بطالة البحرين تفضلوا هنا...

مرحبا بنات

احب اخبركم ان شركة حجي حسن العالي عندهم فرص لوظائف من ضمنها سكرتيره فاللي تحب تروح تقدم

بالتوفيق للجميع

شخباركم بنات اني ابغي اشتغل بس ماني محصلة شغل عدل خصوصا ان عندي ولد ولا ابغي اشتغل شغلة فيها دوامين او شفتات مع العلم ان عندي ثانوية عامة تخصص تجاري ودرست في الجامعة إدراة مكتبية سنتين بس للأسف ما كملت للظروف ويا ريت تساعدوني لاني تعبت من كثر ما ادور على الوظيفة وذلك لحاجت يالضرورية للوظيفة فلا تبخلون علي بالردود

كوافيرة مثل حالتي بالضبط
بس الفرق بيني وبينش اني مادرست جامعة
وماابي اي شغلة لانه عندي جاهل
الله يعنيا ويرزقنا اجمعين ان شاء الله

سلام عليكم شخباركم بنات

من زمان ما طليت عليكم ادخل اشوف الردود والشغلات

الله يساعدنا احنه إلي عندنا قراضواا ويش نسوي

الوزاره رشحتني حق شركه تبع المؤيد ،، بس مو متشجعه بس راح اقدم بعد في كذا شغله والله الموفق

**ام عبادي القمر**;7442166:


عجل حق ميين؟؟
المهم الي يبي يقدم
في عمراة اسمها بناية الصفار
في كرباباد
في الطابق الثاني
هناك يصير التقديم
واذا من صوب وزارة العمل يكون اسرع التوظيف يازعم
بس حجي
باطين جبدي اني مجموعة الراشد
بس مااقدر اقول الا كلشي ارزاق

مشكورة :wink:
الشغله لاحد المعارف

أنا الشوق;7443022:
انا دارسه banking and finance
وتوني متخرجه في شهر 8 يعني الحين صار لي شهرين :bigsmile:
حصلت شغل في بنوك بس أنا ابي بنوك اسلاميه

يالله الهمه الهمه، قدمي اوراقش في كل البنوك الاسلامية
واول معاش تعشينا على حسابش :tongue:

:D:D

(f)

هذيــان;7452600:
مشكورة :wink:
الشغله لاحد المعارف



يالله الهمه الهمه، قدمي اوراقش في كل البنوك الاسلامية
واول معاش تعشينا على حسابش :tongue:

اييييه ولا يهمج
انتوا تامرون بس
بس ماتمصخونها :D

اناا الشووق شخباارش غنااتي

بغيت اسالش

عندج فكره كم معااشاات البنووك في البداايه ؟؟؟

اللؤلؤه السوداء;7455599:
اناا الشووق شخباارش غنااتي

بغيت اسالش

عندج فكره كم معااشاات البنووك في البداايه ؟؟؟

هلا حبيبتي
هو الله يسلمج يعتمد على البنك وعلى الشغله والشهاده
بس اللي اعرفه بنك البحرين والكويت اذا انتي جامعيه أقل شي 500 هاذي المقابله اللي رحت لها قالوا لي الراتب 500 وشوي أظن

واعرف واحد شهادته ثانوي ويشتغل في بيت التمويل الخليجي بواسطه طبعا وراتبه 800 هاذي بعد كان من زمان يعني

أنا الشوق;7455148:
اييييه ولا يهمج
انتوا تامرون بس
بس ماتمصخونها :D

لا ما نمصخها

شلون عنده شهادة ثانوية ووظفوه في بنك؟:rolleyes:

هذيــان;7459459:
لا ما نمصخها

شلون عنده شهادة ثانوية ووظفوه في بنك؟:rolleyes:

هو كانت عنده واسطه واحد من أهله هناك او شي جذي
وبالواسطه كل شي جااايز
جان زين بس أحصل لي واسطه عدله خخخخخخ

حبيبتي أنا الشوق

واسطتنا رب العالمين توكلي على الله وهو الرازق

سلام عليكم بنات

الأخت اللي عندها شهادة Banking & Account تقدر تقدم لهذي الشغلة في بتلكو بالتوفيق انشاءالله

http://go.3roos.com/SB8gQp0Mfsq

عاد اخر موعد بكرة فاليوم سوي أبلاي :wink:

اللؤلؤه السوداء;7455599:
اناا الشووق شخباارش غنااتي

بغيت اسالش

عندج فكره كم معااشاات البنووك في البداايه ؟؟؟

عزيزتي انا اشتغلت في بنوك 9 سنوات :)
كل بنك يختلف عن الثاني ، و كل دائرة تختلف عن الدوائر الثانية ..
أمور متعددة تنعكس على الراتب .. أنا كنت جامعية و توظفت في نفس الوقت مع واحد بشهادة ثانوية و عطوه راتب أعلى مني لأن الواسطة لعبت دور

في البنك اللي كنت فيه عايشت زميلات و زملاء بعضهم بدأ بـ 250 بس ، بعضهم فوق الـ 300 ، وبعضهم فوق فوق لأن أشياء ثانية تدخلت من بينها المكياج و الطلعات و الضحك و العزايم (للأسف)

لا تخليني أتكلم و يعورني قلبي .. حسبي الله ونعم الوكيل

لآليء البحرين;7468092:
سلام عليكم بنات

الأخت اللي عندها شهادة Banking & Account تقدر تقدم لهذي الشغلة في بتلكو بالتوفيق انشاءالله

http://go.3roos.com/SB8gQp0Mfsq

عاد اخر موعد بكرة فاليوم سوي أبلاي :wink:

