مشكلة بيني وبين زوجي بسبب الموبايل ،، ايش اسوي

مع الايام بيتغير..بس انتي لا تفتحين وياه ها الموضوع

حاولي تعدلين من طبعه الي مب حلو باسلوبج الحلوو

والله ما عرفنا لها الحياه لا المرتبطه مرتاحه ولا الي مو مرتبطه

الله يعينج ويهدي الامور

عسى التأخيره بخيره ؟؟؟؟؟؟؟

اتاخرتي علينا والله بالي معاكي
وكل ماادش لمنتدى ادخل لموضوع اشوف اذا جيتي اولسه

والله الحياة كلها مشاكل
بس اللي سوا كذا وانتو مادخلتوا اجل كيف اذا تزوجتو
الله يعين بس
بس خليك قويه ووقفيه عند حده
ويمكن يبيك تفهمينها انه مو قد الزواج
الله يوفقك

مرحبا بنات


اسفه على التاخير وربي ماعرف كيف اتصرف



بقولكم الي صار وعطوني رايكم راسي بينفجر من التفكير

الي صار ان والدي بعد ما اجه من السفر تركته يوم يرتاح وثاني يوم بعد صلاة المغرب والعشا

جلست مع امي وابوي بس

وخبرتهم بللي صار بتفصيل على سالفه التلفون والبنات وسوالف كثييييييييييييييييييير انا كاتمتها بقلبي


بعد ما سمعوني امي وابوي


امي ساكته

ابوي الي اتكلم

قالي شوفي ما ابغيك تبدين حياتك على امل ممكن يصير وممكن مايصير


ما ابغيك تحطين براسك احتمالات

احتمال يتغير ويصير سنع

واحتمال ما يتسنع

واحتمال يصير زين واحتمال يصير اسوء

الرجل اذا ما احترم حرمته من البداية معناها خلاص

قتله انا مو طايقته ومابغيه خلاص كلموه خبروه اني مابغي

هنا امي قالت

ايش ؟؟؟


ايش ما تبغيه

انتي من صجج ولا تمزحين



قتلها وليش امزح كلام مافي مزح


قالت ايش يعني ما تبغي

قلتلها يعني ماابغي خلي ينهي كلشي انا ماتحمل ولا اتحمل التصرفات هذي

امي: لا اكيد انتي مو بوعيج تبغين تطلقين ومو باقي على العرس الا شهور

الناس ايش بتقول علينا


قلتلها يا يمه الناس ما بتسكت يعني تبغيني اسكت واتحمل على امل انه يصير زين واتزوج وماصار زين بعدها اتطلق بعد شهر شهرين او يصير عندي طفل طفلين


خليني الحين اترك كل شي قبل فوات الاوان

قالت لا بنت الاصول بتتحمل الرجال بمساؤه ومحاسنه من الحين تقولين ما اقدر

ابوي كان ساكت بعدين قال لامي

انا اشوف ان بنتك تفكر صح وماتبغي الحين تدخل بحر وهي ماتعرف تسبح فيه

شوفي يا بنتي


انا ما بقولج اتركي او استمري معاه يمكن يتغير


عشان لا يجي يوم تقولين انتو السبب

فكري بالموضوع ودوريه براسك يمين ويسار

وعطينا قرارك النهائي بعد كم وم ولا تستعجلين

قلت لابوي اني مابغي وهنا ماسيطرت على نفسي ونزلت دموعي ضمني وقال لي فكري يا بنيتي وخبرينا بقرارك



ومحد بيصدقني لو خبرتكم انه حتى ما اتصل يعيد على ابوي بالعيد ولا اتصلي ولا يبغي يتنازل ويتعرف بغلطه


وانا يا بنات مثل ماقال ابوي


مابغي اقول يمكن يتغير

واحتمال يصير زين

تره سالفه التلفون والبنات وحده من سوالفيه الي ساكته عنها

لما اتذكر سوالفه وربي اكرهه اكرهه


واكره نفسي لان للحين باقيه معاه


جلست بروحي وفكرت واخذ قرار الانفصال


يا بنات لا تقولولي سالفه التلفون مو مشكلة كبيرة عشان تاخذين هالقرار

تره وربي سوالفه كثيييييييييييييييير


وكل يوم اكتشف فيه شي

وكل شي اسوء من الثاني


انفصل عنه من الحين احسن ما اتعب عمري كله


واشكركم على وقفتكم معاي


وعسى ربي ما يوقعكم بضيقه ويفرج همومكم ويسخر كل زوج حق زوجته ويرزق البنات الي ما اتزوجو الزوج الصالح الي يحترمهم ويقدرهم

