بارك هايين;5558103:
والله متحسفة اني مالحقت عليكم من الاول عشان نستفيد من بعض خصوصا انة اول حمل لي
والصفحات ماشاءلله كثيرة ماقدر اقراها
بس في مشكلة ماادري اذا تناقشتوو فيها وهي الدكتورة اللي بتولودون عندها واي مستشفى انا بصراحة
داايخة وتعبت مادري وين اروح مستشفى اهلي خايفة يكونون اي كلام ودكاترتهم مو بالحيل والله يستر من
الاخطاء اللي تصير لان على حد علمي اغلب المستشفيات الخاصة تكون نوعا ما تجارية ويجيبون اطباء
مو اكفاء واللة مادري وش اسوي مع ان الحكوميات بعد يطلبون تحويل مثل مدينة الملك فهد الطبية يمدحوونة
كثير بس كلمتهم قالو جيبوو تحويل او تقرير بحالتك ويمكن يستقبلونك ويمكن لا ؟؟؟؟؟
هلا فيـــــــــك بيننا والله يحيــــــــك
والله انا الان ماشيه على خاص عند دكتورة حبوبه لكن بعض المرات اقول ليتني مالغيت موعدي في الحكومي
المشكله اني من النوع اللي مااحب الحكومي ي شغله ينفخون يكلمونك من ورى خشومهم
كاننا الاجانب وهم المواطنين ويلطعوووووونك في الدور لين الدكتور يتفضل ويجي
انا كنت باراجع في حكومي ولمن كنت اتوحم الصراحه مامداني انتظر الدور فرحت خاص وطبعا فيه خبرة ماشاءالله موزي حملي الاول حملي الاول كل مااروح خاص ويطلبون شئ اسويه وياخذون 400
ريال وتوصل بعض المرات لاكثر لكن الان مرتبه نفسي
في الخاص يعني الكشف 40 والاشاعه 80واي تحليل تطلبه يكون ضروري اسويه كله على بعضة 220يمكن وبعض المرات ارفض التحليل اذا كان مومن الضروري
وبدات افكر ارجع لحكومي لان حالتي تعرفين توام واحد ميت والثاني الله يكتب له الحياة ويعوضني ربي وافرح فيه وهو بكامل عافيته وقلت على الاقل لورحت حكومي يعرفون حالتي لواشتكي مثلا من الم في رجلي راح يحولني على الاعصاب او العظام وترتاحين من المصاريف اما الخاص اي شكوى تروحين بفلوسك المشكله انه ضاع مني الكرت اللي في الحكومي يعني لازم اخذ تحويل من مستوصف حكومي للمستشفى الكبير
.................................كلامي واجد هاااااااااااه بس ضربتي عالعرق الحساس
واقول لو فيه ولاده ان شاءالله بمستشفى كبير وزوجي سال لقاه ب3020ريال درجة ثانيه ودرجه اولى 3120ريال عاد انا لسه مااستفسرت الفلوس المدفوعه للحضانه وللمبيت يوم ولا بس للولادة
عشان كذا
بدات اتراجع شوي وجلسنا ننفكر انا وزوجي ولو في حكومي كان احسن لانهم يعرفون حالتك بالملف ويهتمون ولوحصل لاقدر الله اي شئ للولد اولك على الاقل حكومي لكن الفلوس يمكن يماطلون ويطلعون لك حاجات ومصاريف اخرى
ولحد الااااااااان مارسيت على بر ماني خايه الا من الخاص انه يماطل او يخلون البيبي عندهم وتكثر المصاريف لاني اعرف واحد ودى حرمته وما خرجت الاب11 الف ريال
حسبي الله عليهم