بطالة البحرين تفضلوا هنا...

مطلوب موظف ( أمين صندوق ) لشركة فخرو للإلكترونيات الوكيل المعتمد لهواتف سوني أريكسون وهواتف إل جي النقالة في البحرين
الشروط المطلوبة :
- ان يكون أمين
- ان يكون حسن المظهر
- ان يكون لبق في الكلام
- ان يجيد اللغتين الإنجليزية و العربية
- ان يتحمل المسؤولية اثناء فقدان اي شي ( إذا انتبه كلشي بكون اوكي )
أوقات الدوام
من 9 صباحاً إلى 1 ظهراً
من 4 عصراً إلى 8 مساءً
الراتب لا يقل عن ( 300 دينار بحريني ) + عمولة شهرية + زيادة سنوية + وبونس سنوي
للراغبين يرجى إرسال السيرة الذاتية على الإيميل الموضع أدناه مع مراعاة إرفاق الصورة الشخصية
[EMAIL="[email protected]"][email protected][/EMAIL]



=====


معلومات عن الشركة:
شركة الدانوب
مقرها في سلماباد (قريبة من أوال بلاستيك)
الشركة تتوسع حالياً وتحتاج لموظفين لأنها بتنتقل لمبنى أكبر في سلماباد بعد << قريب من مدرسة كانو ورويان ومنازل
أوقات الدوام من 7.30 إلى 5 وساعة وحدة بريك من 1.00 إلى 2.00
الشركة ليها أفرع في دول غير والفرع الرئيسي في دبي
صاحب الشركة هندي
مدير فرع البحرين بعد هندي
فتحت الشركة قسم جديد وتحتاج لموظفين في هالقسم


الشروط:
يجيد اللغة الانجليزية تحدثا وكتابةً
يجيد استخدام الكمبيوتر


مهام الوظيفة:
استلام طلبيات شراء من شركات أخرى عن طريق الفاكس
عمل Qoutation بأسعار البضائع
إرسال الـ Qoutation بالفاكس للشركة
filling


الراتب:
يتراوح بين 180 الى 250

لإرسال الـ C.V على: [email][email protected][/email]

بنااااااااات من تعرف شركة اسواق الخليج الدوليه

اللي يصير مشاهد مجمع العلوي في بناية جريدة الوطن

ياريت اللي تعرف معلومات تخربني

**ام عبادي القمر**;7433126:
سلااااااااااام
شخباركم بنات
شكرا كل الي بارك لي
بس اني طلعت من الشغلة
وايد تعبت دوامين
والي عنده جاهل مايقدر يشتغل اي شي
الشغلة واجد احليوة
وحاولت وياهم انة يخلوني دوام واحد بس مارضى صاحب العيادة
الشغلة مثل الممرضات
يعني يدربونش على انش تشتغلين ممرضة
وايد فرصة زينة
انش تتدريبين على ممرضة وانتي مو دارسة تمريض
بس شسوي
الي عنده جهال يكون مربوط فيهم

بنات الي يبي ويقدر يشتغل دوامين يروح
الدوام من الصبح 9 الى 12
وبعدين من 4 الى 9
والراتب 200 دينار

واني كنت اشتغل في مطبعة اخبار الخليج قبل
والحين سمعت انه يبون بنات حق مطبعة
فرحت وقدمت اوراقي وان شاء الله خير
لانة الدوام واجد زين
من 7 الى 3
وكان الراتب 150
بس الحين اكثر من 200 بس مااذكر جم قالت لي صديقتي

روحوا قدموا اوراقكم يمكن ياخذونكم
والي تبي رقم العيادة تقول لي بكتبة مرة ثانةي
لانة مو صوب التلفون الحين

الله ييسر امرنا للوظايف
بحق محمد وآل محمد

الشغله وايد زينه

بس صج تعب دوامين

انا شكلي بتصل وبتفاهم

L0olo;7390326:

صباح الخير

العفو حبيبتي ,, الشيء الي يخليني أسوي جذي أني قبل كنت عاطلة وتعبت نفسياً بالرغم من صغر سني لكن الحمدلله ربي رزقني بشغل وخلاني أفكر بغيري الي يعانون مثل ماكنت أعاني ,, طرشي لي السيفي على إيميل الشغل [EMAIL="[email protected]"][email protected][/EMAIL] أو رسالة خاصة ع المنتدى ..

