قولي لي شو هوايـــــاتج وابداااعج .. أقول لج شو البزنس اللي يناسبج .. الجزء الثـــاني

ماشالله موضوع مميز
عساكم عالقوه

السلام عليكم ورحمة الله وبركاته ,,..
كيف الحال ؟؟,,

انا عمري 19 سنه ادرس ادارة اعمال وحاسب , هوايتي السفر ركوب الحصان والتجارة ( عقلي يميل شوي للتجارة , وانا كثير اقترح لابوي وامي مشاريع تجاريه( غالبا تكون المشاريع ناجحه) , وحتى بخصوص دراستي دخلت ادارة اعمال لاني اتمنى ان اكون سيدة اعمال ناجحه ) واحب اواكب التطور مثل النت والتقنيه بس مو بشكل كبير ,,

مواهبي ,, الشعر ( احيانا وانا ساهيه يخطر على بالي كلام كثير بس مااكتب الا اذا كان حاز بخطري شيء ) ,, والخط الجميل ( خطي جميل بس اني ماعندي وقت اطور موهبتي لان عقلي تجاري وكثير قالي تعاقدي مع مكاتب تكتبين مثلا بتحضير دروس المعلمات بس ماحبيت الفكرة لان حلمي اسافر واجيب بضاعة وابيعها )

التميــــــــــز ,, بوضعي للمكياج لنفسي اتقنه بشكل فن ,,

والميزانيه ,, ماعندي الا مصروفي من الوالد الله يطول بعمره عشان اروح السوق اشتري اغراضي وهو بمبلغ 700 ريال شهريا وع فكرة انا مااعرف اجمع ولا ريال لاني كريمه اذا كان معي شيء عطيته الناس ,,..

وراس المال امره بسيط , بس ياليت كم يكون تقريبا ؟؟؟

el-shoog



النقطة الثالثة بخصوص الصور حاليا ابعدي عنها .. لأنج قلتي بالمرة ما تعرفين فية وهالمجال محتاج ناس كون متمـــــرسة ودرجة بروفشنال عشان تشتغل بالفوتوشوب وعندها مهارات التصميم ومهارة التصوير وغيره.

انا ما اقولج انسيها تعلمي ومارسيها وابدي واحضري صفوف بالنت وكلاسات فيها شروحات واخذي دورات لحد ما تصقلين نفسج.

اما حاليا فنركز على النقطة الثانية : كتابة الشعر والخواطر وبالتحدييييييييييييييد القصص

بما انج شاطرة وايد ... ابدي بكتابة اكثرمن قصة 3 مثلا وابعثيها لاحد وسائل الاعلام كالجرايد والمجلات او مجلات الاطفال . بحيث انهم يشترونها منج .

واذا كانت صالحة للنشر وجيدة ومبتكرة وغير تقليدية فتاكدي بقبلونها ويمكن راح يطلبونج تكتبين بصفة اسبوعية .
فالدورية سواء كانت مجلة عادية أو مجلة خاصة بالاطفال. او حتى لمسرح الطفل ..

nourelhouda



هلا فيج...

هل بامكانج عمل مواد تجميلية مثل المكياج ؟!! وتكون مواد طبيعيه .. ولا صعب عليج ؟

ومن ناحية الكريمات والشامبوهات اذا قلنا التقييم من 1 ل 10 فكم تقيمين شغلج بهالكريمات والشامبوهات ؟

ما بقدر اقولج go ahead

وابدي بالكريمات وهالامور لاني لازم اعرف مدى جودة ورائحة ومفعول هالمنتجات ...

بانتظار اجوبتج :)

شكرا ياحبيبتي ع سوالك لانه جا في الصميم لاني اكتشفت ان ماعندي هوايات او مابعد اكتشفتها (يمكن) ماشالله اشوف الاخوات كل وحده عندها هوايه لكن انا ماحسيت بوحده من هواياتهم مو تنقيص العفو ما اقصد كذا لكن انا ماراح ابرع فيهم ،،،لكن ياعزيزتي الحمدلله وهذا فضل من الله متحدثه لبقه وعندي اسلوب واحيانا اذا كنت اتعامل مع الباعه بالسوق او بخصوص اغراض منزليه زوجي يخليني اخذ واعطي معهم لانه يعرف اسلوبي سهل لين ومقنع والحمدلله بس هذا اللي اعرفه وشكرا ياعسل...
بالمناسبه انا كان في نيتي افتح مشروع محل ملابس نسائيه لكن ماحصل الاجارات يااختي غاااااااااااااااااااااااااااااليه وانا على فكره موظفه ودخلي 3000 وشوي يروح على البيت والاولاد ...
طولت عليك بس بصراحه مو غريبه ماعندي هوايه والا لأ؟؟؟؟تفاجأت

أرحب بكل المشاركات ....

