هل ينام طفلك معك في الغرفة

سابقا كان ولدي ينام بسريره
بس بعد ما اشتغلت صار يشتاق لي وايد واذا جا الليل قال : ابي انام في قلبو ماما <<<< حلوة قلبو خخخخخخخخخ
والحين احاول اعوده ينام في سريره... وان شاء الله قريب بيتعود

للأسف أي 5 سنوات وتنام معاي على نفس السرير حابه افصلها عني ومو قادره ولصغيره 8 شهور تنام في سريرها بنفس الغرفة وألبسهم بجامات طويلة لانهم ما يتغطون

اه المشكلة الظاهر عند الأغلبية ولدي الله يحفظه ويخليه الحين عمره 10 اشهر ونص تقريبا ما يرضى ينام الا معانا في نفس السرير احاول وياه اخليه ينام ومباشرة اشيله وارجعه سريره بس يحس انه في سريره يفزع المكان وبس ارجعه لسريرنا يرد يواصل النوم والمكيف في الفترة الاخيرة تعبه واااايد لان سريرنا صاير تقريبا مقابل المكيف مع اني خفضت عليه ورفعته الاانه مافي فايدة من جديه اضطريت انام وياه في الصالة وافتح باب الحجرة حتى يطلع الينا هواء خفيف لماالله يسهل ويجي الشتاء عدل ونفتك من هالمكيفات ..حاولت اقنع زوجي ان احنا ننام بس على المروحة لكن قال ما يقدر

انا صراحه حاطه شرشف على ستارة سرير البيبي ومرتاحه

بنات وانا بعد للاسف ولدي عمره 3سنين وبنتي بتكمل ال5سنين للاسف ينامون معاي
كل مااحاول انومهم في حجرتهم ماكو فايده ينامون ويقومون لي في الليل ويطقون الباب علي
حاولت معاهم وايد مع ان غرفتي قريبه ارجوكم ساعدوني اشلون اعودهم ارجوكم
لاتبخلون علي بنصايحكم:qaq:

أنا عندي ولدين الكبير عمره 3 سنوات وشهرين وينام في غرفته من يوم صار عمره 5 شهور
وولدي الثاني عمره 8 شهور وصار ينام مع اخوه من صار عمره 6 شهور
وطبعا طول الليل رايحه جايه عليهم وحاطه بيني وبينهم جهاز عشان اسمعهم لو احد فيهم بكى

طبعا سررهم مفصلتها تفصيل على مزاجي