اللى عايشه في ملحق وسعيده ساعديني

Noor1979;5033098:
السلام عليكم ورحمه الله وبركاته

اختي .. اشوف البنات ما قصرو معاج في الحلول ,, والصراحه بالنسبه لي اشوف مشكلتج مب صعبه وايد ... عيل اناعايشه بملحق .. وكانت ام زوجي ملوعه جبدي .... وكل شي تتدخل ... بس اخر شي ... عرفت ان احسن طريقه ان اسايرها.... وبعدين اسوي الي يعجبني .. اكبر دليل امس .. شريت طقم كراسي ... ودخلت ملحقي وقالت الطقم مب حلو ديكوره وخلتني اغير ديكور الشقه ...

وبعد ما طلعت رجعت الديكور مثل ماهو ... بس طيبه خاطر لها خليتها تسوي الي تبيه .. بالنسبه لاتصالتها ... هالمسئله مع الوقت بتتعودين عليها ... انا مع اني ما حب الاتصالات والسلامات الي مالها داعي .. بس يوم صرت اسوي جذي .. اشوف زوجي يطيرمن الفرحه .. ولا بعد يوم الي يشوفني قاعده مع امه ..... كأنه عرس عنده .....

حبيبتي .. ام زوجك تحبك بس بطريقتها الخاصه .. عديها امج العوده او امج بالرضاعه .. بالنسبه للباب .. خليها معاج أول بأول بالي تبين تسوينه .. لين شوي شوي تعرف ان لو سكرتي الباب ان في شي ..

مثلا .. عندج .. فساتين النوم .. اخذي واحد وقعدي معاها .. وعديها مثل امج او صديقتج وقولي لها شرايج في هالقميص ... وشوفي ردها .. وشوي شوي قولي لها .. اليوم عاد انا بسوي مفاجأه حق حبيبي وبلبسه له .. ( شرايج فيه حلو ولا البس شي ثاني .. ) وكملي وقولي لها بنات الفيديو كليب الحين ما خلو شي .. لانزم نلبس حق ازواجنا ... عشان ما يطلون برع ... عاد من بعد اذنج اليوم بسكر الباب .. شوي اخاف احد يدش الصاله او شي ويشوفني مب عدله بعد ( يا أمي ) .. واعتقد صعب ترفض ..

لو حبيتي مثل ما قلتي تشيلين حلاوه ,, او تسوين شي خاص عاد .. قولي لها .. ( يمه من بعد اذنج اليوم الصراحه ما حصلت فرصه اشيل حلاوه .. لو فقدتني ,, تراني قاعده مع العذاب لا تحسبين استانس ... ) ... خلي كل شي بالنسبه لج نكته وفكاهه ... وامر عادي ..

انا للحين احس ان بيت اهلي هو بيتي .. هلاحساس ما بيروح الا لمن تكون لج مملكتج الخاصه بالنسبه

بالنسبه لي تدخلاتها او شي .. اختي الغيره موجوده .. لو شو تسوين الغيره تظل موجوده .. صعب على ام تربي ولدها سنين وتجي وحده تاخذ ولدها واهتمامه كله .. هالشي حطيه في اعتبارج ..

انا مقدره موقفج .. بس اختي زوجك ما خدعج ولا شي .. باين عليه ان يبي يرضيج ويبي يرضي والدته فلا تزيدين عليه ... لو تستحين انج تسكرين الباب .. قولي حق زوجك انك اليوم مسويه له ليله خاص ,, وخليه يستأذن والدته ان بيسكر الباب ..

بالنسبه لولدج هالمشكله ما بتخلصين منها ... الا انج تسايرينها بالي تقوله .. لان مهما كان الي بتقوله لج .. ما بتظر ولد ولدها ... حبيبتي ...

صدقيني انا مريت بمشاكل مع ام زوجي .. لو كنتي متابعه من يوم الخطوبه لين الحين .. بس الحين ارحم بوايد لاني صرت سايرها ... مو بكل شي .. بس احاول ما اخلق جو الكهربا...
وجودها .. معاكم خليه شي مهم ...

حبيبتي اخر كلامي مع اعتذاري للاطاله ... اول مره اشوف وحده تبي الشقا حق نفسها ...
انا كنت اتمنى ام زوجي تخلي الخدامه تنظف بيتي .. على العموم استغلي هالنقطه بصالحج .. ويعني انتي مرتاحه ... ومافي تعب تنظيف البيت عليج ,, يعني تقدرين تتفرغين حق زوجك وانتي بكامل طاقتك ... بدل ما تكونين تعبانه من شغل البيت لان انا كنت يوم اكون منظفه البيت .. ماكنت اقدر اتكلم معاه او حتى اقعد معاه .. بحكم اني اشتغل واهتم بالبيت والياهل ..