والاعتذار لتأخري عن عدم الرد لانشغالي...

وان شاء الله السبت سوف أكمل الرد على استفساراتكم :)

ليالي العين;4876849:
nourelhouda



هلا فيج...

هل بامكانج عمل مواد تجميلية مثل المكياج ؟!! وتكون مواد طبيعيه .. ولا صعب عليج ؟

ومن ناحية الكريمات والشامبوهات اذا قلنا التقييم من 1 ل 10 فكم تقيمين شغلج بهالكريمات والشامبوهات ؟

ما بقدر اقولج go ahead

وابدي بالكريمات وهالامور لاني لازم اعرف مدى جودة ورائحة ومفعول هالمنتجات ...

بانتظار اجوبتج :)

مرحبا, بصراحة لا أستطيع عمل مواد تجميلية للمكياج.
ومن ناحية الكريمات والشامبوهات و لوسيون لما بعد ازالة المكياج...فالتقييم 6/10 لكن دوم أتعلم و أخترع حتى أصل للنتيجة المرضية, مثلا صنعت لوسيون معطر للجسم و كريم مرطب للوجه و ديودرنت لازالة رائحة العرق و دايما أعمل لنفسي و لأختي ماسكات للوجه و الجسم و الشعر بمواد طبيعية.
أحب كل شيئ عند علاقة بالجمال و الطبيعة و أريد أن أتميز فيه أكثر و أحب أيضا العمل في النت و على الفتوشوب لكن لا أدري كيف أبدأ
شكراااااا كثير

هيووفه 779



ممكن حبيبتي تكونين ملقنة للشيء ...

يعني اذا انتي شاطرة بالمكياج .. تقدرين تعطين دروس بالمكياج للي يبا يسجل عندج وتعطينهم كذا درس باسعار حلوة ... ويكون شغل بالبيت بما ان الاهل ما يرضون خروجج والختلاط.

او تصممين الكوش برسمج لها مع التلوين الكامل والشرح عليها وتبيعينها للعرايس وتعطيج سعرها علية .. يعني تصيرين مصممة... وبالتالي تقدر العروس تاخذها لمكتب الافراح يسوونها لها .

او دروس بالكوافير عندج بالبيت ...

اعتقد فهمتي فكرتي ان شاء الله وتكون وصلت ... اهم شي تكونين ملقنة لشي من البيت يعني انتي المورد او المصدر للشي.. ممكن تطبقينها هالفكرة بعد على اي شي انتي ناجحة فية بشهادة الجميع. وبتلاقين الموضوع ان شاء الله سهل .. فكرة الكوش وايد حلوة ترسمينها وتعرضينها مثلا بالخاص للبنات واللي تريدها تعطينها باقي التفاصيل بس تكون دفعت لج قبل ما تكملين شرح نص الفكرة .

والله يوفقج وهالشي ما يحتاج ميزانية :)

كتكات

حبيبتي حاولي تصيرين خطاطة وشغلج يكون بالبيت ..

خطاطة على اللوح او البوسترات اللي تتعلق بالشارع ... اريدج تتبيعنهم من وين يسوونها ومن الناس الي تسوي هالاشياء عشان توصليلها ويعرفون انج خطاطاة اذا وصل شغلج لشخص واحد صدقيني الناس تسال وتتخبر خاصة اذا شغلج يخبل...

ابدي اللحين بالشي الاساسي مثلا لوح المدارس للانشطة كتابة السور او القصائد الخطاط ياخذ عليها يمكن 50 او 70 درهم للوحة العادية للمدرسة .

اهوة مب احسن منج سوي دعايتج الاولى بالمنتدى لبنات الاحساء وبالحاره ... وثانيا حاولي تتعاقدين مع احد من الاهل او اصدقاء اخوج اللي عنده مكتب عقار او غيره او شي جديد انج تخطين له داخل المكتب بالخشب او اي شي ثاني....

عطيتج الفكرة وعليج تطبيقها وتطويرها والله يوفقج ان شاء الله

ريم البوادي


حياج حبيبتي بصفحتي ... انا ما بقولج كملي بالاسهم لاني ما اعترف فيها وايد يعني احط فلوسي بشي مب مادي ... الاسهم شي معنوي ماله وجود يطلع اليوم باجر بينزل ..


نحن نريد شي نضمن ربحه .. وانتي عطيتيني المفتاح (الدخون والمخلطات)

قلتي بنفسج انج ساعات تخترعين روائح تووووب وتبيعينها باعلى الاسعار .

طيب المرات اللي تصيب وياج سجلي المكونات بالدفتر وثبتية بقائمتج ...

لازم اثناء الاختراعات يطلع الحلو واللي مب حلوو وانتي اللي عليج انج تختارين افضل 5 مثلا من بعد 20 تجربة

واللي بتعرفين وبتكونين متاكدة انهم راح ينباعون على طووول .

والله الناس حزتها بتعرف ان ريم البوادي لما تنزل جديدها يكون شي راقي لان المجموعة الاولى اللي طرحتها روائحهن حلوة (جية الزباين بكون تفكيرهم) فعلى طول بتابعون جديدج

ابدي بتجارة الدخون والمخلطات ... والله يوفقج حبيبتي وابدي من اللحين بالمنتجات اللي نجحت اول مرة معاج .

الشموس 30

ان شاء الله الله يقومج بالسلامة

بما ان الميزانية مب قوية وتحبين تشتغلين بالبيت ... انا بعد ما اريدج تتعبين وايد بمجهود حركي لانج حامل...

اباج اولا تكونين ميزانية حلوة وتوفرين ... لا تخافين ما بقولج مصروفج .

اريدج تكونين مندوبة لاحد التاجرات بالمنتدى سواء اماراتية او خليجية وتشتغلين تبدين بالنت .
وتكونين المندوبة بالامارات لها او مندوبتها بامارتكم.

وحاولي تشتغلين باكثر من بضاعه ومع اكثر من تاجرة ... بتلاقين نفسج دخلتي من التاجرة الاولى بالشهر 100

والثانية 70

والثالثة 250 يمكن...

وعلى هالاساس ويمكن اكثر بعد .... لحد ما تربين بالسلامة وبعدين افكارج بتكون اكثر مستقرة وممكن تكونين صقلتي شي تحبين توصليلة عشان تبدين اتاجرين فية ...

وحاليا ابدي كمندوبة لاكثر من تاجرة وصدقيني بتشوفين الارباح لكن بشرط تكونين نشيطة واجتماعية وكلامج مقنع وبضاعتج تكون مطلوبة وتلاحظين ان البنات عليهم اقبال عليها .

انا متخرجه من تربيه فنيه و بحب جميع الاشغال الفنيه و جربت اشتغل حاجات بسيطه مع صاحبتى مثل ميداليات خرز و دبابيس حجاب من عجينه السيراميك بس المشكله فى التسويق و الميزانيه بسيطه و كمان انا عايزه اغير و اوسع الشغل اعمل ايه:o

السلام عليكم ورحمته وبركته

انا متخرجه من فسم للفنون الجميله احب الرسم والنحت والخزف واصمم اكسسوارات معدنية

اعمل في وظيفه لكن ارغب ان استثمر في تخصصي

دخلي الشهري تقريبا 1500 الى 2000


تحياتي لك

مرحبا اختيه ويعطيج الف عافية والله يجعله في ميزان حسناتج والله يعطيج ما تتمنين يا رب
مجهود تشكرين عليه والله يوفقج ان شاء الله ..

بالنسبة لي أنا لو تكرمتي أبا أفكار لمشاريع مختلفة ممكن أنفذها
ما أحب أني اكون مندوبه ما اقدر ..
الاشغال اليديوية ما عندي وقت كافي ...
وأبا افتح محل بس ما اعرف لشو ...
ياليت لو تساعديني ...

ومشكورة

مرحبا اختي ليالي العين يعطيك الف عافيه على المجهود الطيب اللي تبذلينه
انا احب اي شي يتعلق بالجمال مثل المكياج قصات وصبغات الشعر الموضه وكل جديد فيها
عندي ذووق عالي جدا متابعه ممتازه لنجوم هوليود تجذبني اناقتهم وقصاتهم
وصبغاتهم وعندي ذوق عالي بالملابس الكاجوال وملابس السبورات
اتابع خطوط الموضه العربيه والغربيه
اتابع كل شي يتعلق بالجمال والموضه
بس مااخذت دورات في اي شي
انا خريجة ثانويه عامه
ابوي مستعد يساعدني ابدا بمشروع صغير ب10000 ريال
بس مايكون فيه اختلاط بالرجال
اتمنى منك مساعدتي واكون شاكره لك

