بطالة البحرين تفضلوا هنا...

انزين ادا تونا بنسجل في وزارة العمل
شنو نحط الاشغال ؟

أحد يساعدني (f)

كيفي بحرينيه ساعديني :tongue:بما ان مشالله عليش اشتغلتين من صوبهم :)

شنهي الوظيفه اللي عطوج اياها كيفي بحرينيه موفقه انه قدمت فالقيادة والمحكمه وزارة العدل قصدي وان شاء الله خير

اختي بحررينية انا ماذم الوزارة لله ........و لو فاتحة الاذاعة اليوم الظهر بتسمعين الشكاوي عليهم كان في مقابلة اليوم مع الوكيل .....هذا واحد
اما عن سالفة الرواتب ما يحتاج احلف هذا اللي صار فعلا واللي مقدمين في المشروع يعرفون هالشركتين ورواتبهم ومن متى وهم موجودين

ثاني شي انا مقدمة شهر 5 يعني المفروض ينزلي المخصص هالشهر اليوم رحت مراجعة كالعادة رحت من الصبح المرشد مو موجود واذا رحت على ال12 طالع .....لا واي مررشد ما يدري عن اي شي مثل المسبه يداوم 9 و45 ويمشي 12 وشوي ....حولوني لو حدة ما لها علاقة قالت لي المفروض مو انا اللي اقابلج وكل ما سألتها شي قالت مادري مو انا المسؤولة .... المهم رحت لمسؤلة التامين ضد التعطل عشان اسال عن سبب عدم صرف المخصص قالت لي انتي ما تستحقين لان في السيستم يطلع انج طالبة في البطاقة السكانية .......... شلون يطلع وانا مقدمة لهم نسخة من البطاقة السكانية وورقة من الجهاز المركزي تثبت اني مو طالبة او موظفة ... بدون يعني .................... وبعدين اسمع ان في دورات وتدريب ما شوف المرشد قالي عنها والا حق ناس وناس طول ما انا مستوفية شروط الدورة استحق انها تنعرض علي .........
وانا الحمدلله ماهمني الشغل لان كلن ياخذ رزقه. مثل ما قلتي وايماني برب العالمين قوي والحمدلله ........ وعشان ما تلوميني ويا حبيبتي انا خريجة من 12 سنة وعندي شهادتين بكالريوس ... وناوية اكمل طول ما نا قاعدة بدون وظيفة .. وعلى قولتج انا لا جريت جري والوحوش ولا شي والدليل اني ما قدمت لوزارة العمل الا السنة واراجع بس عشان ما ينلغي الطلب وتقديمي في مشروع التعطل اساسا كان عشان وزارة التربية والتعليم لان وحدة من الوزارة اعرفها قالت لي روحي سجلي في وزارة العمل وديوان الخدمة عشان اذا في طلب توظيف تكون الاولوية للي مسجلين في الديوان والوزارة

ويمكن تخصصج مطلوب في الشركات ...... عشان جذي لقيتي وظايف بسرعة ............. يعني وحدة مثلي عندها كيمياء واحياء ولغة انجليزية وين بتتوظف غير في التربية .............

انزين احد يعرف شنهي الدورات اللي عند وزارة العمل المتوفرة احين ؟ نوروني فديتكم وشنهي الاشغال الزينه ؟

مرحباا خيوو

شفت في الجريده عن درااسه في التمريض على حسااب وزااره العمل بس للمتخرجين الجدد

وبعد دوره في معهد BIBF الي انا الحين ادرس فيهاا لمده سنه ونص في الدرااسات المصرفيه

اللؤلؤه السوداء;6846572:
مرحباا خيوو

شفت في الجريده عن درااسه في التمريض على حسااب وزااره العمل بس للمتخرجين الجدد

وبعد دوره في معهد BIBF الي انا الحين ادرس فيهاا لمده سنه ونص في الدرااسات المصرفيه

في صج؟ ابي bibf عاد مابي امتحان قبول ومقابله نفس ايرنست يونغ نجحت بالامتحان بس بالمقابله لا ابي ادرس يالسه ادور على حسابهم صح؟ انتي متى سجلتي؟ لاني بروح اسجل

اللؤلؤه السوداء;6846572:
مرحباا خيوو

شفت في الجريده عن درااسه في التمريض على حسااب وزااره العمل بس للمتخرجين الجدد

وبعد دوره في معهد BIBF الي انا الحين ادرس فيهاا لمده سنه ونص في الدرااسات المصرفيه

متى سجلتي للدورة ؟؟ يصير اي تخصص يسجل لها؟؟
واذا سجلنا يقطعون عنا المخصص ؟؟

مراحب خواتي

الحلــوه
والله يا الغاليه انا اذكر اني رحت قدمت اوراقي و بعدها رحت للمرشد مره وحده بس ( ماكنت اراجعهم ) وبعد فتره قامو يتصلون لي الشركات و اروح اشوف طبيعه الوظيفه اذا كانت تناسبني او لا
. .



