زوجي والبعووووووض!!!

ماشاااءالله البنااات ماقصروو جزااهم الله خير

صلي الأستخااره وانشاءالله ربي يكتب لج الي فيه الخير

واليـــاااهل ماله ذنــب لاتنزليينه

والله يهدي باالج وييسر اموورج ويفرج همج ويعوضج امييييييييييييييين ياارب

الجوكره: تسلمين اختي العزيزة على وقفتج معاي وعلى اهتمامج في موضوعي .... وان شاء الله ما يصير الا الخير

مثل العسل55: هلا بج عزيزتي .. انتي مو مثل العسل لا انتي العسل كله *__^ ... مشكووورة الغالية على نصايحج والواحد دايما يتعوذ من ابليس النحس اعوذ بالله من الشيطان الرجيم ... والله يصلح بينا يا رب ويقدم اللي فيه الخير ..


ازهار مبعثره: ما قصرتي اختي ازهار ... الله يفرج همج ويرد زووجج لحضنج يا رب ويبعد عنكم عيال الحرام ويطمن بالج برجعته لج سالم غانم يا رب وينسى سالفه التغلي اشوي .... ما عليه تحملي اختي ... وانا اشكرج عزيزتي على نصايحج لي واهتمامج بموضوعي وان شاء الله ما يصير الا كل خييييير يا رب

Silvana: تسلمين عمري على الدعوة الحلوة .... وياااارب انك تحقق اللي ببال اختي سيلفانا يا رب وتنولها مرادها ان شاء الله

3afary: هلا وغلا ببنت بلادي .... الحمد لله يلست وتفاهمت معاه ومشت الامور بشكل حلو ... وان شا ءالله بخبركم بكل جديد .... الله يوفقج اختي وايسر امووورج يا رب


روح ملكية: مشكوووورة اختي على رايج الطيب وانا احترمه ... ربي يوفقج ويسعدج في الدنيا والاخرة ... والاهل اخر شي الصراحه ادخلهم لانهم ما يوقفون معاي ... يعني اكلم الهوى .. الحمد لله على كل حال


#احلى الصبايا#: تسلمين اختي على النصيحه الغالية ... وان شاء الله بحاول اني اغير من اسلوووبي للافضل ... والله يكتب لج الخير يارب ويحقق اللي في بالج اميييييييييييييين ...

عاشقة حتى البكاء: مشكوووووووووووووورة غناتي .... يمكن كلامج صح !! شايف اهلي ساكتين وااايد عنه وهو الحبيب ماخذ راحته ... الله يعين بس ويجدم اللي فيه الخير يا رب

مهاا والحلا لهاا : مشكوووووووووووووووورة عزيزتي .. ما قصرتي لا انتي ولا البنات ... والله يحقق امانيج يا رب

هلا بخواتي ... الصراحه ما حبيت اني امر على الموضوع مرووور الكرام .... على الاقل اشكر كل وحده ردت علي واهتمت بموضوعي .... ثاااااااااانكس خواتي وما قصرتوا واتمنى انه محد يطيح في هاي النوعية من المشااااكل لانه الصراحه عذاااااااااااااااب ...

وفي نفس الوقت حابة اني اطمنكم انه المياه ردت لمجاريها .. بخبركم كييييييييييييف وبكل سهووووووووله ....

