تجمع حوامل الثلاث الشهور الأولى1-2-3

ليتني معك;5185111:
صدى الحزين الله يثبت حملك يارب
ام عبادي شلوووووونك
وباقي البنات
الحب الكبير روزززززززززز
ام سويره
حرف عنيد والباااااااااااااااااقي عساكم بخير يااااارب

هلا والله ليتني معك شخبارج انتي الي وينج ماتبينين شخبار البيبي والوحام وياج انشاء الله ماشي الحال .. مشكوره حبيبتي ع سؤالج والله يثبت لج حملج ياارب..

الصدي الحزين

ياقلبي أنتي ريحي نفسج واهم شي الراحه واذا خارج الرحم أن شاء الله ماعليج شر

أنا في حملي الاول جي وبفضل الله جبت حمودي فديته

دووم اقري على بطنج وعليج بالصدقه ياقلبي

والله يثبت حملنا كلنا ياحي ياقيوم ويجعل ذريتنا من الصالحين

الصدى الحزين المولعــانيه أم صغنونه و كل من البنــات ربي يثبت حملكم إن شاء الله و يفرحنا جميع إن شاء الله

ليتنــي معــك تسأل عنــك العـافيه أنــا بخير الحمـدلله طمنينا عنج إن شاء الله امورج كلها طيبه

لووول الحب الكبير السالفه كلهـا رقاد انا قريت موضوع فالمنتدى إنه الام الحامل لازم تحاول ترتب رقادها لانه النونو بعدين بيطلع عليج بيقعد دايما يسهر و يعذبكم

اللهم امين يارب

كلنا لبعض

أم عبدالله

أنتي بأي شهر الحين ؟

جد انه مفهيه هههههه

يعني واضح بالتوقيع

انا بالاسبوع الخامس ربي يتمم علي وعليكم ياحي ياقيوم

أنا بالتوقيع يعطيني في الاسبوع الثامن بس اليوم يوم راجعت الدكتوره قالت إني بالإسبوع السـابع ان شاء الله امورنا تمر على خير إن شاء الله

شلونكم وحشتووني وايد انا من امس كنت مرقده بالمستشفى فيني التهاب في البوول صديد بنسبه عاليه ركبوا علي سيلان مع مضاد وحيل نفسيتي تعبانه وكل ابجي ادعووولي ربي يثبت حملي يارب وكتبت استفساري في قسم استفسارات الحمل ياريت حد يرد علي يريح بالي

http://www.3roos.com/forums/t311915.html

حبيبتي عاشقه الذوق أنا في حملي الأول ياني التهــاب في البول و ألم في كليتي اليمنــى كانت فعلا معـاناه و المصيبه العوده إنهم ما كانوا يدرون إني حامل فكانوا يعطوني مضادات قويه مالها دعوه بالحمل تخيلي ..و تنومت حول العشر أيام فنهـايه اكتشفوا إني حــامل شوفي كيف ذكاء المستشفى ايي دايما متـأخر ...

المهم إنتي لا تشغلين بالج نصيحتي لج اشربي ماااااي قد ما تقدرين عشان اطلعين هالسموم من جسمج و عشان تتشافين بسرعه و ادعي ربج و انا و الله بدعي لج دعوة من اخت لإختهــا و إن شاء الله ربي يفرحج و تصير امورج كلها على خير ترى لا تحـاتين وااااايد بنات تيهم هالإلتهـابات بس الحمدلله عدى حملهم على خير و عيالهم بخير

عشووووقه مره ثانيه عليج بالمـــاي بليز لو ما تحبينه اشربي قد ما تقدرين وربي يشفيج إن شاء الله و يطمن قلبج

حبيبتي عاشقة الذووق

الله يشفيك يارب ويبعد عنك كل أذى ويحفظك انتي وجنينك ...

ومثل ما قالت أختي um_3bade عليك بالإكثار من شرب الماء وبإذن الله تتعافين

الصدى الحزين والمولعانية
الله يثبت حملكم ان شاء الله ماكو الا الخير يا رب

انا بعد وايد اسولف مع البيبي وادلعه بجد احسه روعة

ليتني معك

الله يسلمج حبيبتي

شخبارج ؟؟

واخبار البيبي؟؟

تدرون امس اكتشفت اني متوحمه على ريحة شقتي

من جذي الوحام مايصير الا في الليل

انا ماابي اترك شقتي عشان الوحام

خصوصا اني مااشوف زوجي وايد عشان شغله

ماادري شسوي؟؟ :(

صباااااح الورد.. ماميييززز..


عاشقه الذوق: ما تشوفين شر... والله يوقمج بالسلامه..

المولعانيه: اهم شي ارتاحي وخلج دوم مسندحه على ظهرج وارفعي رجلج على مخده ... والله يثبت لج حملج..

ام سويره: انا نفسج من يجي الليل تبدا اللوعه شوي.. بس انا طول اليوم في بيتي!..

um_3bade;5176468:
لووووول لا صدقيه لأني كل يوم لازم اعدله الصبح انا في الاسبوع الثــــامن و انا من الإمـــارات

هلا اختي ....

الله يعينج .. انا الصراحه امسوية طااااااااااااااااف حق الشريط لانه مخرف ...

ما علينا انتي وين اتراجعين ؟؟ من اي امارة اختي ؟؟ وولدج عبادي كم كمل الحين ما شاء الله

وانا بعد هذا حملي الثاني .. الله يتمم على خير يا رب

miss_engr;5190350:
صباااااح الورد.. ماميييززز..


ام سويره: انا نفسج من يجي الليل تبدا اللوعه شوي.. بس انا طول اليوم في بيتي!..

