تجمع حوامل الشهرين 7 - 8

مشكورين حبايبي فيد باك وزهور وهالة ونودلز وباقي الكروشات انا احاول اعوض بأكل المادة الخضراء و الميدوايف نصحتني باكل الكورن فليكس في الصباح والمساء تقول غني بالحديد الله يهون علينا جميع ...

اشوف الشريط اليوم دخلت التاسع بس على حسابي بقي يومين ...

صباح الخير جميلات 000

feedback شخبارك اليوم انشاء الله احسن ؟؟


*Hala* صراحة البجامات اريح في الحركة وارتب بعد في اللبس انا مارحت بي اتش اس بحاول اذا حصلت لي فرصة بروح عندهم واشوف لي

الحمدلله اليوم الجو احسن انشاء الله مايتغير


نبعه الريحان هلا باام لوزه شخبار بنوتك ؟؟
ممكن تصغرين الصور عن الطريق الفوتوشوب


اريج_خاشقجي شكله كذا حسوني مايبغي يطلع تدرين البارحة زوجي جالس يتحسس بطني وقالي شوفي هذا ظهره وهني رجوله ويدينه وانا حدي :D اقوله ابغي اطلعه من بطني ابغي ابوسه لووووووووووول

والله حترت الحين وش اخذ اي نوع من الفوط راح اسئل اختي وامي واشوف شنو يقولون لي


*ضي القمر* يالله مبروك دخولك الشهر التاسع وانشاء الله حتى هالمره ماطولي وتولدي بس ها موقبلي وقبل فيدباك لووووول


ted شخبار ياسمينه الحمدلله صار وزنها يرضي دكتورتك
المهم لاتحاتي بالولادة لسه مادخلتي في التاسع اجل وش بتسووني
حاولي تخلصي اغراضك بسرعه شوفيني انا متوهقه للحين باقي لي بعض الاغراض البسيطة

النفس البريئة مبروك مقدما دخولك الشهر التاسع
وانشاء الله ماعليك شر

ريمه 2007 لووووووووول بعدنا مكافحين ننتظر الولاده ..........

اريج_خاشقجي الله يبارك فيج فديتج.....وينج مالج حس مختفيه ........الحمدلله اليوم انا احسن

*ضي القمر* الحمدلله اموري طيبه..........

ted الله يعطيج العافيه فديتج شدي حيلج وابدي جهزي ما بقى شي ويمكن تثقلين اكثر بعدين ........

النفس البريئة الله يعطيج العافيه واستمري على كلام الدكتوره وان شاءالله ما فيج الا كل الخير......وعقبال الولاده ان شاءالله

زهور بنفسجيه الحمدلله اليوم احسن .....انتي شو مسويه

*Hala* كيف اصبحتي اليوم؟؟؟؟؟؟؟؟؟؟؟وكيف العصافير؟؟؟

بنات امس حررررررررررررموووووت اعرق طول الوقت وزوجي بردان ؟؟؟؟؟انا اشغل المكيف واهو يسكر

هذي الايام قمت احس بحر؟؟؟؟؟؟؟؟ لاجديد

هلا كروشات يسعد صباحكم يارب..
انا بخير الحمدلله.. في الدوام .. والله ياخذ عمرهم اللي مايقدرون .. انا مكتبي صاير عند مخرج طوارئ وصابغين المخرج والله لايوريكم ريحة الصبغ
تقولون مديري يدري عني حامل وتعبانه ويقولي روحي البيت! يشوفي حاطه كلينكس ومغطيه فيها خشمي!! وفالح بس يقول: ريحة الصبغ قويه... يابن اللذين لو مرتك اللي حامل كان مارضيت عليها :(


زهوور.. ايه الحمدلله اليوم الجو اشوا من امس.. وانا مثلك احس البيجامات اريح في الحركه وارتب في اللبس..
انا كل ماحطيت ايدي على بطني وتحسست البنوتات اقعد اصارخ متى تطلعون ودي اكلكم.. عبدالله يقولي: شكلهم اذا انتي كذا مطولين داخل.. حشا مو امهم >> خافوا الذيب يبي ياكلهم!! ههههههههههه


تيد.. حبيبتي يبي لك تخلصين تجهيزاتك ترا تعب بتصير دوارة السوق..

