بطالة البحرين تفضلوا هنا...

كتكوته يعني هذا المخصص على قولكم بعدكم في الست شهووور ولابعد الست شهووور؟؟؟
انا نزلو لي 6 شهور وخلاااص سكتو

اني اتصلو ليا من تقريبا اسبوعين او اكثر قالت نجدد البيانات ..

و الله خربطه .. مااحد يصيد منهم شي .. كل واحد يقول كلام غير ..

مو المفروض ال 500 توظفوا وينهم للحين ما سمعنا عن احد ..

اي اتصلوا فيني من قبل حق تجديد بيانات
واتصلوا مرة ثانيه حق يسألوني اذا اوافق على القطاع
الخاص وبالنسبة لل 500 فأعرف ناس تخصصهم خدمة اجتماعية
وظفوهم في مكتبة الشيخ عيسى يعني ما اعتقد ان المسألة
فيها خطأ واتوقع اكيد وظفوا ال 500 لأن حتى موظفة صندوق
العمل لما كلمتني قالت ان وظفوهم بدون مايراوونهم أي قائمة
يعني مايندرى على اي اساس وظفوهم وشنو السالفة
بس اللي فهمته منها ان اذا بتعتمدين على الحكومه فمصيرش
بكون مجهول .

جنة القلب;6810650:

مرحبنا بنات

شخباركم؟

حبيت اسألكم منو فيكم اتصلوا له صندوق العمل؟
اني انتهت مدة الست شهور وطبعاً قطعوا عني المبلغ
واتصلوا فيني صندوق العمل لأن المشروع حولوا مجموعة
من العاطلين على صندوق العمل
المهم عاد صدموني لأن لما اتصلوا يقولون ان ال 500 اللي بوظفونهم
في الوزارات الحكومية خلاص وظفوهم وهم متصلين يسألون اذا نقبل
في القطاع الخاص او لا مع العلم ان اللي بيرفض بكون مصيره مجهول
لأن ال500 وخلاص توظفوا فمايندرى بعد الباقي متى بشوفون ليهم
حل واني اضطريت اوافق لأن لمتى بنظل عاطلين هذا اذا بعد وظفونا
في القطاع الخاص شكلنا ولابنتوظف في هالبلد :(

بس خبروني اتصلوا ليكم او لا؟ وشنو رديتون عليهم ؟

انه اختي اتصلولي الاسبوع اللي طاف , وقبلت الشغلة الخاصة وارسلت لهم السيفي والصورة .

اني بعد اتصلو فيني حق تجديد البيانات

وبعدها ما اتصلو ....شالسالفة؟؟

زهرة ايامي;6812789:
كتكوته يعني هذا المخصص على قولكم بعدكم في الست شهووور ولابعد الست شهووور؟؟؟
انا نزلو لي 6 شهور وخلاااص سكتو

لا انا للحين ما خلصت 6 شهووور

أختي كتكوتة زرقة أنتي على أي بنك؟؟؟

وأذا نزلو ليش المبلغ خبرينا عشان أخبر بنت الجيران

وبالنسبة لصندوق العمل أنا ما أتصلو فيني؟؟ أهو أتصلو للكل ولا للبعض؟

انا قدمت في مشروع التعطل شهر 6 المفروض متى ينزلولي؟

المفروض ينزلون لج هالشهر شهر 8 يعني جيكي البنك لان هالايام ينزلون من تاريخ 2

بحرينية فديتني;6820375:
المفروض ينزلون لج هالشهر شهر 8 يعني جيكي البنك لان هالايام ينزلون من تاريخ 2

يعني عقب شهرين ؟

[GLOW="FF0000"]هلا بنات
أنا نزلوا لي هالشهر على بنك البحرين الوطني وأنا مسجلة من شهر 5
بسئلكم بنات أنا الحين نزلوا لي 150 دينار أراجعهم بعد ولا أوقف مراجعة خبروووووووووووووووووني
موفقين[/GLOW]

الماسية متى قدمتي في شهرر 5 ........... انا شهر 5 ومانزلي شي للحين

انه سمعت انه بعد التقديم بشهرين ينزلون بس مادري صج او لا

ضحكة كذوووووووووبة;6824531:
الماسية متى قدمتي في شهرر 5 ........... انا شهر 5 ومانزلي شي للحين

[GLOW="FF0000"]هلا أنا 12/5 وأنتي؟؟؟؟؟؟؟؟؟؟؟ وأنا تخصصي تربية وكل يعرضون علي اشغال ما تناسبني لأن عندي عيال:)[/GLOW]ة

كأن 21 مايو او نص الشهر مو ذاكرة بالضبط ورحت بعد مافي شي في حسابي زيادة هههههههههههه والله ما باروح اشيك حسابي ولا بتعب نفسي مرة ثانية

