السلام عليكم حبايبي .. شخباركم ان شاء الله بخير ....
الصراحه موب عارفه كيف أبدأ؟؟؟ ما تصورت نفسي اني اكتب مشكلتي في يوم من الايام في المنتدى بس لانه معزتكم كبيرة بقلبي حابة اسمع النصيحه اللي لعل وعسى تريحني .. بدخل في الموضوع على طووووووووووووول .. الصراحه انا تعبت واااايد من زوجي لا عنده احساس ولا مسئولية ... يا ما حاولت اني انمي فيه هذا الشي بس للاسف ما فيه فايده .. حتى البيئه اللي هو ياي منها وااايد تعبانه يعني كفاية عدم الترابط الاجتماعي بينهم كل واحد في حال ما يعرفون بعض وما يسلمون على بعض غير في المناسبات والاعياد والسب عندهم شي عادي وغير هذا معروف بتاريخهم انه اسود للاسف بس يوم زوجي تقدم لي كان يختلف عنهم في وايد اشياء منها انه يصلي ويعبد ربه ويعني متدين نوعا ما وغير هذا اللي اقنعتني سلفتي .. وقالت لي الصراحه انه زوجج ما يتعوض هو غير عن باقي اهله وعموما الاولاد غير وما لهم دخل في حد بس البنات هم اللي سمعتهم اشوي ... ويخربون على اهلهم ... عل العموم استشرت اهلي وخواتي نصحوني انه اذا زين خلاص انتي ما راح تعيشين مع خواته كلهم معرسات ومالج دخل فيهم ويعني ها ... عقبها وافقت وتم كل شي على خير .... المهم طلع حنون وطيب مو هني المشكله يا بنات ... المشكله انه مو صرييييييييييييييييييييييييييييح ابدا معاي ... كاني وحده غريبة عنه .. وما في ثقه بيني وبينه ..... اتمنى اني اغمض عيني واثق فيه بس مو قادرة والله ... يوم عن يوم ياسه اكتشف اشياء واشياء عنه ... الماضي ما راح احاسبه عليه شي صار وانتهى بس حتى الحاضر ما يباني اعرف عنه شي .. ودايما احس انه يتهرب مني .. مثلا اذا رحت ازور امه او ابوه اللي هم ورى البيت ما اكمل عندهم 10 دقايق الا يسحبني على البيت قومي يا الله وخلينا نطلع وبمجرد ما ارد البيت الحبيب يفل ويطلع ويييييييييييين ؟؟؟ بيت ابوه ما يباني اكون معاه في نفس المكان ما ادري شو مشكلته معاي ؟؟ يلست معاه وتفاهمنا بس على طووووووووووول يعصب ويحط حد للكلام اللي بينا ويضارب وما نوصل للنتيجه .. ما عنده احساس انه يراضي زوجته ولا يسال عني اذا هو في الدوام يطمن عل الاقل بس ما عنده هذا الشي .... ويتحجج انه مشغوووووووووووووول دايما حتى لو مشغووول اذا الواحد باله في اهله اكيد بيتصل حتى لو ثواني عشان يطمن بس ... قبل كان يطمن يوم اروح الدوام كل صبح يتصل ها وصلتي وعقبها يسكر بس الحين خير شر شو ما صار فيني ابدا ما يسال كاني غريبة عنه ... يمكن سبحان الله تعبانه شي صار في الطريج حادث او أي شي لا سمح الله ..... ابدا ما يتعب نفسه منقطع نهائيا .... وغير هذا هل الايام طالع لي بسالفه جديده .... بالله عليكم اسمعوها عقب ما ارد من الدوام يا دوووب ما عقيت عبايتي الا حضرته مبطل سيارته عشان يطلع بسرعه ويلحق على المسجد ... على عيني وعلى راسي بيت الله بس بعد احترمني اشوي .. استقبلني بكلمه طيبة ... انا دوامي يخلص متاخر وهو تقريبا على الساعه 3 او 3 وربع يوصل ... والاذان هل الايام الساعه 6 الا شي
زوجي والبعووووووض!!!
r
06-01-2008 | 11:34 AM
r
06-01-2008 | 11:35 AM
تقريبا .. هو يبا يلحق ما عليه روووح بس بعدها رد البيت اطمن على عيالك واهلك .. لا حضرته يوميا يروح عند ربعه او اهله اللي ورا البيت وما ايي الا الساعه 8 المساء يعني ايلس معاه ساعتين او اقل واننام لليوم الثاني ... حتى في طلعته يطلع قبلي الساعه 6 وربع الصبح وانا نايمه يعني تخيلوا ما نشوف بعض غير ساعه او ساعه ونص وبعدها للنوم ... هذا كله كووووووووووووووووووووووووووم واللي شفته امس كوووووووم ثاني ... وهذا اللي خلاني اكتب لكم الموضوع ... غير انه ما فيه ثقه من ناحيته ولا احترام ولا صراحه ... للاسف عنده شي فظييييييييييييييييييييييييييييييييييييييييييع .. اكره هذا الشي في حياتي وكل انسان صاحي يكره هاي الصفه اللي هي الجذب اف اف منها شو هي شينه وخربت بيوت ودمرتهم .. وهذا اللي شكله بيصير لي ... المهم بالرغم انه وايد اشياء صارت لي معاه سواءا حلوة ولا مرة الا انه هل الموقف الصراحه ما قدرت اسكت عنه ..