فيد باك.. هلا حبيبتي انا بخير الحمدلله..
اسكتي لا تطري لي الحر .. صار لي اسبوعين اصحى من النوم وتي شيرت البيحامه ينعصر :( احس بحرررررررررررر موووووووووت! والمشكله زوجي مثل زوجك!!
الله يعين..


ضي القمر.. هلا ياحلوه احنا بخير الحمدلله .. انتي كيفك والحمل والبيبي؟



اروجه,, سبحان الله انا وانتي نفس الشي حتى في التفكير.. يالله الله يعين ويقوم كل وحده في وقتها يااااااااارب..
والله يسلمك ان شاء الله :)


نبعة الريحان.. هلا حبيبتي شخبارك؟
احنا عننا لا جديد تحت الشمس.. بالنسبه للصور .. اذا عندك الفوتوشوب.. افتحي الصوره واعملي ريسايز لها!


ريمه.. يسعد ايامك يارب.. محد فينا ولد للحين... شخبارك؟

بنات حاسه بمغص ..
مثل الم الدوره!
:o

*Hala*;5202414:
بنات حاسه بمغص ..
مثل الم الدوره!
:o

عادي حبيبتي .............شي طبيعي

صباح الخير ياكروشات ..
شلونكم عساكم بخير وصحه ..
تفضلوا افطروا معي .. :)
هلا .. حتى انا احيانا احس بألآم زي الم الدوره بالظهر وتحت البطن ..
بس مو كثير قليل ....
بكره موعدي عند دكتوره ابي اشوف بنوتي ياقلبي . وبسأل راسها وين اللحين تحت لو فوق ؟؟!!
تحياتي ... نوقطه

حبيبه رائد;5202456:
صباح الخير ياكروشات ..
شلونكم عساكم بخير وصحه ..
تفضلوا افطروا معي .. :)
هلا .. حتى انا احيانا احس بألآم زي الم الدوره بالظهر وتحت البطن ..
بس مو كثير قليل ....
بكره موعدي عند دكتوره ابي اشوف بنوتي ياقلبي . وبسأل راسها وين اللحين تحت لو فوق ؟؟!!
تحياتي ... نوقطه

صباح الخيرات ............عليج بالعافيه :D انا موعدي بعد بكره :):) وبعد بسأل وين الراس بس اخر موعد قالتلي الراس تحت ......................طمنينا عالبنوته (f)

يسلموو حبيبتي فيد باك.. بس انا خفت.. :)
انتي مثلي انا موعدي يوم الأثنين :) وقاعده على اعصابي ابيه يجي بسررررررررعه :) بعدها بيصير مواعيدي كل اسبوع.. لأن حمل التوأم غير..


حبيبة رائد.. تسلمين ياقلبي وفي العافيه.. وان شاء الله ماتسمعين الا كل الخير..

هلا كروشات بصراحة طفش وملل ماادري متى باولد الثقل متعب مرة احس اني ثقيلة مرة ورجلي اجرها امس ماعرفت وش اسوي رجلي شقصت لا قدرت امدها ولا قدرت اجلس وقفت يجي ساعة الين خفت علي شوي ونمت تحت ماقدرت ارقى فوق الله يعين متى نخلص...

باقي الكروشات وش اخباركم الله يعينك هالة وش هالمدير اللي مايقدر يالله هانت كلها فترة وترتاحين ...

مرحبا فيد باك واريج وزهور وتيد ونبعة الريحان وضي القمر وباقي الكروشات وش اخبار اجنتكم ووشلون صحتكم ...

بنات عندكم اسماء اولاد خفيفة و معناها زين الى الان مالقيت اسم على كثر هالاسماء الى الان محتارة ابي اسم متميز ...ومشكورين مقدما

زهور بنفسجية: لا ان شاء الله بجهزها كل يوم اقوول بجهزها وما اجهز عيااازة هههههه الله يعييينـــا واللله ..
بس لا ابشرك بديت اجهز شنطة النونو بس بعدني ما خلصت كل حين اظيف شي واعدل فيها ههههههه

فيدباااكــ شخباارج شو معنويااتج اليوم انشالله بخير؟

*HALA* الحمدلله انا بخير والنونو بعد بخير انشالله عندي موعد الاسبوع الجااي وانشالله يكون دمي والنونو ووزنه وكل شي تماام ادعوووووووووووووولي

ضي القمر مبرووووكــ حبيبتي يعني هانت من الاسبووع الجااي رااح تدخلين التاااسع انا باقي لي اسبوعين ع التااااسع .. الله يسهل علينا يااارب

تيد : فيدتج والله لا تفكرين واايد وخليها ع اللله .. والله بسهلها انشالله .. انتي لو فاظيه تقدرين تخلصييين اغرااااضج النااقصه بيوم وااحد .. بس اهم شي النفسيه ... خلج ريلااكس ترى يأثر على البيبي فديته









باقي الكروووشات اشحاالكم ؟

nodels الحمدلله بخير ........انتي شو مسويه .........على فكره انتي في اي مستشفى تراجعين؟؟؟؟

النفس البريئة الله يعينج حبيبتي ........راح الكثير وما يقى الا القليل ........

مســــــــــــاء الخير بنااااات....

اليوم نزلت اغراض لولو وانكسر ظهرررررررري وانا احطهم وتفقعووو عواااايني...

اتمنى تشوفوا الموضوع وتعطوني رايكم بكلللل صراااحه...


http://www.3roos.com/forums/t312589.html

كلللللللكم بدون استشثناء شخباركم حبيبات قلبي
انا الحمدلله بخير وماشي حالي ثقل وتعب وربي كريم ويهون
نودلز هلا يالغاليه ربي معاكي يارب وانشاء الله تسمعي كل شئ زين وعال العال
فيد باك تسلميين حبوبه انا الحمدلله بخير والله كيف الاجازه معاكي ؟؟ حسيتي بملل؟؟
زهووووور فديييته النونه احساس حلو لمن تعرفيفين راسه ورجوله تحسي انك تطالعي فيه سبحان الله
هاله اي صدقتي كل شئ مثل بعض ههههههه الله يسهل للجميع يارب ومن جد مديرك مايستحي المفروض يقولك روحي اجازه اليوم!!
حبيبة رائد الله يقومك بالسلامه يارب
ضي القمر شخبارك يالغاليه واخبار الرها ؟؟ عساكي بخير يارب
نبعة الريحان اغراض لوزه تجنن ماشاء الله تلبسهم وتقطهم بعرق العافيه يارب

مساء الخير على الكروشات كيفكم انشالله بخيراريج خاشقجي-انا الحمدلله بخير-وانشالله مافيك الا العافيه لاتخلين الافكار الشينه تاخذك ويارب تقومين بالسلامه.
ضي القمر-مبروك دخولك التاسع مقدما وعقبالي انشالله والله يسهلك ويقومك بالسلامه.النفس البريئه:مبروك دخولك التاسع والله تلخبطنا من الحسابات انا على حسابي بالسابع ويوم سويت الاشعه المفروض اللحين دخلت الثامن والله يعين.تيد-فيد باك-هلا -كيفكم انشالله بخير وباقي الكروشات علشان ماانسى احد..
انا الحمدلله بخير وبكرى انشالله موعدي ادعولي انشالله اتطمن على بنوتي.:):o