بيني وبينكم انا خبرت اخوي الكبير بالموضوع من اول يوم صارت في المشكله .. يا البيت عندي وتناقشنا وزوجي يحلف يدام اخوي انه ما مسوي شي .. ويقول معقوولة انا بسوي جيه .. وانا الصراحه شكيت زياده قلت ليش يحلف ؟؟؟ وعادي عنده يحلف بالقران خفت زياده انه يحلف جذب وبعدها رب العالمين ينتقم من عيالي وعقبها ما يفيدني زوجي بشي وساعتها بموووووووووووووووت .... واخوي قال ما عليه دام انه حلف خلاص ما عندنا عذر ثاني ... صدقت مبدئيا .. وبعدها ما قدرت اسكت لانه الحبيب مسوي لي طاااف والموضوع ما هامه .. قمت واتصلت في واحد من المشايخ ورجال الدين من الغصه اللي فيني وقلت له كل شي .. اخذ رقمه وكلمه وتم يحلف له انه ما مسوي شي .. وهذا الرجال اتصل فيني وقال زووجج بريء ما مسوي شي وانتي لازم تصدقينه لانه يحلف ومافي اي شي اغلى من الحلف بالله ... قال لي اخذي الظاهر والحين ان شاء الله بيرد البيت وكانه ما صار شي ... ونفس الشي قال تعوذي من ابليس والياهل ما له اي ذنب قال انتي وصلتي لمرحله اشبه بالجنون اذا ما كان الجنون كله ... استغربت قال لي الشيطان شاطر ويوسوس وصدقي الظاهر وتوكلي على الله ان شاء الله ما فيه شي ... سمعت الكلام وبعدها تميت انتظر وما وصل .. اتصلت فيه قال لي نعم شو تبين ... قلت له ابا عشا انا ما اسال عنك *__* قال اوكي اطلعي برع انا واقف عند البيت .. خذيت ولدي ورحنا .... في الطريج قلت له ليش انتي اتسوي فيني جيه ؟؟ ما تباني طلقني ولا تروح وتلعب من وراي ... قالي لي والله العظيم انه اللي في بالج غلط في غلط ... قلت له كيف غلط وشي علامه على رقبتك قال لي اسمعي انا روحي ما اعرف هذا من شو قلت له انت تقولي مال البعوووض الحين غيرت اقواااالك ... قال: لاااا .. انا قلت يمكن من البعوووض او من الزوليه (السجاده) "وعلى فكرة نحن تونا مسوين جدام البيت ارضيه بالاسمنت يعني صفينا الارض لانها كانت رمله وحفر "..... قلت له كيييييييييف ... قال جدامج انا شليت الزولية عشان افرشها جدام باب البيت وكانت ثقيله وانا بنفسي شليتها محد ساعدني .. وشكله طرف الزولية ياي على رقبتي وحسيت بعوار بس ما عرفت ولا حطيت في بالي من شو هذا ... وثاني يوم بينت العلامه ... وغير هذا انا كنت معاج طووووووووووول الوقت ما رحت مكان الا مباراه الوصل مع الشعب ومع اربيعي وبعد المباراه رديت .. قلت له عادي اكلم اربيعك واتاكد ((طبعا ما بسويها بس بشوف رده فعله )) قال عادي قلت له وشو عرفني انك مو متفق معاه .... قال انا كنت مستعد اني اعطي اخوج رقم الريال ويكلمه اي وقت ... عل العموم قلت له خلاص يوم بنرد البيت اباك تحلف لي "لاني خفت يحلف وهو مو صادق وبعدها يطلع الانتقام في ولدي وطبعا هو يحب امه وابوه واايد مثل اي حد قلت ييبهم في الحلف " .. قال اوكي مستعد .. ويوم وصلنا البيت ياب القرآن وحلف لي عليه انه مامسوي شي واذا مسوي ان شا ءالله رب العالمين ينتقم منه ومن امه وابوه اهني ارتحت لانه مستحيل اي حد بيحلف بالله جذب .. الصراحه انا خفت على ولدي قلت يمكن الله ينتقم منه في ولده عقب شو بسوي في عمري قال انا مب مينون احلف باسم الله جذب .. وما عندي اعز من ولدي ومن اللي ياي في الطريج ان شاء الله ... يعني اطمني ... وقال لي انا مستعد اييب تقرير من الدكتور ويقولج مال شووو كان هذا .... عشان اتصدقين وقال لي بليييييييييييييييييييييييز رووووووووووز لا تشكين وايد ... خلي الشك في صوب والحمد لله انا جدامج ما اسوي شي وتعوذي من ابليس وطبعا حط في خاطره وااايد يوم قلت اني افكر اسقط الياهل قال بشوف كيف بتسوينها .. طبعا وقت الغضب والعصبية الواحد كل شي يقول ... بس الحمد لله على كل حال والله يحفظ لي جنيني يا رب واشوفه يدامي بصحه وعافيه يا رب وبيعد عنا وعن الجميع كل شر يا رب .... وتوته توته خلصت الحتوووته ^___^

وربي يوفق ويسعد كل وحده وقفت معاي ..... وان شاء الله اوقف معاكم بس مو في الاحزان لا في الافراح يا رب يا رب
والسموووووووووووووحه اذا اشغلت بالكم واثبتولي انكم بالفعل خواتي اللي ما اقدر استغني عنكم

