الي خذوا منشطات هذا الشهر تعالوا نتجمع

هلا حبايبي
انا جديدة عليكم ويارب تفرح كل من يتمنى الله يرزقكم بالذرية الصالحة
قصتي انا تزوجت وماحصل حمل الا بعد عشر سنوات كنت اعالج ويوم تركت العلاج صار الحمل وهو مكتوب من رب العالمين
عندي اربع اطفال الحين واخذت كلوميد وابر برقنيل عشان حملي تاخر 3 سنوات وصارلي 3 شهور على المنشطات
بس هالشهر عملت فحص حمل امس وكان سلبي وعملت اليوم وصار ايجابي بس خايفة يكون من تاثير المنشطات مع العلم ان موعد الدوره باقي عليه 3 ايام طولت سامحوني

عشقها اكبر;5331953:
هلا حبايبي
انا جديدة عليكم ويارب تفرح كل من يتمنى الله يرزقكم بالذرية الصالحة
قصتي انا تزوجت وماحصل حمل الا بعد عشر سنوات كنت اعالج ويوم تركت العلاج صار الحمل وهو مكتوب من رب العالمين
عندي اربع اطفال الحين واخذت كلوميد وابر برقنيل عشان حملي تاخر 3 سنوات وصارلي 3 شهور على المنشطات
بس هالشهر عملت فحص حمل امس وكان سلبي وعملت اليوم وصار ايجابي بس خايفة يكون من تاثير المنشطات مع العلم ان موعد الدوره باقي عليه 3 ايام طولت سامحوني

هلا بيج ويانا ...و ربي يحفظ لج عيالج يا رب و يسلمهم من كل شر ان شاء الله ....سبحان الله 10 سنوات ويا العلاج ماصار شي ...صدق كل شي مكتوب من عند رب العالمين سبحان الله

انتظري لين بعد موعد الدوره و جربي مره ثانيه ... و ان شاء الله خير ..

CatLover;5331437:
السلام عليكم ورحمة الله وبركاته ..
هذه اول مشاركه لي .. واتمنى تقبلوني صديقه واخت
واللي حثني على الكتابه بصراحه .. وصفه الاخت مليت أنتظر .. لاني قبل فتره بسيطه كانت وحده تتكلم عن الاعشاب المؤثرة للراغبين في الحمل ومنها بذر الكتان انه مقوي ومفيد جدا واثنين منهم حملو واعرفهم شخصيا بعد مااخذو منها بغرض انقاص الوزن وحده كانت تستعمل حبوب منع الحمل والأخرى كانت مركبه لولب وحملو عليه ..
والعكس تماما مع الرشاد سمعت انه يعمل مانع قوي ضد الحمل وفي وحده قالت كنت اشربه سنتين وعملي مانع زيه زي الحبوب تركته وبعدها بسنتين حملت فالرجاء التأكد لانه في اشياء طبيعيه ومعروفه اكتر
زي العسل التمر لا خلاف عليه الزنجبيل في فتره الدورة يعني في اشياء كثير طبيعيه تساعد اكيد وممكن تبحثو في مواقع الطب البديل وفوائد الاعشاب .. معلومات عرفتها وحبيت اشاركم فيها
اتمنى ما اكون طولت في اول مشاركه
تحياتي للجميع :)

وعليكم السلام ورحمة الله وبركاته

اهلا وسهلا فيج اختي
اما عن الرشاد اول مره اسمع ان يعمل كمانع للحمل:eek:
انا اسمع عنه ان وايد زين لتنظيف الدوره وللنفاس..

وبذر الكتان هو اللي سمعت عنه يأثر على الرحم :ss:

لا حول الله..

الله يرزقنا جميعا ويحفظنا من اي ضرر يارب

أهلين بنات

حابه أنضم معاك لأني بديت أستعمل الكلوميد هذا الشهر

والله كريم

هلا ممكن انضم معاك

انا على اخر الشهر بكمل سنه ان شاء الله

و من عرس لين الحين دورتي ما تنول كل شهر

خذت منشطات و نفس الشي ما استوه معايه حمل و هذى الشهر باخذ ابر

و انا واايد خايفه

ما اعرف ليش

فديتكم حبايبي
الله لا يحرمني ولا انتو من الذريه الصالحة
ولا تنسو الدعاء ربي لا تذرني فردا وانت خير الوارثين والحو في الدعاء الله يحب العبد الحوح
وان شاء الله ابشركم وتبشروني بالحمل

اهلا وسهلا بالبنات اللي انضموا ويانا جدد

والله ما يطولها علينا يارب ونحمل كلنا هالشهر يارب

بنات انا دورتي المفروض تنزل علي هاليومين وامس جاني الم فضيع اول مره يصيدني جذي

طبعا بطني كلماله يزيد من تأثير الكلوميد اتوقع بس امس حسيت بطني تحت اسفل السره كأنه حجرة صاير والم فضيع ما اقدر ارفع جسمي ولا امشي ولا امدد جسمي على الفراش ما تتوقعون وقلت اكيد هذي الدوره بتنزل الحين لكن للحين ما نزلت واليوم الالم اقل بس بعد في الم غير الصداع وكل مفاصل جسمي احسها فيها شد ويدي اليسار ما اقدر ارفعها اول مره تصيدني هالاعراض ..

من صار لها مثلي والله خايفه يكون فيني شي مثل الله لا يقوله تكيس وهذي اعراضه ..

طمنوني بنات وادعولي بالذرية الصالحة عاجلا غير اجل

بنت النور ياقلبي ماتشوفين شر واجر وعافيه واتوقع هذي الام الدوره

ضحاوي حبيبتي الله يعافيج مشكوره وان شاء الله خير يارب

هلا بكل البنات الي اضموا لنا ... و ربي يخفف عندهم تعب العلاج و يصبرهم و يرزقهم بالذريه الصالحه ان شاء الله

بنت النور .. انا صار لي نفس الالم مره حتى جسمي ما كنت اروم امده و كل يالسه منحينه من الالم و اذا رقد يزيد ...و عقبها بيومين نزلت لدوره ....و ما تشوفين شر

هلا اخواتي
انا موعد دورتي اليوم بس مااحس باعراضها
واحس بنغزات يصدري وغثيلت بس مو اول الصبح وقررت اني مااعمل تحليل الا بعد 4 ايام
ادعولي اني اكون حامل الله لا يحرمكم الذرية الصالحة

اخواتى الحبيبات احبكم واللة مررررررررررررة .

واللة يرزقكم جميعا .. البنات الى ياخذون ابرمنشطة تجيهم نغزات والم حد المبايض:( انا اول مرة استخدم ابر قولولنا ايش الالام الى تحسون فيها بلييييييييييييييز:( :):confused:والكل كذا واللة انا بس .!:(

مليت انتظر;5363132:
اخواتى الحبيبات احبكم واللة مررررررررررررة .

واللة يرزقكم جميعا .. البنات الى ياخذون ابرمنشطة تجيهم نغزات والم حد المبايض:( انا اول مرة استخدم ابر قولولنا ايش الالام الى تحسون فيها بلييييييييييييييز:( :):confused:والكل كذا واللة انا بس .!:(

حبيبتي لا تخافين

بالعكس هذا شي زين

الالم اللي يجي مكان المبايض يعني الم التبويض

فلا تخافين هذا المطلوب ان يصير تبويض جيد

و ربي يرزقك و يرزقنا يارب

مرحبا يا خواتي شخباركم بغيت الي جربت الابر اطمني انا اول مره هالشهر اطق ابر اسمها مينوجون ولمدة 6 ايام؟؟؟؟؟ منو خذتها وبشنو حست

انا في انتظار الدورة

واحس ان الانتظااار صعب جدا

والوقت ما يمر

ودي اسوي التحليل الحين بس ادري النتيجه بتكون سلبيه وباتحطم

ومب عارفه شلون اقضي وقتي لين موعد الدورة

الله المستعان

:cry:

ضحاوي2007;5365183:
مرحبا يا خواتي شخباركم بغيت الي جربت الابر اطمني انا اول مره هالشهر اطق ابر اسمها مينوجون ولمدة 6 ايام؟؟؟؟؟ منو خذتها وبشنو حست

حبيبتي انا استخدم الابر بس مو هالنوع

اللي استخدمهم اسمهم مينوبارل

لا تخافين صحيح الابره تعور و الدوا لمن يدخل للجسم تحسين بحرقه ببطنج بس تروح

و لمن الممرضه او زوجج يكونون يطقونج الابره لا تنسين تدعين ربي لا تذرني فردا و انت خير الوارثين
و قولي بسم الله الذي لا يضر مع اسمه شئ في الارض و لا في السماء و هو السميع العليم

انا اقول هالدعاء علشان الله يكفيني شر الاعراض الجانبيه من زيادة وزن و الحمد لله

والله يوفقج حبيبتي صج طبعا اذا حسيتي نغزات او الام بسيطه ببمكان المبايض لا تخافين لان هالشي زين معناته ان فيه تبويض قاعد يصير

*~JeWeL~*;5366363:
انا في انتظار الدورة

واحس ان الانتظااار صعب جدا

والوقت ما يمر

ودي اسوي التحليل الحين بس ادري النتيجه بتكون سلبيه وباتحطم

ومب عارفه شلون اقضي وقتي لين موعد الدورة

الله المستعان

:cry:

شكثر ظل ليوم التحليل و شنو تحسين

الله يكتبلك و يكتبلنا الحمل يارب

هلا اختي انوار

باقي تقريبا 3 او 4 ايام

والدكتوره قالت لازم انتظر لتاريخ 14-3 ما ادري ليش

مع ان الدورة المفروض تشرف على 10 او 11 -3

بس ما احس باي شي متغير علي

هلا خواتي الله يفرحنا هالشهر وكل منتظر الله يقر اعينكم وتحتضن اكفكم ابناكم واسال الله ان يهبني واياكم الذرية الصالحة
انا البارحة نزلت على افرازات بنية بكمية ومن بعدها الافرازات بيضاء عادية مادري شنو معنى هذا مع ان وقت الدورة امس مادري ليه ما نزلت الدورة الى تعرف شيئ عن الافرازات البنية تقولي الله يخليكم ولا يحرمكم