اللى عايشه في ملحق وسعيده ساعديني

ياام الجنى والله انى احب اقرا ردودج لانه ماشاء الله عندج اسلوب في اللكلام انتى ومرايم ....مثلا اقرب مثال ريلي ودالها ولدى عشان نتغدى ونام عندها وانا قلبي عليه ابى اخذه بس خفت اقول لريلي ويعصب المهم سكت ودخلت اناااااااام من التعب لانه ولدى مجنني من النوم ومن التعب ومن كثر مااحاتييه ماقدرت انااااااام المهم بعد مانمت بساعه جتني اتقولى تعاللى خذي الولد شربيه حليب منج ولا بسويله حليب قتلها سويله سيريلاك ليش كله حليب (مع انها تضارب لما اتشوفني كله اعطيه حليب المهم اول مارضت ماادري ليش انا ماعرف اسوي وانا مادري شو المهم قامت تتعذر قمتانا عاندتها وقتللها انا تعبانه بنام راحت وسوت واكلته وبعدها رحت انا وخذته ومن شوي وديته لها تلاعبه الا الحين اسمع هذوء الحبيبه نومته كل ماادوديه تنومه مه انه مسكييييييييين مان يبي يرضه منى وصدري حرام فيه حليب والله تقهرني والله انا اسكت عشان ريلي لاتقوليين انا ساكته علطول ترى ماقدر اقول لريلي كل شي ترى يزعل واانمابى اخسره شو اسوي الحين ؟!! عقوله انتى اتسوين جي وبعدين انا عرفت انه ملحقك فيه مطبخ يعني انتى منصصصصصصصصصصصصصصصصصصفله عنهم ومالهم شغل فيج مب مثلي والله تعبت نفسيا انتى تذكررين مشكلتى الاولى صح اللى كتبتها انتى كنتى رداه عليها والله البارحه يالسه افكر بكل اللى صار في البيت ويالسه اقول كل هذا صار في سنه ونص بس عيل كيف لو تمييت عندهم 5 سنيين او اكثر واللله بموووووووووت ومشكورة نور

مرحبااختي وهج .. كيف اصبحتي ...

حبوبه ...انا مادري انتي تشتغلين او لا ... بس لو تقدرين حاولي تروحين زياره حق اهلج شوي غيري جو عشان اعصابك ما تكون مشدوده طول الوقت ...

الشغله الثانية .. اختي ... مو شرط كل شي يصير بينج وبين امه .. لازم تخلين زوجك مطلع عليه .. يعني نقاش عادي او حتى زعل ... مو لازم تجيبي طاريه حق زوجك ... لسببين عشان ما تصيرين تنقلين مشاكل ,.. حتى لو هي قالت له ... خبري زوجك ان هذي امور بين نسوان وتحصل في كل مكان وماله داعي يشتغل محامي دفاع .. وانتي تعرفين حدودج عدل ..

بالنسبه حق ولدج ... عادي اذا ما يبي يرضع منج ... ممكن تشفطين له ... لان الياهل عموما اذا تعود على المرضعه خلاص .. يبي الاسهل ... شفطي له .. مب مشكله .... ولا تخلين في خاطرج ان مايبي او شي ...

بالنسبه حق ام زوجك انها تنومه .. صدقيني الياهل في هالسن .. اذا ما يبي ينام ما بنام سواء كان عندج او عندها .. واكيد ان هو يرتاح ويحس يبي ينام .. فينام .. مافي ياهل ينام غصب :)

اي اختي .. انا قلت لج .. انا شرطت على زوجي من البدايه ان لو يبيني اسكن مع اهله يوفر لي سكن فيه كل شي مطبخ وصاله وحجرتين ... والله يعزك حمام .. لاني ما ابي احتك في اهله ..
وفوق هذا رفضت رفض قاطع ان يكون بيني وبينهم باب .. والباب الوحيد الموجود على الشارع ... فقط ...

بس مو معناه ان انتي حالتج مأساه .. صدقيني اختي ... احس بشويه تفكير وتكتيك .. تقدرين تعرفين مايه ام زوجك ... اذا هي ستايلها قديم وايد ,, خلاص .. حاولي تسوين نفسها ,, او تمدحين عاداتها وتقاليدها .. وتسوين نفسج ان هالشي عاجبك .. بس مو كل شي على حساب راحتج .. او يزعلج .

