ملانه قلت اجي افظ فظ لكم

ان شاء الله فديتج الله يسمع منج وما قصرتي

وينج أختي جابريه كووووول

فيه جديد ,, طمنيني اختي الله يرضى عليج

ربي ييسر لج أمورج عاجلا غير اجل ويزوجج من الانسان اللي تبينه واللي في بالج

ربي يسر أمور أختي جابريه وعجل زواجها وفرج كربها وابعد عنها كل سوء
واللي امعارضين فرحها ,,
" اللهم لا سهل الا ما جعلته سهلا ولا تجعل الحزن اذا شئت سهلا "

والله يا أختي حزينه لقصتج ,,
لا تخافي أختي ان مع العسر يسرا ,, ربي بيفرجها بيفرجها قريبا ان شاء الله

ربي معاج ووياج الله يحفظكم ويبعد عنكم عين الحسود اللي شافتكم وما صلت ع النبي

طمنيني عنج أختي ,, بارك الله فيج

اختي لا تستقلين مهرج

الرسول -صلى الله عليه وسلم-

قال : اقلهن مهرا اكثرهن بركه


وسالفه ان الخطووبه طولت عادي

تصير .. لا تفكرين واايد وتتعقدين ..

ما بيصير شي لين ما الله يكتبه ..

صلي قيام الليل .. وكثري من الاستغفار والدعاء

وعسى ربي يفرجها عليكم

الله يفرج عليكم الهم يارب ....نصيحه لا ياخذ سلف من البنك لانه من بدايه زواجكم رح يتراكم عليكم الديون وبعدين الناس رح تتكلم اكثر عن الحين انه هذول مديونين وكلام فاضي خلي الناس تتكلم الحين وانتي لا تشيلي هم هذا حياتج انتي وهو والناس مارح يتدخلون فيه ولا لهم الحق اصلا بشي فليش تعورين راسج وقلبج انتي اصبري وان شاءالله قريب ربنا رح يفرج همكم ........ يتكلمون شوي الحين احسن من ما يتكلمون عليكم بعدين اكثر ............ الله يوفقج يارب

الله يفرج عليكم وتتزوجوا قريب ادعيلي اعرس

الله ييسر لكم ويفرج الكم

والله يجمعكم عاجل غير اجل ويرزقكم من كل خير

والله يفتحها بوجهه ويفرجها عليه

وانتي عليك بالصلاة والاستغفار وربك كريم

الله يفرج ضيقتك ان شاء الله
ولا تنسي قول الله عز وجل(وعسى ان تكرهو شيئ وهو خير لكم)صدق الله العظيم
ويمكن ربكم بغى يختبركم اتقي بالله وصبري والله يفرج عليكم

غلاي اقري سورة ((يس))

وكثري من الاستغفار عسب ربنا يفتحها عليج ويرزقج

ونصيحه مني لاتسمعين رمست الناس...انتي للي بتتعبين وبتخسرين لو مشيتي وراهم

ونصيحه ثانيه...يبعد خطيبج عن البنوك احسن له ويتوكل على الله...

وان شالله ربنا بيفرجها عليه ويسعدكم ....

حلمي اكون عروسه;5103860:
وينج أختي جابريه كووووول

فيه جديد ,, طمنيني اختي الله يرضى عليج

ربي ييسر لج أمورج عاجلا غير اجل ويزوجج من الانسان اللي تبينه واللي في بالج

ربي يسر أمور أختي جابريه وعجل زواجها وفرج كربها وابعد عنها كل سوء
واللي امعارضين فرحها ,,
" اللهم لا سهل الا ما جعلته سهلا ولا تجعل الحزن اذا شئت سهلا "

والله يا أختي حزينه لقصتج ,,
لا تخافي أختي ان مع العسر يسرا ,, ربي بيفرجها بيفرجها قريبا ان شاء الله

ربي معاج ووياج الله يحفظكم ويبعد عنكم عين الحسود اللي شافتكم وما صلت ع النبي

طمنيني عنج أختي ,, بارك الله فيج

تسلمين فديتج عالسؤال وتسلمون كلكم
ما قصرتو والله

فديتج والله بحكيلكم اللي صار لي بالظبط

خطيبي ماعنده سياره كان عنده سياره واتكنسلت يوم سوى حادث فكان مؤجر له سياره

وما ادري شو صار المهم راعي الايجار قاله رجع السياره لنك مادفعت وخطيبي ما عنده المبلغ

راح الرجال ما الايجار صبر عليه كم شهر واخذ جواز خطيبي رهينه عنده

وفي هالكم شهر خطيبي قدر ياخذ من البنك مهري بس العشرين الف وعطوه اياه غصب

وما قدر يدبر فلوس الشبكه

في هالوقت رجال الايجار مال السياره كان مسافر وباقيله خمس الاف قام اتصل على خطيبي قاله يا تدفع

او بودي جوازك الشرطه وبسجنك قام خطيبي مالقا غير مهري خذ منه 5 الاف وعطاها الرجال وخذ جوازه منه

انا والله يوم قالي يبت المهر فرحت وايد حسيت اني خلاص برتاح بحس بفرحة العروس صدق

بس والله يوم قالي جي حسيت استغفر الله اني ما بقدر افرح واستانس شرات العرايس

والحين اهلي قاعدين يتكلمون عنه ليش اتاخر دامه دبر المهر ليش ما جا وليش ما جاب الشبكه

وماعرف شو وقاعدين يستهينو فيه ويححسسوني اني مختاره واحد بتعب وياه في حياتي

وكيف بتعيشين في غرفه في بيت اهله ووليش محد ساعده من اهله وصج اهله كل واحد فيهم نفسي نفسي

والله يابنات تعبت والله نفسيتي صج تعبت

مرات اقعد افكر في ربيعاتي اللي تخطبن بعدي وعرسن قبلي اقول مشا الله عليهم ولا وحده شالت هم عرسها استانست وارتاحت والله تمم لها عخير

ويوم وحده تقعد تراويني هدية اهل المعرس لها اقعد افكر في عمري يوم خطوبتي ولا عبروني بشي اهله اللهم الدبله بس والله وياريت اهله كلهم جم

اخته الكبيره وامه ومرت اخوه الكبير بس

ولا شفت منهم شي

بس تدرون يابنات خطيبي اتحمل اشيا وايده عشاني هذا اللي مخليني متمسكه فيه وما فكر في اهله

حتى هو يقولي ان شاء الله بعوظج اصبري علي وادعيلي ان الله يفتحها علي

يقولي انا عارف اني مقصر سامحيني ووقفي جمبي ترا انتي اذا يأستي انا بتحطم لن محد واقف جمبي غيرج انتي اللي تشجعيني

والله انه يترجاني اني ما أيأس

بس ماعرف كل يوم في الليل اصيح والله يوم نزل المطر خذت وقتي كله دعا وصلاه خاطري ربي يفتحها علينا ويسر امورنا

والله اني مرات ادعو ربي اقوله يارب انا ما ترجيتك في معصيه ترجيتك في شي حلالك اباك تيسر اموري فيه والله ما دعيت هالدعا الا من تعبي من كلام اهلي وانهم خلاص طفشو منه

والله نفسي احس بالفرحه والله وماشيل هم خاطري بالي يرتاحوقعد ازهب واستانس واسوي مثل كل العرايس

تدرون انا فتحت لكم قلبي لني صج كاتمه اللي بقلبي ما اشكي غير للله والحين كتبته لكم والله العالم اني وانا اكتبه الدمعه تنزل من عيوني

انا عارفه اني بواجه مشاكل وايده بس صدقوني انا افكر في الريال انه شاريني ومتمسك فيني وايمانه بالله قوي ونادر الوحده تلقى رجال زين هالايام

عشان جي متمسكه فيه واشجعه

بس خلاص تعبت ماعرف شو اسوي
كل شوي تظهر مشكله من تحت الارض

والله كل واحد فينا يصبر الثاني اذا هو ياس اقوله خلي امانك بالله قوي

اتخيلو يابنات شاب اماراتي مواطن كل يوم يروح دوامه بتكسي وعاد دوامه مب انه يقعد على مكتب لا