بنااااااات حوامل ربي يسهل عليكم .. النفس البرئية ربي يسهل عليج والحمد الله ماباقى شي ان شاء الله تولدين بسلامة والشد شي طبيعي ربي يهون عليج ..
هالة حبيبتي صبري و تحملي لين تطلعين اجازة و تفتكين من الدوام و تفيجين لبنوتات استعداد لوصولهن بسلامة
فيدباك .. حبوبة طولي بالج و تحملي ان شاء الله,, انا الفترة اللي قعدتها بالمستشفى وصابني اكتئاب كل يوم اصيح ... حاولي تشغلين تفسج بالاستعداد للولادة و ترتيبها ..
اريج حبوبة شخبارج طولتي الغيبة ان شاء الله بخير .. والحلا وكل الحلا شخبارها .. حظكم انكم بتولدون والبرد خف ..
زهور حبوبة شخبارج عسى الله يبارج لبنتتج الملابس و تكبر و تجيبيلها وهي عروس ..
عني انا ...... مريومة بخير فديتها الغازات متعبتنها .. اعطيها مرة يانسون و مرة شاء ميلوبا و اسوي الها مساج بزيت الزيتون .. تعور قلبي اذا جتها المغصة ماعرف شو اقدر اسوي مرات اصيح حتى يريلي يخاف يقول شصار فيها ما يدري اني انا اللي تخبلت :sm215: طول اليل سهر معاها .:21_164:. يالله الحمد الله الحين صار الها 13 يوم من دشت الشهر الثاني بتكبر و بيخف اعراض الغازات عنها ..
وبس :9_28:

النفس البريئة انا الحمد الله تمام انتي شخبارك

زهور بنفسجيه ههههههههه تخيلي
عد اليوم بعد الغداء جاني الم فضيع قلت ليكون بسويه
استغفار الله يوم يمر واقول ابي اولاد
واستغفار الله يوم ثاني اقول لا مابي اولاد الافي الصيف


*Hala* انا الحمد الله تمام انت شخبارك


nodels شخبارك انشاء الله تمام

نبعه الريحان شخبارك
وملبوس العافيه على الوزه


اريج_خاشقجي انا الحمد الله انتي شخبارك واخبار حلا السكر


ورده السعوديه الله يبارك فيك

انشاء الله بكره الغي حجز في المستشفى

مرحبا كروشات

فاجأت الأهل فديتهم بزيارة هالـ Weekend

يمكن اتكون آخر زيارة قبل الولادة إن شاء الله .. لأني ما أروم على الدرب كل مرة




+++++++++++++++++++++++++++

+++++++++++++++++++++++++++

++ ختيه الغالية اريج_خاشقجي ++

مرحبا ملاييييين بأم حلا الغالية

اشحالج واشحالها حلا فديتها؟؟؟

فديتج اتوكلي على الله وغسلي ملابس البيبي

وعشان ايبانن يداد

سوي شرات ما بسوي بإذن الله تعالى

حطي الملابس في ماي دافي مع كمية بسيطة من أي صابون خاص بالأطفال

أنا بحط بيجون + الوزير

وعقب غسلي الملابس وشطفيهم وانشريهم

وأخيراً اكويهم بطريقة مرتبة

صدقينيه .. بتحسين براحة نفسية من ناحية النظافة

أنا حتى الـ Tag الموجود داخل اللبس شليته .. عشان لا يتضايق البيبي بإذن الله تعالى