احاول اوصل لج الصوره .. انا ادري انتي ما تكرهينها .. وترى اساس المشكله عندج هو الباب ...
حاولي تسوين الطرق الي قالوها لج البنات حبيبتي .. وحاولي تصكين الباب في مناسبات .. لين ما تتعود شوي شوي .. انتي توج يديده وبتاخذين وقت للين تتعودين .. ادري صعب

حاولي شوي تروحين حق اهلج .... لو هم جراب منج وقعدين يومين او ثلاثه .. ريحي .. وفكري بهدوء وراجعي ردود الاخوات ... بما فيهم انا :D

يله اختي استهدي بالله .. ودايم ادعي .. في صلاتج .. بالي تبينه

انا متابعتج كل يوم ..
تحياتي لج ام جنى

كما تدين تدان
اتقي الله ..
هذي امه..
تبين حرمة ولدج تعاملج مثل ما تعاملين هالفقيرة
اللي ما عندها حد الا ولدها..
الجنة تحت أقدام الامهات..

تسبيحات;5027198:
اختي اصبري واحتسبي الاجر
دام مالها الا زوجك
اكسبيها وانت تقولي انها حنونه
اقعدي معاها هي مو مع زوجك
وفهميها انك تبغين الباب تسكرينه ف وقت (تحبينه يسكر) حتى البس لبسي
ولا تستحين هذا حقك وعادي

وخليك قويه وانت تتكلمين <<<مو يعني بصوت عالي لا بس خليك انك واثقه من اللي تقوليه وعارفه انه صح
وادعيلك من كل قلبي ان الله يفرج لك
وصدقيني بدور الايام وبتكوني بيت بروحك وزوجك وبس اصبري واحتسبي

اعيني عالعقل ياتسبيحات:)

انا معاهاوبقووووووووووووة:wink:

عادي البسي اللي تبين

انا اول كنت استحي لا لبست قصير او بنطلون برمودا قدام ام زوجي

بس مع الايام صار عاااااااااااااااااااااااااادي:cool:

وهوووووووووج حبيبتي قلبي معج
صراحة انتي تقدرين تكسبينها بصفج وتكسبين
زوجج وتحسسينه ان همج رضاه ووناسته
بس اعتقد السالفة يبيلها رواقة
متى ما تعدل نومه سليماني دبري حالج

انانفسج ساكنة في ملحق في الباهية وعندي بنت ونفس مشكلتج بس انا زيااااادة اخته واخوانه بس لان عمتي طيبة اتحمل لان غيرنا حالتهم وااااااايد اصعب والله يعينج واذا عالحفلة سويها عااااادي وبالعكس قولي لام ريلج بتستتاننس حق ولدها ومااعتقدبتقتحم خصوصيتكم في هاليوم..

وهج الحب;5045680:
انا ام واحس ابها وماقلت باخذه عنها انا رضيت انى اعيش وياها بس شرط انه لي ملحق مثل كل البنات يعني مثل مرت اخوي اللى في البيت اخوي يالس ويانا بس هي على كيفها اذا بتدخل ولا بتطلع او اي شي اما عمتى تتحكم بكل شي وتبى الباب ععلطول مفتووح انتى اكيد مش متزوجه صح؟؟ باجر لتزجتى بتعرفين قصدي انا ابى اخذ رااااااااااحتى مع ريلي لو شوويي حياتنا مثل الاخوان صدقيني اقول هالكلمه من قلبي احنا مثل الاخوان يعني نتلاقى بكل شهر مره بس اذا امكن والباقيي لا والريال لما مايحصل هالشي وين يرووح ؟؟ اكيد يدور هالشي برععععععع صح ولا ترى انتى ظلمتييني بكلامج من حق كل بنت انه يكون لها خصوصيات ولو جزء في اليوم مش علطول الباب مفتوح الحين انتى الى قهرتيني لما رديتي علي ومشكورة على النصيحه بس ترى اللى ايه في الماي مش مثل اللى ايده في النار

يالغالية انا متزوجه وعايشه مع ام زوجي واخوان زوجي في بيت واحد صار لي 8 سنين

تعرفين يعني ايش لما تكونين مقيدة بلبسج جدام اخوان ريلج

ومحسوبة عليج الكلمة والنظرة والحركة والضحكة

انتي ما عرفتي معنى القيد والقهر صح

حتى عيالج ما تقدرين تامرين عليهم لان ام زوجج ما ترضى عليهم

خدامتج اللي لج تشتغل حق ام زوجج وتطقع لج ولا تقدرين تقولين شي

ولا تامر الا على شغالتج وشغالة ولدها الثاني اللي بالبيت تقول لا خلها تخدم مرة ولدي وعياله

