ملانه قلت اجي افظ فظ لكم

الله يفرجها عليه من أوسع أبوابه ..ويرزقه..وسهل اموركم على خير
الجئي للي عنده مفاتيح السموات والأرض

تسلمون عزيزاتي ما قصرتو

الله يفرجها عليكم

تسلمين فديتج

[FRAME="11 70"]الله يفرج أمرج يارب ........................................[/FRAME]

وياج يارب تسلمين

فديتكم والله تسلمون

حبيت اكمل لكم موظوعي واللي صار ويايه لني ارتاح يوم افظفظ لكم

تدرون الحين اهلي منعوني اني ارمسه ما صرت اعرف عنه شي بس دريت انه جابله سياره الحمد الله

قامو اخواني قالو لو شاريج بدل ما يجيب السياره كان يالج بس والله حرام عليهم هو جاب السياره من كثر تعبه في التكاسي اونه اخواني قاعدين يحسبو بكم ياب السياره هو جابها 10 او 15 الف راحو زودو من عندهم كلام وقالو انه جابها بعشرين

وقاعدين يقولولي لو كان شاريج كان بداج عالسياره بس حرام هو صج خاطبني ويباني اوكي انا بتريا بس السياره بظيع منه ما صدق لقى وحده مستعمله بهالسعر ومن كثر ما تعب من التكاسي نص راتبه يروح عالتكاسي جابله السياره

الحين منعوني ارمسه قالولي عقب الملجه ومدري شو بلاهم مستعيلين اختي اهم شي عندها الذهب يوم شافت اخت زوجها خطيبها جابلها ذهب وايد هي وامها جت تخبرني يعني كنها تقولي انتي خطيبج مب هاين عليه يعبرج بشي والله حرام عليهم عقد ما يقدر ما يقصر ويايه

وخوي ذاك اليوم يقولي عشرين الف مب قادر يجيبها ما طلبنا شي اوكي في ناس ما تقدر على هالمبلغ ما تقدر تجيبه بسهوله مب كل خلق الله نفس بعض

والله خواتي اني خايفه خايفه احد من اخواني يتصرف من وراي ويفركشلي الموضوع ما باهم يسوون شي من وراي

كل شي يقولولي انتي ما يخصج ليش ما يخصني انا اللي بعرس مب هم

والله ياخواتي انا ما يهمني البيزات والذهب وكل هالاشيا

انا يهمني الريال كيف صفاته كيف بيعاملني بس احس اهلي يهمهم الماديات كل شوي يقعدو ينغزوني بكلامهم لين ما نفسيتي تعبت صارت تمر علي ايام ما اطلع من غرفتي لني ما ريد اشوف نظراتهم لي ما ريد اسمعهم وهم يرمسو عن هالموضوع طول وقتهم يحسسوني اني مختاره واحد ماله فايده ولا ماعرف شو اقولكم

والله كان خاطري افرح وستانس بخطوبتي بس صرت احي اني مرظت اكثر من كثر كلامهم

صرت يوم اشوف اي واحد يرمس بالتلفون ادري انهم يرمسون عني وعن موضوعي

تعبت نفسيتي تعبت ما صرت اعرف شو اسوي

شهيتي عن الاكل تسدت ما صرت اهتم بعمري كل وقتي تفكير وبس وقول لربي يسر هالموضوع عسب ارتاح تعبت من اهلي والله تعبت تعبت من نغزاتهم وكلامهم

خايفه يسوون شي من وراي وانا ابي هالريال

ماعندهم صبر حتى لو صبرو ينغزون بكلامهم ولا حد منهم واقف جمبي ولا حد منهم يعني مستانس اني باخذ هالريال غير امي هي بس اللي حاسه فيني

كلهم هاممهم الماديات

نفسيتي صج تعبانه ماعرف شو اسوي

حتى اختي جن ما عندي اخت والله ما تفهمني ولا تحس فيني ومن زمان وهي جي تعاملني جني مب اختها

من لي غيركم اشكيله من بعد رب العالمين

الله يسهلها عليكم ويرزقكم رزق ماحسبتو حسابه...

امين يارب العالمين الله يسمع منج

والله يا حبيبه انت عزيزه على قلبي وغاليه
والله يعينج حبيبتي ,,
ان مع العسر يسرا ,, ان مع العسر يسرا
أهم شي الوالده وياج حبيبتي
هونيها وبتهون ,, الله يوفق خطيبج ويسر له أموره ويسهل له كل شي

اللهم فرج همّ أختي جابريه كووووول ويسر أمرها,,, يارب
اللهم فرج هم أختي جابريه كووووول ويسر أمرها ,,, يارب

وان شاء الله اختي خلي املج كبير في الله سبحانه وتعالى ,,

رددي :

لا اله سبحانك اني كنت من الظالمين
لا اله سبحانك اني كنت من الظالمين
لا اله سبحانك اني كنت من الظالمين

وان شاء الله خير غاليتي ,, و الله يوفقج

تسلمين فديتج ما قصرتي يزاج الله الف خير

ربـي يسهــل عليـه

الله يعينج اختي ,, الصرااحه سالفتج عورت قلي

ومااقول الا الله يساااعدج ويساااعد خطيبج ويفكــكم من كلااااام الناااس

ويسعدج معاااااه اجلا غير اجل

ياااااااااااااااااااااااااااااااااارب العالمين

تسلمين ياعيوني الله يسمع منج

اختي انا تميت مخطوبة سنة كاملة، وحنننننننننة الاهل ما منها مفر ابد،، ديون وحالة الله يكون في عوننا، يبون عرس، يبون كوشة، في القاعة الفلانية، الشي الفلاني، تخيلي اني وصلت مرحلة قلت لاهلي ما ابي عرس في الصالة ابي في البيت عصبوا علي!!... تخيلي ان للحين الديون تلاحقنا ومو قادرين نوفر، مع ان عندي بنت الحين بتكمل سنة!!
يا اختي لا تخلينه يتسلف من البنك وخليه يجمع من فلوسه لو بتطولون سنتين خطوبة بعد، وما عليج من كلام الناس اهم شي انتي وشو رايج فالموضوع...

الغاليه ربج بيفرجها ان شاء الله
قبل كم يوم انا كتبت قصتي صار لي سنتين مخطوبه و بعدنا ماعرسنا و لا ملجنا و السبب و الله ماقدر اقوله علشان ما اجرح خطيبي بس متوكله على ربي و ان شاء الله ربي ما بينساني
ربي يوفقج و يوفقنا كلنا وياج
دعواتكم لنا

فديتكم والله عسى ربي يفرج همومكم ويايه امين يارب العالمين

فديتج ام عبد الله تدرين شو المشكله ان اهلي قالو بنترياه لين الشهر الفلاني لن اذا طول اكثر مب حلوه

يعني انهم مب ناويين يطولون اكثر عن سنه

بس ان شاء الله هو يجي قبل هالموعد ان شاء الله

واختي بنت الامارات اصبري عليه غلاتي دامج شايفته ريال زين وشاريج صبري عليه مهما كانت ظروفه حتى لو كان فقير

لا تهتمي بمتاع الدنيا الفلوس تجي وتروح المهم اخلاق اللي بتعيشين وياه

وما قصرتو عزيزاتي يزاكن الله الف خير