الحمدالله جبت خدامه .. والحين اقدر اتفرغ حق زوجي ... اختي لا تصيرين حساسه
وحاولي ... اختي .. قد ما تقدرين تخلين كل شي في صفج وفي صالحج وفكري بالاول انهم يحبونج.
والله يسرها على زوجك وتطلعين في بيت بروحج ..

تحياتي لج والله يوفقج ويهدي بالج
على فكره كلام الجوهره ممتاز
ام جنى

*~JeWeL~*;5026274:
الله يهديج

الحين انتي محد من اخوان ريلج معاج ويضايقج في البيت

وزوجج هو اللي ام زوجج تعتمد عليه بما انه الولد الثاني مب موجود

يعني مع من تبينها تعيش لازم تكون مع حد من عيالها ومع الولد اللي هي تبي تعيش معاه

مب هي اللي ربتهم وكبرتهم وتعبت عليهم ....

وانتي كنتي عارفه هالوضع قبل الزواج ورضيتي به ليش الحين جايه تغيرين رايج

تخيلي نفسج مكان هالعيوز وما عندج حد تعتمدين عليه الا ولدج وزوجته ما تبيج

بعد سنين تعبج وتربيتج حق هالولد يجيج ويقولج انا باطلع عنج وباخليج عسب مرتي ما تباج معانا

ايش بيكون موقفج ... ( قهرتيني والله )

الله يهديج

واذا على لبس والا على طلعه ودخله فهالشي تقدرين تعودينها عليه

وبعد تزعلين منها اذا سألت عليج انتي ( كونج مثل بنتها ) أو ولدها وحفيدها

لا حول ولا قوة الا بالله

ترا كل اللي تسوينه الحين بيرد عليج في عيالج لين كبروا

الله يهديج ان شاء الله



وحسبي الله على كل وحده تاخذ الولد عن والدينه وتنكر فضلهم عليه وعليها

الجوهره 2000;5027420:

كلام سليم وعين العقل



الله يهديك يابنتي ابيك تحطين حاجه في اعتبارك

اذا الرجال مافيه خير لامه اللي تعبت عليه وشلون بيصير فيه خير لزوجته وعياله

وهذا البر لوالدته المفروض انه شي يسعدك مويضايقك لانه بيجي يوم وعيالك بسوون لك مثل ماسوا ابوهم لجدتهم والدنيا دين وقضى واي شي بتعاملين به ام زوجك بتلاقينه من مرت ولدك
من خير ومن شر وماقدمتيه لها بتلاقينه

الزبده
من ناحية اللبس وما اللبس ما اعتقد انها بتدخل عليك بغرفة نومك او مثل ماقالوا لك الخوات بانك تشرحين لها ليش انتي تلبسين هاللبس او الافضل ان زوجك يقعد مع امه ويقولها يايمه انا اشوف مناظر برا تلفت نظري غصب وعلشان كذا اوصي مرتي تلبس لي كذا علشان تغنيني من النظره المحرمه وتمنعني من اني انجر ورى الحرام واذا صار مافي البيت الا انا وانتوا ولبسها ساتر مافيها شي واكيد انها بتتفهم هالوضع لحرصها على مصلحة ولدها وبكذا تنتهي المشكله

والنسبه للضيق وما الضيق والله يا اختي مافيه ضيق الا ضيق القبر
ومردكم مع الايام وكثرة الاولاد بتطلعون ببيت كبير وواسع بس لاوصيك بامه مهما كان واعتبريها امك وحطي امك بمكانها وتلاقي هالمعامله من مرت ولادها وش رح يكون ردة فعلك اكيد بتتعاطفين معه صح

واذا تبغين المعزه والحب والتقدير من زوجك واخذيه من وحده مجربه هالشي وبشهد على الله انها تعزني ازود من معزتها لبناتها وااااااااااااااااااااه ليتها على الدنيا واشوفها واشم ريحتها