حبيبتي الله يعينج بصراااحه قرااار صعب

صلي الأستخاااره

الله يوفقج ويسعدج ويفرج همج والله ضااق صدري عليييج

حبيبتي
تصدقي؟ الله يحبك كثيييييير
لانه قدّر إنك توقعي فهالموقف بالذات..
ولانه يريدك تعرفي حقيقة الإنسان هذا .. قبل لا ترتبطي فيه!

انا معك .. في إن مسألة التلفون مو هيّنة أبدا..
هي بداية اشتعال النيران دوما..
وخاصة في هذا الزمن..

ما دام تجرأ على عدم احترامك
فلن يحترمك بعدها.. ولن يتغيّر..
وإن تغيّر سيعود مثلما كان .. لأنه تعوّد
على هذه الحركات

وأنتي بنت فاضلة .. لا تستحقين هذا الرجل

وكلام الناس لا يتوقف..أبدا
سواء تطلقتي أو عرستي..

فالأفضل الواحد يشوف حياته..
ويفكر بعقل كبير..
إنت تريدي استقرار من هالزواج مو مشاكل وضيق

وتأكدي الله ما بينساك أبدا..
لكن اذكري الله كثيرا.. واستغفري وسبّحي.
فالخير بيده هو .. فاطر السموات والأرض

أختك المحبة لك
silent

الشئ الوحيد الذى يدعو المرأة للإحتفاظ بزوجها وتحمله وتحمل نزواته هو بيتها واطفالها


اما ماعدا ذلك فلا داعى للتضحية والتنازل عن قيمة المرأة وكرامتها

الله يكتب لك الخير وينور بصرك وبصيرتك ويهديكِ للصواب

حبيبتي مرحبا بيك بموضوعك والله اول مدشيت المنتدى دخلت لموضوعك لا تفكري بلحظه انه يمكن يتصلح انا اولك ليش لانه ول مره الت حتى مزح انسي السالفه وبندا من جديد هو حتى مايعترف اساسا انه غلط وهذه مشكله لا تتردي بلحظه انك ماتنفصلي عنه العمر دامك ولله الله يحبك وبين لك الطريق من الاول قبل لا يصير عندك اولاد وبعدين تصيري عايشه بس وصبره عشان اولادك الرجل لي ما يحترم حرمته وهي معاه ماينزعل عليه
الله يعوضك بخير منه وقولي لوالده انه احسن شي تطلقي منه لانه الانسان بالفعل ما تستاهل لو على الاقل اعتذر كنا نقول ولله عرف بخطا وان شاء الله ما يتكرر لا الاخ شايف نفسه على الفاضي

اهتمي بروحك وعيشي حياتك وربي بيعوضك خير منه ان شاء الله
وابقي طمنينا عليك كل ماتسمع لك لفرصة انا على طول متابعه معكي
والله يوفقك

اعملي موقف من البدايه

قوليلوا انتي واثقه فيه وعارفه ان انتي كل حاججه ليه وهما ولا حاجه

بس هو كبر علي كدة ولازم يعملك كرامه كلميه بسياسه

وبعدين شوفي رد فعله

بس لازم يبقي لك موقف علشان ميزدش فيها

وربنا يهديه

والله لاتزعلين نفسك عشان واحد مااحترمك ولا احترم اهلك حتى في العيد ماعايدة هذا قليل ذوووووووق واصل وماعندة ادب و لاحياة وفي مثل يقول اللي مايجي مع العروس مايلحقها يعني اللي مو مقدرك وانتي عروس ماراح يقدرك وانتي عندة في بيتة قرارك صح والناس خليهم يتكلمون كذا كذا راح يتكلمون وخذيها نصيحة مايهمك كلام الناس الا بسمعتك فقط وان شاء الله ربنا بيعوضك وتصرفك صحيح مليون بالمية على الاقل لو كان ندمان كان قتلك سامحي لكن شين وقوي عين لالا انتي مو رخيصة عشان تتزوجين واحد بيعك ان شاء الله بيرزقك بالي شاااااااريك