تخيلوا يا بنات والله كنت بنفجر وحسيت بنفسي ولاشي جدامه .. يعتبرني ساذجه وااايد .. تخيلوا شو شفت امس بالعقل يعني المينوووووووووووون بيصير عاقل والعمي بيشوف على اللي سواه ... تخيلوا شو شفت ؟؟؟؟؟؟؟؟؟؟؟؟؟؟؟
يعني انا وحده معرسه وما بتمر علي هاي السوالف مرووووووووووووووور الكرام واشوي وبكمل 3 سنوات .. بس ان شاء الله ما اكملها بقولكم ليش ... الحقير شفت على رقبته ...... اتوقع عرفتوا ويوم اساله تخيلوا الوقاحه والجذب شو يقول ؟؟؟ شو تتوقعون ؟؟
قرصه بعووووووووووووووض !!!!!!!! بالله عليكم القرصه تكبر جيه ؟؟ وتنتفخ ؟؟ والبعوض الاهبل ما حصل مكان غير هني ؟؟؟؟؟؟؟؟؟؟؟؟
المهم ما قدرت اسكت وتحملت لي العصر واتصلت في اربيعتي وقلت لها الموضووووع وشارت علي اني المفروض ما اسكت والمشكله الثانية انه اهلي لو تدخلوا يوقفون في صفه لانهم يبون مصلحتي لكن كرامتي عادي تنداس جدامهم وانذل ولا انهم يخربون علي حياتي .. اللي هي اصلا جحيم ونكد وجذب في جذب ... بنات والله اني طالعه من بيئه محترمه ما تعرف الجذب وعندنا اخلاق ومدينين والعيبة ما تطلع منا لو شو ما يصير ... امي تتحمل الغلط ولا انها تغلط على أي كان وتباني اكووون مثلها وانا ما اقدر الصراحه .. ابا حقي .. اربيعتي شارت علي اني ما اسكت لانها تعرف بلاوي ثانية بس انا ما ذكرتها ومن ضمنها بعد يدخل الجذب بس ربه كشفه لي والاهل تدخلوا ولا سووا شي .. وقال خلاص وعقب سنه واشوي شفت قرصه البعوض على قولته ؟؟؟؟ انا مستغربه والله كلمت اخوي وطرشت له مسج قلت له بليز ما اريد حد يعرف وموضوع ضروري .. يا المسكين وما قصر وقلت له انه جيه وجيه وجيه ... قال انا مب مصلح اجتماعي بس بسوي اللي علي وقلت له كلمه بالزين هذا يتحرى انه ما وراي اهل ووووووو يمصخها .. زين انه خذ الموضوع بهداوة ولا هو وايد عصبي وعادي كان بيسوي فيه شي .. يلس معاه وكلمه جدامي ويعني ها وقاله ليش ما تهتم في اهلك وما تطمن على ولدك والاساس هي زوجتك ليش انت جيه ... تصلي وتصوم وحاج بعد غير هذا كيف تغلط في حق اختي .. وانا ساكت عنك موب عشان شي ... ما تباها ولا متزوج ولا تعرف أين كانت خبرنا عشان نكون على بينه موب بس جيه سبهلله عايش معاها وتعطي ربعك الحق وامك وابوك تيلس معاهم وزوجتك وبيتك اخر اهتمامك ؟؟؟ وين صارت ؟؟ نحن ما منعناك من اهلك بس بعد زوجتك من حقها انك تجابلهم واذا عندك أي مشكله معاها كلمني وانا بنفسي بوقفها عند حدها ... طبعا نفس الاهبل ساكت ومايقول شي .. لا وخلاص وخلاص .. قاله على كل مشكله تقول خلاص وخلاص وبس وعقبها في اشياء ثانية تطلع .... ابوي مثل ما دخات بالمعروف اطلع بالمعروف اذا ما تباها ولا انك اتسوي جيه ؟؟؟؟ وهذا اللي صار عند اخوي وانا ما فضلت اني ادخل اهلي عشان ما يسوون شوشرة عل الفاضي وعقبها يترسون مخه بكلامهم الفاضي اللي زوجي حضرته يفهمه على كيفه مثل قبل سالفه البعوض كان مسافر من وراي ويا انصاص الليالي وللاسف اهلي ردوه لي وتحملت غصبا عني ولي الحين متحمله غصبا عني ابوي قاله ما فيها شي خله الريال يسافر ويستانس مع ربعه .. اوكي هذا الريال العاقل اللي الوحده تتطمن يوم هو محد وتغمض عينها وبدوووووون أي شي تكون بينهم ثقه وصدق احساس ومشاعر موب انسان الجذب يجري بداخله وبدمه دايما حضرته يذكرني ابوج قال لي عادي اذا بتسافر انا ما يبت شي من عندي تخيلوا فسر المعنى على كيفه وابوي قالها بحسن نية وحضرته شوفوا نيته الشينه ...
تخيلوا يا بنات والله كنت بنفجر وحسيت بنفسي ولاشي جدامه .. يعتبرني ساذجه وااايد .. تخيلوا شو شفت امس بالعقل يعني المينوووووووووووون بيصير عاقل والعمي بيشوف على اللي سواه ... تخيلوا شو شفت ؟؟؟؟؟؟؟؟؟؟؟؟؟؟؟
يعني انا وحده معرسه وما بتمر علي هاي السوالف مرووووووووووووووور الكرام واشوي وبكمل 3 سنوات .. بس ان شاء الله ما اكملها بقولكم ليش ... الحقير شفت على رقبته ...... اتوقع عرفتوا ويوم اساله تخيلوا الوقاحه والجذب شو يقول ؟؟؟ شو تتوقعون ؟؟
قرصه بعووووووووووووووض !!!!!!!! بالله عليكم القرصه تكبر جيه ؟؟ وتنتفخ ؟؟ والبعوض الاهبل ما حصل مكان غير هني ؟؟؟؟؟؟؟؟؟؟؟؟
المهم ما قدرت اسكت وتحملت لي العصر واتصلت في اربيعتي وقلت لها الموضووووع وشارت علي اني المفروض ما اسكت والمشكله الثانية انه اهلي لو تدخلوا يوقفون في صفه لانهم يبون مصلحتي لكن كرامتي عادي تنداس جدامهم وانذل ولا انهم يخربون علي حياتي .. اللي هي اصلا جحيم ونكد وجذب في جذب ... بنات والله اني طالعه من بيئه محترمه ما تعرف الجذب وعندنا اخلاق ومدينين والعيبة ما تطلع منا لو شو ما يصير ... امي تتحمل الغلط ولا انها تغلط على أي كان وتباني اكووون مثلها وانا ما اقدر الصراحه .. ابا حقي .. اربيعتي شارت علي اني ما اسكت لانها تعرف بلاوي ثانية بس انا ما ذكرتها ومن ضمنها بعد يدخل الجذب بس ربه كشفه لي والاهل تدخلوا ولا سووا شي .. وقال خلاص وعقب سنه واشوي شفت قرصه البعوض على قولته ؟؟؟؟ انا مستغربه والله كلمت اخوي وطرشت له مسج قلت له بليز ما اريد حد يعرف وموضوع ضروري .. يا المسكين وما قصر وقلت له انه جيه وجيه وجيه ... قال انا مب مصلح اجتماعي بس بسوي اللي علي وقلت له كلمه بالزين هذا يتحرى انه ما وراي اهل ووووووو يمصخها .. زين انه خذ الموضوع بهداوة ولا هو وايد عصبي وعادي كان بيسوي فيه شي .. يلس معاه وكلمه جدامي ويعني ها وقاله ليش ما تهتم في اهلك وما تطمن على ولدك والاساس هي زوجتك ليش انت جيه ... تصلي وتصوم وحاج بعد غير هذا كيف تغلط في حق اختي .. وانا ساكت عنك موب عشان شي ... ما تباها ولا متزوج ولا تعرف أين كانت خبرنا عشان نكون على بينه موب بس جيه سبهلله عايش معاها وتعطي ربعك الحق وامك وابوك تيلس معاهم وزوجتك وبيتك اخر اهتمامك ؟؟؟ وين صارت ؟؟ نحن ما منعناك من اهلك بس بعد زوجتك من حقها انك تجابلهم واذا عندك أي مشكله معاها كلمني وانا بنفسي بوقفها عند حدها ... طبعا نفس الاهبل ساكت ومايقول شي .. لا وخلاص وخلاص .. قاله على كل مشكله تقول خلاص وخلاص وبس وعقبها في اشياء ثانية تطلع .... ابوي مثل ما دخات بالمعروف اطلع بالمعروف اذا ما تباها ولا انك اتسوي جيه ؟؟؟؟ وهذا اللي صار عند اخوي وانا ما فضلت اني ادخل اهلي عشان ما يسوون شوشرة عل الفاضي وعقبها يترسون مخه بكلامهم الفاضي اللي زوجي حضرته يفهمه على كيفه مثل قبل سالفه البعوض كان مسافر من وراي ويا انصاص الليالي وللاسف اهلي ردوه لي وتحملت غصبا عني ولي الحين متحمله غصبا عني ابوي قاله ما فيها شي خله الريال يسافر ويستانس مع ربعه .. اوكي هذا الريال العاقل اللي الوحده تتطمن يوم هو محد وتغمض عينها وبدوووووون أي شي تكون بينهم ثقه وصدق احساس ومشاعر موب انسان الجذب يجري بداخله وبدمه دايما حضرته يذكرني ابوج قال لي عادي اذا بتسافر انا ما يبت شي من عندي تخيلوا فسر المعنى على كيفه وابوي قالها بحسن نية وحضرته شوفوا نيته الشينه ...
