مشكلة بيني وبين زوجي بسبب الموبايل ،، ايش اسوي

شو صار ب انابوليس؟؟
هيهي يعني الاجتماع الكبير ؟

اانا انصحج قعدي وتفاهمي معاه واذا تم على هالاسلوب

خلي حد من هلج يكلمة ولو ماتغير طلبي طلاق قبل لتتزوجينة لان لو تزوجتية وهو على هالحال يمكن ماتستمر الحياة

والله يهداة لج ان شالله

عزيزتي انتي صح كاتبة كتابك
بس انتي هلا لسا في مرحلة الخطبة "هيك عنا بسموها"
يعني لازم تاخدي موقف من تصرفاته
و حاولي تتفاهمي معاه بالاحسان

و اقعدي معاه و بالهداوة حاولي تفهمي خطئه
و انه هيك بيجرح انوثتك
و فهميه تصرفاته هاي بتعني انك مو مكفيته


و الله يوفقك حبيبتي و يهدي زوجك

انا من رايي تغلي عليه ولاتكلمينه ليما يجي بنفسه يتاسف لاتتنازلين عن حقج
الخيانه ماينسكت عنها
دامه مال لعب لايتزوج احسن
والله يعينج

ماقصرن الحريم ساعدنج يالله صلي صلاة إستخاره ... والله يوفقج
ولا تنسينا قوليلنا شوه صار!!!! ترانا على احر من الجمر...

ويييييييييييييييينج اختي بشرينا



روووووووووووووووووووووز

شوفي اختي يا انه يعدل اسلوبه ويصير رجال
ولا اطلبي الطلاق

ايش اخر الاخبار هههه ياحبنا للقافةههه

الله يقطع بليسج يا جوهره ظحكتيني وانا حزينه.. بس مب كأنه صارلها شي ليش تأخرت؟؟؟ يمكن يوزوها غصب؟؟؟ او سوابها شي؟؟ تراني متروعه عليها الله يحفظهااااا

عاشقة حتى البكاء;4860600:
مرحبا بنات


اسفه على التاخير وربي ماعرف كيف اتصرف



بقولكم الي صار وعطوني رايكم راسي بينفجر من التفكير

الي صار ان والدي بعد ما اجه من السفر تركته يوم يرتاح وثاني يوم بعد صلاة المغرب والعشا

جلست مع امي وابوي بس

وخبرتهم بللي صار بتفصيل على سالفه التلفون والبنات وسوالف كثييييييييييييييييييير انا كاتمتها بقلبي


بعد ما سمعوني امي وابوي


امي ساكته

ابوي الي اتكلم

قالي شوفي ما ابغيك تبدين حياتك على امل ممكن يصير وممكن مايصير


ما ابغيك تحطين براسك احتمالات

احتمال يتغير ويصير سنع

واحتمال ما يتسنع

واحتمال يصير زين واحتمال يصير اسوء

الرجل اذا ما احترم حرمته من البداية معناها خلاص

قتله انا مو طايقته ومابغيه خلاص كلموه خبروه اني مابغي

هنا امي قالت

ايش ؟؟؟


ايش ما تبغيه

انتي من صجج ولا تمزحين



قتلها وليش امزح كلام مافي مزح


قالت ايش يعني ما تبغي

قلتلها يعني ماابغي خلي ينهي كلشي انا ماتحمل ولا اتحمل التصرفات هذي

امي: لا اكيد انتي مو بوعيج تبغين تطلقين ومو باقي على العرس الا شهور

الناس ايش بتقول علينا


قلتلها يا يمه الناس ما بتسكت يعني تبغيني اسكت واتحمل على امل انه يصير زين واتزوج وماصار زين بعدها اتطلق بعد شهر شهرين او يصير عندي طفل طفلين