اختكم المبتسمه *__* : رووووووووووووووووووووووووووووووووز

اخ ريحتنا الله يريح باللك ويفرج همك بصراحة احنا النسوان نشك في قمل ثيابنا والله ترى عن جد مب بس انتي مع انك تدرين انه مب مال هالسوالف بس بعد حبكتيها في مخك انه يسوي جذي الله يهديك ويهدينا معاك تراى كله من الحمل النفسية تعتفس الله يسخر زوجش لش ويجعلك ماء عينيه

ام جعفرين : هههههههههههههههه صدقتي والله الحريم ياسات حق الشك بس *__*
مشكوووووووووووورة الغالية على مرورج وان شاء الله محد يطيح باللي طحت فيه يا رب هههههههههههه

والله يخليلج بناتج يا رب ويكونون قرة عين لج ولابوهم يا رب ...

تقبلي تحياتي : رووووووووووووووووووووز

الحمدلله على كل حاااال 00
هااااااااااه اخبار النفسيه الحين ؟؟؟؟؟؟؟؟؟
انتبهي على روحك واحسني الظن مره ثانيه خخخخ
روز غلاتي العذر والسموحه ترى توني قريت الموضوع والردود عشان اكوناول باولمع الحدث وإلا شفت المشكله انحلت والحمدلله الف مبروك الله يسعدك ويطمن قلبك اكثر واكثران شاءالله00

عنييدة : هلا غناتي ... مشكوووووووووورة عمري على مشاركتج ووقفتج معاي ....

الحمد لله النفسية توووووووووووووووب التوووووووووووووووب ^__^ وهل المرة باذن الله بحسن الظن في زوجي وفي الناس بعد .... وربي يسعدج وينولج مرادج يا رب ....

اختج : رووووووووووووووووووووز

اختي اعلم والله بان الي صارلك مو سهل بس انتي قدها اختي كوني احسن منه ولاتستعجلين وتاخذين قرار
بعدها تندمين عليه اعرفي شتبين وتذكري قول الله تعالى (ان الله معا الصابرين )كثير عانو بعدها نالو
وشوفي اختي كل رجال وتصيرله نزوات وزلات وان كانت مختلفه من شخص لشخص
اختي مالك الا انك تصلين وتستخيرين ربك وتفكرين بالامر وانتي هاديه ولا تندمين على اي قرار بيسعدك وبيريحك
امنياتي والله لك بالسعاده والرضا
خبريني باخبارك واعتبريني اخت لك جاهزه للمشورى في اي وقت
اختك
احلام فتاه

الحمد لله رب العالمين

اختي صلي لك ركعتين وحمدي ربك اشكري فضله على ما انعم عليك به

واكثري من شكره وخاصة بالسجود واكثري الاستغفار فان بعض الظن اثم

وهذا مذكور بالقرآن الكريم والحمدلله والشكر له على رجوعكم لحياتكم الزوجيه

وانتهاء مشكلتكم وانتي اكيد انك دعيتي ربك وقت اجابه وربي استجاب لدعوتك

او انك تصدقتى على محتاج ودعالكم وربي قبل دعوته

عالعموم هذا درس لك ولنا وياك علشان مانستعجل في الحكم

ودائما تحكيم العقل في هالامور مطلوب

الف الف مبروك والله اقولها من كل قلبي وعسى الله يجمعكم على طاعته

ولاوصيكم ياخواتي ووصوا بها ازواجكم واولادكم هالله الله بالصلاة وفي وقتها

(فأن الصلاة تنهى عن الفحشاء والمنكر)

وباذن الله المصلي بيكون حاط الله قدامه في جميع اموره

ومايستطيع عليه الشيطان ولاغيره والزموا الاذكار وآية الكرسي بعد كل صلاة

وبتشوفون حياتكم كيف بتصير

طولنا عليك لكن والله من السعاده والسرور اللي نحس بها

وربٍ فرجها عليك ويسر امورك بفرجها على اختنا ازهار وييسر لها جميع امورها


قولوا آآآآآآآآآآآآآآآآمين

مــــــــــــــــــــــــــــــــ شاء الله تبارك الرحمن ــــــــــــــــــــــــــــــــــــــــــا
الله يتمم عليج ولا يغير
دوم ولا هي يوم هالسعاده والراحه يارب
والله العظيم اني فرحت لج من قلب
كني انا اللي انحلت مشكلتي


وبعدين انتي لاعاد تتعودينها
ترى الشك متى ما دخل الحياة الزوجيه ينهدم كل شي
وبعدين باين عليه يحبك وحليو الله لا يغير عليج
واخذيها درس ولا تتعودينها مو كل مره تسلم الجره


