أشق هدومي ياناس .. شاسوي

صج رفعت ضغطي ماتستحي لاشويه ولاكثير
احسن شي سويتيه انا بعد لو مكانك مابروح وشي حلو انه زوجك بعد مابيروح عشان يعرفون غلطتهم وهذيك الساعة يخلوها هذه لي ماتستحي جنبهم يتصوروا معاهم حتى اهل زوجك ماشاء الله ماقصروا هي اول المدعوين
الا قوليلي اخو زوجك يهتم بهذه البنت ولالا اذا كان ما يهتم فيها بتكون مره حلوه وراح افرح لانه بجد عصبتني هذه المفعوصه هههه

انتي اخرجي واستانسي مع زوجك
ويوم حفل الاستقبال اكشخي وودي معاك احلى هدية ووكني واثقه من نفسك وكلميهم على قد سؤالهم عشان يعرفون الغلط لي سووه
والله يوفقك حبيبتي
ابقى احكيلنا عن يوم الاستقبال

هههههههههههههههه سبيتها سب بس ماقدر اكتبه بالمنتدى هاذي ميته تبي ريل مب محصله من سواياها وفعايلهاا الله يستر عليها وعلى كل بنات المسلمين يارب

الله يعينج انا ترى متابعه لج << شدعوه مسلسل لا وبعد من اشد معجبينج هههههههههههه اتغشمر معاج ماعليج منها خلها تولي ولا تحطين لها بااااااااااااااال تولي

حياتي دام زوجك مب رايح هذا احسن شي
اطلعي انت وزوجك وغيري جو ، وخليها ترقص لين يفتر راسها
بس اهم شي علاقتك باهل زوجك ماتتأثر ، لا تخليها تخرب بينك وبينهم
ومايصح الا الصحيح
اختك

بصراحه كنت بقولج روحي العرس...

لانج اذا ما رحتي هي بتستانس...

لما قريت ردودج عقب...استانست اكثر...

سيري و استانسي و ياريلج...و خلي الخبر يوصلها...

الحين هي اللي بتحتر...خلها تعرف

انه مقدر منج و من مشاعرج...

و خلها تعرف انه ريلج ما بيروح عشان انتي ما رحتي

و انه الليله معاج تسوى الف عرس...

اصلا سيروا بروحكم و سوا شهر عسل في ليله...:wink:

الله يسعدكم و يبعدها عنكم...

اللهم رد كيدها في نحرها...

حسبي الله و نعم الوكيل فيها...

يارب تجعل اختي ام جنى ملكه في عين زوجها...

يارب تجعله يبغض هذه الـ مريم ...

اللهم ابعدها عن حياتهم و خصوصياتهم...

بالعكس روحي انتي مرت ولدهم انتي الي لازم توجبينهم و تقدرين اهلهم و هي الرزه ...


و روحي و لا عليييج منها ...روحي و لا تخلينها تنتصر عليج

و لا تطالعينها ابدا

اذا كل مره بتي هذي بتعتذرين اخر شي بتطلع احسن عنج و بيقولون الغربيه توجبنا و مرت و لدنا ما تحترمنا

روحي احجزي صالون ثاني لا تروحين وياهم

و الاهم ان يوم بتكونين موجوده زوجك بيهتم اكثر و بيحاسب من هذي الضيفه الثجيله و ما بيعبرها اكثر


و لازم خلاص ما تناقصين اهل ريلج عن هذي البنت ... و لا تبينين لهم انها تضايقج ...و علشان ما يستمتعون و هم يقهرونج فيها و لا هي تستانس و تشوفج مقهوره منها

والله يا اختي اني اول ما قرات العنوان صابتني نوبة الضحك سامحيني
بس هاي البنت الله يهديها مبينه جاسره وميخده على دار حماكي كتير شو وين اهلها عنها<<<<ان لم تستحي فاصنع ما شئت صحيح
توكلي على الله وروحي وطنشيها واذا اجت تسلم عل زوجك اطلبي منو ما يسلم عليها اصلا ما يجوز يسلم على امراه اجنبيه واذا هيه رقصت بالعبايه مع الرجال بتكون المسبه والغلط عليها
تقبلي مروري اختي الله يهديها

والله انا بعد من راي البنات


روحي لانك الاولى بالروحه هذي واهل العرس عازمينك انتي مو هي


روحي بالعكس كوني معاهم بهالمناسبة وخليها تولي

اعتبرها مو موجوده او وحده نكره


روحي واتكشخي ولبسي وضحكي واستانسي وحريها ليش تخليها هي تحرج


وطنينا عنج حبيبتي

الله واكبر عليها من مره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا قريت كل قصتك من اول الموضوع الى اخره بس توني شايفته
لو ما شفت الموضوع هذا كان ما عرفت شنو صاير قبل

والله ما ادري شقول لج بس كل الي ابي اوصله لج
انج على حق مئه بالمئه ولج حق تحترين

نصيحه يا اختي تغلي على اهل زوجك هالفتره
علشان ام زوجك تحس ان الموضوع فعلا كبير وانها غلطت بحقك

وان اتصلت فيك تبي مواصلتك اشرطي عليها
قولي لها انا ما بدخل البيت عندكم الا لما تطردون البنت هذي

والله ما ادري اشلون اوصفها واوصف جرأتها ووقاحتها

ممكن تسوي جذي لو كانت مع اخو زوجك وقاعدين يخططون ان خلاص بتنخطب له

لكن حتى بعد انتهاء العلاقه ليلحين تزورهم !!!!!!!!!!!!!!!! هذا العجيب بالموضوع

هي براسها شي وشي كبير بعد

لازم تبتعد عن اهل زوجك وعنك وعن بيتك بشكل خاص

وحاسبي على زوجك يا اختي هالاشكال مالهم امان

ما ادري من وين طالعه لج هذي يا ساتر مو بنت الا شيطانه متجسده بجسد بنت

الله يقدرج ان شاء الله تحلين الموضوع
والموضوع ما ينحل الا من طرف اهل زوجك لو بعدتيها
من هناك راح تبعدينها من حياتك الزوجيه

والدعاء يا اختي لا تنسين واتركي عنك الغضب والقهر
انتي مو ناقصه كفايه الي صار لا تهتمين لو ما سو لك الي تبينه
اقصد اهل زوجك بس اهم شي انتي لا تروحين الا لما تفرضين رايك بالموضوع
وتكسبين الاجر ان شاء الله لأستبعاد هالبنت من بيتهم
والله العالم شنو تعلم خوات زوجك من هالتصرفات
المفروض الام تحسب هالحساب ان عندها بنات مراهقين
بس الظاهر عاميه عينها بالهدايا يا سبحان الله

حطي بالج على نفسج والله يكون بعونج
ويبعد عنج هالبينيه ان شاء الله
ربي يوفقك ويسعدك
اللهم آمين

اخواتي
ترانيم و عشاقه حتى البكاء ودلوعه وفلسطينيه رنو ومرمر وندايم .. والجوكره ...

والكل الي زار موضوعي وشافه ودعا لي .. الله يجازاكم الخير كله ....


اخر الاخبار ... البنت جات لعند البيت ,,, وقعدت تضرب هرانه بالسياره .. على اساس تسمعني انها جات ... وانا خبر خير قاعده اتمكيج ....

وطلعو خوات زواجي وراحو معاها العرس .. وام زوجي .... تصدقون قبل الساعه 12 رجعو البيت وهم طلعو الساعه تسع ونص .... يقوولون العرس كان بايخ ,,,, وايد ,, ومملل .. واخو زوجي يوم شافم ان زوجي ماراح العرس هو بعد هون ما راح ,, يعني حتى لو هي في بالها تشوفه ما بتشوفه ..

وانا استانست لمن عرفت ان اخو زوجي ما بروح .... والمفاجأه الكبرى .. ام زوجي ام تسولف تقول انها حصلت بنت حق اخو زوجي ,,, والله فرحت من قلبي ,, من زود الفرحه بروح معاهم اخطب البنت .... بس ان شاء الله بعد ما نسأل على البنت ... ان شاء الله توافق وتطلع من نصيبه قولو امين

وبحرص اني اوصل هالخبر لها ... اليوم قبل باجر .. والله لحر قلبها والله لأدور له على بنت الحلال لو ماصار نصيب .. وبط جبدها ....

وبالنسبه لي وحق زوجي .. طلبنا عشا فاخر بالبيت ..ماقدرت اطلع لان بنت نامت من وقت .. بس رحت الصالون وسويت شعري وتعدلت ولبست الثياب الي توني شاريتها من مانغو ... قميص بنفسجي فتحه مثلثه جدام طويله وعوده وايد حلوه وفيه زم على الجوانب مطلع الخصر ,, ولبست معاه تنوره شاموا قصيره ,,, ومكياج بنفسجي مع وردي فاتح ,,, وماسكرا لانكوم سوت الشغل كله .. عطتني رموش حركات .. وسهرنا لين الساعه وحده بالليل ,, وطالعنا فلم عربي .. وسوالف وضحك والحمدالله ..

وبزودكم باخر الاخبار ان شاء الله ... وحبوبه انا قصه حياتي كلها مسلسل .. احسها احيانا فلم هندي ههههه ... بس والله ان ردودكم تبرد القلب .... الي خاطرها تعرف من هالبنت .. ترا هي تشتغل في محل تمكيج وتقول انها تروح تمكيج قطريات واماراتيات ,, مكياجها لوعه وموضه قديمه... مادري على شنو يطلبونها ...