r
06-01-2008 | 11:37 AM
خله يسافر بس بعد يتصل فينا ويطمن يا ناس ناقصنكم شي تبون شي .. مو يترك الحابل بالنابل ولا سؤال ولاهم يحزنون ... لا الله يرضى ولا رسووووووووووووووله الصراحه .. ويالس يحلف بالحج اللي سارله وان شاء الله انه الله ما يتقبل منه اذا هو جذاب او يتحايل عليه .. حتى ولا اعتذر لي بعد ما اخوي راح ولا ياني يحط النقاط على الحروف ... هو شو يبا مني بالضبط ؟؟؟ يا ناس ابا اطمن اعيش معاه بسلام وامان وحياه ما فيها مشاكل ولا جذب بس مو قادرة .... اهله ما ربوهم على الصدق اذا الام والاب غير صريحين ويقصون على الناس كيف الولد يطلع زين ؟؟؟؟ والله لو كنت اعرف جان ما خذته ولا بهدلت نفسي فيه لا والطامه الكبرى اني حاااااااااااااااااااااااااااااااااااااااااااااااامل ... الحمد لله على كل شي ... بس صدقوني ما ابا .. بليز اللي عندها أي شي ينزل الياهل خبروني كفاية واحد ... الثاني ليش ايي واعذبه زياده بينا بليز ساعدوووني والله ما اروووم اعيش معاه .. خلكم في مكاني ... حياتي كلها جذب وتيلفوناته ما يرد عليها ولا يسال ولا شي شو اسوي الله تعبت على الاقل انا في البداية الحين ... يمكن في امل .. والله ابا اعيش حياتي لولدي فقط ماابا حد ثاني ومشاكل مرة ثانية ... بليز حسوا فيني اشوي ... انا اعرف انه هذا الشي حرام بس اللي ايده في النار مو مثل اللي ايده في الماي .... ومو حرام اللي هو يسويه فيني غير هذا عافته نفسي خلاص انتوا ما تعرفون شو سوين فيه امس .... مو قادرة والله .. عقب ما نمنا خذيت كل اللحاف عنه وقلت له موت من البرد ... عادي تحمل بس نصل الليل حضرته ماخذ اشوي من اللحاف وانا طبعا في خبر كان ... عقبها ب3 ساعات انتبهت قمت 3 ونص الفير وسحبت عنه اللحاف مرة ثانية وطردته برع الغرفه ... وقلت له روح عند الحريم الخياس خلهم ينفعونك وخلهم يسوون فيك اللي تباه .. وطردته برع ... والساعه 6 الصبح شفته يتلبس ... وقبل ما انام ياسه وادعي عليه واقول حسبي الله عليك يا الجذاب ياالمغازلجي ابو الحريم حتى يوم ولدي يقول بابا اقول له لا تقول بابا ابوك مات وهو يسمع .... خله والله يا بنات صبري نفذ مع هل الانسان بكرهه في حياته لي ما يطلق هذا اللي اباه ... صح بزعل يومين بس برتااااااااااااااااااااااح دهر واللي ياب هذا اييب 10 غيره واحسن منه بعد ..... من الصبح طبعا ما اتصل ولا طرش مسج او أي شي ... جان اطرش له قبل ما ادخل الدوام ... ((الله ياخذك واكرهك واتمنالك الموت ... وطلقني )) حضضرته يطرش لي مسجات اني احبج واموت فيج .. تخيلوا ؟؟؟ وانا اقوله حبك برص وعقارب يا اللي ما تستحي لو عندك حيا جان طلقت وريحتني وقلت له انا بتخلص من الياهل قالي سوي اللي يريحج وانا بالفعل ناوية ... بس بليز عطوووووووووني الطريقه .. لاني وصلت حدي معاه .. وما ودي اكمل مشواري معاه والله بس اهلي واهله ما منهم فايده اذا ادخلوا في الموضوووووووووووووووووع بيزيدووووووووووون الطين بله ... وانا ابا انتهي بسلام ... بس هو ما حاب انه يطلق .... ويبا يلعب على كيفه ... انا ما كتبت ولا ييت لكم الا ابا مشوووووووووووورتكم ونصااااااااااايحكم ... انقذووووووووووني خواتي
واسفه جدا جدا على الاطاله .. غصبن عني من القهر اللي فيني مو اكثر ....
والله يوفق الجميع .... وانا اتاسف عن الكلمات اللي بدرت مني بس حبيت اني اوضح لكم اللي بينا بالضبط .... والحمد لله هذا مو اسلوبي مع أي كان في الحياه ... طيبة وحنونه ومالي دخل في حد الا هذا الانسان اللي يرفع ضغطي واييب لي امراض الدنيا وغير هذا اقول اذا رب العالمين كاتب لي عمر 30 سنه هذا بيخليهم 28 من كثر ما انا متعذبة معاه وانا متاكده مليووووووووون بالمية اذا لي حق اكيد رب العالمين بيعطيني اياه بس مالي صبر والله .... انقذوني وساعدوني وان شا ءالله يكون في ميزان حسناتكم
اختكم المتألمه : روووووووووووووووووووووووووووز
واسفه جدا جدا على الاطاله .. غصبن عني من القهر اللي فيني مو اكثر ....
والله يوفق الجميع .... وانا اتاسف عن الكلمات اللي بدرت مني بس حبيت اني اوضح لكم اللي بينا بالضبط .... والحمد لله هذا مو اسلوبي مع أي كان في الحياه ... طيبة وحنونه ومالي دخل في حد الا هذا الانسان اللي يرفع ضغطي واييب لي امراض الدنيا وغير هذا اقول اذا رب العالمين كاتب لي عمر 30 سنه هذا بيخليهم 28 من كثر ما انا متعذبة معاه وانا متاكده مليووووووووون بالمية اذا لي حق اكيد رب العالمين بيعطيني اياه بس مالي صبر والله .... انقذوني وساعدوني وان شا ءالله يكون في ميزان حسناتكم
اختكم المتألمه : روووووووووووووووووووووووووووز
ع
06-01-2008 | 12:10 PM
أختــي وضعكـ ماينسكت عنه ابد
معقوله اهلك راح يرضون بكل هـذا ويسكتون انتي قولي حق ابوك ياخذ حقك منه ولاتسكتين
عنه
وحرام تنزلين البيبي
زوجكـ ماينفع تعيشين معااااااه ابد الكذب صفةسيئه بالرجل ,,,
أكثري من الدعااااااااااء والصلاء في اوخر الليل فيها فوائد كثيره على النفس
وان شاءالله ربي مايضيع حقكـ
ياااااااااااااااااااااااااااااااااااااااااااااااااااااااااااااااارب يفرجها عليك
وان شاءالله الخوات يفيدونك،
معقوله اهلك راح يرضون بكل هـذا ويسكتون انتي قولي حق ابوك ياخذ حقك منه ولاتسكتين
عنه
وحرام تنزلين البيبي
زوجكـ ماينفع تعيشين معااااااه ابد الكذب صفةسيئه بالرجل ,,,
أكثري من الدعااااااااااء والصلاء في اوخر الليل فيها فوائد كثيره على النفس
وان شاءالله ربي مايضيع حقكـ
ياااااااااااااااااااااااااااااااااااااااااااااااااااااااااااااااارب يفرجها عليك
وان شاءالله الخوات يفيدونك،
ع
06-01-2008 | 01:05 PM
اختى روز الله يكون بعونك ويصبرك ويعوض صبرك خير
انا ما الومك على اي كلمه قلتيها او اي احساس شعرتي فيه او اي فعل ودك تسوينه ....وهذا حقك في تنفيسك عن شحنة الغضب والاحساس بالقهر والألم اللي سبببه زوجك لك
لكن ياعزيزتي الأمور لاتأخذ بالشده والانفعال ولكن يجب محاولة تهدأة النفس قدر المستطاع لنعطي مجال للتفكير والعقل بأن يأخذ حقه في وضع القرارات المصيريه والمهمه بحياتنا ومن بينها قرار الطلاق او عدمه
حبيبتي روز....انا اقدرلك مشاعرك وغضبك لكن هل تعرفين انكي انتي وحدك المتضرره من هذا الألم والغضب والقهر اللذي يتملك مشاعرك وقلبك ويوجهك ويتحكم بكي مثل الرموت كنترول
فالبدايه قومي صلي واستخيري رب العالمين بأن يساعدك وينير قلبك وعقلك لاتخاذ القرار المناسب لكي ولعائلتك الصغيره......بعدها اجلسي مع نفسك وصارحيها بما تريدين وانتي في مرحله عقلانيه هادئه بعيده كل البعد عن الغضب وقررى مايناسبك ويريحك وماتريدينه انتي لا مايريده اهلك او من حولك لان هذا قرارك وحدك وحياتك انتي وليست لغيرك.....لانكي ان قررتي بناء على ماتريدينه فسترتاحين انتي بقية حياتك...لكن ان قررتي رضاءا لغيرك فلن تستطيعي ان ترضي نفسك ابدا ولن تحتملي نتائج هذا القرار
الانسان يعيش مره واحده بعمره فيجب ان يكون له الخيار الواعي بان يعيش كما ترضاه نفسه وترغبها وتحقق له الرضا والسعاده لا كما يريدها الآخرون
وتأكدي بان الانسان عندما يخطأ او يخدع او يكذب او يخون فهو يخون نفسه اولا ...وليس معناه ان الخطأ بشريكه......