إذا بتطرشون ع الإيميل كتبوا الـ ,, Job Application أو Attention L0olo
لأن عندنا نظام حماية مايقبل أي إيميل ..

تحياتي

هذا الايميل نطرش عليه السيفي؟

L0olo;7364528:

مساء الخير

بنات إذا تقدرون رسلوا لي الـ CV تبعكم ولا تخافون إن شاء الله إذا لكم حظ ونصيب راح تاخذونه ,, ياليت لو تركزون على مواقع التوظيف تراها مهمة ,, لا تغفلون عنها وخلكم على طول تسوون Update آنه وحدة من الي كنت مسجلين بالموقع وماكنت أتخيل بيوم من الأيام أني أتعامل معاهم وأحط وظائف بالسايت تبعهم ,, تعاملت مع شخص أسمه لؤي هو لبناني كان ياي يعلمنا شلون نستخدم السايت ونحط المواصفات الي نبيها وشلون نسوي search على الـ Cv وقالنا موقف صار أكد لنا فيه شقد هالموقع مفيد ..

كان رايح شركة Bapco عشان يلقي عليهم محاضرة بهالخصوص وكانوا أغلب الموظفين من الـ HR Depatrtment وشخص واحد ماذكر بالضبط من أي قسم المهم لؤي سألهم منو مسجل بموقع Bayt .؟!. أغلبهم قالوا محد والشخص الي من إدارة مختلفة قال أنه مايعرف هذا الموقع بتاتاً وشنو هذا الموقع ؟!؟ ولما قام لؤي يسوي search على الـ CV المسجلة بأسم Bapco طلعت أول Cv للشخص الي نكر وكان مسوي Update في نفس اليوم فالكل قام يطالعه ويضحكون عليه يعني حتى لما توظف بعد هالموقع مهم بالنسبة له عل وعسى يلقى وظيفة أفضل من الي يشغلها ..

وكان يسألني إذا في أحد يبي يشتغل office manager بشركة في العدلية بس قلت له ماعرف أحد يملك مواصفات تناسب الـ Position وكانت الشركة عقارية بس المشكلة ماذكر أسمها لأنه كان ناسيها ..

على فكرة ,, دخلت أكثر من أنترفيو بأكثر من شركة ولما سألتهم عن الـ Cv من وين يابوها قالوا لي من موقع Bayt وموقع Mihnati ,, حطوا بالكم إن في يوم من الأيام راح توصل الـ Cv تبعكم للشركات وأنتوا قاعدين ببيوتكم يا غافلين لكم الله :wink: ..

الي حابة ترسل الـ Cv تبعها لي ترسله ع الخاص وإن شاء الله خير ..

على فكرة في شركة يديدة يمنا وتعتبر منافسة لنا راح تفتح عما قريب الـ Address والـ contact numbers موجودين بمكتبي وباجر إن شاء الله أحطها لكم وقدموا ترى الشركة قوية ولها فروع عديدة خارج البحرين لا تفوتون عليكم الفرصة ..

تحياتي

خلاص حصلت الرد:wink:

انا الشوق يعني انتي صوب بيتنا
طلعنا جيران ههههههههههه
روحي وقدمي وشوفي ان شاء الله خير
ترى وايد فرصة زينة هالشغلة
انتي متزوجة ولا لا؟؟
احسها ماتناسب حق وحدة متزوجة وعنده جهال
يبي لها وحدة متفرغة

هذيــان;7437838:
واجد زين
ممكن ايميله حق التقديم؟
ويصير الى الي ماعندهم شهادة ثانوية يخلونهم في الكيشر؟