وبعد ما قدمت استقالتي بالشركه هم كانو يتابعون يتصلون يسألون اذا توظفت او لا. . واتصلو لي لجم وظيفه وبعد لدراسه في معهد البحرين للدراسات المصرفيه والماليه<< - - -- كنت طماعه ابي اشوف لو احصل مكان افظل من الحكومه عشان افنش :tongue: بس بعدها قلت لهم انا توظفت حتى اللي كانت تسألني تقول وين اشتغلت و خذت كل التفاصيل و قالت لي يعني تبين نشيل اسمج قلت لها اي

بحرينية فديتني
حبيبتي الوظيفه اللي حصلتها كانت مطابقة لتخصصي الهندسه بس الشركه حسيت فيها صغيره رغم ان متنجاتها كثيره و متنوعه بالاسواق ولها فروع برا البحرين يعني قلت اروح وزاره عشان راح تكون اضمن . .

انتي شنو تخصصج؟

ضحكة كذوووووووووبة

اختي الله يكون بعونج وان شاء الله بعد الصبر الفرج

وبالنسبه لتخصصي بالعكس غير مرغوب والدليل مانلاقي بالشركات الكبيره (كله يبون الاولاد:confused:) و تخصصي هندسه:wink:

وبالنسبه للمخصصات . . ع ايام تخرجي ماكان فيه :(

و الشيخه دام عندج كيمياء واحياء بالعكس تلقين وظايف بالشركات . . بالمختبرات يحتاجون للكيمياء




*** وبالنسبه لديوان الخدمه ذولا احس نقدم الاوراق وتنقط من الصوب الثاني قدمت عندهم وماشفت من صوبهم اي تجاوب ***

الله يوفقكم جميعا ان شاء الله
ويرزقكم كل ماتتمنونه

سلام عليكم

اني جامعية متخرجة من جامعة بكالوريوس خدمه اجتماعية

وقاعده في البيت اتمنى اشتغل اي شغله
اهم شئ اطلع اشتغل لاني متحاجه لشغل

بسم الله الرحمن الرحيم






التعريف بالمشروع وهدفه :

يهدف إلى تدريب بعض من الباحثات عن العمل وتمليكهن حافلات ليصبحن سائقات نقل جماعي، وهى مهنة مقبولة اجتماعيا ومن شأنها خلق فرص عمل جديدة للنساء ورفع مستواهن المعيشي. والمشروع ينفذ بشراكة بين المجلس الأعلى للمرأة وصندوق العمل بالتعاون مع كل من الإدارة العامة للمرور بوزارة الداخلية وإحدى مؤسسات المجتمع المدني في تنفيذ المشروع.



شروط الالتحاق بالبرنامج :

1. أن تكون بحرينية.
2. أن تكون غير عاملة.
3. أن تكون قد حصلت على رخصة قيادة منذ أكثر من خمس سنوات.
4. أن تكون مستعدة للتعامل مع جمهور من الركاب.
5. أن يكون مستوى تحصيلها العلمي ثانوي فما فوق.
6. أن تملأ استمارة الطلب.
7. أن تجتاز المقابلة الشخصية.



الفئة المستهدفة:

نساء بحرينيات غير عاملات من ضمن الباحثات عن عمل، تتراوح أعمارهن ما بين
23 – 40 عاماً لديهن رخصة قيادة ولديهن استعداد للعمل كسائقات حافلات صغيرة



آلية تنفيذ المشروع:

إبرام عقد يحدد مسئولية جميع الأطراف ويتضمن التالي:
1. يقدم للمستفيدات دورات تدريبية في مجال العمل.
2. تتحمل الفئة المستهدفة الصيانة والأضرار المترتبة على الحافلة بينما يتحمل صندوق العمل تأمين وتسجيل المركبة لمدة سنة أو أكثر.
3. تتكفل المستفيدة بدفع قسط شهري أقل من سعر السوق ب5%.
4. يحصل الطرف الثاني على ملكية الحافلة في حالة التزامه بدفع القسط الشهري لمدة 10 سنوات (4800 دينار).
5. سحب المركبة في حالة عدم التزام المستفيدة بدفع القسط.
6. ضمان السيارة لمدة 3 سنوات أو وصولها الى 120000 كيلومتر.
7. فترة سماح للتسديد لمدة 6 شهور.
حوافز السداد المبكر (منحة 5 &#1642; من قيمة الحافلة).