واخيرا تأكدي بان الله لايكلف نفسا الا وسعها
بالتوفيق والله معك
انا ما الومك على اي كلمه قلتيها او اي احساس شعرتي فيه او اي فعل ودك تسوينه ....وهذا حقك في تنفيسك عن شحنة الغضب والاحساس بالقهر والألم اللي سبببه زوجك لك
لكن ياعزيزتي الأمور لاتأخذ بالشده والانفعال ولكن يجب محاولة تهدأة النفس قدر المستطاع لنعطي مجال للتفكير والعقل بأن يأخذ حقه في وضع القرارات المصيريه والمهمه بحياتنا ومن بينها قرار الطلاق او عدمه
حبيبتي روز....انا اقدرلك مشاعرك وغضبك لكن هل تعرفين انكي انتي وحدك المتضرره من هذا الألم والغضب والقهر اللذي يتملك مشاعرك وقلبك ويوجهك ويتحكم بكي مثل الرموت كنترول
فالبدايه قومي صلي واستخيري رب العالمين بأن يساعدك وينير قلبك وعقلك لاتخاذ القرار المناسب لكي ولعائلتك الصغيره......بعدها اجلسي مع نفسك وصارحيها بما تريدين وانتي في مرحله عقلانيه هادئه بعيده كل البعد عن الغضب وقررى مايناسبك ويريحك وماتريدينه انتي لا مايريده اهلك او من حولك لان هذا قرارك وحدك وحياتك انتي وليست لغيرك.....لانكي ان قررتي بناء على ماتريدينه فسترتاحين انتي بقية حياتك...لكن ان قررتي رضاءا لغيرك فلن تستطيعي ان ترضي نفسك ابدا ولن تحتملي نتائج هذا القرار
الانسان يعيش مره واحده بعمره فيجب ان يكون له الخيار الواعي بان يعيش كما ترضاه نفسه وترغبها وتحقق له الرضا والسعاده لا كما يريدها الآخرون
وتأكدي بان الانسان عندما يخطأ او يخدع او يكذب او يخون فهو يخون نفسه اولا ...وليس معناه ان الخطأ بشريكه......
واخيرا تأكدي بان الله لايكلف نفسا الا وسعها
بالتوفيق والله معك
r
06-01-2008 | 01:16 PM
عنفوان أنثى : اشكرج اختي العزيزة على مرووورج الطيب ... واتمنى انه رب العالمين يعوض صبري خييييير
لاني تعبت الصراحه من الجذب .... الله يعين بس
عيني تحبك : مشكووووووووووووورة عزيزتي على النصيحه ... ان شاء الله باخذ بها وبصلي وبدعي ... مع اني سويتها بس هذا ما يمنع اني اسويها مرة ثانية واذا لي الخير معاه .. ترى ما بيصير شي بينا والامور بتتيسر واذا باعني ببيعه وبخليه يصيح دم خخخخخخخخخخخخخخخخ والله يوفق الجميع يا رب
روووووووووووووووووووز
لاني تعبت الصراحه من الجذب .... الله يعين بس
عيني تحبك : مشكووووووووووووورة عزيزتي على النصيحه ... ان شاء الله باخذ بها وبصلي وبدعي ... مع اني سويتها بس هذا ما يمنع اني اسويها مرة ثانية واذا لي الخير معاه .. ترى ما بيصير شي بينا والامور بتتيسر واذا باعني ببيعه وبخليه يصيح دم خخخخخخخخخخخخخخخخ والله يوفق الجميع يا رب
روووووووووووووووووووز
~
06-01-2008 | 01:19 PM
بسم الله الرحمن الرحيم
اولا حبيبتي هدئي اعصابك انا اعرف ان رجالك رافع ضغطك على العالي
بس ما تلاحظين ملاحظه
زوجك ليه يرد عليك بكل برود؟؟؟؟؟؟؟
انا الصراحه من جد محتاره في تصرفه هذا؟؟؟
شوفي معك كل الحق انك تعصبين لان تصرفاته مب طبيعيه!!!!!!!
شوفي اولا الطفل ماله ذنب انك تسقطينه؟؟؟انتي ماتعرفين يمكن يكون لك عون بعد الله في المستقبل
فافكرة تسقيطه شيليها من بالك
اعرف انك معصبه وتقولين كلام من القهر؟؟؟؟
مب حل المشكله الطلاق؟؟؟؟؟؟؟خطأ
انتي اهدئي وابعدي عن زوجك شوي وخلينا نفكر حنا والبنات زين
يمكن انتي معصبه زود عشانك حامل وتتوحمين
شوفي ان شاء الله زوجك يتغير
انتي مب مثل البنات اللي في المنتدى اللي يطقها زوجها ومن جد ساحب عليها
ولي عوده
اولا حبيبتي هدئي اعصابك انا اعرف ان رجالك رافع ضغطك على العالي
بس ما تلاحظين ملاحظه
زوجك ليه يرد عليك بكل برود؟؟؟؟؟؟؟
انا الصراحه من جد محتاره في تصرفه هذا؟؟؟
شوفي معك كل الحق انك تعصبين لان تصرفاته مب طبيعيه!!!!!!!
