من حقي يوم في الاسبوع إجـــــــــــازة من اطفالي !!

ولدي متعود على فراقي الصبح بسبب العمل.. يوم صغير كان عند أمي والحين بالروضة.. بس من أدخل البيت يتبدل حاله دلع الدنيا كله ينزل عليه ويتم لازق فيني وخصوصا من كبر بعد ماقدر آخليه مع أمي وخواتي مع أن يوم صغير كلهم مايمانعون يخلونه عندهم وكانت معاه الخدامة تلاحقه بس الحين من كثر مايحن يبيني يقولون لي أخذيه معاك من فضلك..
طبعا صارت طلعتي محدودة بروحي يا الصالون او زيارة موجب والا آخذه معاي وين ماروح...
إذا صار عندنا عرس أنومه وأخليه مع أبوه...

طلعتي مع زوجي بروحنا بعد صارت محدودة،، بس الحين أنحلت المشكلة مرة بالشهر أخلي وحده من خواتي تنام عندي بالشقة طبعا أنومه وبعدين نطلع والأخت ماتقصر تقعد مراقب وكل شي عندها أكل ونت وتلفزيون يعني ماتتملل....

ما أقدر على فراق بنتي
أتم أوسوس عليها حتى لو تركتها مع أمي أو وحده
من خواتي..كل شوي فكرة اتجي وفكرة تروح
لحد ما أوصل البيت وأشوف ما فيها شي
يرتاح بالي على العصفورة النتفه
بنتي حجمها صغير وأخاف عليها ...
بس أحيانا أحب ارتاح منها عشان أشتاق ليها عدددل خخخخ
بس ما أقدر..يمكن لأنها أول بنوته..
أنا اللي متعلقه فيها مو هي هههههه
وعن زوجي دواااامه طويييييييييييييل
بس ما يقصر ياخذها عني شوي
إيده عجيبه بس ياخذ بنتي على طول يهزها خفيف
وتنااااااااااااااااااااااااام وينام معاها خخخخخخخ
وأخذ راحتي ثلاث أربع ساعات أتسلى فيهم ..
وعلى الطلعه ليلحين ما طلعنا طلعه حلوة مثل قبل
الله يعيننااااااااااا..

والله من طول الغيبات جاب الغنايم ياجموووووووووووون


ياهلا والله وموضوعك روووووووووعة

وبالنسبة لي طبعا اقتبست من كلام بعض الاخوات اختصارا للوقت واعذروني بس لكن نفس رايي
ههههههههه

هل تحرصون بين الفينة والاخرى على الابتعاد عن اطفالكم لفترة معينة؟

والله يا ريت بس نادرا ما يحصل ويمكن مستحيل بعد إلا إذا بروح اقضي اغراض واتركها عند امي الله يحفظها

ماهي الهوايات او الامور التي تستهويكم وتقومون بها في هذا ال break?

اني اقعد اطالع التلفزيون على راحتي وطبعا آكل بهدوء لان مستحيل اقدر آكل بدون ماالاحق بنتي وااكلها قبلي ولما اخلص بيكون الأكل برد ولا اشتهي آكل و اطلع اقضي حوايجي من تسوق وغيره من الامور البسيطة لان حتى وانتي طالعة عنهم تحاتينهم

وعند من تتركون اطفالكم؟ وكيف تصفون مشاعركم وحالكم عند عودتكم اليهم؟

عند الوالدة الله يحفظها طبعا ومستحيل أأمن على احد ثاني حتى ابوها مااثق فيه احسه مايعرف لها
ههههههههه
اما مشاعري اذا ترتكها شوي عاادي اما ساعات طويلة اشتاق لها عددل واحس بتأنيب الضمير الصراحة ولو ان هذا نادر مااتركها فترة طويلة اقصى شيء يمكن 3 ساعات او 3 ساعات ونصف والغرض بيكون تسوق ومن اجي كاني مو شايفتنها دهر مو كم ساعة