لمزيد من التفاصيل:

http://go.3roos.com/7TkpFkTSMfm

بحرينية فديتني;6847450:
في صج؟ ابي bibf عاد مابي امتحان قبول ومقابله نفس ايرنست يونغ نجحت بالامتحان بس بالمقابله لا ابي ادرس يالسه ادور على حسابهم صح؟ انتي متى سجلتي؟ لاني بروح اسجل

كتكوتة زرقة;6848677:




متى سجلتي للدورة ؟؟ يصير اي تخصص يسجل لها؟؟
واذا سجلنا يقطعون عنا المخصص ؟؟

هلااا اخواتي

انا ما سجلت هم الي اتصلوا ليي للدوره

وتقريبا انا صاار ليي سبعه اشهر من بدات الدرااسه ويعطونا شهريا مئه ديناار
وعلى حسب مسؤولتناا تبع الوزااره تقوول بعد ما تخلصوون بينزلون لكم التامين ضد التعطل

وتقدوورن تسالون عن هالدوره

تحيااتي

اللؤلؤة السوداء ممكن أتقولين لينا هالدورة في شنو و وين لأن وزارة العمل اليوم متصلين ليي حق دورة لمدة سنة بس ما عرفت التفاصيل لأنة ما كنت موجودة ، و هل إذا رفضها بخسر التأمين؟؟

الدوره في معهد البحرين للدرااسات المصرفيه الي في الجفير
وانا درااستي دبلووم في الدرااسات المصرفيه ولمده سنه ونص
وبالنسبه لاستقطااع التامين انا ما ادري بصرااحه

:

بنات يا ريت اللي تدرس في معهد BIBF

تقول لنا عن تجربتها و عن نوعية الدراسه و شنو التخصصات اللي يبونها... و عن مدة الدراسه.....؟

:

اشراقة السماء;6850936:
سلام عليكم

اني جامعية متخرجة من جامعة بكالوريوس خدمه اجتماعية

وقاعده في البيت اتمنى اشتغل اي شغله
اهم شئ اطلع اشتغل لاني متحاجه لشغل

هلا حبيبتي اشراقة السماء .... انه بعد خدمة اجتماعية .. وقاعدة في البيت ثلاث سنوات .. وانتي؟؟

الله يكون بعونج بس خلي أملج بالله كبير .... انشاء الله نتوظف ونفتك من قعدة البيت..

ضحكه كذوبه

والله عورني قلبي عليج
بس يمكن لان التخصصات مب مطلوبة بكثره يعني المجال جدا محدود

اللؤلؤة

انتي شنو كان تخصصج قبل؟؟؟
والدراسه بأي لغه؟؟

وللي يسأل عن الBIBF
هو يعتبر افضل معهد او جامعه في البحرين في مجال البنوك والمصارف والتمويل
ومب شرط تخصص معين اذا بتدرسون فيه على حسابكم، بس اذا عن طريج الوزارة فماعندي فكره

انا الشوق مشكورة حبيبتي بس تخصص اللغة الانجليزية مطلوب وخصوصا للترجمه والا انتي ايش رايج خخخخخخخخخخ

ضحكة كذوووووووووبة;6853937:
انا الشوق مشكورة حبيبتي بس تخصص اللغة الانجليزية مطلوب وخصوصا للترجمه والا انتي ايش رايج خخخخخخخخخخ

ايه هو مطلوب بس الاماكن اللي حقه معروفه واذا في شركه مثلا بيحتاجون بس شخص او 2 بالكثير :(
انا اختي تخصصها انجليزي والماينر تكنولوجيا تعليم
ونادوها الوزارة حق تدريس بس هي حصلت لها وظيفه غير فرفضت
بس ربعها اللي وياها كلهم خذوهم مدرسات، مع ان اول شي قالوا لهم ماعندكم تربيه بس بعدين قبلوهم
وهي متخرجه في 2005

انزين قدمتي في المعاهد ؟؟؟ اذكر مره سألت واحد يشتغل في معهد berlitz اذا في جانس حق اختي ولا لا (اول ماتخرجت)
وقال لي اوكيي، وان هم يعطون دورات ويعلمون الواحد وجذي

بكرة بتصل لهم BIBF خوش معهد بس غالي خخخخخخخخخ اغلى من معهد البحرين انه تخصصي تجاري شنهي التخصصات بالمعهد بس بانكينغ ؟

بحرينية فديتني;6854136:
بكرة بتصل لهم BIBF خوش معهد بس غالي خخخخخخخخخ اغلى من معهد البحرين انه تخصصي تجاري شنهي التخصصات بالمعهد بس بانكينغ ؟

اختي طرشوها الوزارة على BIBF ودرست دورة مكثفة
صدق تعب لان يدرسون الكتاب الواحد في اسبوع
بس واجد استفادت وحصلت على شغل بسرعة وبمعاش معقول

خيوو، لاتهتمين بالبيزات .درسي وان شاء الله عقب ماتتوظفين بمعاش زين
ترجع لش بيزاتش وفوقهم زود


موفقين خواتي \