أشق هدومي ياناس .. شاسوي

ومن هذه البنت؟؟ وليش ماتحبينها؟؟

عزيزتي روحي واستناسي وتجاهليها وأنت مرفوعة الراس عشان تنقهر هي بعد

لا يالغاليه لا تحريين رووحج كفايه حرات

الله يسامح ام زوجج عاللي تسويه مو زين ما تعرف لو انتي انقهريتي رح يتأثر ولدها ورح تنقلب حياتكم جحيم الله لا يقول هالشي

بس هالعيايز مدري شو يصيدهم من يكبرون !!!

حبيبتي لج الف حق لو مارحتي ومحد يقدر يلومج وريلج بارك الله فيه ماقصر وكلم امه

انه انصحج انج تديرين بالج على زوجج دام انه بصفج وهاي امه حقريها وحسسيها انها غلطت بحقج وايد

ولا تروحين بيتهم مؤقتا دام تجيج المغثه منه لين الله يفرجها عليج ويقطع ريل هالحيه من بيتهم

اسم الله عليج حبيبتي .. ذكري الله وهدي بالج وترى هذا اللي يبونه فلا تنولينهم اللي في بالهم

وطمنينا عنج اول بأول ترى انتي في بالنا

طولي بــاااالــج حبيبتــي وتعــوذي مــن ابليــس اتشقيــن اهــدومــج عشـان شنــو والله مـافي شي يستااهل,,

وانا مع كلا اختي maryoom روحي واستانسي والله يسعدج

حياتي انا متابعه موضوعك من البدايه
من اول مره رسلتي فيها مشكلتك
تبغي نصيحتي روحي
وعامليها هي والجدارا مثل بعض
يعني لا تعطيها اي اهميه
واهل زوجك مصيرهم يوم يعرفون خطأهم ،يوم يجي الضرر صوبهم
انت عليك بالدعاء بان الله يكفيك شرها
ويبعدها عنك وعن اسرتك
بالتوفيق اختي
روحي ولا يهمك شي
وابغى تكوني احلى وحده بالعرس

مريوم اختي .. اشكر حضورك .. لو كنتي تعرفين مواضيعي .. كنتي ما بتقولين لي روحي ... انا انسانه مسالمه جدا .. وهالبنت هذي .. كانت حبيبه اخو زوجي ... وهو ما يبيها ومن يومها هي مسويه نفسها مرت ولدهم ... تحضر كل مناسباتهم .. وتشيش ام زوجي علي .. وتقط نفسها على زوجي ... ياليت تشوفين موضوع ( لمن وحده تهدي زوجك وهي ما تقرب له ) وبتعرفين القصه هذي عطت زوجي هديه بدون مناسبه ..



اختي مها .. سامحيني ما قدر اروح .. هم بدوها علي وهم يبونها .. وانا ادري اني لو رحت بتسوي حركات عشان تحرني وانا بسكت ... وانا وايد شايله في قلبي اخاف اطلع من طوري ..


حبيبه اولادها ما بروح خلاص ,, هذي البنت كلش ... ماعندها حيا ولا اخلاق ولاشي ...وأم زوجي الله يسامحها على الي تسويه فيني شنو تبي بالضبط مني مادري ... ليش تبي تهدم بيت ولدها مادري ؟؟ وتسوي نفسها بريئه ...



رنو ؟؟ والله ودي ماقدر والله ماقدر مقهوره وايد ... متضايقه حتى الصيحه فيني ماقدر اروح العرس ..