هل الزوج ومن يقوم برعاية الاطفال حال غيابك مقتنعون بهذه الفكرة؟

لاااااا
اصلا مستحيل لاهو يثق في روحه ان يقدر يدبر اموه وياها ولا انا مااثق فيه اقول يمكن مايعرف لها


ام ان الام مسؤليتها ابنها ولا بد لها من اخذه الى كل مكان تذهب اليه؟؟؟؟؟

لا والف لا الاب بعد ملزووم بأبنائه

ومو ملزومة تاخذهم وياها وين ما راحت لأن بصراحه فيه مشاوير ما تصلح للاطفال والام محتاجة لوقت تختلي بنفسها شوي

هذا الكلام صحيح 100 % لكن التنفيذ 0 %

لان مستحيل في قلب ام يطاوعها تروح تتمشى وتستانس وراميه ولادها

عن نفسي لازم يكون في سبب قوي بعدين اتركها لحالها مع امي طبعا الله يحفظهم ويخليهم لي



وآسفة على الإطالة

حمدلله على السلامة جمون ... اشتقنالك

لاحظتي الاحساس بالذنب صفة غالبة عند كل البنات لو طلعوا شموا هوا او رفهو عن نفسهم شوي من غير عيالهم ... مدري ليه ؟؟؟ بس خليني احاول اتكلم عن حالي شوي :

1/ يجيني احساس باني اتخليت عنها يوم اطلع واخليها مع حد ... حتي لو كان مشوار صغير ... او لو كانت نفسيتي تعبانة ... بس اتخيلها تصيح تبيني ... تكسر خاطري وتتعب نفسيتي زيادة ... وكدا تكون فكرة الترفيه انتفت.

2/ انا دوامي طويل ... من 8-4 يعني اخليها مع الشغالة تحت اشراف عمتي حوالي 8 ساعات ... يعني ظالماها ... كيف قلبي يطاوعني اطلع مرة تانية واخليها .

3/ بنتي برمجت نفسها على النوم طول النهار ... وتصحي على مواعيد وصولي ... نقضي اليوم لعب واكل وحمام ... وتنام على الساعة 10 يعني لو تنام بدري كان ممكن اطلع ... بس بعد 10 اكون انا نفسي هلكت ... ومافيني رغبة لاي شي تاني بس انااااااااااااااااااااام .

4/ بنتي كانت طيوبة وهادية كان سهل اني اخليها مع امي في الشهور الاولى واطلع انا وزوجي نتعشي ... نروح السوق ... او اروح الصالون .... بس من نزلت الدوام اتغيرت ... صارت زنانة ... لازقة فيني ... وماتبي حد تاني ... لو خليتها مع امي ... تاذيها بالصياح ...

والغريبة جمون ان زوجي هو اللي يصر على ضرورة ان يكون عندنا يوم لنفسنا او على الاقل لنفسي ... يمكن لانه شايفني متقطعة بين كل الاطراف ... ومحاولة ارضي الكل الا نفسي !!! يحاول يساعدني على قدر ما يقدر ... انا من البداية ما شركته في رعاية بنتي .... كنت احس اني ما اثق فيه اخليهم مع بعض لحالهم ... ماراح يعرف يتصرف معاها ... وطبعاً غلطة كبيرة لانه الحين مسئوليتها صارت كلها علي ... بس عم احاول اتدارك الخطأ اللي عملته شوي شوي

