تجمع حوامل الثلاث الشهور الأولى1-2-3

فديتج ياقلبي

صج يوم تطلعين وتجلسن مع الناس يمر الوقت بسرعه

بس انا اغلب الوقت اهل زوجي يكونو محد مافي بالبيت الا ام زوجي خوات ريلي كلهم متزوجين

وفوق هذا امي وخواتي مسااافرين

وبيرجعون السبت أن شاء الله

وريلي بسافر الاثنين :(

بس ان شاءالله بيلس في بيتنا وماشاء الله بيت اهلي جمعه

الله يهون عليج يارب

انا بس ام زوجي تعرف بحملي وامي وخواتي

وحشتوووني يالغالين مشكورين كل من دعت لي انا وكلت وفوضت امري لله واكلت المضاد البارح واليوم وبستمر عليه لمده اربع ايام مكثره من شرب المويه ويارب يروح عني الالتهاب وان شاء الله المضاد مايأثر على البيبي يارب ادعووولي بس

واليوم اول مره اصحى من وقت وانام امس من وقت بس لاني قلت خلاص بعدل من نومي انا ظالمه نفسي وظالمه البيبي وكأن الالتهاب كان درس لي ..عشان احس اكثر بالمسؤليه

ومن صحيت رجعت والمعده فارقه يااااااااااي من الم وتريقت توني وشربت الحليب واكلت المضاد الحمدالله على كل حال
بتوحشووني وايد ليش اني ناويه من اليوم انام في بيت امي كم يوم اغير جو ولاتنسوني من صالح الدعاء

ألطاف;5182799:
مرحبا ... شلونكم؟

يسعدني انضمامي إليكم .. أنا الحين بالأسبوع السابع .. الله يتمم علينا جميعا على خير

بنات أنا وزني يتناقص وما عارفة السبب !! حد صار له كذا في الشهور الأولى؟

عندي وعندك خير يا اختي نازله 4 كيلووو لحد الآن

حرف_عنيد;5183027:
هلا خواتي الغاليات

اللي دوم يسعدني اكون معاكم واحس اني ارتاح يوم اتكلم معاكم

بسالكم خواتي وخاصة للي اول حمل لها

هل انتم مثلي اتكلمون البيبي وتمسحون عليه :poster_oops:

مرات اقعد اكلمه حتى يوم اكون متضايقة اقعد اشتكي له واقول له شوف باباتك شو يسوي فيني

واحس براحة من هالشي

ما ادري هل هالشعور لاني هالشي بخاطري من وانا اصغيرة

بخاطري يكون لي بيبي خاص فيني واسمع منه كلمة ماما

حبيبتي والله نفس شعرووي طول ما انا قاعده يدي على بطني وامسح عليه تقوولي امسح على شعره :o

واكلمه واشكيله يارب لاتحرمنا من هذه اللحظه اللهم آمين وكل بنات التجمع يارب

أم صغنونه;5184013:
نعور القلب احنااااا

الله يهون علينا يارب

أنااا لسه بالاسبوع الخامس ربي يتمم علي وعليكم ع خير ياحي ياقيوم

بس جد النفسيه مو طبيعه مو قادره حتى اركز باي شي ابي امي <<< امها مسافره

ماعندي الا انتم افضفض عندكم

:( :( :(

يارب ربي يرجعها لك سالمه غانمة اللهم آمين وحنا خواتك يالغاليه وربي الله ماكتب يكوون عندي خوات بس اخوتكم على راسي تاج اعتز فيه

هلا شخبارج ام عبادي
اسمحيلي الغالية اذا جرحتج او اني ضايقت بج .... واتمنى ان شاء الله هل المرة تقومين بالسلامه واتيبين احلى ياهل والله يرزقج على قد نيتج حبوبة .... والحين الصراحه لا تخبرين حد اتريي اشوي ... واقري على عمرج كل يووووووووووووووم المعوذات واية الكرسي ... وصدقيني رب العالمين خير الحافظين وما عليج من فلان وعلان .... وربي يتمم امورج على خير يارب .. بس ما شي اباج تزوريني في المستشفى دام اني ان شا ءالله بربي قبلج ^___^ لا تحاتين انا وبنتي ان شاء الله بنزورج في المستشفى يوم بيكون دوووووووووووورج خلاص انتي راضية الحين !!!!!
الله ايسر عليج غناتي في كل شهور حملج يا رب

[COLOR="Red"]عاشقة الذووق

ربي يشفيج ياربي العالمين

اسأل الله العظيم رب العرش العظيم أن يشفي اختي عاشقة الذوق ياحي ياقيوم

وان شاء الله مايضر البيبي

بس التهاب شو الي فيج ؟[/COLOR]

الصدى الحزين;5184419:
السلام عليكم و رحمة الله و بركاته ..

أنا الحين بالأسبوع العاشر تقريباً ..

و متضايقة وايد من النزيف إلا صادني مب راضي يوقف ..

الحين صار له ثلاثة أسابيع تقريباً ..

ادعوا لي يا بنات .. الله يثبت حملي إن شاء الله ..

