توتو;5560870:
هلا فيـــــــــك بيننا والله يحيــــــــك
والله انا الان ماشيه على خاص عند دكتورة حبوبه لكن بعض المرات اقول ليتني مالغيت موعدي في الحكومي
المشكله اني من النوع اللي مااحب الحكومي ي شغله ينفخون يكلمونك من ورى خشومهم
كاننا الاجانب وهم المواطنين ويلطعوووووونك في الدور لين الدكتور يتفضل ويجي
انا كنت باراجع في حكومي ولمن كنت اتوحم الصراحه مامداني انتظر الدور فرحت خاص وطبعا فيه خبرة ماشاءالله موزي حملي الاول حملي الاول كل مااروح خاص ويطلبون شئ اسويه وياخذون 400
ريال وتوصل بعض المرات لاكثر لكن الان مرتبه نفسي
في الخاص يعني الكشف 40 والاشاعه 80واي تحليل تطلبه يكون ضروري اسويه كله على بعضة 220يمكن وبعض المرات ارفض التحليل اذا كان مومن الضروري
وبدات افكر ارجع لحكومي لان حالتي تعرفين توام واحد ميت والثاني الله يكتب له الحياة ويعوضني ربي وافرح فيه وهو بكامل عافيته وقلت على الاقل لورحت حكومي يعرفون حالتي لواشتكي مثلا من الم في رجلي راح يحولني على الاعصاب او العظام وترتاحين من المصاريف اما الخاص اي شكوى تروحين بفلوسك المشكله انه ضاع مني الكرت اللي في الحكومي يعني لازم اخذ تحويل من مستوصف حكومي للمستشفى الكبير
.................................كلامي واجد هاااااااااااه بس ضربتي عالعرق الحساس
واقول لو فيه ولاده ان شاءالله بمستشفى كبير وزوجي سال لقاه ب3020ريال درجة ثانيه ودرجه اولى 3120ريال عاد انا لسه مااستفسرت الفلوس المدفوعه للحضانه وللمبيت يوم ولا بس للولادة
عشان كذا
بدات اتراجع شوي وجلسنا ننفكر انا وزوجي ولو في حكومي كان احسن لانهم يعرفون حالتك بالملف ويهتمون ولوحصل لاقدر الله اي شئ للولد اولك على الاقل حكومي لكن الفلوس يمكن يماطلون ويطلعون لك حاجات ومصاريف اخرى
ولحد الااااااااان مارسيت على بر ماني خايه الا من الخاص انه يماطل او يخلون البيبي عندهم وتكثر المصاريف لاني اعرف واحد ودى حرمته وما خرجت الاب11 الف ريال
حسبي الله عليهم
مرحبا توتو الله يقومك بالسلامة ويحفظ جنينك ويعوضك بخير باللي راح
طيب ايش الخاص اللي تروحين لة وعند اي دكتورة لاني بالحبيب عند دكتورة سلمى جعفر
مادري اذا حد يعرف عنها شي واذا بروح لخاص راح يضربون فلوس خصوصا اذا صارت عملية قيصرية
بس انتي قلتي الدرجة الاولى 3120 يعني كم واحد وثلاثين الف هذا اي مستشفى؟؟
فعلا انا مثللك لو صار شي للبيبي لاسمح الله بالحكومي اولي الحكومي اضمن
انا محتارة طيب وش المستشفيات الحكومية الحلوة الشميسي وسلمان بعيدة علي
والجامعي وش رايكم فية ومدينة المللك فهد الطبية فية احد يتابع عندهم لان عندهم
ولادة ومتابعة مجانية بسسسسسسس للي معاهم واسطة او اللي حالاتهم صعبة
وفية بفلوس اتابع واولد بس ارخص من المستشفيات الخاصة الولادة ب 5 الاف طبيعي