وبس

مو ضوع رائع يا جمانه

انا عندي بنت وحده و بعدها صغيره اربع شهور و شوي ما شاء الله لا قوة إلا بالله

بس ما عندي وقت فراغ
ابدا

و ما عندي احد احط بنتي عنده

اختي روحها عنجه بيبي و صعب جدا و ما في شغاله

و امي تسافر كثير و ساكنه بعيد

و بنات حماي استحي منهم لأنهم ما عرضوا علي

و زوجي يشتغل بعيد و م اشوفه وايد و لما يرجع يكون روحه تعبان

و بنتي نومها ملخبط و تصيح و انا اموت في القراءه و ما عندي وقت حتى اسبح


ِ

حلو إنه الوحده تاخذ راحه وفترة نقاهه حتى لو كانت لساعه

آنه عني أحب أخلي وقت خاص فيني وزوجي مع بعض وأحدده بيوم من الإسبوع وساعات نطلع بنتي معانه ونلعبها وآخر الليل إنرجعها البيت مع الخدامه وأمي وآنه أطلع أروح السينما أو أي مكان وحلو الوحده تخلي أوقات خاصه فيها ومن وقت لي وقت أطلع مع ربعي وأغير جو أو أروح النادي أو السوق المهم أكون بروحي

والله يا جمانه ياريت .. هو لازم يكون من حقنا ولازم يطبق في حقوق النساء

بس منو بيستحمل حمود

مسكين زوجي يالله اجابله ومتى عقب الساعه 12 بالليل ( لا تفهموني غلط)

فكرت اني اطبق هالشي كذا مرة خاصتا ان بنت خالتي تسويها ..

بس احس ان عيالي بعدهم صغار .. وحمود ما شاء الله حركي لدرجة فظيعه يفرفر الاغراض ويوصخ ويضرب .. وما عندي خدامة ان شاء الله اليوم بتوصل ..

من ناحية زوجي وايد يتضايق ان ما عندي وقت اقعد معاه ولا انا وهو نقعد بروحنا ولا نطلع بروحنا من دون اليهال ..

يعني بالمختصر المفيد حياتنا كلها عيالنا يشاركونا فيها سواءا فالسوق ولا العيادات ولا اليلسه فالبيت ...الخ

ان شاء الله بسوي هالشي من يدخل حمود الحضانه السنه اليايه ..

نسيت اقولج اليهال مب العائق الوحيد الي ما يخليني اسوي هالشي ... لالالا شغل زوجي بعد لانه يداوم شفتات (يومين نهار من الساعه 1 الظهر _ 10 بالليل، يومين الصبح من الساعه 5 الفجر _ 2 الظهر ، يومين ليل من الساعه 10 بالليل _ 5 الفجر ، يومين اجازة بس يا نايم يا برع يخلص اشغاله واشغال ابوه)

هاي حياتنا ...... الي يبي الدح مايقول لح... على قولت اخوي :mad2::cry::mad2:

هلا جمانة شلونكم و كل عام و السنفورة بخير

و لله افتقدت و كالعادة موضوع مميز

بالنسبة لي الحين انا اترك ولدي عند امي بعض الاحيان لمن اروح رياضة او سوق

بس للحين مو مجربه اتركه و اطلع استانس مع زوجي لانه بعده صغير

بس الفكرة واردة

راح اقولكم قصة عن وحدة هني ولدها عمره 3 شهور تركته اسبوعين و راحت سياحة مع رفيجتها و ازواجهم لدول اوروبا و المغرب بالسيارة

و فطمته لانه اسبوعين ما راضع منها و نشف حليبها

يعني انا مستحيل اسويها بولدي حتى لو اموت من الكابة

بس ممكن لمن يكبر ابيته ليلة عند امي

طولت عليكم <<< صايرة قرقة

باي

مش عارفة أخواتي...بس أحس صعب جدا أترك بناتي و مسؤوليتهم على أمي !

يعني هي حرمة كبيرة...و ما شاء الله كفاية إنها ربّتنا...

و السن له أحكامه...يعني أخليها ترجع تاخذ بالها من أطفال رضع...تغيّر و تأكّل و تشرّب و تنيّم !

مستحيل أفكر أعمل هذا الشيء في أمي...يعني ما أتخيّل بس تنهيدة منها لو عيالي تعبوها...و أكون أنا السبب فيها...