ربي يثبت حملك ابوووي وتفرحي بشووفت مولودك يارب بس ارتاحي الراحه زينه دووم انبطحي على ظهرك وماعليك شر يارب

فديتكم والله ماتقصرون بس لاحظت انكم ماتشاركون وايد اغلب مادخل ماشوف حد

:(

يلاا أن شاء الله السبت توصل امي وبأذن الله بنام عندهم يوم الاثنين منها اغير جوو لين يرجع زوجي بالسلاامه من السفر

قلت لكم قصة حياتي ههههه

سوري ع الاطاله

um_3bade;5187651:
حبيبتي عاشقه الذوق أنا في حملي الأول ياني التهــاب في البول و ألم في كليتي اليمنــى كانت فعلا معـاناه و المصيبه العوده إنهم ما كانوا يدرون إني حامل فكانوا يعطوني مضادات قويه مالها دعوه بالحمل تخيلي ..و تنومت حول العشر أيام فنهـايه اكتشفوا إني حــامل شوفي كيف ذكاء المستشفى ايي دايما متـأخر ...

المهم إنتي لا تشغلين بالج نصيحتي لج اشربي ماااااي قد ما تقدرين عشان اطلعين هالسموم من جسمج و عشان تتشافين بسرعه و ادعي ربج و انا و الله بدعي لج دعوة من اخت لإختهــا و إن شاء الله ربي يفرحج و تصير امورج كلها على خير ترى لا تحـاتين وااااايد بنات تيهم هالإلتهـابات بس الحمدلله عدى حملهم على خير و عيالهم بخير

عشووووقه مره ثانيه عليج بالمـــاي بليز لو ما تحبينه اشربي قد ما تقدرين وربي يشفيج إن شاء الله و يطمن قلبج

هذاني اشرب والله بس الي شاغلني يا اختي المضاد اخاف انه يأثر على جينات البيبي استغفر الله ادري وساويس الشيطان بس ايش انسوووي ادعوولي مابي غير دعواتكم معاي مشكوورة يالغاليه على كل شي

ألطاف;5189912:
حبيبتي عاشقة الذووق

الله يشفيك يارب ويبعد عنك كل أذى ويحفظك انتي وجنينك ...

ومثل ما قالت أختي um_3bade عليك بالإكثار من شرب الماء وبإذن الله تتعافين

حبيبتي يالطاف اللهم آمين ويقر عينك بشووفه البيبي يارب

عاشقه الذوووووووووووووووووووووووق زعلانه منج ليش ما تردين على رسالتي !___!

ما احبج

أم صغنونه;5191434:
[COLOR="Red"]عاشقة الذووق

ربي يشفيج ياربي العالمين

اسأل الله العظيم رب العرش العظيم أن يشفي اختي عاشقة الذوق ياحي ياقيوم

وان شاء الله مايضر البيبي

بس التهاب شو الي فيج ؟[/COLOR]

صديد في البوول حياتي ليش اني كنت اكل البسكويت المالح بشراهه غير طبيعيه والنسبه عندي مرتفعه والدكتورة تقوول اغلب الحريم الحمل يصيبهم كذه ليش ان المثانه تضغط على الرحم:ss:

فديتج ربي يهون عليج يارب

ماتشوفين شر أن شاء الله

عليج بالماء ياقلبي

لاتكثرين اشياء فيها امالح

وأن شاء الله تقومين لنا بالسلاامه

rose_rose7788;5191477:
عاشقه الذوووووووووووووووووووووووق زعلانه منج ليش ما تردين على رسالتي !___!

ما احبج

حبيبتي انتي قلبي وروحي ياروزه الا قلت مشكوورين كل من سأل عني وعطيتك التفصيل كل شي ولا انتي تراني ماقدر على ازعلك يالغاليه ...

السلام عليكم

الف سلامه عليكي اختي عاشقة الدووق وانشاء الله ربنا يتبت حملنا ويجعله خلقا سويا ولايجعل للشيطان فيه نصيبا اللهم امين

حبيت اشاركم فرحتي و فرحتكم بالحمل ربنا يكمل علينا بخير انا حامل في الاسابيع الاولى و الحمد لله الامور ماشية تمام بس مشكلتي النوم الكتير و الاكل الكتير حتلا اني اصحى في عز اليل عشان اكل هل في وحده لها نفس الاعراض ديه طمنوني اه كمان نسيت اقلكم اني كرهت المطبخ كره العمى!!!!!!!!!

من اكل هالحبه المضاد مع طعمها الي مدري كيف اشووف معدتي وكنها تنتفخ على انها ثقيله شفتوا كيف انك جوعانه والمعده فاضيه كذه ...

يارب استرها معاي وعافيني واشفى جميع مرضى المسلمين اللهم آمين

أم صغنـــونه فديتج حبيبتـــي أنا مثلج هليه في إمــاره ثــانيه يعني مب عنديه ارتاح عندهم أكثر بس احسه بعده وقت ما أبا اسير من الحين عشان ما تخترب المفاجأه لأنه محد يدري بقصة حملي

روووووز حبوبه بالعكس أنا ما اعتبر عبدالله ماضي اسود ما أحب حد يذكرني به ... بالعكس هو كان ماضي و حاضر اعيشه و مستقبل بتكلم عنه مع عيالي لو هو مب موجوود أنا بتم أم عبــدالله ^__^ و إن شاء الله يمر حملنــا على خير إن شاء الله

غضيفه أنا غريبه في حملي هذا ما انام ابد ما ادري ليش فالليل اييني ارق ووقت النهــار ما أنام أبد .. أما عن الأكل انا احاسب نفسي أحاول إني ما ازيد ولا كيلو هالثلاث شهور لأنه مب صحي إن نزيد في أول ثلاث شهور هذا من غير إني ما لحقت انزل وزني بعد حملي الأول