بطالة البحرين تفضلوا هنا...

جمـــانة;5587117:
وزارة العمل

ندعوكم لحضور معرض الوظائف 2-3 ابريل في معهد الشيخ خليفة

المحرق صباحاً


احد يدليني ؟

شوفي اختي انا بدليج بس كلش ماعرف اشرح بس ان شاء الله يفيدج
شوفي اذا انتي جايه من الهاي وي وعلى يسارج السيف تروحين سيده كله سيده وراح تجيج اشارات واااااايد وكل سيده سيده لين توصلين الجسر الجديد وروحي عليه سيييده لين نهاية اليسر بتيج اشارة لفيها يسار وروحي سيده وعقب بييج دوار اخذيه وروحي يسار معهد الشيخ خلفيه بيكون على اليسار ،،
بيكون بالقرب منه محطه البترول و مكتبة بنك البحرين الوطني ،، وبرادات 24 ساعه
ان شاء الله فهمتي علي

السلام عليكم حبيباتي
انا ابي اغير بطاقتي الى الذكية واحط فيها عاطلة عن العمل بس عندي مشكلتين
احنا متحولين على عنوان ثاني وقالو لنا ما يصير يسوونها الا على العنوان القديم
انزين شنهي الوثائق او الاشياء المطلوبة عشان اغير العنوان
وثاني شي اذا قلت لهم عاطل عن العمل ما يبون شي يثبت يعني اودي معاي شهادة او شي؟؟؟
ياريت تفيدوني والله متورطة وعندي حوووسة

شكراااا

ananya;5593605:
السلام عليكم حبيباتي
انا ابي اغير بطاقتي الى الذكية واحط فيها عاطلة عن العمل بس عندي مشكلتين
احنا متحولين على عنوان ثاني وقالو لنا ما يصير يسوونها الا على العنوان القديم
انزين شنهي الوثائق او الاشياء المطلوبة عشان اغير العنوان
وثاني شي اذا قلت لهم عاطل عن العمل ما يبون شي يثبت يعني اودي معاي شهادة او شي؟؟؟
ياريت تفيدوني والله متورطة وعندي حوووسة

شكراااا

اختي بالنسبة لتغير العنوان والله ماعرف
بس لما تروحين تسوين البطاقه تودين معاج مايثبت انج عاطله عن العمل يعني لو كنتي متخرجه من الجامعه تودين معاج ورقه افاده التخرج ،، ولو كنتي تشتغلين لازم تودين معاج ورقه تثبت انج ماعدتي تشتغلين عندهم ،،

بناااات في احد نزل له اليووم اول راتب من العاطلين

انا مقدمه من فبراير وقريت في الجريده ان بتنزل هل الشهر

بس خايفه اروح اتاكد من حسابي ويطلع مافيه شيء

قلت اشووفكم اول ..

من مقدم من فبراير او يناير واستلم هل الشهر الي استلم يخبرني الله يخليكم

ومشكورررررين

انا مقدمه اختي في فبراير وجيكت اليوم ومانزلو لي

وأنا مثلكم مسجلة من فبراير
يا ريت ينزلون لي >> محتاجة حدي لها

بالرغم هم مافيهم خير بس شنو أسوي > >> عندي أمل

عموماً للحين مانزلوا مال هالشهر

فماتدرون يمكن ينزلون لكم ياللي تنتظرون هالشهر

والشهر اللي فات نزلوا المخصص افتكر تاريخ 4 أو 5 فان شاءلله

ينزلون لكم :)

اهااا

جنة القلب

يعني هم ما ينزلوونه تاريخ واحد ؟؟

وانتي تستلمين كل شهر ؟؟ اذا استلمتي ونزل لك يصير تخبريني عشان اجرب اذا ماعليج امر

شوفو اخبار الخليج شنو حامله لنا اليووم

.
.


العاطلون: وزارة العمل تعطل صرف إعانة التعطل


كتبت: فاطمة علي


تلقت (أخبار الخليج) صباح أمس اتصالات وشكاوى عديدة من مجموعة من العاطلين المستحقين لاعانة بدل التعطل، حيث أشاروا في شكواهم إلى أن وزارة العمل في كل شهر تؤخر اجراءات دفع اعانة بدل التعطل بينما عندما تقرر خصم مبلغ 1% من الحسابات البنكية للموظفين لم تخطئ أو تغفل أي حساب بل وتخصم من الراتب الشهري بانتظام، متسائلين في الوقت ذاته.. لماذا لا تدفع لهم اعانة التعطل هي الأخرى بانتظام.