خليني الحين اترك كل شي قبل فوات الاوان

قالت لا بنت الاصول بتتحمل الرجال بمساؤه ومحاسنه من الحين تقولين ما اقدر

ابوي كان ساكت بعدين قال لامي

انا اشوف ان بنتك تفكر صح وماتبغي الحين تدخل بحر وهي ماتعرف تسبح فيه

شوفي يا بنتي


انا ما بقولج اتركي او استمري معاه يمكن يتغير


عشان لا يجي يوم تقولين انتو السبب

فكري بالموضوع ودوريه براسك يمين ويسار

وعطينا قرارك النهائي بعد كم وم ولا تستعجلين

قلت لابوي اني مابغي وهنا ماسيطرت على نفسي ونزلت دموعي ضمني وقال لي فكري يا بنيتي وخبرينا بقرارك



ومحد بيصدقني لو خبرتكم انه حتى ما اتصل يعيد على ابوي بالعيد ولا اتصلي ولا يبغي يتنازل ويتعرف بغلطه


وانا يا بنات مثل ماقال ابوي


مابغي اقول يمكن يتغير

واحتمال يصير زين

تره سالفه التلفون والبنات وحده من سوالفيه الي ساكته عنها

لما اتذكر سوالفه وربي اكرهه اكرهه


واكره نفسي لان للحين باقيه معاه


جلست بروحي وفكرت واخذ قرار الانفصال


يا بنات لا تقولولي سالفه التلفون مو مشكلة كبيرة عشان تاخذين هالقرار

تره وربي سوالفه كثيييييييييييييييير


وكل يوم اكتشف فيه شي

وكل شي اسوء من الثاني


انفصل عنه من الحين احسن ما اتعب عمري كله


واشكركم على وقفتكم معاي


وعسى ربي ما يوقعكم بضيقه ويفرج همومكم ويسخر كل زوج حق زوجته ويرزق البنات الي ما اتزوجو الزوج الصالح الي يحترمهم ويقدرهم

استخيري اختي وان شالله الله يكتب لج كل الخير

واذا تبين الانفصال ان شالله الله يسهل لج امورج ويرزقج باحسن منه

شو صار حبيبتي؟؟

تابعت الموضوع من البداية و لفت نظري

بس بقول لج كلمة..

يا ريت يرجع الزمن لورا شوي و اخذ نفس موقفج

لو انفصلت عن زوجي ايام الخطوبة من اول موقف كان ابرك لي

و الله مشاكله ما تخلص مع النسوان.....الله يهديه

ندمانة قد شعر راسي اني تزوجته و عندنا اولاد الحين .

iwaki_san;4898162:
الله يقطع بليسج يا جوهره ظحكتيني وانا حزينه.. بس مب كأنه صارلها شي ليش تأخرت؟؟؟ يمكن يوزوها غصب؟؟؟ او سوابها شي؟؟ تراني متروعه عليها الله يحفظهااااا

[GLINT]هههههه اي وللة قمت احاتي[/GLINT]

لاحول الله ولا قوة الا بالله
الله يصبركم خواتي كل مصيبه ازيد من الثانيه والسبب كله من الرياييل
الله يعينا على هالزمن

وييييينج ماروم ارقد يالسه اترياج!!!!!

اهلا يا بنات


تعالو فكوووووووووووووووووني



الحين اهلي خبرو اهله اني خلاص ما ابغيه وابغي انفصل عنه


ومن هذاك اليوم لليوم


كل يوم حد جاي عندي يتكلم معاي ويحاول يرجعني عن قراري


يوم خواته ويوم ابوه واليوم اجه اخوانه الشباب اكبر منه

بس انا اتكلمت معاهم بكل صراحه وخبرتهم اني ما ابغي لان سوالفه ما اقدر اتحملها


اتكلمو معاي وبكره يتغير وبس يتزوج يحس على روحه

خبرتهم اني ما اقدر ابدي حياتي على كلمة ( ممكن يتغير ،، واحتمال يصير زين )