شوفي اولا الطفل ماله ذنب انك تسقطينه؟؟؟انتي ماتعرفين يمكن يكون لك عون بعد الله في المستقبل
فافكرة تسقيطه شيليها من بالك
اعرف انك معصبه وتقولين كلام من القهر؟؟؟؟
مب حل المشكله الطلاق؟؟؟؟؟؟؟خطأ
انتي اهدئي وابعدي عن زوجك شوي وخلينا نفكر حنا والبنات زين
يمكن انتي معصبه زود عشانك حامل وتتوحمين
شوفي ان شاء الله زوجك يتغير
انتي مب مثل البنات اللي في المنتدى اللي يطقها زوجها ومن جد ساحب عليها
ولي عوده
r
06-01-2008 | 01:42 PM
~همس~ :: مشكووووووووووووووورة اختي العزيزة على وقفتج معاي ... انا موكله امري لله عزوجل وانتي ما تعرفين كم صار لي وانا انتظر الحمل ويمكن يطلع خير علي ....
وانا نفسك بالضبط ... هو حضرته هادئ جدا ومو هامه شي ويعاملني بكل هدوء .. مسوي نفسه مسكيييين وهو سكييييييييييييييييييين يطعني ... ابا ارتاح منه والله احس انه كابوس ... ابا اصحى منه بدون اذى ...
بليز بنات شوروا علي بالنصيحه مو قادرة افكر عدل ... وربي على كل ظالم ... حسبي الله ونعم الوكيل في كل ظالم ... احيانا ادعي عليه وعلى اهله ... صح هم ما لهم دخل فينا بس هم ما يسوون شي ما ينحركوووون نفس الكرسي ما يهمهم حد ... اذا بنتهم زوجوها بدووووون ما المعرس يجي ياخذها .. الله يستر علينا وعليهم بس .. ورانا عيال اللهم لا شماته ... بس عشان حابة اوضح مدى الاستهتار عندهم .....
واهلي ما يبون يخربوووووون حياتي واطلق اصير اول وحده في العايله مطلقه !!!! ما عندهم استعداد ... بالرغم من اي مشكله لاااااااااااااازم اتحمل هذي وجهه نظرهم .. وغير هذا ييلسووون ويعايرووون الواحد طوول ما هو عايش على اخطاءه !!!! لاني مرة كلمت اهلي عنه وعن سفره زوجي للبحرين ... لي اليوم وهم يذكروني وجدامه ويقولوووووووووووون لي يودييييييييييييه عدل .... الله يستر بس
انا متلخبطه وما حابة اعيش ولا اكمل مع زوجي ... احس انه خاين واهبل يهتم في كل شي وانا اخر شي ...
رووووووووووووووووووووووز
وانا نفسك بالضبط ... هو حضرته هادئ جدا ومو هامه شي ويعاملني بكل هدوء .. مسوي نفسه مسكيييين وهو سكييييييييييييييييييين يطعني ... ابا ارتاح منه والله احس انه كابوس ... ابا اصحى منه بدون اذى ...
بليز بنات شوروا علي بالنصيحه مو قادرة افكر عدل ... وربي على كل ظالم ... حسبي الله ونعم الوكيل في كل ظالم ... احيانا ادعي عليه وعلى اهله ... صح هم ما لهم دخل فينا بس هم ما يسوون شي ما ينحركوووون نفس الكرسي ما يهمهم حد ... اذا بنتهم زوجوها بدووووون ما المعرس يجي ياخذها .. الله يستر علينا وعليهم بس .. ورانا عيال اللهم لا شماته ... بس عشان حابة اوضح مدى الاستهتار عندهم .....
واهلي ما يبون يخربوووووون حياتي واطلق اصير اول وحده في العايله مطلقه !!!! ما عندهم استعداد ... بالرغم من اي مشكله لاااااااااااااازم اتحمل هذي وجهه نظرهم .. وغير هذا ييلسووون ويعايرووون الواحد طوول ما هو عايش على اخطاءه !!!! لاني مرة كلمت اهلي عنه وعن سفره زوجي للبحرين ... لي اليوم وهم يذكروني وجدامه ويقولوووووووووووون لي يودييييييييييييه عدل .... الله يستر بس
انا متلخبطه وما حابة اعيش ولا اكمل مع زوجي ... احس انه خاين واهبل يهتم في كل شي وانا اخر شي ...
رووووووووووووووووووووووز
ا
06-01-2008 | 02:14 PM
(واصبر وما صبرك الا بالله)
اختي الله يكون في عونك ومافي شي بصراحه اصعب من خيانة الزوج
لكن حبيبتي عندي نقاط ابغاك تطبقينها اذا قدرتي وحاولي بقدر الامكان ماتهملينها
وقبل هذا كله فكرة تنزيل البيبي امسحيها من راسك اذا انتي تبغين من الله يصلح امورك فلا تعصينه
بل الجئي اليه وألحي اليه بالدعاء
ومثل ماقالت لك الاخت عيني تحبك الزمي صلاة الاستخاره وداومي عليها
اقرأي سورة البقره اربع شهور متواصله بدون انقطاع يوميا فاخذها بركه وتركها حسره
ولاتاخذ منك ساعه بالكثير
اخذي لك مسجله وشغلي شريط البقره فيه وافضل قراءه الشيخ السديس او ماهر المعيقلي
اوخالد القحطاني تلاوتهم سبحان الله فيهاخشوع وتلين القلبوب القاسيه
اكثري من الاستغفار والذكر وابتعدي عن سماع الاغاني واذا عندك غنوات منها شفريها
فليس لنا من سماعها الا الذنوب والمصائب (لايغير الله مابقومٍ حتى يغيروا مابأنفسهم)
اقعدي مع نفسك اشوي واسألي روحك وش الاشياء اللي تستدعي الزوج يبحث عن المتعه خارج بيته
ومثل ما قلتي زوجك يصلي ويخاف الله وشلون تحدث معه هالامور فربما اشغلتك الحياه ومتاعبها وكثرة المسؤليات
عن نقاط تعتبرينها بسيطه لاكنها عنده كبيره
اكثري من الصدقه ففيها فرج من كل ضيق باذن الله وهذا اللي بزوجك مرض ابتلي به وموقادر يتخلص منه
وبالأستغفار والصدقه ان شاء الله انه بيرجع لك احسن من قبل ووكلي امرك لله ( ومن يتوكل على الله فهو حسبه )
احرميه من المعاشره الزوجيه لين يقول خلاص حرمت وذكريه بنقطه مهمه
( اذا انت موخايف على نفسك ولا علي فانا ماعندي استعداع
بعيد الشر ان شاء الله..... يجي يوم ويتيتمون عيالي من الاب والام وطريقك هذا ماوراه الا الايدز )
وربي مانهى الانسان من شيء الا فيه صلاح له
امسكيه بهدوء واجلسي معه وخيريه باحد الامرين ياتشيلين اغراضك ولا يحلم برجعتك ابد
او انه يجلس معك وتفتحين قلبك لك وهويفتح قلبه لك
واذا الله هداه وجلس ابدا بمدح خصاله يوم عرفتيه وانك ماوافقتي عليه الامن هذا المنطلق
قولي له بصراحه اكثر شي عجبني فيك التزامك وحفظك لفرضك وحنيتك وطيبتك بالرغم من البيئه اللي انت عايش فيها عجبتني وملكة قلبي وعقلي قبل لا تملك علي وما انسى الايام الجميله معك
وش اللي صاروغيرك على بعد هالحب والعشره