مفروض أريّحها مش أتعبها...و كل هذا علشان أطلع و أنبسط ...!!

بعدين أنا نفسي اللي أنا أمهم مرّات تطلع روحي من عيالي و ما أستحملهم...معقول غيري بيستحملهم ؟

مرموم.. مش بالضرورة تكون الوالدة...
ممكن الاكثرية ذكروا انهم يتركوهم عند امهاتهم بحكم انهم الاقرب لهم..
لكن فيه ناس ومنهم انا اكثر الاوقات اعطيهم لاختي بحكم ان عدد اولادها قليل وكبار ... وممكن يساعدوها باولادي يلعبوا معاهم ...

كلامك صحيح.. حرام يربّوا مرتين...

جمـــانة;4784575:
مرموم.. مش بالضرورة تكون الوالدة...
ممكن الاكثرية ذكروا انهم يتركوهم عند امهاتهم بحكم انهم الاقرب لهم..
لكن فيه ناس ومنهم انا اكثر الاوقات اعطيهم لاختي بحكم ان عدد اولادها قليل وكبار ... وممكن يساعدوها باولادي يلعبوا معاهم ...

كلامك صحيح.. حرام يربّوا مرتين...

بالضبط يا جمانـــــــة...حرام يربّوا مرتين...و الله التربية مش سهلة...

لما يكونوا أخواتي اللي في الجامعة موجودين...ممكن أترك مريم عندهم...يظلوا يلاعبوها و لهم حيل عليها...و هي تنبسط معاهم جدا...

لكن الوالدة لا....ما يطاوعني قلبي و الله أتعب أمي لو دقيقة واحدة...

بلنسبه لي بصراحه لاااازم اطلع بدون ولدي ولو يوم فلشهر ماعلييييي


خخخخ انا كل يومين اطلع من غيره حبيبي لكن عن جد ارجع البيت نفسيتي متغيره وولدي يوحشني وانا بعد اوحشه ومن يشوفني ماما ماما هههه شعور حلو والله

وبعدها ارضى كلشي يصيدني فلبيت لاني طلعت واخذت حقي شوي وغيرت جو

هلا جموووووووونه

بالنسبة لي اطلع مع زوجي يومين بالاسبوع

السبت والثلاثاء

اخلي ولدي عند ام زوجي واذا بتطلع اخذه معاي

اما اني امارس هواياتي والله ماقدر ماعندي وقت حتى النت صايره ما ادخل الا نادر

والله يعينا

آآآآآآآآآآآآآآآآآآآآآآآآآآآخ يا جمانه .. رشيتي ملح على الجرح :tears:


خااااااااااااااااااااااااااااااااااااطري موووووووووووووووووووووووووووت اطلع طلعه حلوة مع زوجي انا حتى مع عيالي وما تكون طلعتنا حلوة من مشاكل اليهال وتعبهم .. وما عندي فرصة ابداااااا ان اخليهم عند احد ..


وطبعا انا اطلع اروح الجامعه يعني طلعة بدونهم خخخخخخ واروح اعراس بدونهم يعني اخليهم مع ابوهم واحيانا اروح زيارات بدونهم بس اكيد بكون بروحي اقصد انها مو طلعة حلوة مع زوجي (w)

وبصراحة :: احس ان عيالي هم مسؤوليتي انا وزوجي فقققققققققققط ومحد مكلف انه يتحملهم علشان بس اني اطلع مع زوجي واغير جو :whistling: يعني بروح مشوار ضروري مستشفى مثلا او الجامعه اوكى لكن اني اتركهم عند احد بس علشان اطلع انبسط مع زوجي مستحيييييييييييييل اسويها مني ومن نفسي ولا زوجي بعد يقبل بهالشي ..