كان ودي اروح المحل وفشلها ... بس احترمت نفسي ...

تحياتي لكم وتحملو بروحكم

ام جنى

ليش عمتك تسوي هذي الحركات يمكن تبي تحرك يمكن انتي مزعلتها بشي وتبي تستفزك طالما عارفة انك ماتبينها

مرحبا أختي ....

عساج بخير .. والله شاقولج .. اني بدش الجنه من فعايل ام زوجي وانا ساكته عنها ,, شي زوجي يدري عنه منها وشي مايدري وان ابلع واسكت ,,, بس هي تحب تسوي جذي .. عشان تستفزني .. وتسوي نفسها ماقصدها شي ..الصراحه انا وايد متضايقه من تصرفاتها .. بس الله العالم ان ما اكرها بس وايد من زعلانه منها ..
وانا للحين ما رحت بيتهم .. ولا مريت عليهم .. ابيهم يعرفون غلطتهم ,, وما بطب البيت عندهم الا اذا هالبنت مو موجوده.

ام جنى ومشكوره على مرورج اختي

ام جنى شلونج الغالية و شخبار البنوتة ..و الله حبيبتي مادري شاخرتها مع هالحرمة و اهل زوجج شكلهم واااايد مساندينها و على حسابج الصراحة الحركة واااااااااااااايد بايخة يعني شلون هي تتدخل في كل شي هذا اللي يخليني استغرب شلون تروح عرس العايلة ونتي لا ؟ يعني شنو طبيعة وجودها في بيت الجماعة الصراحة غريييييييييبة و الله يعينج تدرين كان المفروض تسيرين عشان لج الحق ونتي من العايلة و هي اللي مكانها برى ! تدرين احسن شي انه من اليوم ما يكون لج خص مسكي بيتج و خلاص و اذا هم اختاروها هم احرار الواحد ما يقدر يفرض رايه على احد اهم شي انه زوجج حس في كل شي و هو مساندج ..انتي لا تدخلين فيها الا اذا تدخلت في بيتج لانه حبيبتي الافضل الوضع ما يسوء اكثر عن جذيه و هذي شكلها ناوية تبط جبدج ..الله يعينج و يهديهم و يصلحهم ..

[GLINT]لا تلومين البنت لان البنت لوو مااحد عطاها وجة مااستمرت ولا تمادت لومي اهل رجلك وحاولي تكسبين عمتك عشان ماتحاول تستفزك واهم شي زوجك دام زوجك معاكي ماعليك باحد ومااادام معايا القمر مالي ومال النجوم ههه روحي الفرح وتونسي وطنشي [/GLINT]

اختي اقولك باختصار

انا متابعه لك من موضوع الأول

وبصراحه اللي تبيه البنت صااار

البنت تبي تقهرك هي ماقدرت ع اخو زوجك وفي موضوع من مواضيعك قلتي انها افترت لزوجك

وهي تبي تحر قلبك وانتي ماشاء الله قلبك احتر وفحم ماعليك منها خليها تولي رووحي العرس وصيري انتي العروس حرقي دمها ولا تهتمين لها ابد حطيها صفر ع الشمال هي ولا شي دام زوجك حاطك ع عينه ورااسه

تركيها عنك بس ولا تخلينها تنكد عليك حياتك هي وحده سفيهه ومو عاطيه نفسها اي اهميه

والمشكله انها ماتقرب لكم ولا كان قلنا شوي تنقبل بس هاذي راميه رووحها ومايصير انتي تحطي دوبك من دوب وحده ماتسوى


سمعي مني خليها تولي

ربنا يعينك يااااااااااااااارب

ماعندج سالفه اذا كنسلتي روحت العرس

روحي اكشخي اخر كشخ واقهريها

صيري شرات ملكه لا تعبريها احقريها للاخر خخخخخخخ

اخرتها اهي اللي بتنقهر هب انتي ..<<<<< مجربه

صدقيني خليها ولا شئ في حفلة

الله يعينك ويقويك ويصبرك ان شالله..

وحسبي الله عليها ...الصراحة مهي متربية البنت ..
والمفروض ماحد يديها وجه..
وحاولي كل ما تشوفيها تطنشيها ولا تعبريها ولاتسلمي عليها..
ودايما كشخي وخليك على طول متشيكة ..

الله يعينك يا رب:)

زين ماسويتي ام جنى
ها قوليلي رحتوا خطبتوا البنت ولا لسه

والله زين ماسويتي
زين ان زوجك معك
الى الامام وطحني على الساكت