والله كانها طرارة 150 وذابحينا عليها لو بيمشون لنا شي عدل مادري ايش بيسون ... الله لا يحوجني لا لهم ولا لغير هم ان شاء الله ..
انا تخصصي ادب انجليزي ....خخخخخخخخخخخخخ كل مرة ارووح ما سمع غير ما في شواغر تناسب ولا مرة قالي اسم وظيفة يخاف هههههههههههه ....... مرة قلت له شنو اللي متوفر ما لازم تناسب التخصص ما يهم الشغلة المهم محترمة وراتبها زين قالي سكرتيرة في شركة غرناطة او حدائق سترة بدوامين و 200 دينار قلت له تتغشمر .. قلت له انت مو المفروض واحد من المرشدين اللي يقابلون اللي عندهم شهادات جامعية قالي اي نعم قلت بذمتك هذي ووظيفة تناسب اي احد دارس 4 سنين جامعة .... حتى لو تخصص سكرتارية دوامين و200 قام يطالع فيني .... والله قهر ....... مساكين اللي عندهم ثانوية او اقل شحالة الوظايف اللي تنعرض عليهم ...... والله يوم قلت حق وحدة اعرفها مقدمه في وزارة العمل حلفت ان هالشغلتين منقبل المشروع الوطني وهم يدللون عليهم ......... والله الواحد يروح يدور على شغله بروحه اشرف له ولا يذل نفسه حق هالوزارة المعفنة

اي اشغال وزارة العمل مب شي رواتبهم فالارض 200 وزود بس حرام عليهم انه بس اروح اسجل حضور وامشي

حسبي الله عليهم الاجانب محتلين الديرة ما بقى شي لنا ........ اللهم لا اعتراض........ بس الحمدلله ان الارزاق بيد رب العالمين ... واتكالنا كله عليه .... كان من زمان ضعنا ..

القهر ان تروحين تسجلين ........ والمخصص ينزل بعد شهرين ليش ما ادري الظاهر انهم يأخرون الصرف علشان يفتكون يمكن حد يتوظف ........ لا والمصيبة اللي ماعنده شهادة جامعية لازم يراجع كل ابوع ليش هالمذلة ........ خل يشوفون الدول الخليجية اللي دار مدارهم والله حسبي الله عليهم مليون ولا بردها عنهم خخخخخخخخخخخخخ

ان شاءالله نحصل على وظيفه ومانحتاج لوزارة العمل

بنات انا نزلوا لي المخصص من يومين

هلا خواتي هذا اللي حصلته لكم ،،


[FRAME="2 70"]وزارة المالية تصرف اليوم أربعة ملايين دينار لإنهاء إجراءاتهم
البحارنة: بدءالمرحلة الثانية من مشروع توظيف الجامعيين العاطلين عن العمل