الله يسعدج يارب
وتولدين وتجيبين خطيبه عروسه حلوه لولدي
عشان يصير عذر كل شهر واحنا عندكم احنا وياها نقول حرام اشتاقت لاهلها <<< هي اشتاقت احنا شكو
هههههههههههههههههههههههههههههههههههههههه

^^
السلام عليكم
مرحبا اختيه
ماشاءالله والحمدلله انحلت مشكلتج ويا ريلجح,,الله لايغير عليكم يارب وتعيشين بسعاده دوووم,,
اهم شىء تكونى استفدتى من هالتجربه وتعلمتى والشك اكبر مدمر للزواج عشان جى وسعى صدرج واستمتعى بحياتج ويا ابوالشباب وربنا يكملج بعقلج,,والله يحفظ لج زوجج واللى ببطنج وتفرحين فيه
تحياتى
^^

الحمدلله الحمدلله الحمدلله الحمدلله ان الاموووووووووووور تيسرت و انه الله ريح بالكم احنا عاد ما صدقنا غبر كلامج و حسبنا ............. هههههههههههههههههه لانج كنتي متاكدة بس انا كنت شايفة انه ما كان مهتم سبحان الله لانه قال ما سوى شي ههههههههههههه و لا حاااس بشي طلع المسكين مظلوم انتي لا زعلتي لا سمح الله تعاليلنا يا بنت الحلال لا تسوين شي بعمرج يالزعوووولة هههه انا اقولج نصيحة مهما صار بينكم لا تحكمين على المشكلة الا يوم تقعدون و تتفاهمون مع بعض عشان كل واحد فيكم يوضح نفسه و يحكم على الكلام المباشر زين سويتي انج ما خيرتي باقي الاهل لانه السالفة الحين كانت بتكبر اقلها كلام الناس اللي يغث اللي بيطلع على ريلج فانتي فكري دووووم انكم واحد و سمعته بين اهلج تهمج اكيد و اذا كنتي مضطرة ماشـــــــاءالله اخوج موجود و صدق مبين انه حكيم فانتي الجئيله ..اما عن البيبي فانتي من الحين لاااااااازم تعتبريه عضو من اعضاء جسمج شفتي كيف الواحد يخاف على عيونه و عمره ما يقول بطلع عيوني ؟ خلي البيبي اللي في بطنج نفس الشي ما تقدرين تستغنين عنه و لا زعلتي قولي عاد انا و البيبي على الغريب ههههههههه و الحين عاد يبيله اعتذار رسمي ههههههه يالله عاد اهتمي بروحج و نحن هني خواتج ..الله يديم السعادة بينكم و الله يبارك لكم في عيالكم و بيتكم امييييييين

احلام فتاه : مشكووووووووووووورة عزيزتي على المشووورة وسبحان الله ... صح ربج دايما مع الانسان الصابر والمحتسب ... الله لا يغير علينا نعمه يا رب ويهدينا الى الصراط المستقيم دائما يا رب .. مشكووورة اختي مرة ثانية ويزاج الله الف خير ...

الجوهره 2000: امييييييييييييين يا رب العالمين ... اشكثر استانست من ردج اختي العزيزة .. سبحان الله اسم على مسمى اتوقع انج اكيد جوهرة حتى في الطبيعه من اسلوبج وطريقت كلامج .. الله يهدينا ويصلح اموورنا والحمد لله الشكر لله عزوجل واااجب وانا ما نسيت هذا الشي ودايما اصلي شكر لله على كل شي حتى في المصايب وفي الافراح الحمد لله ... والله يثبتني على هذا الشي يا رب .. وبالنسبة للدعاء اللي دعيته سبحان الله ياب نتيجه وفي نفس اليوم وان شاء الله بخبركم عنه ... وااايد فادني والنتيجه كانت واضحه .. سبحان الله .. الله يتمم علينا نعمته يا رب وييرزقنا بالذرية الصالحه المعافاة يا رب با رب .. وربي ينولج اللي ببالج ويصلح امرج يا رب