إن شاء الله راح أرد على مشاركاتكم يوم السبت ان شاء الله

وآسفة على التأخيــــــــر

مرحبا اختي
انة من البحرين
وانةهوايتي الاعمال اليدوية
تغليف افكار جديدة تزيين وغيره
بس عندي ميوول لعمل كريمات للجسم مثل لوشن جذي يعني
وتوني ابي اجرب عند خواتي
ولة طلبوا مني 3 غراش
بس حابة اني اكبر بهالمشروع بس مو عارفة اضبط حالي ولا عندي الثقة
مع العلم الرصيد صفر
لكن انة ابتدي من البداية وان شاء الله يكون عندي الرصيد فوق وفوق
ومشكلتي مو عارفة كم اخذ الربح وانة مابي اخذ وااااااااااااااايد
بس ياريت لو تساعديني اختي
وتعطيني من افكارج الحلوة
وشنو اسوي
وشكرا

lost rose

هلا بأهل البحرين

انا ما تاخرت بالكتابة ومأجلتنه لليوم الا انني ارد بالترتيب على مشاركات البنات .. يعني بالدوور

وما حبيت اطوف دورج واعطيج اي فكرة علشان ارد على المساهمات اللي بعدج ...


فأتمنى تعجبج فكرتي اللي راح اطرحها وبتكون بتعاونكم جميعاااااا.

الفكرة كالتالي..

حاولوا تاخذون مكان يكون فية مسرح او stage تسوون فية مسرحية للطفل ويكون فية كورنر لبيع الاشياء اليدوية وبيع المأكولات والمشروبات الخفيفه للاطفال وتكون صنع البيت...


ما شاء الله عليكم متعددين المواهب

كتابة المسرحية انتي و اللي عندهم نفس هوايتج تشاركوا بكتابتها وتكون مسلية ولها عبرة او لها حكمة :)

ملابس العرض اللي راح تلبسونها بتكون اختج ومنوة يقدر يساعدها اشتروا الاقمشة وخيطوها والبسو الاشياء الغريبة ... وديكور المسرحية استخدموا الخشب ولونوة وهاذي بتكون مسؤولة عنه اختج اللي ما ولدتها امج..

واشتروا عدد 30 كرسي البلاستيك ورتبوهن اذا كنتوا بتسوونها بمكان عام مثل حديقة او شي جية ...

وكورنر البيع طبعا اغلبكم تسوون الاعمال اليدوية تقدرون تعرضونها للبيع ... وما شاء الله عليج

انتي بنفسج تطبخين وفنانة بالطبخ سوي المأكولات الحلوة اللي يحبها الطفل مع نوع او نوعين من العصير السريع التانك وغيره ... باسعار رمزية اكيد بيعطشون او بيوعون وقت العرض ..

انتو بس عليكم تدورون المكان اللي تقدرون تسوون فية العرض واهم شي يكون فية ناس واطفال وشدوا حيلكم لانكم انتو بتسوون العرض او خلوا اطفال العايلة اللي بالاعدادي او الابتدائي

اذا سويتي هالنوع من العروض نهاية الاسبوع مرتين تعالي نحسبها
تذكرة الدخول 5 دراهم واكيد الشراء من الاكل او الالعاب 10 دراهم = 15 درهم
وان شاء الله نقول 15 طفل بالعرض الواحد = 15 * 15 = 225 درهم
والعرض الثاني الي اهوة نفسة = 225 درهم

يعني بالاسبوع الواحد 225 + 225 = 450 درهم
بالشهر 450 *4 = 1800 درهم = 180 دينار بحريني

طبعا وانتو وشطارتكم تزودون اشياء للبيع اشياء الاطفال والاكل يعني ممكن لاناس تاكل وتتعشى من الاكل المطبوخ تزيديون عدد مرات عرض المسرحية تقدرون توصلونها 540 دينار بحريني

والله يوفقكم ان شاء الله

لآتيــه

من كلامج حسيت انج بروفشنال بالاعمال اليدوية ...

واتمنى انج تتخصين بهاذي الاعمال لكن باشياء ارقى مثل الكرستال مع الخرز ويكون اطقم الحلق مع الخاتم وغيره... وبتكون من اسعار مناسبة لاسعار اغلى الخاصة بالمناسبات والافراح والحفلات .. والبنات يحبون هالاشياء

واتمنى انج ترسليلي من بعض اعمالج اشوفها حتى اساعدج اكثر بالفكرة ...

سهد ليل

ان شاء الله قريب برد عليج وعلى باقي البنات بس لاني احس بالارهاق
<< (مريضة)

وان شاء الله ما اكون قصرت بحق احد