اذا انا حصل مني في حقك اي تقصير واجهني به ولا تطعني من الخلف
وانا على اتم استعداداني اسعدك واهنيك واوفر لك كل ماتحب
جا يوم وشفت مني شي مايرضيك قلّي عنه
ووضح لي وش الاشياء اللي انت تدورها برا مالقيتها هنا
صارحني قلي يافلانه ترى انا بغي كذا وكذاويعجبني كذا وخاطري في كذا وما ابغي ادورهم عند غيرك
وشوفني بعدها اذا مانفذت اللي ودك ذيك الساعه لك الحق تسوي اللي براسك
حط نفسك بمكاني لو حدث العكس وشهوا شعورك بذيك اللحظه
وبعد هذا كله ذكريه ووعيه من نومه وخليه يحط فراسه شي هو ناسيه
قولي له الدنيا دواره وانا ما ابغي يجي يوم واشوف بناتي ياخذ ربي حق الناس منك فيهم
ومستحيل اني اقعد معك وانتظر هاليوم لين يجي واذكري له قصة السقا ( دقه بدقه ولو زدت لزاد السقا )
وانا اليوم انشاء الله بنزلها المنتدى وعسى الله يقدم لكم اللي فيه الخير
اختي الله يكون في عونك ومافي شي بصراحه اصعب من خيانة الزوج
لكن حبيبتي عندي نقاط ابغاك تطبقينها اذا قدرتي وحاولي بقدر الامكان ماتهملينها
وقبل هذا كله فكرة تنزيل البيبي امسحيها من راسك اذا انتي تبغين من الله يصلح امورك فلا تعصينه
بل الجئي اليه وألحي اليه بالدعاء
ومثل ماقالت لك الاخت عيني تحبك الزمي صلاة الاستخاره وداومي عليها
اقرأي سورة البقره اربع شهور متواصله بدون انقطاع يوميا فاخذها بركه وتركها حسره
ولاتاخذ منك ساعه بالكثير
اخذي لك مسجله وشغلي شريط البقره فيه وافضل قراءه الشيخ السديس او ماهر المعيقلي
اوخالد القحطاني تلاوتهم سبحان الله فيهاخشوع وتلين القلبوب القاسيه
اكثري من الاستغفار والذكر وابتعدي عن سماع الاغاني واذا عندك غنوات منها شفريها
فليس لنا من سماعها الا الذنوب والمصائب (لايغير الله مابقومٍ حتى يغيروا مابأنفسهم)
اقعدي مع نفسك اشوي واسألي روحك وش الاشياء اللي تستدعي الزوج يبحث عن المتعه خارج بيته
ومثل ما قلتي زوجك يصلي ويخاف الله وشلون تحدث معه هالامور فربما اشغلتك الحياه ومتاعبها وكثرة المسؤليات
عن نقاط تعتبرينها بسيطه لاكنها عنده كبيره
اكثري من الصدقه ففيها فرج من كل ضيق باذن الله وهذا اللي بزوجك مرض ابتلي به وموقادر يتخلص منه
وبالأستغفار والصدقه ان شاء الله انه بيرجع لك احسن من قبل ووكلي امرك لله ( ومن يتوكل على الله فهو حسبه )
احرميه من المعاشره الزوجيه لين يقول خلاص حرمت وذكريه بنقطه مهمه
( اذا انت موخايف على نفسك ولا علي فانا ماعندي استعداع
بعيد الشر ان شاء الله..... يجي يوم ويتيتمون عيالي من الاب والام وطريقك هذا ماوراه الا الايدز )
وربي مانهى الانسان من شيء الا فيه صلاح له
امسكيه بهدوء واجلسي معه وخيريه باحد الامرين ياتشيلين اغراضك ولا يحلم برجعتك ابد
او انه يجلس معك وتفتحين قلبك لك وهويفتح قلبه لك
واذا الله هداه وجلس ابدا بمدح خصاله يوم عرفتيه وانك ماوافقتي عليه الامن هذا المنطلق
قولي له بصراحه اكثر شي عجبني فيك التزامك وحفظك لفرضك وحنيتك وطيبتك بالرغم من البيئه اللي انت عايش فيها عجبتني وملكة قلبي وعقلي قبل لا تملك علي وما انسى الايام الجميله معك
وش اللي صاروغيرك على بعد هالحب والعشره
اذا انا حصل مني في حقك اي تقصير واجهني به ولا تطعني من الخلف
وانا على اتم استعداداني اسعدك واهنيك واوفر لك كل ماتحب
جا يوم وشفت مني شي مايرضيك قلّي عنه
ووضح لي وش الاشياء اللي انت تدورها برا مالقيتها هنا
صارحني قلي يافلانه ترى انا بغي كذا وكذاويعجبني كذا وخاطري في كذا وما ابغي ادورهم عند غيرك
وشوفني بعدها اذا مانفذت اللي ودك ذيك الساعه لك الحق تسوي اللي براسك
حط نفسك بمكاني لو حدث العكس وشهوا شعورك بذيك اللحظه
وبعد هذا كله ذكريه ووعيه من نومه وخليه يحط فراسه شي هو ناسيه
قولي له الدنيا دواره وانا ما ابغي يجي يوم واشوف بناتي ياخذ ربي حق الناس منك فيهم
ومستحيل اني اقعد معك وانتظر هاليوم لين يجي واذكري له قصة السقا ( دقه بدقه ولو زدت لزاد السقا )
وانا اليوم انشاء الله بنزلها المنتدى وعسى الله يقدم لكم اللي فيه الخير
ش
06-01-2008 | 02:19 PM
انا قاعــــــــــدة اقرى الاسم مرة و اثنين و ثلاث هذي روز اللي كانت طايرة بالياهل و فرحتنا وياها و لا انا احــــــلم؟؟!!!!!!!!! لييييش جذي شذنبه الياهل اللي في بطنج تبين تاذينه حرااااااااام هالكلام الغالية حتى لو الواحد يكون شفيه في اشياء ما تنقال شهالكلام الله يهداج استغفري ربج بس.. هذي نفس و رزقها مكتوب عند الله و نتي تعرفين هالشي بس هذا الشيطان يوسوس لج تعوذي منه ..امـــــــــــا المشكلة الثانية من حقج تزعلين صراحة حركات ما تسوى شهالكلام بعوض و لا ذباب الجواب باين من عنوانه ..اللي يسويه غلط في غلط بس شكله مو ماخذ الموضوع بجدية اساسا و هذا اللي يزيد العصبية ..البيئة اللي ياي منها مو مهمة الحين هذي السوالف كانت مهمة قبل الزواج يعني كل اللي يهمج انه يعتدل و يخلي هالسوالف عنه ..انتي بعد هالسالفة جربتي تقعدين معاه و تكلمينه عن حياتكم يعني غير المسجات و الكلام اللي تسمعينه ياه ؟ لاني الي اشوفه انه مستهتر بالسالفة يعني مو حاس بحساسيتها او بغلطته علشان جذي ردة الفعل المطلوبة مو لاقيتها ..و على فكرة هو النقطة الزينة فيه انه مو معصب و مازم حاله يعني لاحظي انج تقوليله كلام مو زين و هو يرد عليج بكلام حب و هذي نقطة تفاؤل ..قعدي معاه و كلميه بحزم وقوليله انت شاري بيتك و عيالك و لا بايعهم عشان ناس ما تسوى؟ يعني و من هالكلام ..ويارب يصلح حاله و الله يهديه و يجمع شملكم كلكم على خير ..و لااااااااا تفكرين تسوين شي فنفسج ابدددددا الله يهديج بس ..اهم من كل شي الجئي الى الله و ادعي لان الشكوى لله غييير ..