المشكله اكبر من مشكلة موبايل..
المشكله انه حتى بخطأه لحد الان ما اعترف
حسبي الله عليهن هالنوعيه من البنات!! حقيرات
وانا بقول لك فكري وصلي استخاره قبل اخذ القرار 100%
وكلام الناس ترى مش مهم .. الحسودين والحقودين موجودين،،سواء صارلك خير او شر..
ويمكن يصير لك شر وتفكرينه خير.. ويمكن يصير لك خير وتفكرينه شر!
عموما..قولي له قبل ما تبدئين تفكير ,, انك خبرتي اهلك بكل شي .. وانكو قررتوا قرار .. بس لا تقولي له شو القرار
خليه ينجن على ما يعرف..قولي له (( ابوي اللي بيخبرك )) مش انا.......
وارجعي فكري قبل لا تقرري .. بالتوفيق حبيبتي

عاشقة حتى البكاء ها خبريني وش لي صار بنطرك

أختيه قبل لا تاخذين قرار بالأنفصال صلي استخارة ..
واتمني ان رب العالمين مقدرلج بزوج أحسن منه..

هاه ختيه وينج اختفيتي.. نترياااج وصلي صلاة استخاره وبعدين كلام ابوج صح امليووون بالميه وامج الله يهديها تفكر وايد بكلام الناس لازم تفكر ببنتها اول شي..... اعرف وحده نفس قصتج بس اطلقت بعد الحياه المره مع الحقير وراح خذله وحده ولا همته حرمته.... والله حرام تظيعين عمرج وحياتج مع شخص مثله وانتي تكرهينه ليش تحتارين ؟؟؟؟
الله يسهل عليج ويريح بالج دنيا واخره والله انشالله لايراويج القهر والحزن.......
ردي نترياج ختيه

اخيييييييييه اي والله صج ريال عينه قويه وين قاعدين حلوه هذي قاعده معاه ويعاكس الي وراي مو ادووس بطنه والتليفون الي ماسكه وعيونه عليه امسكه وابط عيونه فيه كلام الاخت على البال صحيح وعين العقل وانا معاها بصراحه

والله يعينج يا قلبي

عاشقة حتى البكاء;4831616:
هلا يا بنات


اشكركم من كل قلبي على وقفتكم معاي وربي لا يوقعكم بمشاكل ان شالله


الحين خلاص قرررت اكلم اهلي بالموضوع ويشرو علي ولو اني متاكده ان ابوي لو عرف بسوالفه ماراح يرضى ابقى على ذمته ليلة وحده



بكرة ان شالله بجلس واتكلم مع اهلي



لان ابوي مسافر واليوم يوصل في الليل انطره يرتاح وباجر ان شالله بفتح معاهم الموضوع واحط حد لهالبني ادم هذا << مو متاكده انه بني ادم


اما عن المحروس فلا حس ولا خبر من هذاك المسج وماطرش شي ثاني


بس اخته الكبيرة اتصلت تبغيني اطلع معاها السوق فاعتذرت بحجه ان ابوي اليوم جاي من السفر


بعدين قالت لي ان طريقتي ناشفه بالكلام معها وايش في وعسى ماشر

للامانه خواته واهله كثير كويسين معاي بس هالبذره الخبيثه ماعرف على منو طالع

المهم قلت لها لا تستعجل وبتعرف كل شي قريب


قال لي ايش في وايش الي بعرفه قريب


مارديت عليها وقلت لها لا تستعجلين


هذا اخر حدث على الساحه خخخخخخ<<< ولك نفس بعد تضحكين

تراني ما ازعل على ناس ما تحترمني وكرامتي فوق كل اعتبار


المهم يا بنات


بكره بعد ما يخلص الاجتماع مع اهلي واوصل نتيجه


بدخل المنتدى على طول اخبركم بلي يصير

ومشكورين ويعطيكم العافيه

:D:D:D:D:D:D وينج اختي طمنينا عليج :cool::cool::cool::cool::cool:

وينج اختي طمنينا عليج

مرحبا اختي

ونعم القرار ... لان في ناس عمرهم ما يتبدلون ولا في عينهم حصوه ملح .. وهالريال شكله منهم ..

الله يعوضج خير اختي

ولا تزعلين .... ولا يستاهل دمعه منج .....

ختيه طمنينا وينج؟؟؟؟؟