لما تطلعين ويا زوجج وتتصله نحاسة فيج علشان تردكم وتحرمكم من الطلعه

لما تسافرون وتوكم واصلين تتصل له وتجبره انه يردكم من السفر ثاني يوم

والله ما انسى في مره من المرات كنا حاجزين التذاكر والسكن نبي نسافر وقالت حق زوجي لا ما تروحون

وراح زوجي ولغى الحجز بدون ما يقول لي لين قبل السفر بيوم قال لي خلاص ما في سفر

و لما تشوفج شاريه شي جديد وما في منه وتروح تقول حق ولدها انا ابي هالشي اللي عند مرتك

وينخذ منج الشي بالغصب

حبيبتي انا ام زوجي ما شاء الله عندها عيال واييييد واكثرهم رياييل ومتزوجين معانا في البيت

بس من بد عيالها كلهم ما شفتها تتحكم في حد منهم مثل ما تتحكم في زوجي

وزوجات اخوانه ما تسوي لهم مثل اللي تسويه فيني

يعني كل شي تسويه تحسينها انها متعمدة تسوي فيج هالشي


حتى فريضة الحج تقول لج لا ما تروحين وتخلين عيالج وتجبر ولدها انه ما يوديج

والعام راحت الحج ويا اخو زوجي ومرته مع انه زوجته توها كانت والده ما صار لها 4 شهور

كانت والدة في اول رمضان وراحوا الحج في نفس السنة يعني عمر البيبي 3 شهور بس

وخلوا البيبي عند خالة زوجته

لا تقولين اني ما اعرف ايش اللي تعانين منه لاني اعاني اضعاف اللي تعانينه



وفي نفس الوقت شفت مرت اخوي يوم خذت اخوي وقهرت قلب امي وابوي على ولدهم الوحيد

لين ابوي جاته جلطه من القهر


وانا اسفه اذا كنت قاسية معاج في الكلام بس لاني شفت اللي صار على امي وابوي

ومن يومها وانا مهما صار لي من ام زوجي ما اتكلم ولا اقول شي لانها في النهاية ام الغالي

ورضاها من رضاه واحبها واخدمها مثل امي


تدرين ليش

لأن الدنيا سلف ودين

مثل ما تسوين في ام ريلج اليوم بكره مرت ولدج بتسوي فيج

صج ان ام ريلي متحكمه .. ويوم تكون راضية ويوم لا .. بس والله العظيم انها تحبني مثل بنتها

ودايمن تهديني الهدايا وتتقرب لي

كل هذا لاني عرفت شلون اكسبها ولاني صبرت عليها

واذا في خاطري شي عليها قلت لها وتفاهمت وياها


ومرة ثانية اكرر اعتذاري اذا كان كلامي قاسي عليج بس هذا رايي


الحل لمشكلتج هين بس يبي له صبر وطولة بال

لازم تعودينها على طبعج وتسوين اللي تبينه بس بذكاء مو بالغصب

الكلمة الطيبة تهد جبال

دايمن تقربي لها بالكلمة الطيبة واكسبيها في صفج

اذا في خاطرج شي لا تخشينه ... بالعكس تناقشي معاها في الموضوع اللي مضايقجلين توصلون لحل


وبالتوفيق

فعلا يا جويل انتى وايد كنتى قاسيه في ردج علي واللى قهرنى اكثثرررررر انى انا مااشوف عمري من هذيل البنات اللى ذكرتييهم اللىى هم نفس مرت اخوج بالعكس انا اللكل يتشكر فيني صدقيينيمب غرور او شي انا وحدة مااحب المشاكل ابددد ووفي اغلب الاحيان اسكت يعني انا كل مره كانت اتقولى انه اذا اللى في بطنج بنت باخذها اختنها غصببببببببب ومب على كيفج واتقول كيف انتوا ماتختنوا البنات ّ!! قتلها احنا جي قالت احنا البنت اللى مش مختنه يعني مادخلت الاسلام وكل مرة تضاربني واليوم تضاربني ليش ماادهن شعر ولدى وليش مااسويله الماده اللى يدهن الولد فيها ويه عشان البعوض مايعوضه !! وتتحكم حتى بلبس ولدى وانا احيانا مااطلع بسببتها وريلي مثلا باجر بسير مكان يبعد عنا 4 ساعات ومن الصبح ومب راضي يوديني عند امي بس عشان ايلس معاها مع انه امى مسكينه تبى اتشوف ولدى وبعد سكتت وقلت بقعد عشانه ..وعلى فكره انا حتى في هالبيت اللكلمه محسوبه علي ومثل ماقتللج هي تزعل من كل شيييييييييي...وتبانى البس طوويل في ابيبت وشيللله والله انى تمييت سنه البس شيله بس من عقب ماريبت وخلصت الاربعين قمت اذا رحتلها ماالبسها وهي في البدايه عصبت وعقب اتاقلمت بس لين امس وعمتهم كل ماتشوفني اتقولي غطي شعرج الحين شو الفرق بين انى عابشه وسط حريم وبين انى عايشه مع رياييل واخوان ريلي ؟؟ اعتقد مافيه فررق وحصل خير يا جويل ومشكورة واتمنى اتردي علي