تدرون ليش ما بي أروح العرس بعد ... لان .. بعد ما تدخل العروس بيدخل المعرس .. وبيدخل معاه زوجي واخوه طبعا .. وانا ادري انها بتروح لهم وبتسلم عليها ادري فيها قليله حيا ...وما تستحي ..وان سوت جذي انا مادري شنو بيصير فيني .. وادري العرس بيصير خلط لنص ساعه .. لان الريايل يدشون يرقصون شوي .. حق المعرس ويطلعون , , وهي بترقص بالعباه .. الي ما تستحي سوتها من قبل ... مابي اروح واقهر نفسي .... الفستان بينلبس وقت ثاني .. ماقول الا حسبي الله ونعم الوكيل

تحياتي
ام جنى

حياتي انا قرات كل مواضيع حتى يوم ماهدت زوجك
الصراحه انا ماشفت وقاحه مثلها والله انها ماتستحي
انا مقدره موقفك ، الود ودي اجي اضربها لين مااكسر عظامها
بس الناس ماتعرف باللي بينكم
يعني اهل العرس، وانت راعيه واجب ، يعني لازم تروح بما انه زوجك رايح
واذا على الرقص اعتبريها مثلها مثل الراقصه بالافراح المصريه
يعني ماحد يهتم فيها
وترى الناس تعرف الزين من الشين
لما تجي الوحده وترقص ( حتى لو بعباتها ) قدام الرجال هذي قليله حياء ومو متربيه
انت هدي نفسك وفكري بشي حلو
مثلا كيف زوجك واقف معاك
ولا تخلي هذي الخايسه تاثر على حياتك
يعني كل يوم متنكده ولا معصبه بسببها
روحي روحي روحي
ترى هذا اللي تتمناه انك تستسلمي وتتركي لها الساحه

مرحباااااااااااا
ام جنى الله يعينك على ها الاشكال
انا من رأيي تروحين و اذا دخل زوجك مع اخوه و شفتي قليلة الحيا رزت روحها
روحي انتي بعد على الكوشه وحاولي تكوني انتي وزوجك خلف المعرس و امسكي يد زوجك
و ارقصي معه حتى لو حركات خفيفه وتظاهري السعاده با الكامل و انتي خبري زوجك با الي بتسوينه اذا قليلة الادب رزت روحها حتى هو يظهر امامها السعاده الكامله معاك و الحب الي ماله نهايه و انا ماحد يقدر يفرقكم و هي بها الطريقه هي الي بتنقهر و بموووووووووووووت من القهر بعد

Noor1979;4900430:
وبيدخل معاه زوجي واخوه طبعا .. وانا ادري انها بتروح لهم وبتسلم عليها ادري فيها قليله حيا ...وما تستحي ..وان سوت جذي انا مادري شنو بيصير فيني .. , وهي بترقص بالعباه .. الي ما تستحي سوتها من قبل ... مابي اروح واقهر نفسي ....

حسبي الله ونعم الوكيل فيها وفي اي وحده تبي تهدم بيت غيرها
يارب رد كيدها في نحرها

قولي يا اختي
اللهم إنا نجعلك في نحورهم ونعوذ بك من شرورهم"
اللهم إنا نجعلك في نحورهم ونعوذ بك من شرورهم"
اللهم إنا نجعلك في نحورهم ونعوذ بك من شرورهم"

اللهم اكفنيهم بما شئت
اللهم اكفنيهم بما شئت
اللهم اكفنيهم بما شئت

شوفي قولي لزوجك انا كنت بكنسل اني اروح العرس بس علشانك راح اروح،، بس ياريت تحقق لي شي،، اذا دخلتوا وجات تسلم جدام الناس لاتسلم عليها طنشها واحرجها خل وجهها يطيح علشان ما تتعلم قله الادب،، وفهميه اذا هلك مساندينها وانت بعد تقبل منها اي شي هي اكيد بدز ويها،، احرجها ولا تسلم ..

وبيني وبينج شنو ذنب اللي عازمينج وعازينج ورازينج،، صح والا لا اهل زوجك يغلطون هم يتوهقون:)..

توكلي على الله روحي واستانسي احسن لج،، وحتى سلام لا تسلمين عليها طنششيها ولا كانه فلانه موجوده،، واذا جاتك تسلم انها راعيه واجب استهبلي عليها وفشليها قوليلها ماعرفج خخخخخخخخخخخخخ..

