بطالة البحرين تفضلوا هنا...

تعلن الشركة الشرقية لانتاج الاسفلت والخرسانة عن فرص عمل للبحرينيين فقط


الوظائف المطلوبة :
1- سواق ثقيلة
2-عمال
3- كاتبة ادارية
4- ميكانيك ديزل
5- مخلص معاملات للجنسين

لتقديم الطلبات للوظائف المذكورة اعلاه

الرجاء ارسال السيرة الذاتية مع صورة حديثة ونسخة من جواز السفر والبطاقة مصحوبة بالاستقالة في حال كونه مسجل بشركة اخرى على ص.ب 474
او الحضور شخصياً الى المكتب الرئيسي من الساعة 8.30 الى 11.30 صباحا

تحديد الراتب بعد اجراء المقابلة

للاستفسار 17252078

(( اتصلت فيهم واستفسرت عن الموقع قالت انه في نفس بناية بريتش كونسل ، الطابق الاول.
وبخصوص الكاتبة الادارية فالمطلوب دبلوم ادارة مكتبية ))

بسم الله الرحمن الرحيم
الحمد الله رب العالمين

شخباركم عاطلين
اني اخباري الى الحين مااشتغلت
الله كريم

راعية الفراري اي اني كل اسبوعين تقريبا اروح لهم
ويبي لي بعد نهاية هالشهر اروح

ترى بنات مو شرط اذا نزلوا لكم 120 دينار يطرشون لكم مسج
اني ماطرشوا لي مسج بس جيكت احسابي والا هم منزلين لي

ام عبادي القمر

بعد كم شهر نزلو لك 120 طولت واايد ؟؟

هلا يارب ترزقني اني رحت قدمت كانة مو مذكرة بالضبط شهر 11
ونزل لي شهر واحد

**ام عبادي القمر**;5507543:
بسم الله الرحمن الرحيم
الحمد الله رب العالمين

شخباركم عاطلين
اني اخباري الى الحين مااشتغلت
الله كريم

راعية الفراري اي اني كل اسبوعين تقريبا اروح لهم
ويبي لي بعد نهاية هالشهر اروح

ترى بنات مو شرط اذا نزلوا لكم 120 دينار يطرشون لكم مسج
اني ماطرشوا لي مسج بس جيكت احسابي والا هم منزلين لي

وي انا ولا ارح بس اليوم اتصل عليهم ولا يشيلونه
بس باجر باروح لهم

انزين شنو تسوين يعني معاهم؟؟ وشنو يقولون لج ؟

رحت اليوم المشروع الوطني اراجعهم لاول مرة وعطتني بطاقه للمراجعه
وقالت لي لازم تيين كل اسبوعين تراجعين ،،

الهمهم قالت لي روحي جيكي وزارة العمل قلت لها ليش تقولي ان وزارة العمل خذت مجموعه اشخاص وبدل مايراجعون هني يروحون يراجعون في وزارة العمل
يعني التعب ورانا ورانا

انتوا قالوا لكم جذي
ورحتوا وزارة العمل جيكون ؟؟

هلا راعية الفراري انت اتراجعين في المركز منطقتج يعني؟؟
لاني اني دايركت اروح الوزارة لان صوبنا بس ماادري
ان شاء الله باقي البنات يفيدونك
ماقلتي لنا شنو الاشغال الي قالوا لج موجودة؟؟

**ام عبادي القمر**;5519687:
هلا راعية الفراري انت اتراجعين في المركز منطقتج يعني؟؟
لاني اني دايركت اروح الوزارة لان صوبنا بس ماادري
ان شاء الله باقي البنات يفيدونك
ماقلتي لنا شنو الاشغال الي قالوا لج موجودة؟؟

اي انا اتابع اللي عندي في المنطقه
لا ماقالولي على اشغال بس قالولي روحي هناك اذا اسمج معاهم
وعلى طاري الاشغال للاسف انا تخصصي مايصير اشتغل الا مدرسه في التربيه

بنااااااات

شوفووو هل الخبرررررررررر

http://go.3roos.com/WIcP27QgATQ

إعانات التعطل للمسجلين قبل 31 ديسمبر
المسجلون في يناير وفبراير يتسلمونها في إبريل

اي يا أختي قرأت الخبر
وكل أقول لزوجي أن شاء الله ينزلون اللي هذا الشهر
أني قدمت فبراير
بس بنات من ينزلون لكم قولوا لي عشان أجيك الحساب
وأتمنى ينزل لي

اي همووسه

حتى انا فبراير وان شاء الله ينزل لي يارب

والي يستلم يخبرنا

وانا بعد اذا نزل لي بخبركم ..