وهج الحب;5123809:
فعلا يا جويل انتى وايد كنتى قاسيه في ردج علي واللى قهرنى اكثثرررررر انى انا مااشوف عمري من هذيل البنات اللى ذكرتييهم اللىى هم نفس مرت اخوج بالعكس انا اللكل يتشكر فيني صدقيينيمب غرور او شي انا وحدة مااحب المشاكل ابددد ووفي اغلب الاحيان اسكت يعني انا كل مره كانت اتقولى انه اذا اللى في بطنج بنت باخذها اختنها غصببببببببب ومب على كيفج واتقول كيف انتوا ماتختنوا البنات ّ!! قتلها احنا جي قالت احنا البنت اللى مش مختنه يعني مادخلت الاسلام وكل مرة تضاربني واليوم تضاربني ليش ماادهن شعر ولدى وليش مااسويله الماده اللى يدهن الولد فيها ويه عشان البعوض مايعوضه !! وتتحكم حتى بلبس ولدى وانا احيانا مااطلع بسببتها وريلي مثلا باجر بسير مكان يبعد عنا 4 ساعات ومن الصبح ومب راضي يوديني عند امي بس عشان ايلس معاها مع انه امى مسكينه تبى اتشوف ولدى وبعد سكتت وقلت بقعد عشانه ..وعلى فكره انا حتى في هالبيت اللكلمه محسوبه علي ومثل ماقتللج هي تزعل من كل شيييييييييي...وتبانى البس طوويل في ابيبت وشيللله والله انى تمييت سنه البس شيله بس من عقب ماريبت وخلصت الاربعين قمت اذا رحتلها ماالبسها وهي في البدايه عصبت وعقب اتاقلمت بس لين امس وعمتهم كل ماتشوفني اتقولي غطي شعرج الحين شو الفرق بين انى عابشه وسط حريم وبين انى عايشه مع رياييل واخوان ريلي ؟؟ اعتقد مافيه فررق وحصل خير يا جويل ومشكورة واتمنى اتردي علي

يا وهج الحب ..

شلونج . من طول الغيبات اختي ما قمنا نسمع عنج ,, وينج وين ايامج ... وشو اخر اخبارج الحين ..

اختي انا فجعت لمه قريت ان ام زوجك تبي تختن بنتك لو جاتك بنت .. اسمعيني عدل ...

لو تطلقين ... سمعتني .. ( لو على قص رقبتك ) لا تخلين بنتك تتختن .... اذا ربك عطاك ... دخلت الاسلام ولا كفرت .. هالشي ما يجوز في حق البنت ..... وانتي فاهمه قصدي عدل ..

تخيلو تعيشين حياه جنسيه.. كأنما الحيوان اعزكم الله .. حتى الحيوان يحس باللذه احسن من الانسان ..

عموما ما بتعمق بالموضوع اكثر .. بس حذاري حذاري .. يصير هالشي .... انا قلت لج .. تبي تدخل بالبس بالشرب بالاكل بالنوم بالباب بشعرك بلبسك .. بقعدتك .. الا الختان ... اختي .. هالشي مايصير ... ياختي والحين في حملات اعلانيه وايد .. ضد هالشي .. حتى الدكاتره يحذرون الامهات العجايز من هالشي ان يسونه في بناتهم

تحياتي ام جنى

يااوهج الحب حل المشكله في يدك انتي

حاااااااااااااولي تتقربين من ام زوجك لان هاذي امه ولازم تمشين حيااتك لان هي مالها الى ولدها الوحيد

انتي حطي نفسك مكاان زوجك ايش راح يسووي بين ام وحيده ومالها في الدنيا غيره وبين زوجه متذمره من

تصرفاات امه ........