ا
06-01-2008 | 04:28 PM
والله قريت مشكلتك مره ومرتين بصراحة انا مااعرفه ورفع ضغطي ايش حال لو انتي الله يعينك بس
ادري انك معصبة لانه بصراحة مافي اصعب من الخيانة وهذا الشي ما بينسكت عنه اذا اهلك او اهله ماراح ينفعوك بشي
ايش رايك بعد ما تصلين صلاة الاستخارة تقعدين مع زوجك وتفهميه على كل شي اذا هو مسوي حاله مسكين وهو مظلوم ماعليك الا تطلبي طلاقك لانه الواحد لي تكذب مره ومرتين وثلاثة ما منه فايده والمشكلة لكبرى انه حتى ما يعترف انه كذاب ويحاول يصلح غلطه هذا لازم يروح لطبيب نفسي احسن له بس انه تعيشي معاه بعصبية وعذاب وخيانة مايصير واما عن فكرة تنزلين بيبي فهذا الشي حرام وربي ماراح يرضي عليك واذ هو يقوليك سوي لي تبي فهذا يعني عدم المسؤولية لا تخلي روحك مثله اصبري مع اولادك وان شاء لله ربي بيعوضك خير انا بتابع معاك موضوعك وان شاء الله ربي بيساعدك
ادري انك معصبة لانه بصراحة مافي اصعب من الخيانة وهذا الشي ما بينسكت عنه اذا اهلك او اهله ماراح ينفعوك بشي
ايش رايك بعد ما تصلين صلاة الاستخارة تقعدين مع زوجك وتفهميه على كل شي اذا هو مسوي حاله مسكين وهو مظلوم ماعليك الا تطلبي طلاقك لانه الواحد لي تكذب مره ومرتين وثلاثة ما منه فايده والمشكلة لكبرى انه حتى ما يعترف انه كذاب ويحاول يصلح غلطه هذا لازم يروح لطبيب نفسي احسن له بس انه تعيشي معاه بعصبية وعذاب وخيانة مايصير واما عن فكرة تنزلين بيبي فهذا الشي حرام وربي ماراح يرضي عليك واذ هو يقوليك سوي لي تبي فهذا يعني عدم المسؤولية لا تخلي روحك مثله اصبري مع اولادك وان شاء لله ربي بيعوضك خير انا بتابع معاك موضوعك وان شاء الله ربي بيساعدك
م
06-01-2008 | 04:38 PM
اختي لاتفكرين تتخلصين من الياهل وتعوذي من ابليس
هذا الياهل اللي ببطنج بيكون سند لج اذا تطلقتي لاسمح الله
هو اللي بيشيل امه
وبيملون حياتج بدل الوحده
هذا رايي
وبعدين مااعرف تعوذي من الشيطان ياروز انا رايي انج تصبرين عليه اشوي ازعلي منه ويمكن يجدي معاه ويجي يراضيك
الطلاق خليه اخر شي
يمكن الله يهديه ويتغير
الخيانه ماينسكت عنها
بس يمكن دامه حس انج صدق وصلتي حدج يحاول يتوب ويصحى
ربي يعينج اختي على بلواج
هذا الياهل اللي ببطنج بيكون سند لج اذا تطلقتي لاسمح الله
هو اللي بيشيل امه
وبيملون حياتج بدل الوحده
هذا رايي
وبعدين مااعرف تعوذي من الشيطان ياروز انا رايي انج تصبرين عليه اشوي ازعلي منه ويمكن يجدي معاه ويجي يراضيك
الطلاق خليه اخر شي
يمكن الله يهديه ويتغير
الخيانه ماينسكت عنها
بس يمكن دامه حس انج صدق وصلتي حدج يحاول يتوب ويصحى
ربي يعينج اختي على بلواج
ا
06-01-2008 | 04:47 PM
روز
عزيزتي
ماتصدقين لو اقولج اني أول وحده قرت مشكلتج لما نزلتيها بس احترت شقولج وقريتها اكثر من مره
وكل مره يطلع معاي راي غير الثاني
ولا ابي اكتب شي اندم عليه
ما اقول الا الله يكووووون بعونج
وسالفة الاجهاض شيليها من مخج
وصراحة البنات قالوا كل شي كنت بقوله بكل جهاته
صلي استخير اصبري
كل شي
وربي مدري شقولج
ما فيلي الا اني ادعيلج من كل قلبي
الله يكتب لك ما فيه الخير
سواء انج تكملين حياتج معاه وينصلح حاله وترضى نفسج عليه
او تتركينه الله لا يقوله ان شاء الله
عن جد عطينا اخبارج اول باول وانا اذا فكرت بحل يفيدج تاكيد على طول بجي اقوله لج
الله يكتب لك ما فيه الخير
عزيزتي
ماتصدقين لو اقولج اني أول وحده قرت مشكلتج لما نزلتيها بس احترت شقولج وقريتها اكثر من مره
وكل مره يطلع معاي راي غير الثاني
ولا ابي اكتب شي اندم عليه
ما اقول الا الله يكووووون بعونج
وسالفة الاجهاض شيليها من مخج
وصراحة البنات قالوا كل شي كنت بقوله بكل جهاته
صلي استخير اصبري
كل شي
وربي مدري شقولج
ما فيلي الا اني ادعيلج من كل قلبي
الله يكتب لك ما فيه الخير
سواء انج تكملين حياتج معاه وينصلح حاله وترضى نفسج عليه
او تتركينه الله لا يقوله ان شاء الله
عن جد عطينا اخبارج اول باول وانا اذا فكرت بحل يفيدج تاكيد على طول بجي اقوله لج
الله يكتب لك ما فيه الخير
s
06-01-2008 | 06:15 PM
يااااااااااااااااااااااااااااااااااااااااااااااااا ااااااااااااااارب يفرجها عليك
3
06-01-2008 | 08:28 PM
الله يعينج يا اختي لريلج من النوع اللي يقهر ويسوي عمره مسكين _ يا كرهي لهالنوع
بس يا اختي البيبي ماله ذنب
انتي ايلسي معاه وحاولي تتفاهمين معاه بهدوء ... بس اذا ما نفع معاه هالحل عامليه بالمثل
بس يا اختي البيبي ماله ذنب
انتي ايلسي معاه وحاولي تتفاهمين معاه بهدوء ... بس اذا ما نفع معاه هالحل عامليه بالمثل
ر
06-01-2008 | 09:06 PM
حبيتي ماينفع تسكتين وتقولين بضغط على نفسي
ليش يعني بتسوين هالشي بيصلح الاوضاع مثلا
فكري بعقلج
مثلا ضعطتي على نفسك وجبتي عيال منه وزادت المشاكل وكل شي فوق راسك انتي
اذا ماتحملك اكيد مراح يتحمل عيالك
هذا صدقيني اللي ينفع معاهم الضربه القويه على راسهم
يا انها تصحيهم او خلاص
دخلي اهلك هو يمكن لان شايفك ساكته ماخذ راحته
لازم اهلك يدرون ويفزعون لك
ويقولون له بتصير رجال ولا بنتنا مالها قعده وياك
وهذا رايي اختي
ليش يعني بتسوين هالشي بيصلح الاوضاع مثلا
فكري بعقلج
مثلا ضعطتي على نفسك وجبتي عيال منه وزادت المشاكل وكل شي فوق راسك انتي
اذا ماتحملك اكيد مراح يتحمل عيالك
هذا صدقيني اللي ينفع معاهم الضربه القويه على راسهم
يا انها تصحيهم او خلاص
دخلي اهلك هو يمكن لان شايفك ساكته ماخذ راحته
لازم اهلك يدرون ويفزعون لك
ويقولون له بتصير رجال ولا بنتنا مالها قعده وياك
وهذا رايي اختي
#
06-01-2008 | 09:06 PM
الله يعينك يالغلا
لكـــن لاتستعجلييييييين في الطلاق
وبعدين حراام عليك تنزلين الطفل ماتدرين يمكن مايكون لك عون في الدنيا بعد الله غيره
اصبري عليه واذا رجعتي ليه تغير في طريقة تعااملك معه يمكن تعاملك هو السبب ..!