لا زم يروح يودي معاملات الجوازات وعقب مصفح وعقب ما ادري وين وكل هذا بتكسي

والله يوم اشوفه يروح ويا ربعه معرض السيارات يتصلي من هناك يقولي شفت سياره عجيبه خاطري فيها يقولي والله لو وياي فلوس اشتريها عشان تكوني اول وحده تركبها

يوم اسمعه جي يقول اصيح وابكي بس ما ابين له يشوف ربعه عندهم سيارات واللي يروح يشتري سياره ثانيه واللي يباله سياره مدري شو نوعها وهو خاطره في سياره حتى لو مستعمله ومب قادر يجيبها

ومع ذالك صابر والله اي واحد مكانه من شباب هالايام بيقول والله ما بروح الدوام دام ماعندي سياره بس هو حامد ربه على كل شي وصابر وكل شوي يقولي الله كبير الله كبير


والله كبييييييييييييييييييييييير

ادعولي من خاطركم ادعولي

مرحبا: يستوى تملجون وعقب يعطيج البيزات

ادرسي انه يستوي وهو اقترح على اهلي هالاقتراح بس رفضو وقعدو يقولو هاي اهانه لج ومادري شو

وشو هو شايفج لعبه وابوي قال ما يستوي اجذب قدام القاضي اقوله عطاني المهر وهو ما عطاني شي

والله ماعرف شو هالحاله

ربي اغفر وارحم وانت خير الراحمين

والله ياختي شو بقولج الله معاكم
وقصتج وايد وايد حزينه دمعت عيوني وأنا أقراها ,, والله يا اختي
ما لنا الا الدعاء ,, ندعيلج ان الله يسر أمورج ويسهلها يارب

والله يااختي اعرف ناس الريال ما عنده شي ظروفه مب لين هناك
بس لما تزوجوا الله رزقهم بالخير ,, سبحان الله

ماعليه حبيبتي ما عليج الا بالصبر ,,تعرفين أختي اقراي سورة
الضحى كل يوم 40 مرة لمدة أربعين يوم واذا تبين تزيدين عادي وشوفي اذا فيه تطورات
حتى خطيبج خبريه ,, وان شاء الله ان شاء ان شاء الله ,,
الله بيقضي حاجتج ,, طبعا مع الدعاء واخلاص النيه ,, بصراحه
أنا جربتها وربي يسر لي أمري الحمد لله ,,
الله بيجمعكم في القريب العاجل وفي بيت واحد يااااااارب ,,
والله أتمنى لج الخير من كل قلبي ربي يعينج على الجميع ويهدي
أهلج ,, أتمنى لج التوفيق في حياتج

وان شاء الله هالمرة نسمع أخبار زينه اللي تفرح ياااااارب

الله يسمع منج ياقلبي انا بعد خاطري اسمع عن نفسي اخبار زينه

فديتج والله تسلمين

وان شاء الله بسوي بنصايحج وعساني منحرم منج ومن اهتمامج فديتج

طمنينا الغاليه عنج و لا تقطعينا
أحب أعرف شو سويتوا يعني اتقولين عني فضوليه هه هههه يعني يمكن ,, امزح وياج أختي
ربي يفرح قلبج بأخبار ساره بتسمعينها ف القريب
العاجل ,, وبتكوني أحلى عرووووووسه ان شاء لله
أنا متفائله خير اختي ,, ليش لأنج طيبه وربي بيعطيج على قد نيتج ,.,.,.,.,


الله يرضى عليج خلي بالج من نفسج وصحتج حبيبتي
واللي من الله حياها الله
أوكي أمووووورتي

فديتج والله احلى واغلى فظوليه انتي خخخخخخخخخخ

فديت فظولج والله هذا مب فظول بالعكس اهتمام عساني منحرم منج

وان شاء الله حبيبتي يكوني في اخبار زينه املي بالله كبير

ولا هنتي فديتج ما قصرتي والله

الله يفرجها

المهم انو متمسك بيكي هدا الاهم

ان بعد العسر يسر

ان شاء الله يكون خير يارب