لكن يمكن لو احد قال بيمسكهم وانا اطلع مع زوجي اسويها :tooth:

يمكن تكون الفترة الوحيدة اللي قمت اطلع شوي بدون عيالي هو من حوالي سنة وشوي لما كنت انا حامل وولدي الكبير كان متعلق ببيت جده وخصوصا ان عمتهوعيالها نزلوا البحرين يقضون الاجازة ولصق في عيالها وايد فطلعت لي كم طلعه بدونه لكن كانت كلها طلعات سريعه لان اخاف انه يقول بيرجع الشقة او يصيده شي واحنا مو معاه .. وحتى كنا ما نطلع الا محاولين معاه انه يجي معانا وهو اللي يرفض :whistling:

وحتى كنت ما استانس زين بالطلعه لان اتنغص عليه :shiny:


واما السفر بدون عيالي من عاااااااااااشر المستحيييييييييييييييلات ان اسويها الا علشان الحج :whistling:

وعن طلعات مع البنات انا نسيت هالشي من زمااااااااااااااااااااااااااااااااااااااااااااااااااان ولا اروح نوادي لا صالونات الا في المناسبات ولا عمري سويت مساج مع ان ظهري تعبان ولا ادلع عمري ولا شي :schmoll:

الحين اقول متى يكبرون شوي على اساس لو قدرت اتركهم عند احد تكون مسؤوليتهم اخف يعني بيكونون يلعبون مع اليهال ... مو الحين يبي لهم متابعه ورعاية وبالذات ولدي الصغير اللي يحتاج لتبديل حفاظ ورضاعة وانتباه عدل لانه من النوع الحركي جدا ..

والاهم انا خلني اول اقعد قعدة حلوة وهادئة مع ريلي ف البيت بعدين بقول ابغي اطلع طلعة حلوة معاه ههههههههههههههههههههههه عيالي مخربين علينا في كل شي (w)



الحمد لله على كل حال

السلام عليكم
والله خوش موضوع يا جمانة
الامهات العاملات صعب يطلعون من غير عيالهم كفاية اتعب امي الصبح وبعد اخليه عندها الليل جان تذبحني
انا قليل اذا اسويها وما اتأخر وكل شوي اتصل اتطمن عليه
مرة سافرت عنه السعودية وخليته عند امي على اساس ما بنتأخر تمينا ليوم ثاني كنا في رمضان بعد وتعب امي وما رضى يرقد قالت لي حرام عليج تسافرين عنه بعد وما خلتني اروح الحج مع زوجي هههههههههههه

الحين انا راجعة الشقة اغسل ثياب وخليته راقد في بيت اهلي وامي مب راضيه تقول بيقعد وبتعبني ههههههه

[GRADE="4B0082 800080 FF1493 FF0000 FF7F50"]
`•.¸¸.•´´¯`••._.•`•.¸¸.•´´¯`••._.•

:qaq: جمونة عليش سوالف:icon9:
قلبتين الموااااااااااااجع!!:tears::cry:

`•.¸¸.•´´¯`••._.•`•.¸¸.•´´¯`••._.•

بنتي مثل بنتج واااااااااايدصياحة وما أعتقد أي أحد يقدر يستحملها غيري !!

فما أعطيها أي أحد:think: ودايما الناس يقولون لي االله يساعدش عليها وكل ما يشوفوني على طول يسالوني بعدهي تصيح؟؟؟

وبالصراحة أحاسب لشعور أي أحد مكاني لما بيمسكها وأني بطلع !!

وبعدين هي متعلقة فيني لأبعد الحدود يعني من جبتها للحين ماغبت عنها أكثر من ساعة !!:think:..

احنا كل أسبوع يوم الجمعة نطلع من الظهر مانرجع الا الليل والحمد لله أحس مرتاحة .. يعني لما بخليها عند أي أحد وبطلع مع زوجي ما أحس إني بستانس إلا وهي معانا:shiny:

زوجي للحين ماسألته هذا السؤال لأني مستحييييييل أخلي بنتي وأطلع معاه إلا إذا بعد ماتكبر :21_11:..