الوقت - فاضل عنان :
أعلن وزير الدولة للشؤون الخارجية نزار البحارنة أنه من المؤمل أن تصرف وزارة المالية اليوم 4 ملايين دينار لإنهاء إجراءات الذين تم توظيفهم من الجامعيين العاطلين في المؤسسات الحكومية .
وأوضح البحارنة في تصريح لـ ''الوقت'' أنه وفور استلام المبلغ من قبل وزارة المالية فإن البرنامج لتوظيف العاطلين الجامعيين في مرحلته الثانية سيبدأ ، وهي مرحلة توظيف العاطلين الجامعيين المعتمدين في القائمة الرسمية لديهم في المؤسسات شبه الحكومية والقطاع الخاص''.
وقال البحارنة ''يتوقع استلام جزء من المبلغ المخصص للعاطلين عن وزارة المالية اليوم ، وستبدأ في الشهر الجاري في برنامج مكثف لتوظيف العاطلين الجامعيين، حيث سيشمل هذا البرنامج تحديث البيانات''، مشيرا الى أنه تم الاتصال بجميع العاطلين المدرجين في القائمة المعتمدة لتحديث البيانات(...) والآن سنعمل على التوظيف في المؤسسات غير الحكومية.
وأضاف البحارنة ''سيتم تحويل مبالغ المخصصة للموظفين الجدد الذين تم توظيفهم في وزارات الدولة، وبذلك يكون العمل على إنهاء إجراءات توظيفهم في الوزارات للبدء في المرحلة الثانية وهي العمل على توظيف البقية في المؤسسات غير الحكومية ومن ضمنها المؤسسات شبه الحكومية والقطاع الخاص''.
وتابع ''البحارنة إلى انه تبقى 67 إلى 70 عاطل جامعي حسب آخر البيانات لم يتم توظيفهم في الوزارات حسب ما هو مقرر من توظيف 500 عاطل جامعي في الوزارات''.
وأردف ''نعمل الآن على التركيز على البقية بالذات بعد توفير المبلغ المخصص من قبل جلالة الملك'' موضحا ''نحن نتحدث الآن عن 4 ملايين دينار توزع إلى الوزارات التي وظفت مجموعة من العاطلين فيما يبقى 11 مليون دينار من المؤمل استلام 4 ملايين دينار منها اليوم وستبقى 7 ملايين سيتم استلامها خلال الأشهر الأربعة المقبلة على شكل دفعات''.
وأكد البحارنة أنه سيبدأ بزيارات ميدانية الى المؤسسات شبه الحكومية ومؤسسات القطاع الخاص للتنسيق معهم بخصوص توظيف الجامعيين العاطلين وقال ''سأقوم بزيارات في هذا الأسبوع إلى المؤسسات شبه الحكومية، حيث أنني اجتمعت أمس مع الرئيس التنفيذي لصندوق العمل والجهاز الإداري لوضع خطة توظيف العاطلين وطلبت منهم تحديد مواعيد لزيارات ميدانية إلى جميع المؤسسات شبه الحكومية''.
وأشار ''سنحاول العمل معهم لتوظيف بعض العاطلين والبقية نعمل على إعداد برنامج مهم وسيكون هناك برنامج ستدخل فيه الصحافة والإعلام''.
وأوضح قائلا ''أنا باعتقادي أن العاطلين مصابين بحالة من الإحباط نتيجة تراكم السنين الماضية، ونريد أن نوضح لهم أهمية العمل في القطاع الخاص فالصورة التي في أذهان العاطلين الجامعيين عن القطاع الخاص صورة سلبية وضبابية في كثير من الأحيان، في حين أن الوضع في كثير من الأحيان هو وضع ممتاز لدى القطاع الخاص سواء من حيث الامتيازات أو حتى الرواتب ، وكل ذلك بحاجة إلى توضيح''.
يشار الى أن رئيس ديوان الخدمة المدنية أحمد الزايد أعلن في شهر يونيو / حزيران الماضي عن '' توظيف 401 عاطل جامعي من أصل 500 في مختلف الوزارات والجهات الحكومية بعد أن أنهى الديوان جميع إجرائتهم اللازمة وأنه تم التنسيق مع صندوق العمل لتدريب بقية العاطلين الجامعيين البالغ عددهم 1412 في القطاع الخاص .
ويأتي ذلك في إطار قرار مجلس الوزراء رقم (1942/01) في 26 أغسطس/ آب 2007 بتكليف صندوق العمل متابعة ملف توظيف العاطلين الجامعيين.
وأشار الزايد إلى أن وزارة الأشغال كان نصيبها من العاطلين الجامعيين أربعة، في حين وُظِّف في وزارة التنمية الاجتماعية 92 وجهاز المساحة والتسجيل العقاري 11 ووزارة التربية والتعليم 182 ووزارة العمل 60 والجهاز المركزي للمعلومات 10 ووزارة الصحة 4 والمواصلات ,38 على حين يجري التنسيق مع عدد الجهات الحكومية لاستكمال باقي العدد 500 وظيفة مخصصة بالقطاع الحكومي.
وكان النائب الوفاقي عبدعلي محمد حسن أشار في وقت سابق عن '' تلقيه معلومات تشير إلى أنه سيتم توظيف عدد من العاطلين قريباً وتحويل الباقي إلى صندوق العمل.
وفي سياق متصل، لفت عضو كتلة الوفاق النيابية النائب جميل كاظم إلى أن مصادر مقربة من الحكومة أكدت أن اللجنة الوزارية المكلفة بمعالجة ملف العاطلين الجامعيين تحاول الالتفاف على الأوامر الملكية بتوظيف العاطلين الجامعيين في مؤسسات الحكومة ووزارتها على حد قوله، مشيراً إلى أن ''اللجنة تريد أن توظف 300 عاطل في الحكومة، وأن تقوم بتحويل البقية إلى صندوق العمل؛ ليتم توظيفهم في القطاع الخاص، مما يعني الالتفاف على الأوامر الملكية بتوظيفهم في الحكومة''، مؤكداً أنّ ''هذا الحل مرفوض ولا يمكن قبوله'' وأنا استغرب أين 2000 وظيفة الشاغرة في الحكومة والتي أمر جلالة الملك برصد موازنة 15 مليون دينار من أجل تسكين العاطلين الجامعيين في 1500 وظيفة منها لأنها من دون موازنة بينما توجد 500 وظيفة أخرى رصدت لها الموازنة''، متهما ''بعض الأطراف في اللجنة باللعب على الوتر الفئوي والطائفي''.[/FRAME]

والله كريم لا تقطعون الأمل الله هو الرزاق