ام زوجك من الطراز القديم يعني تخيلي هي متعووده على الوضع هاذا والتفكير هاذا قوولي من 70 سنه

وانتي اللحين تبين تغيرينها ...صعبه

كل ماتقوول شي ومايعجك تخيليها امك قداامك ...

وبعدين لاتبيني لزوجك انك مظلوومه وانو الحريم الي سااكنين لوحدهم اسعد منك

ترى الزوجه تتعوض والام مااتتعووض

وانتي ام

الله يسهل عليكي ياارب

حل قضيتك يعتمد على محورين جوهريين:
1- رضا الله
2- رضا زوجك وسعادتكما كاسرة صغيرة في اسرة كبيرة

ما تحتاجينه:
اولا:: هدووووووووء الاعصاب
ثانيا:: التفكير والتفكر لكل ما مضى
( اجلسي ساعة او ساعتين لوحدك واديري شريط الذكريات)
انظري و ابحثي عن الخلل والاخطاء ومن كان سببها هل هي انت ام انت؟؟
كيف يعني هل كنت انت مثار ام كانت عمتج هي السبب لكنك لم تستطيع تتدبري امرك؟؟
لا اعرف كيف اوصل الفكرة لك
ربما هي سببت موقفا لكن رد فعلك هو الذي اشعل الموقف
لان سكوتك احيانا يعقد الموقف ويصب في صالح عمتك
لابد ان تكون لك قدرة ع المناورة والمحاورة وبادب طبعا
ثالثا: غيري في نمط واسلوب حياتك خاصة ان زوجك ماخد اجازة فاعيدو شهر العسل اللي فاتكم,,
جهزي ملابسك وملابس ريلج وملابس ولدج عشان ماتضيعي
وقت
والبسي واكشخي له وكانج عروس في شهر عسلها ولاول مرة بعد.
رابعا: بالنسبة للحفلة جهزي الصالة وسوي له عشا وللوقت ممكن تطلبي له عشا
والبسي ثوب سهرة ومافيها شيء لو كان علري من الاكتاف وقصير ع الركبة و
خلي شال صغير مناسب ع الطاولة مثلا ولمن تجي عمتج بيني كانج مستحية وحطيه
ع رجولج وبنغمة دلال وخجل قولي مسامحة عموو نسيت اسكر الباب,,
وحتى لو طلعت ع طول قومي وسكري الباب بهدوء وع طول رجعي لريلج
قولي له وبنغمة وله ودلال حبيبي تبي ذا العصير لو ذا,, وحتى لو تغير شوي سوي روحج
مو ملاحظة,, ودلليه,, وبعد شوي لمن يروق قولي له حبيبي انا استحيت لمن عمتي شافتني
بذا اللبس, بس في نفس الوقت استانست وانا البسها لك, عجبك حبيبي؟؟
خلاص كل يوم بلبس لك شي غير, وحتى لمن ترجع الدوام وتجي البيت بتشوف
وهوووووج العروس تنتظر حبيبها بفارغ الصبر,,
ونقعد ونسولف ونعبر عن مشاعرنا ولاني مابي اشوف هالنظرة من عمتي
ولا انا ابي استحي وما اخذ راحتي,,, خاصة ان عندي بعض الملابس استحي عمتي تشوفني بها
فايش رايك حبيبي لو انا انسكر الباب بالليل
من بعد صلاة العشاء الى قعدتنا الصباح من النوم بس
( واعتقد ان عمتج تنام بكير لان الكبار ينامون من وقت)
يعني طول النهار مفتوح, واذا ممكن تقنعيه بان الباب يتسكر بعد
في وقت قيلولة الظهر,,اي حبيبي عشا البس لك واستانس واونسك, وتعشوا سوا
( واذا عمتج تصر تتعشوا وياها عادي تعشو,, وتالي لمن يتسكر عليكم باب الصالة
اكليه حلى)
وبكل لبلقة وهدوء حسسيه ان الباب يتسكر بالليل بس وقولي له
ابي ادلعك وتدلعني ونبي نراكض زي اليهال بين الغرفة والصالة,,
اذا ما وافق من البداية انتي سكريه بهدوء’,,,, كيييييييييييييف؟؟
كلميه بهدوء عن الامر,, بس لا تحنين عشان لا يطفش.
وحسسيه بحبج لامه وانج ما تبي تفصلينهم عن بعض,,
يعني مثلا خلها تشاركم الحفلة سويها قبل موعد نوم عمتج بساعة, والبسي اللي تبيه
وحتى لو تكلمت لا تتضايقي ولا تردي وغيري الموضوع, وممكن لمن تشوف ولدها مستانس ما تعترض
وعطيها هديةالكبار يحبو الهدايا, وعطي ريلج هدية جدامها
واستانسو جميع
, ولمن تسير تنام سكري الباب, وغيري لبسج لريلج, وعطيه هدية مميزة,
وشعلي لهشموع وطفي الانوار,’ وحتى ولدج اذا مانام ولا قدرتي تصرفيه فانه
بيسوي لكم جو حلو,,
وهو من نفسه مع استمرارج ع هالمنوال
راح يفهم اهمية اغلاق الباب لفترات ولو متقطعة من اليوم.
بس اهم شيء تتذكري انه عمتج خايفة ان ولدها ينفصل عنها,, عشان
جذي حتى والباب مسكر خليه يروح مسي عليها ويقعد اياها, واحرصي ان يكون بار بها
وخلي يجيب لها هدايا, وانتي دوم طلبي مشورتها,
واذا كان رايها ما يعجبج تهربي منه بذكاء
او قولي ليها خلاص بسوي جذي ولا تسويه, وخلي ريلج ايسسها بانها رقم 1
لان هذا هو سبب المشكلة.
هذا رايي مع قليل من اقتباس من اراء العرايس