خبرتهم انهم مثل ما ربطوني فيه يخلصوني منه وما ابغي


وهو اتنازل واتصل فيني اكثر من مره


بس انا مارديت وبعدين غلقت التلفون


وبس فتحته مطرشلي مسج كاتب في ( لو سمحتي ابغي اتكلم معاك ) ومارديت عليه

وبعدين اتصل على اخوي الكبير ( الي هو صاحبه ) جابلي التلفون قالي خذي كلمي فلان


قتله وبصوت عالي لا ابغي اكلمه ولا ابغي اسمع صوته


واليوم اتصل ابوه الصبح بصراحه خجلت ما ارد عليه رديت واتكلم وحاول يقنعني

وعيب والناس ايش بتقول وانتو مو باقي على عرسكم الا كم شهر


خبرته ما ابغيه ولو اتزوجته بتطلق بعهد كم يوم مو كم شهر ولو سمحت عمي هذا اخر كلام عندي ومابغي اي نقاش ولا تحاولون لان واحد مثل طبعه صعب انا اقدر اتعاشر معاه

ممكن غيري تتحمل انا ما اتحمل ومافي شي يجبرني اتحمل تصرفاته

وخلصت المكالمة


وهاي اخر الاحداث


خلوكم معاي شكلها بتصير مسلسل مكسيكي ب100 حلقه خخخخخخخخخخخخخخخخ


يلا اي شي جديد يصير اخبركم اول باول

الله يعينج ويثبتج ، بس ترى ما يمنع إنج كل يوم تستخيرين حتى لو تكملين الشهر ، إلى

أن ترسين على حل أو راي ،، ترى وانا أختج استشارة ربج أفضل من استشارتي انا وغيري

انا عارفة إنج طفشتي من عمايله والله يعينج عليه ، بس لا تركزين على الردود ، خاصة

وانتي تبي الفكة اليوم قبل باجر ...............

ادعي ربج إن الله يرسيج على الحل الأمثل والأسهل ، ودام إن أهله اتصلوا وخصوصاً أبوه

قولي عن عمايل ولده معاج ، أبوه لازم يعرف عنه كل شي عشان إذا صار ماصار يكون

أهو بالصورة ............

واحنا مالنا غير الدعاء لك ولأمثالك ( عندنا وعندك خييييييييييييييييير ) !!!!!!!!!!!!

الله يكتب لك الخير ويلهمك الصواب

منال الكويت;4904005:


الله يعينج ويثبتج ، بس ترى ما يمنع إنج كل يوم تستخيرين حتى لو تكملين الشهر ، إلى

أن ترسين على حل أو راي ،، ترى وانا أختج استشارة ربج أفضل من استشارتي انا وغيري

انا عارفة إنج طفشتي من عمايله والله يعينج عليه ، بس لا تركزين على الردود ، خاصة

وانتي تبي الفكة اليوم قبل باجر ...............

ادعي ربج إن الله يرسيج على الحل الأمثل والأسهل ، ودام إن أهله اتصلوا وخصوصاً أبوه

قولي عن عمايل ولده معاج ، أبوه لازم يعرف عنه كل شي عشان إذا صار ماصار يكون

أهو بالصورة ............

واحنا مالنا غير الدعاء لك ولأمثالك ( عندنا وعندك خييييييييييييييييير ) !!!!!!!!!!!!

انا مع الالخت بكل كلمه قالتها

1- استخيري
2- علمي ابوه عن تصرفاته واذا ما قدرتي علىالاب علمي الاخوات

اوالله ييسير لك امورك

ولا تنسين الاستخاره على طول

مودتي

لااا تسويله سالفة وإنفصلي عنه وقولي الحمد الله إنه مبين على حقيقته ألحين يا كم وحده صبرت وحاولت تغير

زوجهاا بعد الزواج بس فشلت الله يوفقج

الله يسلمكم بنات


انا وربي اصلي واستخير ربي واقول ياربي دلني على الطريق الي في مصلحتي


بس سبحان الله كل يوم يزيد الكرلاه بداخلي وكل ما اصحه اقووول ياربي انا للحين على ذمته


اما عن اهله


فلما عرفو بقراري اجو كلهم عندنا

وانا ما سكتت وقلت الي عيوبه الى حد اهله يقولولي مو معقووول هو يسوي جذي ؟؟


خبرتهم لو مو مصدقين عمايله خلي يواجهوني في


وخبرت ابوه لو انه يقبل على بنته زوج مثل ابنه


انا وربي اصلي والحمدلله واستخير الله


ايش يصير ارجعلكم بسالفه


الحين بروح تصبحون على خير