ومبروك ع الوظيفة

هذيان روحي قدمي اوراقج في الشركة
ماراح ينفع وياهم اطرشين ايميل
ياخذون اسرع من صوب وزارة العمل

Stylish Girl;7438464:
الشغله وايد زينه

بس صج تعب دوامين

انا شكلي بتصل وبتفاهم

اي والله واجد تعبت وخصوصا
الي عنه جهال
اتصلي وان شاء الله خير
موفقة:)

هلا بنات

شخباركم؟

توني تذكرت شي

شركه زين بعد يبون ناس يشتغلون

دشو الموقع مالهم شوفو الوظايف

وفي بعضهم مكتوب ان لازم دبلوم بس انا قدمت

بس للأسف اتصلو لي يوم كنت مسافره فراحت علي

اللي تبي تدخل الموقع

بسم الله الرحمن الرحيم

مشكورين بنات ع الوظائف اللي تعرضونها ما قصرتوا
يعطيكم ربي ألف عافيه

أختي ام عبادي

ليش طلعتي خسارة صراحه
صح الشغله متعبه دوامين والراتب 200 قليل خصوصا بنسبة لدوامين!!
بس ع الاقل تاخذين خبره
اعرف بنات وايد اشتغلوا اول في عيادات اكتسبوا خبره والحين يشتغلون
في مستشفيات كبيرة مثلا التخصيي وغيرة حتى لو استقبال وسكرتارية
بس ياخذون على انج عندج خبره في عيادة

خسارة صراحة بس الحين ماينفع الندم خلاص وماتنفع لو

بس خيوو نصيحة من اخت لا تشتغلين شفلة مو مقتنعه فيها اقتناع كلي
لان مو حلو كل مره تشتغلين شغله يوم يومين وتطلعين هالشي يضرج ما ينفعج صدقيني
لا تقلوين سعى الله ماحصلت شغل واي شغل تقبلين فيه لاااا صبري على ما تحصلين وظيفة
تناسب ظروفج انج متزوجة وعندج بيبي ..

سوري طولت عليج بس قلبي عليج خيه




تـحـيـــاتــــي

أحلام السنين;7441403:
بسم الله الرحمن الرحيم

مشكورين بنات ع الوظائف اللي تعرضونها ما قصرتوا
يعطيكم ربي ألف عافيه

أختي ام عبادي

ليش طلعتي خسارة صراحه
صح الشغله متعبه دوامين والراتب 200 قليل خصوصا بنسبة لدوامين!!
بس ع الاقل تاخذين خبره
اعرف بنات وايد اشتغلوا اول في عيادات اكتسبوا خبره والحين يشتغلون
في مستشفيات كبيرة مثلا التخصيي وغيرة حتى لو استقبال وسكرتارية
بس ياخذون على انج عندج خبره في عيادة

خسارة صراحة بس الحين ماينفع الندم خلاص وماتنفع لو

بس خيوو نصيحة من اخت لا تشتغلين شفلة مو مقتنعه فيها اقتناع كلي
لان مو حلو كل مره تشتغلين شغله يوم يومين وتطلعين هالشي يضرج ما ينفعج صدقيني
لا تقلوين سعى الله ماحصلت شغل واي شغل تقبلين فيه لاااا صبري على ما تحصلين وظيفة
تناسب ظروفج انج متزوجة وعندج بيبي ..

سوري طولت عليج بس قلبي عليج خيه




تـحـيـــاتــــي

هلا احلام السنين
ادري انه كلامج صح
وهالشغلة فرصة بالنسبة لي
بس اني ماابي اشتغل واكسب خبرة واقصر على ولدي في شي
وخصوصا في هالسن هو اكثر شن محتاج لي
ابي اشتغل ولا ابي اغيب عنه فترة طويلة
واني جان علي بقبل باي شي
بس زوجي هو الي مجودني ولا يخليني اختار لي شي
حتى لو عجبتني الشغلة هو يقول لا

وترى اني كلش ماني متندمة على اني طلعت من هالشغلة
لانة عندي ولدي اهم من اي شي في الدنيا لو عسة بيخلوني دكتورة