انا لاني اكون الصبح في الدوام

ومن المغرب تبدأ محاضراتي

فأول ماارد البيت على الساعه 9 الا خلاص مااتحمل ريحة المكان

زوجي مسكين يشم ويقول ماكو ريحه

بس الظاهر البيبي مو عاجبته ريحة المكان

ليتني معك وام عبادي .... ثانكس حبايبي على السؤال ... انتوا شخباركم ؟؟ ان شاء الله اموركم ماشية تمام ؟؟
ليتني معك انتي من متى وهل التوقيع ما تغير بعدج في الشهر الثاني ؟؟؟ اتوقع انج المفروض الثالث الحين بس مثل ما قلت التوقيع مخرف مو بس معاج مع الكل الصراحه .... طمنيني على النونو حبوبة .. متى راجعتي اخر مرة وان شاء الله كل شي اوكي ؟؟ يارب

ام عبادي ... شو في خاطرج اتيبين ؟؟ اكيد بنووووتة صح عشان تلعب مع عبادي العسووول ولا خاطرج اتيبين ولد ثاني ؟؟ الله يعطيج على قد نيتج اختي ....
وانا ذابحه عمري الصراحه خاطري في بنوووووووووووووووووووتة يا رب يا رب انك ترزقني ببنوتة حليوة اسميها فاطمه مع انه احساسي سبحان الله يقولي بنية ... عاد بنشوف ان شاء الله عقب

باقي الحوامل طمنونا عليكم ... شو السالفه .. لا تتاخرووون .... معذورات الصراحه اللوعه والوحام يسوون اكثر من جيييييييييييييييييييييييييييه .... الله يقومنا بالسلامه يا رب ... وطمنونا عليكم ...

عشوووووووووووقه والحب الكبير وام سويرة وحرف عنيد ورونا موحا ومس انجر وباقي الحبايب بدوووون استثناء .. سلامي للجميع وطمنونا على بيبياتكم .....

هلاا بنات اخباركم

أنا بالاسبوع الخامس ويوم :(

ماادري متى يبدأ الوحام بالضبط بس صايره ماحب ريحة جبس يأكله ولدي رغم اني كنت احبه


بس أنا مو متأكده متى المفروض يبدأ الوحام؟

ودي الايام تمررررر بسرعه

الله يهون عليكم وعلينا يارب

ام سويره ذكرتيني بحملي الأول كنت اشم روايح عجيبه غريبه و كرهت خدامتيه مع إنه الكل يقول ما شي ريحه غريبه ^_^

رووز عبــادي الحين عصفور فالجنـــه .. أنا ياتني ولاده مبكره و أنا في الشهر السابع و يا عبادي صغير عاش حبيبي 58 يوم في العنايه الخـاصه اللي في المستشفى وعقبها توفى حبيبي .. لا تظنين إني تضايقت من سؤالج لا والله بس تدرين أنا قبل ما اكتشف إني حامل حلمــته يقولي مـاماه أنا محد يحبنيه و قمت قلبي يعورني و اصيح و بعدها اكتشفت إني حــامل في البدايه اضايقت لأني مسويه عمليه قيصريه و ما مر عليه إلا ست شهور بس بعدهــا حمدت ربي لأنه غيري يتمنى يحمل و ما يقدر .. الصراحه خــاطري في ولد و أباه يشبه عبدالله بس ما اعتقد إني بسميه عبدالله لأنه في حياتي عبدالله واحد بس و الله يعطي كل منــا اللي تتمنـاه و يكونون عيالنا بخير يـــــــا رب

عشوقه طمنينا عليج إن شاء الله خف الإلتهــاب والله قلبي معــاج وكلنا ندعي لج و إن شاء الله مرحله و تعدي على خير

أم صغنونه لا تستعيلين على الوحــام وترى في حريم يحملون و ما ييهم وحـام هو بالعاده يبين في الاسبوع الســادس و إن شاء الله يكون خفيف عليج و ما تتعبين

باقي الأمـــورات حبيت اسلم عليكم و طمنونا عليكم و على الكتاكيت بعد

ام عباادي

فديتج ياقلبي ربي يتمم علينا على خير وحفظهم لنا ياحي ياقيوم

تعرفين شي .. انا مايهمني موضوع النساه ولا شي بالعكس عادي بس مستغربه من نفسي كاره ريحة جبس معين

وله بحملي الاول بفضل الله كانت نساتي عاديه مو قويه وايد

بس كل جل تفكيري متى تمررر الايام بسرعه

وخصوصا اول 3 شهور ربي يتممها علينا وعليكم ع خير وسهاله

مع الوقت إن شاء الله بتمر الأيام أنا و الله ساعات انسى إني حامل أحاول اشغل نفسي بأشياء وايده و ما أفكر بالحمل ..لأنه التفكير يتعب و سبحان الله يوم اقعد بروحي في بيتي اتعب اكثر احس بلوعه و ما اشتهي آكل اي شي بس يوم اقعد مع هل زوجي و اسولف مع البنات تنفتح نفسي و تخيلي لين يومج محد يعرف إني حـامل ما حبيت أقول لحد لأنه في حملي الأول من حملت مره كل النـاس عرفت فتعبت حيل في فترة حمليه وولادتيه و حتى بعد الولاده نفسيتي كانت منعدمه اللي كان يخليني اصبر زوجي ما كنت ابا ابين له تعبيه عشان ما يتعب معايه و الحمدلله محنه وعدت ع خير ... حابه انهم يكتشفون بروحهم يوم أكرش ^__^ أدري وقتها بيذبحوني