شوفي حبيبتي قومي تعوذي بالله من ابليس وسوي لك عصير ليمون بالنعناع يهدي أعصابك ورجعي الحجز وروحي العرس وعلى قولة الأخوات الناس مايدرون اللي بينكم وبتكون ناقصة وعيبه في حقك

رووووووحي واقهريييييههههههها ولايهمممممك

هذي وحده بيسره تحطين حالك حالها؟؟(6)(w):mad:

أفاااا عليك بسسسسس

يالااااااا قووووومي(y)(i)(y)(i)(y)(i)

أول مره أحط هالكثر صور منقهره من تفكيرك الله يهداك بس

السلام عليكم

شوفي عزيزتي هي تبا تقهرج بأي طريقه و بأي إسلوب المهم توصل لج .. إلي عليج

إتسيرين العرس و إتفرحين ريلج .. لأنه الناس كلها بتسأل ليش مرت فلان ما حضرت ..

لا إتبينين إنج متضايجه من وجودها و لا كأنها إلها وجود و إذا على الصالون روحي بروحج ..

و هالبنت لو رقصت بين الرياييل ما عليج المهم ريلج مقدر وجودج و غيرتج و هي خليها تاكل في عمرها

الجوهره

رنو

حبيبه اولادها

خاني التعبير

أم زوجي اتصلت فيني تحط لي اعذار حق هالبنت .... من بعد شنو .. وبطيت البرمه صراحه وقلت لها كل شي بخاطري ,, وعن الهديه وعن كل شي .. وام زوجي تقولي مافيها شي تعالي .. ماعليج منها ... الحين هي عازمتها ,, وهي تقولي ماعليج منها تبي تينني .. هذي ...

زوجي قالي انه هو ما بيروح علشاني ,, وانا ما بروح بنطلع بنروح مكان ثاني بروحنا ... احسن .. انا ما عندي سوالف حرني واحرك ... بس هي الحين الكلام بيوصلها اكيد .. ولمه تجي تزور البيت بعطيها الكلام الي في قلبي عن الهديه للحين ما نسيته .... بس سامحوني العرس ما بروح
كان ودي اروح بس خلاص عافت النفس ...

مشكورين بس كنت ابي تواسوني ....
ما قصرتو حبيباتي .. والله يرد كيدها في نحرها وبردد الدعاء ان شاء الله

ام جنى

زين سويتي ... وانا لو منج ما بسير بيت ام زوجي فتره .. وعقب بسير وانا زعلانه واذا يت هيه طيحي فيها وفري الهديه بويها .. خلها تتأدب ..

مو ضروري تحضرين لا هو عرس أختج ولا هو عرس صديقتج وقريبة عليج ، وبعد أحسن

عشان إذا أحد سألج ليش ما حضرتي قولي لهم اللي صار ولا تسكتين ، عشان تحطين

خالتج في موقف محرج وما تعيدها معاج مرة ثانية (6)(6)(6)

اختي هاذي البنت ايش علاقتها مع اهل زوجك ... وبالنسبة للعرس ليش ماتبين تروحين لازم يكون عندك شخصية قوية وهل انتي على علاقة كويسة مع اهل العرس اجلسي معاهم وسولفي مع اخوات زوجك وانبسطي وانصحك انك تكسيبن ام زوجك تقربي منها اكتر واكتر عامليهاكأمك وليست كحماتك وانصحك احضري الفرح مع زوجك في وقت متأخر بس علشان تفرحين مع اهل العرس واذا ماتبين تحضرين العرس جهزي نفسك واشيكي واسهري مع زوجك وانبسطي احسن لك واذا جلست مع زوجك لاتجيبن له سيرة هالبنت بالمرة نصيحة واسمعيها مني لاتجيبن سيرة هاذي البنت عند زوجك لابخير ولابشر ولاحتى عن حركاتها اللي تسويها ... ولاتخلين هالبنت تكون لك كالكابوس تخرب حياتك تجاهلي وجودها نمي شخصيتك واهتمي بنفسك ووسعي ثقافتك واذا حصل وقابلتيها استعيني بالدعا ء (اللهم اكفينهم بما شئت) ولاحول ولاقوة الابالله الله يسعدك انتي واسرتك وزوجك ويجمع بينكم بالخير والود والتفاهم :15:

نور حبيبي
قريت كل مواضيعك وحاسة فيكي لاان تقريبا مثل اللي يصير لي بس انا البنت اللي مو طايقتها تقربله بنت عمه

حبيبتي والله نفس الموقف كمان صار لي انه جتني مناسبة وبيقهروني فيها
والله رحت ولبست احلى لبس وسويت مكياج اول مرة اسويه وطلعت كأني اميييييييرة من كثر ما انا كاشخة بزيادة\
رحت وانبسطت ورقصت وضحكت وسويت كل اللي ابغااااااه وزيادة
والله البنت ماصرت اشووفها :) ماتت قهر
بالعكس اذا ماكنت رحت بتقوووول انتصرت عليها وخليتها ماتجي
انتي تزعلي زوجك وتقصري بواجب من واجبات اهله عشان وحدة ماتسوى اصبع رجلك؟!!
بالعكس رح تحز بنفس ام زوجك حتى لو هي تبغا تقهرك انتي روووحي واثبتي لها انه مو انتي اللي تنقهري !!

اوعديني انك ترووحي عشان والله رح تشوفي ردة فعلها وبتمووت هي من القهر :)

حبيبتي فكره حلوه ان زوجك ماراح يروح الزواج حتى امه الله يهديها
تحس بغلطها خصوصا اذا شافت ولدها ماراح الزواج
لكن وفي نفس الوقت اهل زوجك اقصد يعني اصحاب العرس راح ياخذون في خاطرهم
عليك و انك ما وجبتيهم و اذا ماحضر زوجك بعد راح ياخذو في خاطرهم اكثر
بيقولو هذا و احنا اهله و ماعبرنا
وتلاقي البنت الله ياخذها متحمسه حيييييييييييييييييل للزواج لانها بتشوف زوجك
و اكييييييييييد انها تفكر انها تسوي اشياء حتى تلفت نظره هو و اخوه

فرحتيني لمن قلتيلي ان ريلج ما بيروح

هذا يدل ان ريلج يهمه شعورج

ربي يسعدكم ويخليكم

وسواء رحتي وياه العرس ولا رحتي معاه مكان ثاني

هالشي اسعدنا وايد

يعلم الله اننا نحس مشكلتج مشكلتنا

وهذيج سودة الويه فشليها لين شفتيها وغسلي جبدج من حراتها

وما نوصيج طلعي حرتج وحرتنا

وفرحينا عاد ترانا ننطر

مرحبا خواتي ..

مشكورين والله ما تدرون شكثر بردتو قلبي .....

بالنسبه الي ما يعرفون قصه هالبنت ياليت يقرون الاجزاء الي قبل .. عنها ... ام زوجي والله ما تدرون يمكن ادش الجنه بسبب اني ساكته عن فعايلها معاي .....

بس زوجي ما بيروح وانا بروح الصالون وبحط مكياج .. بس حق زوجي وبنطلع مع بعض احلى مكان وبنتعشى وبابسط عمري ..

وبنت خال زوجي بتسوي حفل استقبال في بيتها ,, وبكشخ وبشتري اغلى هديه وبوديها ... لها بعد العرس ان شاء الله .. وجذي بكون بيضت الويه ,, ولا شرايكم .... في احسن من جذي .. وزوجي اصلا قالي خلاص لا تروحين ..... دام ما حطو لج اعتبار خلاص لا تروحين ....

وبعدين مثل ما قالت اختي اهي بعيده مو اخت زوجي ولا صديقتي
ببرد قلبكم ان شا ءالله وبرد عليها بطريقتي صبرو علي والله .. لا خليها تندم .. على كل شي سوته علشان تخرب حياتي ...

ام جنى مشكورين حبيباتي