مشكووووورة وماقصرتي
قدمت وان شالله يكون لي نصيب مع انهم طالبين خبره 3 سنوات على الاقل
بس الواحد مايدري نصيبه وين

اختي سبايسي

ونعم بالله
وهذا احنا متوكلين عليه
وانا وايد متفائله اني بلاقي الشغله اللي ابيها

أنا الشوق;7472385:
مشكووووورة وماقصرتي
قدمت وان شالله يكون لي نصيب مع انهم طالبين خبره 3 سنوات على الاقل
بس الواحد مايدري نصيبه وين

اختي سبايسي

ونعم بالله
وهذا احنا متوكلين عليه
وانا وايد متفائله اني بلاقي الشغله اللي ابيها

موفقه خيو انشاءالله تكون من نصيبش

ولا تنسيني من دعائش :)

بنات في فخر المملكة يبون بنات حق كيشر
وشفتات
اذا صبح من 8 ونص الى 3 ونص
واذا اول ليل من 3ونص اللى 10ونص
والراتب اذا مافي خبرة يبتدي170 وبعدين يصير 200 بعد التدريب
يعني 3 شهور
بكرة بروح اقدم اوراقي وان شاء الله خير

بناات في معرض للمهن في أرض المعارض
يبتدي من تاريخ 21-23
والدعوه عامة في الفترة المسائيه فقط

أنا باروووح :bigsmile:

وفي بعد كم شغله شفتهم، بنزلهم لكم بعدين

أنا الشوق;7455936:
هلا حبيبتي
هو الله يسلمج يعتمد على البنك وعلى الشغله والشهاده
بس اللي اعرفه بنك البحرين والكويت اذا انتي جامعيه أقل شي 500 هاذي المقابله اللي رحت لها قالوا لي الراتب 500 وشوي أظن

واعرف واحد شهادته ثانوي ويشتغل في بيت التمويل الخليجي بواسطه طبعا وراتبه 800 هاذي بعد كان من زمان يعني

خلف جبدي شوواقه
مشكوووره خيوو

االله يرزقش بالشغله الزييينه

Ba7reneyah;7471992:
عزيزتي انا اشتغلت في بنوك 9 سنوات :)
كل بنك يختلف عن الثاني ، و كل دائرة تختلف عن الدوائر الثانية ..
أمور متعددة تنعكس على الراتب .. أنا كنت جامعية و توظفت في نفس الوقت مع واحد بشهادة ثانوية و عطوه راتب أعلى مني لأن الواسطة لعبت دور

في البنك اللي كنت فيه عايشت زميلات و زملاء بعضهم بدأ بـ 250 بس ، بعضهم فوق الـ 300 ، وبعضهم فوق فوق لأن أشياء ثانية تدخلت من بينها المكياج و الطلعات و الضحك و العزايم (للأسف)

لا تخليني أتكلم و يعورني قلبي .. حسبي الله ونعم الوكيل

مشكووره خيوو
هذا الي خاايفه منه
اني الحين ادرس في معهد BIBF

دبلوومااا في الباانكنغ

وخاايفه من الشغل وخصوصا الي ادرس ويااهم معضمهم فري

ومثل ما يقوولوون الشغل في البنك يتعب
يعني الي اسوولف وياهم شووي احسن من البااقين
الي ويااي راافعين خشمهم واشكاالهم :ss:

يالله الي الله كااتبه بيصير
الف شكر مره ثاانيه
والله يعطيش الف عاافيه

اللؤلؤه السوداء;7477819:
خلف جبدي شوواقه
مشكوووره خيوو

االله يرزقش بالشغله الزييينه




مشكووره خيوو
هذا الي خاايفه منه
اني الحين ادرس في معهد BIBF

دبلوومااا في الباانكنغ

وخاايفه من الشغل وخصوصا الي ادرس ويااهم معضمهم فري

ومثل ما يقوولوون الشغل في البنك يتعب
يعني الي اسوولف وياهم شووي احسن من البااقين
الي ويااي راافعين خشمهم واشكاالهم :ss:

يالله الي الله كااتبه بيصير
الف شكر مره ثاانيه
والله يعطيش الف عاافيه

شوفي انا اعرف واحد دارس في الBIBF عنده دبلوم، بس عنده خبره سنتين بس في وظيفه مالها علاقة بالبانكنغ
وخذوه الBBK وراتبه الحين 500 او 550
كنا مع بعض مقدمين وانا نادوني ورحت للمقابله بس قالوا لي مافي جانس لاني كنت ادرس صباحي ومسائي وهم يبون يبتدون عقب شهر بس
انا رحت المقابله مع اني ماكنت متحمسه ولا ابي اشتغل عندهم بس رحت المقابله جذي آخذ خبره

وانتي خلج واثقه من نفسج لان البنك العدل والشركات القويه مابتاخذ على الشكل واللبس وبتاخذ على المؤهلات، بس انتي شدي حيلج وقوي لغتج بعد لانها شي مهم وايد

ونصيحه، قدمي في بنوك اسلاميه لان الحين أقوى البنوك اللي في البحرين والبنوك الاستثماريه اسلاميه

وترى الوزارات يعتبرون شهادتج بكالريوس، اما الشركات فياخذونج على ان دبلوم

او يمكن العكس :D هاذي اذا كانت الشهاده هي نفسها اللي في بالي