بالتووفيق

التأمين ينزل بدايه كل شهر يعني تاريخ 1 من كل شهر ،،

وبنات التربيه بشروا في احد ناداه

لان تخصصنا نادوهم اللي مسجلين في المشروع الوطني ووزارةالعمل فقط
لان راح يتم توظيف 500 شخص من وزارت البحرين

وقدمت امتحان والله كريم

بس عندي صديقاتي اللي ماسجلو في المشروع الوطني مانادوهم

عن تجربة .. ما في أبرك من التجارة
أنا تخرجت تخصص تكنولوجيا تعليم و انتظرت الوظيفة بدون فايدة ... تخرجت بمعدل 3.32 من 4 قبل دفعتي بفصل بعد ما هلكت عمري و ما اخذت و لا اجازة على طول صيفي و الفصل العادي 6 مواد
و نجحت في الامتحان النظري و العملي لوظيفة اخصائية تكنولوجيا في وزارة التربية
بس تعرفون في البحرين الواسطات و الطائفية تلعب دوور كبير في توظيفات الوزارة
و طبعا اللي تخرجوا عقبي و اللي معدلاتهم أقل مني و اللي رسبوا في المقابلة أو العملي توظفوا و أنا ما توظفت ( و أعرفهم بالاسم )
أنا ما حطيت يدي على خدي
دخلت مجال تجارة النت على قدي و الله العالم اني كنت محتاجة الفلس!
و خلال 7 أشهر فتحت مؤسسة استيراد و تصدير تدر علي في أسبوع واحد ضعف راتب شهر من الوزارة..
و اليوم اتصلوا فيني الوزارة علشان أروح اقدم الطلب و أوراقي عندهم من جديد .. طيب الأوراق و كل شي عندكم و عند وزارة العمل بعد ليش أقدمهم مرة ثانية .. شفتو شلون يذلون الواحد
و علشان أشتغل عندهم شرطهم إني أقفل المؤسسة لأن ما يصير موظف حكومة عنده سجل تجاري!!!!!!!!!
و أنا فضلت العمل الحر مع إنه حلمي أشتغل في التربية و حلمي آخذ الماجستير
بس ما دام هذي الأوضاع و الفساد مستشري في وزارة التربية ما أعتقد إني راح أرجع لهم قبل ما تنصلح أمورهم.

والله الحال مؤسف جدااااا
حالنا كعاطلات وعندنا الرغبة في العمل
وفوق هذا عندنا مؤهلات دراسية والله قهر
عن نفسي فقررت اعتمد على نفسي واشوف لي
وظيفة حتى لو ماتناسب مؤهلي بس على الاقل اكتسب
منها خبرة عن قعدتي لأن لسنين تمر بسرعة
ولمتى بنظل بدون خبرة وننتظر هالمشروع الفاشل
علقوا اسمنا بالجريدة وعطونا شوية أمل وبصراحة اخاف اشتغل
في القطاع الخاص وبعدين التابعين للمشروع يوظفونهم حكومة
وانقهر كوني استحق الوظيفة الحكومية حالي حال غيري .

اختي طفوف

ياليت تفيدينا من تجربتج لأن حسب

كلامش انش بديتين من الصفر وشكلها كانت

تجربة ناجحه ماشاءلله

فشلون بدأتين خطوات مشروعش؟ كلمينا أكثر

عن تجربتش خلينا نستفيد :)

خربطه;5498811:
انى أبحث عن وظيفه دوامه غير واحد
حتو لو clenar أو مرفقة باص روضه أهمشى أشتغل واطلع للحياه
اى عنده وظيفه بدوام واحد يخبرنى (اي وظيفه)
شكرا جمانه

قدمي اوراقج في المدارس و الروضات و الله يوفقج

الله يوفق الجميع انشالله

بس ياريت اتخبرينا عن تجربتك ياطفوف

وشلون بدات بالتجارة وبعدين فتحت سجل مكتب استيراد وتصدير ؟؟؟

السلام عليكم
يبون في شركة تبيع مقاولات

موضفة اكونت
وعلى الاقل يكون عندها خبره او دبلوم اكونت

والراتب ما يقل عن 250
كبدايه وطبعا بعد التثبيت راح يكون غير

موقع الشركه الرفاع الشرقي
و الدوام

8 الى 1
3 الى 7

ومطلوب مهندسين معماريين

وايضا Hr

اللي عنده اي استفسار يدز لي رساله خاصه

طبعا المهنندسين بيكون راتبهم عالي و ايضا مدير الموارد البشريه

والله يوفقكم كلكم

وزارة العمل

ندعوكم لحضور معرض الوظائف 2-3 ابريل في معهد الشيخ خليفة

المحرق صباحاً


احد يدليني ؟