وأخيرا وليس آخرا لما أحسها نايمة في الليل أطالع التلفزيون لو أفتح النت هوايات ما هوايات نسيتها!!
أدري هدرت وايد بس نطلع اللي عندنا مخزوووووون!!:21_95:




`•.¸¸.•´´¯`••._.•`•.¸¸.•´´¯`••._.• [/GRADE]

اخ يا بنات

الكل يعاني من نفس السالفه


بس صبرا جميلا


انا من النوع اللي اكتأب من المسؤوليه في البدايه

بس بعدين وطنت نفسي على وجود هالطفله بحياتي و صرت اسوي كل شي و هي معاي

مره رحت الصالون و فضحتني هناك

و الحمد لله كنت متوقعه اني ازعل من الصوت و الصياح الللي سوته

بس الحمد لله اخدتها بضحك و لعب :)

لا مستحيل اطلع بدون بنتي كل طلعاتي معااي السوق المطعم الدوارة بسيارة والخ احس فرحتي ماتكتمل الا بوجود بنتي بجنبي واشوفها بعيوني والله يحفضها ويحرسها من كل عين وحسد وشر اللهم اامين

ويني عن هالموضوع خخخخخخ

بصراحه شديده انا من البدايه حاولت ما ادفن نفسي مع الامومه..حاولت من صغره اخليه اجتماعي يحب اهلي و يحب اهل ريلي عشان اذا بغيت اتركه ما يتعب..والحمدلله ان امي و اهلي واهل زوجي يموتون فيه و بالعكس يستانسون اني اوديه لهم على الرغم من انه كان صياح..بس طلعاتي تكون محدوده و للضرورات...هذا غير ان الخدامه تكون معاه يعني التغيير و الاكل والركيض وراه عليها...امي و ام زوجي بس يراقبون..يعني يشوفون شو بياكل ..شو يسوي...يعني احاول بقدر الامكان ما يتعبون وياه...لكن اذا تركته اكثر من مره في الاسبوع احس بالذنب واتحمل شطانته و دلعه بصدر رحب خخخخخ

بالنسبه للوقت اللي لي ..في البيت اقضيه في النت لكن يكون حوالي حمودي او راقد...وطلعات الوناسه نادره جدا مع زوجي يمكن مره في الشهر للسينما و نرجع و اخليه مع امي...وطلعاتي مع صديقاتي بعد ناااااادره جدا...لكن طلعاتي للصالونات مهمه كل شهر ادلع نفسي لازم..والحمدلله سافرت كم مره مع زوجي بروحنا و خليناه عند امي..لمده ايام..صح اتوله عليييه ..بس موول ما احاتيه الحمدلله لاني ادري انه مع امي ..اللي احس انها احن عليه مني..وهو يموووووووووووت فيها...هذا غير اني ادري انه مستااننس في بيتهم لانه يلعب مع ولد اختي اللي قريب من سنه والكل هناك يلعبه و يطلعه...فماشاء الله في بيت اهلي ما احاتيه بالمره..

لكن الحين فجرت قنبله من الدلع خخخخ

اشتركت في مركز عندنا لمده سنه...تدفعين و تستعملين الجيم و المسبح و المساجات و الصالون و الفيشلات و الليزر و غيره من الخدمات و الدلع....يعني بدلع نفسي عالاخر...احس النفسيه بعد تتغير ...هذا ما يمنع اني اودي حمودي المركز وياي من فتره للثانيه :)

بصراحه الواحد اذا اتريا عياله يكبرون عشان يستانس و يدلع عمره بيكون ضيع اجمل سنين عمره و شبابه...فالواحد يحاول يوازن...اكيد مب على حساب عيالنا بس اذا كان فيه اللي يساعدنا من فتره للثانيه ليش نقول لا