وأشار العاطلون إلى أن تصريحات القائم بأعمال مدير إدارة التأمين ضد التعطل بوزارة العمل فاروق أمين التي أدلى بها قبل أيام لـ «أخبار الخليج« كانت واضحة بشأن تاريخ استحقاق العاطلين المسجلين في أشهر يناير وفبراير ومارس للإعانة، فان بامكانهم استلام الاعانة بداية شهر أبريل، فيما لم تصرف لهم حتى تاريخ كتابة الخبر. وأكد العاطلون أن جميع بياناتهم مستكملة وعلى الوزارة عدم التعذر برقم حساب البنك، أو الخطأ فيه أو غيرها من الأوراق الثبوتية، كما طالب العاطلون بضرورة تعويضهم عن أشهر التعطل الثلاثة الماضية كونها حق أًصيل لهم والابتعاد عن إيهامهم بأنه سيتم تمديد فترة الحصول على إعانة لفترة تزيد على 6 أشهر وذلك بأثر رجعي، حيث ان هذه الطريقة تعد تحايل على القانون إذ ان العاطل إذا حصل على وظيفة قبل انتهاء 6 أشهر فانه سيخسر حقه عن أشهر التعطل الماضية التي حرم فيها من اعانة التعطل.

بل يعني هذلين كل شي بيعطونا اياه بالقطاره
الله يساعد العاطلين بس عليهم

الله يوفقكم ويسر اموركم
وان شاء الله يعطونكم في اقرب وقت

بناااااات جيكت الحين البنك نزلوووو جيكووو وانشاء الله نزلو اليكم

حليمة1;5605610:
بناااااات جيكت الحين البنك نزلوووو جيكووو وانشاء الله نزلو اليكم

انا جيكت من شوي وما نزلوا لي

وبغيت اسأل احد راح معرض المهن اليوم اللي في المحرق

وشنو كان وظائفهم المعروضه

حليمة1;5605610:
بناااااات جيكت الحين البنك نزلوووو جيكووو وانشاء الله نزلو اليكم

صدق

انتي اي شهر قدمتي ؟

حليمة 1

انتي حسابج على اي بنك؟

شكلهم ماراح ينزلون لي مايندرى

لأنهم يسوونها يقطعون عني مثل مااقطعوا

عن غيري وفوق هذا يبونا نرفع تظلم ومادري شنو

يعني اذلال ماتسوى علينا اللي يسمعهم يقول هالمبلغ ينزل من جيسهم

ماكأنه من راتب زوجي والمواطنيين

انا جيكت من شوي وما نزلوا لي

وبغيت اسأل احد راح معرض المهن اليوم اللي في المحرق

وشنو كان وظائفهم المعروضه

آنه رحت وفيه وظايف للي عندهم دبلوم وثانوية عامة
بس عن نفسي للأسف ماناسبتني الوظايف واغلبهم
حق الذكور فمايسوى وغير زحمة الباركات وماقدمت غير حق
وظيفة وحده ومتأكده مابياخذوني لأنها غير تخصصي وطالبين
فيها خبرة بس آنه قلت اقدم ماراح يضرني شي

انا مقدمه شهر اثنين وجيكت العصر مانزلو لي
الله يغربلهم من وزارة بيذلونا ذل

آنا في BBK وهم أول بنك ينزلون وبعد خواتي في البحرين الوطني ونزل اليهم اليوم

اختي حليمة انتي مقدمه شهر 2 ؟

لأأأأأأأأ آنا مقدمة قبل لايصير التأمين كنت على طول اراجعهم ونزل الي من أول شهر يعني شهر 12

انا رحت المعرض وتحسفت انى طلعت وغربلت روحي
وظائف حق الاعدادي والله عورنى قلبى على شهادتى البكالوريوس وتحطمت معنواياتى
ماتوقعتهم بيذلون جذيه

ومن ضمن الوظايف
خياطه
وحراس
وسواق
وبياعه
واستقبال
يعنى هذه الوظائف مب حق جامعين

وهما قاعدين يدزون لنا مسجات حق هالسخافه