جعل ربي بجعل مثواها الجنه ويرحم عظامها

كنت مثلك لاضربت اولدي قامت تدعي علي وتهمزه وتسمي عليه وانننننقهر قهر

ليه تهاوشني وتدعي علي بس ما قعدت مع نفسي وتفكرت اشوي قلت هههههاه

لوماها اتحبني ماحبت اولدي وهذا واقع واشوفه من العمات اللي مايحبون زوجات عيالهم

اشوف نظرات الحقد حتى على عيالهم

والله بعد كذا حطيتها في عيوني وصارت مادني ولدها حتي ينطرني بكلمه والا يقول لي دزي وراك

يابنتي هذي عجيز ان عاشت اليوم ماعاشت باكر واخذيها بالسياسه والكلمه الطيبه والحنيه

ولاجيتي تطلعين عندها حاولي بقدر الامكان يكون لبسك محتشم وهذي والله تصيري لي حتى من امي الله يحفظها حتى لو تشوفني بنص كم تحط لي محاظره والله انهم صادقين ربي يحفظهم وهذا اللي هم تربوا عليه

ولا تزعلين والا تتضايقين لاسألت عنك والا عن اولدك فهذا من حبها ومعزتها لك والا والله ماكن انشدت فيك وقالت فكه منها لاراحت


كلمه اخيره بقد ماتبقين الحب من زوجك حبي امه واحشميها

والله ان تلاقينه يشيلك على راسه من فوق وبيجي اليوم ان شاء الله اللي تقولين لنا كلامكم صحيح

واحنا بيدينا نقدر نخلق لانفسنا السعاده او التعاسه والاخلاق الطيبه دايما تفرض نفسها

وربي يهديك ويرزقك الصلاح بالدنيا والاخره واسمحي لي على الاطاله

مرايم السعودية;5030581:
اختي انا مو بملحق بس بقول لج ترى السعادة ماهي بملحق والا بيت مستقل

انتي وقت اللي تحتاجين خصوصية سكريه

هذا حقج ومن حقج ماحد يدخل معاج وقت خلوتج بعايلتج

انتي طالبي بحقك باسلوب ارقى من اسلوب ريلج

لأني احسه يبي يحقق لج اللي تبين بس ماهو عارف عشان ما يجرح امه

وفكرة ملكة الذوق مرة حلوة راح تحسسينها بدون ما تتكلمين

الوضع اهو اللي راح يحرجها

دبــي;5030792:
الله يعينج
وأنا أحس أم ريلج وايد تحبكوم عسب جي مصدعتنكم

حطي نفسج في مكانها لو كنتي روحج بسوين نفس الشي

rugaya;5031862:
شوفي اختي دام اني بغربه واشوف كيف تربيه الولد صعبببببببببه مره اتخيل على هالتعب والربى بعدين يكبر ومرته ماتبيني انكان اموووووت قهر
انتبهي من الي تسوينه ترى الدنيا دواره

غــ حمد ــلا;5034217:
%%%%%%%%%%
كلام سليم وعين العقل
%%%%%%%%%%

غــ حمد ــلا;5032359:
مرحبا اختي العزيزه ..
فعلا" كلامج سليم اختي انج تبين تاخذين حريتج فلبسج وراحتج..
بس ها مب معناته انج تقفلين الباب ..؟؟!!؟؟
وانا ما اوافق البنات على رايهم ..!!>>>ليش وين قاعدين فمعسكر !!!
انتي حاولي تتقربين من ام ريلج واعتبريها مثل امج..
وحاولي تتفهمينها لانها كبيره فالسن ..فلازم تكون عقليتها شذا...
فمن رايي ..
انج تتقربين الها ..وتلبسين اللي تبينه في لبس وااايد تقدرين تلبسينه ..محتشم وبنفس الوقت يكون غاوي ..
وتقدرين تتفاهمين معاها تقوليلها السموحه..عموووه..>>اماااياه<< لابسه اليوم هاللبس عسب ريلي يستانس على هاللبس ومافي حد غيري وغيرج فالبيت ^^:"
طبعا" باسلوب راقي ويوم يومين راح تتفهم الوضع..وتقدر وضعج..
وبهالطريقه تكسبين ريلج وتكسبين رضا أمه عليج ..وتاخذين الاجر فيها ..
وان شاءالله تتفهم وضعج ..
ولاتاخذين على راي البنات لان حرااام تسكرين الباب ..
يمكن تكون محتاجه شي وانتو مسكرين االباب..؟؟ وخاصه انها حرمه كبيره فالسن..
ومو حلوه تسوين حاجز بينكم ..
انا مع البنات انج تسكرين الباب بس فوقت الليل او بوقت الضروره فالنهار ..^^..


تحياتي
غــ حمد ــلا