على العموم

الملابس اللي تتميز بالنوعية الجيدة .. ما تتأثر بالغسيل إن شاء الله


بالنسبة للبيبي

فالمؤكد أنها بنوتة فديتها

فإن شاء الله اتفقنا أنا وأبوها انسميها ميثاء

وبعدهم أهل ريلي يتشاورون .. كل واحد يبا اسم

خصوصاً أنهم ميتين من الفرحة .. لأنه ما عندهم بنوتة <<< ريلي ما عنده خوات


ولو رب العالمين كتب لي ولد .. متى ما حملت وولدت

فإن شاء الله بنسميه محمد على اسم أبو ريلي


بالنسبة للحديد

مستمرة على الأدوية فديتج


إن شاء الله بسوي تحليل قبل موعدي بـ 3 أيام

وخير بإذن الله تعالى

+++++++++++++++++++++++++++

++ ختيه الغالية *Hala* ++

فديتج صابون بيجون للأطفال موجود في محل بيبي شوب

أما الوزير .. فموجود في الجمعيات

هو عبارة عن صابون مبشور .. يحتوي على زيت الزيتون

ومكتوب عليه .. صنع في لبنان


طمنينيه عنج وعن لين وليان فديتهن

وحبيت أتحمد لج على سلامة أبو لين وليان

وعسى ربي يحفظكم لبعض وايديم عليكم السعادة


+++++++++++++++++++++++++++

++ ختيه الغالية ted ++

إن شاء الله تاخذين الليسن واتبشرينيه فديتج

أهم شي حالياً

أنج تتوكلين على الله وما اتفكرين في الولادة

ورب العالمين بيسهلها علينا بإذنه سبحانه وتعالى

انتي شدي حيلج وخلصي تجهيزاتج

وإن شاء الله خير

+++++++++++++++++++++++++++

++ ختيه الغالية wadeema ++

تسلمين يالغالية على ردج

إن شاء الله ايكونن الخوات اقتنعن بضرورة غسل الملابس اليديدة

بالنسبة لشنطتج وشنطة سوافي فديته

إن شاء الله ما ايكون في شي ناقص

وتولدين بالسلامة حبوبة

+++++++++++++++++++++++++++

++ ختيه الغالية nodels ++

الحمدلله يوم خف عنج عوار الظهر

لكن فديتج هالعوار شي طبيعي

خصوصاً في أواخر شهور الحمل

أنا خلاص بمووووت .. لا أروم أقعد ولا أروم أرقد .. ولازم حد ايساعدني عشان أوقف

وحتى يوم أكون راقدة .. أوعي ريلي عشان ايساعدني أغير وضعية نومي

الله ايعيننا وايسهل علينا

آااامين يا رب

+++++++++++++++++++++++++++

++ ختيه الغالية feedback ++

شدي حيلج يعلنيه افداج

خلاص ما تم شي

إن شاء الله تولدين بالسلامة واتقر عينج بشوفة اللولي فديته

+++++++++++++++++++++++++++

++ ختيه الغالية qtr-dream ++

حياج الله بيننا حبوبة

وعسى ربي ايثبت لج الحمل وايتمم لج على خير

+++++++++++++++++++++++++++

++ ختيه الغالية النفس البريئة ++

الله ايعيننا

معظمنا انعاني من نقص الحديد

داومي على الأدوية وكثري من الخضروات الورقية

وكلي كل شي ممكن ايساهم في زيادة نسبة الحديد

وبإذن الله ترتفع النسبة قبل موعد الولادة

+++++++++++++++++++++++++++

++ ختيه الغالية زهور بنفسجيه ++

الحمدلله أنج جهزتي شنطة حسوني فديته

اتوكلي على الله وجهزي شنطتج .. لأنه ما شاء الله ما تم شي وتولدين بالسلامة بإذن الله تعالى

بالنسبة لحجم الـ ..... .. أعتقد تستخدمين نفس الحجم اللي كنتي تستخدمينه قبل

وبالنسبة لقطن الصدر

فأنا شريت علبة من البيبي شوب

لكن على العموم .. بتلاقين أنواع متعددة في الجمعيات



+++++++++++++++++++++++++++

++ ختيه الغالية *ضي القمر* ++

مبروك دخولج التاسع

وإن شاء الله تولدين بالسلامة حبوبة

+++++++++++++++++++++++++++

++ ختيه الغالية نبعه الريحان ++

الله يهني اللولو فديتها بأغراضها الحلوة

وعسى ربي ايتمم لج الحمل على خير واتقر عينج بشوفة الكتكوتة

+++++++++++++++++++++++++++

++ ختيه الغالية ورده السعوديه ++

اشحالج واشحالها البنوتة ربي يحفظها؟؟

+++++++++++++++++++++++++++

++ ختيه الغالية السيدة سوسو ++

الله يحفظ لج مريومة فديتها

وما تشوف شر