أقترح نفس اقتراح وحده من البنات انكم تغيرون جو و تسافرون مع بعض لو تسبوع واحد تجددون فيه حبكم و تقتروبون فيه اكثر من بعض .. و ربي يوفقج و يبعد عن ريلج هالبنت يارب ..

لااله الا الله ......

الله معاكي ياقلبي والله يصبر قلبك

اللهم فرج هم أختنا غالية الأثمان

اللهم فرج همها وأبعدها عن كل مكروه

اللهم الطف بها في تيسير كل أمر عسير

فإن تيسير العسير عليك يسير

يا لطيف فوق كل لطيف

الطف بها في امورها كلها

اللهم امين

غالية بشرينا عنج


غناتي ... دامج ما قصرتي مع اهلج ووقفتي مع امج في مرضها صدقيني رب العالمين ما بيضيعج

هذا من بر الوالدين والبار ربي يوفقه في دنيته ويفتح عليه بكل شي وتكون حالتكم هذي نزوة وتزول باذن الله

الله يفرج همك وغمك ويرده لك ويحفظ لك بنتك

simsimaty3;5053052:
اللهم فرج هم أختنا غالية الأثمان

اللهم فرج همها وأبعدها عن كل مكروه

اللهم الطف بها في تيسير كل أمر عسير

فإن تيسير العسير عليك يسير

يا لطيف فوق كل لطيف

الطف بها في امورها كلها

اللهم امين

امين امين امين

وكل من اشتكى من جميع المسلمين