مرحبا يالغاليات
أخباركن كلكن من غير استثناء؟؟؟
أنا ابتديت أجهز ملابس البيبي اللي بحتاجها في الفترة الأولى
أول شي بقص الـ Tags الموجود على اللبس عشان لا يتضايق البيبي من لبسه
وعقب إن شاء الله بغسل الملابس بالصابون (شريت صابون بيجون + صابون الوزير)
ومن أخلص هالأمور الأساسية
بجهز شنطتي وشنطة البيبي بإذن الله تعالى للمستشفى
+++++++++++++++++++++++++++
++ ختيه الغالية *Hala* ++
اشحالج واشحال لين وليان فديتهن؟؟؟
+++++++++++++++++++++++++++
++ ختيه الغالية ted ++
الله يسمع منج ويزيد الحديد في دمي ولا أحتاج دم وقت الولادة
طمنينيه عنج وعن البيبي
+++++++++++++++++++++++++++
++ ختيه الغالية زهور بنفسجيه ++
سلامات يالغالية
أنا شراتج طلع عندي التهاب
لكن عطوني مضاد حيوي (حبتين في اليوم لمدة أسبوع) + بودرة أفورها في الماي وأشرب المحلول
ونصحتنيه الدكتورة أشرب ماي بكمية كبيرة
وإن شاء الله خير
+++++++++++++++++++++++++++
++ ختيه الغالية wadeema ++
أخبارج وأخبار البيبي؟؟؟
+++++++++++++++++++++++++++
++ ختيه الغالية amel01 ++
نورتي التجمع حبوبة
مبرووووووووووووووووووووك حصولج على الوظيفة .. وربي يكتب لج كل خير يالغالية
وبالنسبة لحركة البيبي
فأنا نفس الشي
البيبي وااااااااااااااااااايد active ما شاء الله وما أروم أرقد أبداً
بس أكيد احساس حلو
الله ايتمم لنا على خير
آااااامين يا رب
+++++++++++++++++++++++++++
++ ختيه الغالية feedback ++
خلاص شدي حيلج
ما تم شي واتشلين اللولي في حضنج بإذن الله تعالى
ومبرووووك النجاح في المرور .. شدي حيلج في الشارع
اتصدقين؟؟ أنا ما كنت أعرف ولا شي عن السواقة
ورغم هالشي .. قبل لا أعرس
سرت فتحت لي ملف في المرور
وقدمت الامتحان النظري .. ويبت 34 من 35 <<< أعلى درجة بين الكل
وفنفس الوقت كنت أتدرب ويا المدربة
وما خبرت ريلي <<< خطيبي يوم فتحت الملف
لأني حبيت أفاجأه
وهو كان امسافر أسبوعين
وأنا قررت في داخلي أني آخذ الليسن خلال أسبوعين
والحمدلله وبتوفيق من رب العالمين وشغل من المدربة
قدمت موعد أول امتحان أسبوع (لأنهم في العادة يعطونج أسبوعين) .. وسرت وقدمت ونجحت من أول مرة ولله الحمد
وعقبها الشارع .. عطوني الموعد خلال أسبوعين
وقدمت ونجحت من أول مرة الحمدلله
ورجع ريلي .. وفاجأته بالليسن
حبيت أخبرج بسالفتيه عشان تتشجعين .. وإن شاء الله اتبشريننا بالليسن قريب
+++++++++++++++++++++++++++
++ ختيه الغالية السيدة سوسو ++
ما اتشوف شر مريومة فديتها
معظم البيبيات ايعانون من الغازات .. الله يحميهم يا رب
+++++++++++++++++++++++++++
++ ختيه الغالية ورده السعوديه ++
أنا والبيبي بخير الحمدلله
انتي طمنينا عنج وعن البيبي
+++++++++++++++++++++++++++
++ ختيه الغالية *ضي القمر* ++
سلامة بطنج حبوبة .. وما اتشوفين شر
طمنينا عنج وعن البيبي
+++++++++++++++++++++++++++
++ ختيه الغالية حبيبه رائد ++
كأنج توصفين حالتي
أنا بعد أحس بكعب ريول البيبي (فديت البيبيات)
وعوار الظهر خلاص بموت منه
ونسبة الهيموجلوبين في الدم عندي شراتج
وتعبااااانة صدق
الله ايسهل علينا .. آااامين يا رب
+++++++++++++++++++++++++++
++ ختيه الغالية cute22 ++
الله ايثبت لج الحمل وايتمم لج على خير
آااامين يا رب
+++++++++++++++++++++++++++
++ ختيه الغالية نبعه الريحان ++
الحمدلله يوم خلصتي التجهيزات
أنا شراتج .. باقي لي التوزيعات .. وتجهيزات شنطة المستشفى
وباقي لي زيادة .. عربانة الخروج للطفل .. بعدنيه ما لقيت شي مناسب
وأدور على شنط حلوة لأغراض البيبي .. وما زال البحث جارياً
الله ايعيننا وانخلص كل أمورنا على خير
+++++++++++++++++++++++++++
++ ختيه الغالية inte_o_ana ++
اشحالج واشحال البيبي؟؟؟
أنا شريت جهاز شفط الحليب .. حسيت أنه واااايد مهم
عشان ما انعاني من الرضاعة بإذن الله تعالى
+++++++++++++++++++++++++++
++ ختيه الغالية اريج_خاشقجي ++
ويييينج؟؟؟ قمتي تختفين وما انشوفج واااايد
طمنينيه عليج وعلى الكتكوتة فديتها
+++++++++++++++++++++++++++
++ ختيه الغالية تووتا ++
الله ايهون عليج الولادة واتقر عينج بشوفة البيبي
آااامين يا رب