الله يسخر لك يالغلا ويوووفقك ويسعععدك ويختار لك الصالح...
لكـــن لاتستعجلييييييين في الطلاق
وبعدين حراام عليك تنزلين الطفل ماتدرين يمكن مايكون لك عون في الدنيا بعد الله غيره
اصبري عليه واذا رجعتي ليه تغير في طريقة تعااملك معه يمكن تعاملك هو السبب ..!
الله يسخر لك يالغلا ويوووفقك ويسعععدك ويختار لك الصالح...
ع
06-01-2008 | 09:40 PM
لا حول ولا قوة الا بالله
اذيتي والله اصعب شي على الزوجة تشوف خيانته زوجها جدام عينها
بس اول شي الطفل ماله ذنب وهذا رزق من عند الله ومنو يعرف يمكن من يشوف طفله الثاني يكبر ويعقل شوي
انا اقترح عليك انك تتركيه او حاولي تاخذين ابنك وتروحين عند اي احد من اهلك خبريهم نفسيتك تعبانه من الحمل وتبغين راحه
ابعدي عنه وطنشيه
لا مسج ترسلين ولا تتصلين حتى لو مرت شهور
وان شالله ما تمر شهور ويحس على بعادك وبعاد ابنه ويراجع نفسه وتصرفاته
بس انا اشوفه هو اتمادى معاك بسبب اهلك
هو يمكن شايف ان اهلك شايفين تصرفاته صح ومو غلطان عشان جذي ساكتين
ومثل ما انتي قلتي لو يفسر على كيفه
بصراحه وضعك صعب الله يكون بعونك ويهديه ويراجع نفسه ويصلح حاله
اذيتي والله اصعب شي على الزوجة تشوف خيانته زوجها جدام عينها
بس اول شي الطفل ماله ذنب وهذا رزق من عند الله ومنو يعرف يمكن من يشوف طفله الثاني يكبر ويعقل شوي
انا اقترح عليك انك تتركيه او حاولي تاخذين ابنك وتروحين عند اي احد من اهلك خبريهم نفسيتك تعبانه من الحمل وتبغين راحه
ابعدي عنه وطنشيه
لا مسج ترسلين ولا تتصلين حتى لو مرت شهور
وان شالله ما تمر شهور ويحس على بعادك وبعاد ابنه ويراجع نفسه وتصرفاته
بس انا اشوفه هو اتمادى معاك بسبب اهلك
هو يمكن شايف ان اهلك شايفين تصرفاته صح ومو غلطان عشان جذي ساكتين
ومثل ما انتي قلتي لو يفسر على كيفه
بصراحه وضعك صعب الله يكون بعونك ويهديه ويراجع نفسه ويصلح حاله
ا
07-01-2008 | 11:53 AM
روز وين غطيتي
سبحان الله امس طول اليوم كنت افكر بسالفتج ودشيت اليوم بقولج نفس كلام اختي
روحي لاهلج
بــــــــــــــــــــــــــــــــــــــــــــــس
قوليله تعبانه بروح اريح عند اهلي ديري بالج تطلعين بشكل فيه هوشه او مشكله ديري بالج
واهلج قوليلهم تعبانه مقدر اقعد بروحي بالبيت والدكتوره تقول لا تتحركين واجد عشان ما يحسون بان فيه شي كبير عشان ما ياثرون عليج
روز
لا تسوين شي تندمين عليه بكره
خلي كل شي بهدوء
فتره
لين ربك يفرجها
انا اقترح عليك انك تتركيه او حاولي تاخذين ابنك وتروحين عند اي احد من اهلك خبريهم نفسيتك تعبانه من الحمل وتبغين راحه
سبحان الله امس طول اليوم كنت افكر بسالفتج ودشيت اليوم بقولج نفس كلام اختي
روحي لاهلج
بــــــــــــــــــــــــــــــــــــــــــــــس
قوليله تعبانه بروح اريح عند اهلي ديري بالج تطلعين بشكل فيه هوشه او مشكله ديري بالج
واهلج قوليلهم تعبانه مقدر اقعد بروحي بالبيت والدكتوره تقول لا تتحركين واجد عشان ما يحسون بان فيه شي كبير عشان ما ياثرون عليج
روز
لا تسوين شي تندمين عليه بكره
خلي كل شي بهدوء
فتره
لين ربك يفرجها
r
09-01-2008 | 08:02 AM
الجوهره 2000 : فديييييييييييييييتج حبيبتي ... مشكووووووووووووووووورة اختي على النصيحه وان شاء الله يكون هذا الشي في ميزان حسناتج يا رب ... والله لا يحرمني منكم يا بنات المنتدى ... وسبحان الله صح كلامج سورة البقرة وكل سور القران اتريح البال وتشيل الهموم والغموم ... والحمد لله نحن مبتعدين نهائيا عن الاغاني والدمار هذا اللي بالتلفزيونات ... شر عفاني الله .... الله يصلح بالنا يا رب ويهدينا ويهدي سائر المسلمين والمسلمات يا رب
شمس حياته : حبيبتي انتي ... احييج على نصيحتج اللي من ذهب .. سبحان الله صح اليهال نعمه من رب العالمين ... الف الحمد لله على هذا الشي ... واستغفر ربي والله اني فكرت مجرد تفكييييييييير بسيط في هذا الشي الكبير .. استغفر الله بس والله احيانا الانسان تمر عليه لحظات يكون فيها ضعيف ... وانا ما حصلت اي حد افض فض له عن اللي بداخلي .. والحمد لله بعد ما عرضت المشكله ما قصروا البنات وقفوا معاي ونصحوووني .. وان شاء الله ما يصير الا كل خيييييييييييير يا رب ... والله يحفظ النونو وتمر الشهوووووووووووووور بخير وسلام علي وعلى كل حااااااااااامل يارب ونقوم بالف سلامه ... والله يرزق كل من ودها تحمل بالحمل يارب ..
مشكوووووووووووووووووورة عمري على وقوووفج يمي وان شاء الله ما راح اعيد التفكير في مساله السقوط .. سامحني يا رب *___* ...
شمس حياته : حبيبتي انتي ... احييج على نصيحتج اللي من ذهب .. سبحان الله صح اليهال نعمه من رب العالمين ... الف الحمد لله على هذا الشي ... واستغفر ربي والله اني فكرت مجرد تفكييييييييير بسيط في هذا الشي الكبير .. استغفر الله بس والله احيانا الانسان تمر عليه لحظات يكون فيها ضعيف ... وانا ما حصلت اي حد افض فض له عن اللي بداخلي .. والحمد لله بعد ما عرضت المشكله ما قصروا البنات وقفوا معاي ونصحوووني .. وان شاء الله ما يصير الا كل خيييييييييييير يا رب ... والله يحفظ النونو وتمر الشهوووووووووووووور بخير وسلام علي وعلى كل حااااااااااامل يارب ونقوم بالف سلامه ... والله يرزق كل من ودها تحمل بالحمل يارب ..
مشكوووووووووووووووووورة عمري على وقوووفج يمي وان شاء الله ما راح اعيد التفكير في مساله السقوط .. سامحني يا رب *___* ...