يمكن تمنيت تكون ظروفي احسن علشان احصل عليها
لكن ماني ندمانة ابد

بسالج انتي متزوجة؟؟
لانة الواحد مايحس بالي متزوج وعنده جاهل غير الي مثلة
وعسى الله يرزقنا جميعا ان شاء الله احسن الوظايف

أم عبادي

لا انا مب متزوجه ، بطااليه :bigsmile:
والله يوفقج وتحصلين الوظيفه اللي تناسبج

**ام عبادي القمر**;7439151:


هذيان روحي قدمي اوراقج في الشركة
ماراح ينفع وياهم اطرشين ايميل
ياخذون اسرع من صوب وزارة العمل

مو حقي
خلني اخلص الجامعة عقب اقدم اوراقي :D

أنا الشوق;7441850:
أم عبادي

لا انا مب متزوجه ، بطااليه :bigsmile:
والله يوفقج وتحصلين الوظيفه اللي تناسبج

شنو دارسه؟
من تخرجتين لحين صار لش اشهر
تقريبا 4 اشهر صح؟
قدمي شكثر اشوف اشغال تجيني حرة
خاصه لخريجي الجامعات

أحلام السنين;7441692:

صح كلامج

حتى آنه لو عندي بيبي جان مافكرت في الشغل خير شر
او على الاقل يكون الدوام الصبح بس

اي متزوجة بس ماعندي بيبي
الله كريم

خية شوفي جريدة الوسيط الاعلانية
وايد يعرضون وظائف بدوام جزئي بس الصبح
مثلا في مكتبة لبيع الكتب الاسلامية والاشرطه
في سوق واقف يبون موظفة بدوام بس الصبح
وسوق واقف يمج مو

احنا بعد جيران بس بينا كم شارع :tongue:

تـحـيـــــــاتـــــــــي لج

هلا خيوو
جيران !!!!
انتي من سلماباد يعني
او المناطق المجاورة <<<<حلوة دي هههههههه
الله يرزقش ان شاء الله بالذريةالصالحة بحق محمد وآل محمد
هذاني من يصير يوم الجمعة اصير مثل المجنونة الدور الوسيط مداور هههههههههه
الله كريم ويرزقنا جميعا ان شاء الله

أنا الشوق;7441850:
أم عبادي

لا انا مب متزوجه ، بطااليه :bigsmile:
والله يوفقج وتحصلين الوظيفه اللي تناسبج

الله يرزقش ان شاء الله
عجل اشتغلي دام انج للحين مارتبطين
بكرة بيجيش الي يتحجج على اي شغلة اتحصلينها
ويسلمووو على الدعوة
وان شاء الله اجمعين

هذيــان;7442070:
مو حقي
خلني اخلص الجامعة عقب اقدم اوراقي :D

عجل حق ميين؟؟
المهم الي يبي يقدم
في عمراة اسمها بناية الصفار
في كرباباد
في الطابق الثاني
هناك يصير التقديم
واذا من صوب وزارة العمل يكون اسرع التوظيف يازعم
بس حجي
باطين جبدي اني مجموعة الراشد
بس مااقدر اقول الا كلشي ارزاق

هذيــان;7442086:
شنو دارسه؟
من تخرجتين لحين صار لش اشهر
تقريبا 4 اشهر صح؟
قدمي شكثر اشوف اشغال تجيني حرة
خاصه لخريجي الجامعات

انا دارسه banking and finance
وتوني متخرجه في شهر 8 يعني الحين صار لي شهرين :bigsmile:
حصلت شغل في بنوك بس أنا ابي بنوك اسلاميه

أم عبادي

انا بدون زواج وعندي اللي يتحجج خخخخخخ
أبوي فديته مايعجبه أي شي، مع اني ابي اشتغل واتعلم حتى لو براتب قليل لحد ما احصل وظيفه عدله
منها استفيد خبره والمعاش ينفع بعد :bigsmile: