الي خذوا منشطات هذا الشهر تعالوا نتجمع

ضحاوي2007;5291404:
السلام عليكم شلونكم بنات اقولكم اليوم كان موعدي وعدت التحليل ومافيه حمل وعطاني الدكتور حبوب تنزل الدوره عشان يبدا معاي بالابر المنشطه والله كريم والحمدلله على كل حااااال

الله يعوضج الشهر الياي ان شاء الله باذن الله ...

جوااهر;5291463:
لا تتضايقين حبيبتي بنت النووور

ان شاء الله الله بيرزقج قريييب وتفرحين
انا بدعيلج في صلاتي ان شاء الله والله يستجيب لنا
حبيبتي مرمر
شلونج وعسى امورج كلها بخيييير وحشتيني

الحمد الله على كل حال عايشن نبلع في هذي الحبوب ..امس اقول لزوجي خلاص انا استويت حريفه حبوب خلاص يوم بستوي عيوز و كيس الادويه ويايه في كل مكان ما بيكون عندي مشكله تدربه:D:wink:

و اتني اخبارج طمنينا عليج

بنت النور ..ربيييسر لج امورج و تحملين في القريب العاجل ان شاء الله

صاحبه السمو...ربي يفرج همج و تتعدل الهرمونات و تحملين في القريب العاجل ان شاء الله


و اذا على نظرات الناس و كلامهم تراه ما يخلص و لا مقارناتهم ...فلانه عرسج قبل بشهر و عندها 4 و فلانه بعدج بشهرين و عنده 3 و فلانه بعدج بسنه و عندها 2 ما شاء الله ...و كل ما تربي وحده و تروحين تزورينها يتحول النقاش كله عليج بمجرد ما وحده منهم تقول و عقبالج الله يسامحها الي تقول جذي لانها تفتح الباب على الكل يسال و يقارن و يحسب من متى متزوجه و ليش و شو فيج و غيره ...

و بما اني مغتربه يعني مفتكه من هذا الكلام كله ....لكن ما افتكيت من مدرسه بنتي حتى هذي الغريبه الي و لا يخصني فيها و لا يخصها فيني كل ما اروح اودي بنتي ها مافي شي بنت بروحها تحتاج اخت و اخو ...و غيره من هذا الكلام كل ما اودي بنتي

لكن احسن شي نطنشهم و نخليهم يقولون الي يبونه و نحن بس نهز راسنا و نقول الله كريم و ان شاء الله

و ان شاء الله كلنا نحمل و نفك من هذا الكلام كله

بناااااااااااااااااااااااااااااااااااااااااااااااااات

ابشركم










سوييت تحليلي لوظيفتي اليديدية و ما طلع شي



و قالولي تعالي عقب اسبووووووووووووووووووووووووووع


و سوييت و قوولي ما طلع سالب


بس مب متاكديين انه مووجب









سيري سوييت تحليل دم ادق




سرت اساويي


طلعت حاااااااااااااااااامل



باركوولي عسى ربي يرزق كل محروووووووووووووووووووووووووووومة ان شاء الله بالذرية الصالحة و يفرح قلووووووووووووووووووووووبكم


بس على فكرة مب وايد فرحاانة


احس انا مب حامل






يمكن لاني في هذا الشهر ما حسييت باي الم


على فكرة انا حملت على التلقيح الصنااااااااااااااااااااااااااااااااعي




الي سوت يكوون عندها امل

الف الف مبروك اختي

و ربي يتمم لج على خير ان شاء الله ..

و عقبال كل البنات ان شاء الله

و الف الف مبروك و ربي يتمم لج على خير يا رب العالمين

السلام عليكم ورحمة الله وبركاته
مرحبا خواتي انا اتابع مواظيعكم لاني استخدم معرف زوجه اخويه يعني ممكن تلقون ردود فيها انه عندي اطفال لكن هذي زوجه اخويه
المهم ان الحمد لله صار لي سنتين و11 شهر من تزوجت والحمد لله من كم يوم اكتشفت اني حامل بعد العلاج لكن اكتشافي كان متاخر بعد ما سويت تحليل منزلي طلع عدي خطين فرحنا وايد لكن زوجي قال سوي تحليل دم افضل ولما سويت كان فيه حمل لكن الهرمون اقل عن المفروض يعني الجنين توقف عن النمو
بس انا كنت امر بظروف" عزا " الحمد لله هي الي خلتني ااخر التحليل واوقف المثبت سبحان الله يكمن يكون توقيفي للمثبت هو السبب لكن ما نقول غير قدر الله وما شاء فعل الله يخلف علينا بالذريه الصالحه ويعوضني عن تعبي عاجلا غير أجل ويرزقكم كلكم يا رب

تفاؤلوا وخلو ثقتكم بالله كبيرة والدعاء والاستغفار
بالنسبة لي انا طبعا كنت اتعالج في مستشفى توام عند الدكتور وليد وكنت ادهن بطني بزيت زيتزن مقري فيه واشرب ماء مقري فيه والحمد لله الصدقة والاستغفار وقرأة سورة يس مداومه عليها والبقرة بس يوميا وصدق كنت شايله فكرة الحمل من بالي ولا حاط في بالي اني بحمل هذا الشهر والحمد لله انا فرحت اني حملت هذي بشارة خير :)حتى لو انه طاح امر الله ولا اعتراض

رموش

الف مبروك

الله يثبت حملج ويرزقج بالذرية الصالحة

الظبية

عظم الله اجركم

والله يعوضج خير ان شاء الله

بنت النور

الله يكتب لج الحمل هالشهر ان شاء الله

وعلى نظرات الناس وكلامهم

سمعي من هني وطنشي من هني

كلام الناس ما وراه الا التعب النفسي


ضحاوي

الله يعوضج خير

مرمر

شخبارج

ما سويتي التصوير وشفتي اذا كبروا البويضات والا لا

انوار

شحالج حبوبه

الله يكتب لج الحمل السليم عاجلا غير اجل ويفكج من الادوية والابر


[][][][][][][][][[][][][][][][][][][][][][][][][][][][][][][][][][][][][][][][][][][][][][][][][]

انا عندي موعد اليوم ان شاء الله حق التصوير

وبنشوف تطور البويضه

الله كريم

ان شاء الله ما يهل علينا الشهر الجاي الا وكلنا حوامل ان شاء الله

هلا بنات

رموش الامارات الف الف مبروك حبيبتي و عقبالنا يارب


اخر موعد بالمستشفى كان حجم البويضه واصل 11 فعطوني مجموعة اختبارات التبويض

و قالوا كل يوم سوي واحد و لمن يطلعلج خطين اخذي الابره التفجيريه لان وايد صار عندي غيابات و راح انطرد من المدرسه و تعبت انا من روحات المستشفى المهم الحين اذا يظل يطلعلي بس خط واحد اروح للمستشفى بعد اسبوع او 10 ايام و الله كريم

عقباال الجميع انشاء االله

مشكورة خيووو على الموضوع

وأنشاءء الله البنات يفيدونج

على العموم آنا أحب أسمع كل ألي في خاطركم وأواسيكم وآنا عندي بنت واحدة وما أبي غيرهاا والحمد لله عمرها الحين سنة و9 شهور

وبكون معاكم على الخط
والله يوفقكم

هلا بكل الخوات الي انضموا الينا

[COLOR="Red"]الظبيه : الله يعوضج خير ان شاء الله و يصبرج و يرزقج بالذيه الصالحه عاجلا ان شاء الله

جويل ::لا ما كبروا و عطوني دواء ينزل الدوره علشان بيزيدون لي جرعه الحبوب ...كنت اخذ حبه باليوم و بعد ما بتبدا الدوره بعطوني حبتين ..و للحين بعدني انتريا

انوار : ان شاء الله يكبرون البويضات و تحملين هذا الشهر يا رب العالمين ..والله يعينج و يصبرج و يرزقج بالذريه الصالحه عاجلا ان شاء الله [/COLOR]

الف مبروك اختي رموش والفال لنا يارب لا تنسينا من دعائج دايما تذكرينا وادعيلنا والله يثبت حملك يارب

مشكورين حبيباتي على مواساتكم لي والله كريم يرزقنا جميعا الذرية الصالحة عاجلا غير آجل

أنا الشهر الجاي هبدأ آخد ابر منشطة علشان عملية الحقن المجهري استنونني راح أنضم إليكم

ربي يرزقكم كلكم الحمل في القريب العاجل

عروسة مغربية;5310746:
أنا الشهر الجاي هبدأ آخد ابر منشطة علشان عملية الحقن المجهري استنونني راح أنضم إليكم

ربي يرزقكم كلكم الحمل في القريب العاجل

هلا بيج نورتي موضوعنا [COLOR="Red"]و لكن يارب تحملين على طول ما تحتاجين تضمين الينا و تنضمين لتجمعات الحوامل يا رب العالمين ..و ربي ييسر لج و ييوفقج و يرزقج بالذريه الصالحه ان شاء الله[/COLOR]

مرحبا خواتي شخباركم وينكم محد بين امس واليوم عالعموم حبيت اسلم عليكم وماعندي شي جديد والحمدلله على كل حال والدوره بعدها مو راضيه تنزل وقاعده اكل بروميليت عشان تنزل واذا نزلت الدكتور طلب اني اسوي تحليل للغده النخاميه// بس اقولكم شي ودي هالشهر ما اسوي شي اخذ راحه شرايكم الي مجربين العلاج جم شهر ورا بعض؟؟ انا لي شهرين بس من بديت

السلام عليكم ...ابغي انظم لكم ...انا هاي الشهر خذت كلوميد .. ويوم 12 من الدوره رحت اشوف المبيضات اكبر وحده كانت 13 ولله الحمد ..وبعدين مارحت اتابع خليتها على الله والله كريم وانا انتظر الدوره بكره وان شاء الله ما اشوف ادوره الا بعد 9 شهور قولو امين...

بنات ادعولي انا ماخذه كوميد وان شاء الله احمل محتاجه دعواتكم ..

السلام عليكم ورحمه الله وبركاته

بنات انا راح انظم لكم بعد
عطتني الدكتوره حبوب كلوميد وقالتلي خذيها من ثالث يوم بالدوره الجايه
ودورتي ملخبطه مررره مطفشتني
المفروض تجي هالاسبوع سويت تحليل حمل مافي شي
وقاعده استناها تجي
تصدقون عاد يابنات اول مره اتمنى الدوره تجي
وقاعده اشطح بالاحلام
طماعه حيل
اتخيل اني اجيب توأم احيان اقول لزوجي تخيل اجيب 3 ولا يمكن 4عيال مره وحده
يارب ارزقنا وارزق كل البنات اللي يبون اطفال
وان شاء كل اللي خذو منشطات هالشهر يحملون

السلام عليكم ياجميع من رد أنا بعد معكم أخذت شهرين حبوب كلوميد وبعد ها أخذت أبر والحمد لله على ماأعطى جتني الدوره الأن بعد كل هذي الأدويه

ضحاوي2007;5315954:
مرحبا خواتي شخباركم وينكم محد بين امس واليوم عالعموم حبيت اسلم عليكم وماعندي شي جديد والحمدلله على كل حال والدوره بعدها مو راضيه تنزل وقاعده اكل بروميليت عشان تنزل واذا نزلت الدكتور طلب اني اسوي تحليل للغده النخاميه// بس اقولكم شي ودي هالشهر ما اسوي شي اخذ راحه شرايكم الي مجربين العلاج جم شهر ورا بعض؟؟ انا لي شهرين بس من بديت

انا مثلج لي شهرين بس ...و احس عمري عايفه الدنيا كلها و كل يوم اقول الشهر الياي بوقف ...و بعدين اقول لا في غيري بعدهم شهور و هم يتعالجون و صابرين و لا يقولون شي ..و من ما تنزل الدوره خلاص استوي ابي اكمل و اخذ العلاج ...كملي بعد شهر و شوف شو يقول الدكتور ...و غالبا من الي اقراه و اسمعه ان ياخذون علاج 3 شهور و بعدين يوقفون شوي و بعدين يرجعون 3 شهور ..والله كريم و الله يصبرنا و يعينا ان شاء الله