ازهار مبعثره: ههههههههههههههههههههههههههه فالج طيب غناتي ... وتسلمين على هاي المشاعر الطيبة .. الحمد لله اني كسبت خوات في المنتدى واكثر بعد من خوات سبحان الله ... مثل ما استانستي لي صدقيني راح استانس لج اكثر واكثر ويارب ما يعدي الاسبوع الياي الا سبع البرومبة ريلج في حضنج ياااااااااااااااااارب عقبها لازم تعزمينا كيفج عاد ... ولا بسوي لج فضيحه لا صارت ولا استوت خخخخخخخخخخخخخخخخخ افا عليج بس انتي اكبر فرحه واكبر عزيمه ان شاء الله يوم قلوبكم تتصافى بس هذي اغلى هديه وربي الشاهد اني ما تمنالج الا كل خير وربي يسعدج دنيا واخرة يا رب ويخليلج ريلج جنتج ونارج ويخليلج كتاكيتج يا رب ويا دار ما دخلك شر .....

ميسى كوول : تسلمييييييييييييييييين يا عمري على هاي النصيحه وعلى دعواتج الحلوة ... الصراحه الشك صدق يدمر والله ... الله يبعده عنا وعن الجيمع يا رب .. وربي يسعدج ويحقق مناج يا رب ...

شمس حياته : هههههههههههههههههه صح طلع مظلوم بس ليش ما يتكلم يخليني انقهر زياده .. افففف من هل الرياييل والله احيانا يوم ما يطيقون الشي خلاص حتى لو الحق معاهم ما يحبون يجادلووون ... بس الحمد لله الامور تحسنت بينا والله لا اييب الزعل مرة ثانية .. وعيبتيني يوم قلتي انه البيبي عضو من اعضاء الجسم محد يقدر يستغنى عن عيووونه ... صدقتي والله .. ما ادري في لحظه غباء فكرت جيه .. بيني وبينج مستحيييييييييييييييييل اني اسويها بس اونه اعرف اهدد ... انا ما صدقت ولله الحمد حملت عشان اييب اخت ولا اخ لولدي علاوي هل المرة بستغنى عنه .... لاااااااااااااااااا .. الله يتمم علي على خير يا رب هاي النعمه ويرزق كل خواتي اللي ما احملوا يا رب ... ومشكوووووووووورة عمري مرة ثانية على وقفتج اللي ما راح انساها واردها لج في الافراح يا رب ... والله يديم السعاده ان شا ءالله على كل امه محمد صلى الله عليه واله وسلم يا رب

الحمدلله الله يصلحكم ...ويبعدعنكم وعنا الشك...استغفري وتصدقي وتعوذي من بليس...

الله يفرحج ويسهل ولادتج....

rose_rose7788 الحمد لله على رجوع مياهكم الى مجاريها و تحملي تشكين مرة ثانية وخذي هالمرة درس قوي علشان ما تشكين مرة ثانيه بزوجش و خلي نفسش وياة مثل الشخص الواحد ما يفرقكم الا الموت لا سمح الله


على فكرة انا كنت أقرأ قصتش من البداية بس ماعرفت أرد من أولادي و أني أقرأ و هم في حضني ما يخلوني أطقق على الكي بورد هههههههههههه يباعدون ايدي و كنت بقول اليش ترى الحامل مو بس حامل بيبي في بطنها بل حامل أوهام و تخيلات توديها و تجيبها و بعدين تفسرها بالليي هي تبي و على كيفيها

ومن الحين أعتبري نفسش عروس و بداية حياة جديده و أنسوا ما حدث من الماضي و اتفقي وية زوجش بأن ينسى أو يتناسى ما حدث حتى": لا ينفتح الجرح و يسيل من جديد:" و الله يوفقكم بما فيه الخير و الصلاح آآآمين يارب العالمين

سرمدالليل: مشكووورة اختي .. يا رب انك تبعد الشك عنا وعن جميع الحريم يا رب *__* .. وربي يسمع منج ونقوم بالسلامه نحن معشر الحوامل ^__^ .. مشكووورة عزيزتي ..

نجمة الرضا : ههههههه زين عيالج حاسين باللي فيني ما يبونج تكتبين الرد قبل ما تقرين خبر الصلح ورجوه المياه لمجاريها ... تسلمين اختي على نصيحتج والله يسعدج ويكتب لج الخير يا رب

الحمد الله
الله يوفقك ويحقق لي ببالك ويحفظلك اولادك وزوجك بعد
احنا الحريم الشك ملاحقنا بكل مكان نسوي من سالفة صغيره قصة ولا فيلم مكسيكس بس الحمد الله انه خلصت على خير والله فرحت لك
اهمتمي بنفسك وببيبي لي ببطنك