وبالنسبة لختان بنتك
قولي لها انا ما ابي اختن بنتي و خلاص
والامر اللي عاد تسايسيها فيه سايسيها
بس الامر المرفوض قطعا ارفضيه بشكل مباشر
وحسسيها ان رايج في هالامر بيمشي
وحتى لو زعلت يومين وبترضى

اختي وهج الحب
كل شيى الا ختان البنات
احذرك
انا عمتي بعد كانت تبي تختن لجين
بس ما خليتها
وجبت وراها رغد وجود
والله قللت لزوجي
والله لو تختن بناتي ارفع عليها قضية
خخخخخخخخخخخخخخخخخخخخخخخخخخ

مشكور ام فدوكه وام لجين ورغد وام يارا ونووووووووووووووور وكشورة يانور انج تسالى ترى هالايام ولدى مخبل فيني ادخل شوي واطلع لايرقد ولا ياكل شكله بيسنن

الله يكون بعونج

بس انا عندي حل غير عن حلول الخوات


انا اشوف ان عمتج فاضية وما عندها مشاغل واشياء تلهيها


فانتي اذا تبين تتفرغيت لريلج خليها تنشغل وطبعا بالطاعات والخير


خليها تزاور الاهل وقرايبها ولا بناتها

تسمع لها اشرطة مفيده مثل دورات د.طارق السيويدان عن فتح الاندلس عن السيرة النبوية ... الخ

حلقات حفظ ان كان شي قريب منكم

من هالاشياء وبجي تكون انشغلت زما تعود تهتم بالتفاصيل البسيطة لان وراها اشياء اهم تسويها

ترى لا تلومينها الفراغ يملل ويذبح فما عندها الا انتم

اختي اصبري واحتسبي الاجر
دام مالها الا زوجك

وربي يهديك ويرزقك الصلاح بالدنيا والاخره

اهلين والله اخت وهج ... ماعليه شر ان شاء الله .. مرحله وتعدي .. بس اهتمي فيه وايد ,, كمدي .. له لثته .. اخذي فوطه معقمه .. دافيه وخليه يعضها او يمصها .. بيرتاح او حتى عضاضه ..

اعتقد اخر مره قلتي ان علاقتج تحسنت شوي مع ام ريلج ,,, ما قلتي هل تقدرين تسكرين الباب ولا للحين

تحياتي
ام جنى

نور والله انتوا ساعدتونى حتى افكر انى اخبرها عن الحلفله وواخذلي ولدى عندها واقولها اليوم يكون لى ولريلي وبسس بس طربعا بطريقه لبقه والفضل يعود لله ثم لكم والله صدق ساعدوتنى انا مااقدرت اسكر الباب نهائيا بس فليييل بديت اسكره وانصدمت من ريلي اول امس لما شافه مفتوح قام وقفله اتسغربببببببببت والله انى دعيلتلكم واتذكرتج انتى بالاخص ... فراشه بووظبي فعلا امه وااااااااااااااااايد فاااااااااضيه على فكره يعني انتى عندج نظره ثاقبه للمواضيع ..مشكورة سيمسياتي على الرد