هل ينام طفلك معك في الغرفة

أنا بنتي معاي بالسرير تنام مع إن عندها سريرها جنبي!!

بس بسأل الأخوات اللي عيالهم ماينامون معاهم شلون يتعاملون معاهم خصوصا عيال شهووووور اللي كل شي وينشون يبون يرضعووون!!:21_176:

السلام عليكم ورحمة الله وبركاته

انا ولدي 5 شهور

اخاف اخليه بسريره وهوه دايما يصيح ما يبيه
اخليه يمي بالسرير يصير بيني وبين كنب خالته يمه عشان ما يطيح لو تحرك .. ودايما يشيل الغطا عن روحه وارده عليه ... يمكن 8 مرات باليوم كل ساعه ارده له ... ووايددددددددددد يعاني من المكيف مع ان مكانه دافي بعيد عن التكييف وخالينه على اخف شي...


في امان الله

أنا ولدي الله يخليه عمره 1 وشهرين ..لسه ينام معاي في الغرفه وفي السرير نفسه ..

مع انه سريره جنب سريرنا بس ينام فيه ساعه او ساعتين وبعدين يصحى وارضعه وأحيانا انام واخليه معاي واحيانا ارجعه لسريره ...متى بس يتعود على سريره ...

بصراحه صار يضايقني في النوم لانه ما شاء الله عليه يتقلب واجد وكل شوي رافسني في مكان وما أصحى الإرجوله في وجهي ههههههههه ساعات المنظر يضحك ...الله يحفظه وياكم

انا ابني عمره سنه وعشر شهور بينام بنفس الغرفه بس طبعا بسريره وابني الصغيرون عمره ثلاث شهور واسبوع بينام بقلبي

بنتي عمرها ثلاث سنوات وللحين نام عندي بس بسريرها بعيد عني وعن المكيف والبسها بيجامة كم طويل وسروال وسلامتكم

انا ولدي ينام في نفس الغرفه بس بسريرة وانا بعد اعاني من المكيف بس مثل ما قالت الاخت رانيا البحرينيه
اللبسه لبس ثقيل حزة الرقااااد

عيالي ينامون معي بالغرفه

علي الكبير 4سنوات ونصف ينام بمرقده ولين صحي ينتقل لسريرناااا وبالوسط


بنونه 4 شهور بسريرهااا طبعاااا

آنه بنتي عمرها سنتين تنام معاي في الغرفة وماشاء الله عليها اعاني من موضوع اللحاف تتحرك وايد وتكشف اللحاف عنها بس دوم البسها اكمام طويلة وفعلا سالفة التكييف مخليتني في رعب على طول

انا بعد عيالي ينامو معي في الغرفه كيف اخليهم ينامو في غرفتهم الصغير عمره سنتين والكبير اربع سنين

السلام عليكم ورحمه الله وبركاته

بنات كيف الحال معاكم اول شي اتمنى تنحل المشكله بس انا لاحظت اخطاء وايد .... اعتقد اغلبها كسل العروسات

المهم بنات المكيف حله سهل جدا خفضي الحراره للمكيف يعني لا تخلونه مثلج .. يعني لو درجه الحراره 18 سووها 23 او درجه حراره معقوله إلى ان يجي الشتاء كل مره زيدو الحراره لين تسكرو المكيف في الشتاء

بالنسبه لنوم الطفل في السرير في نفس الغرفه انا أيده وما أيد الطفل يطلع من الغرف إلا لمه يفهم كل شي حواليه يعني من فوق الثلاث سنوات ... واذا انتي حطيتي عل نفسج شوي يعني تخلين البيبي في سرير جمبك من الولاده وتعودينه ان من يصيح تشيلينه ترضعينه وتحطينه في مكانه راح يتعود ان ينام لحاله ... في السرير ... وبيكون نقله لغرفه ثانيه سهل لان من يوم صغير متعود ان ينام في سرير بروحه

اما بالنسبه ان ينام جمبك وبعدين تحطينه على السرير هالشي هذا خطا في خطا .. لان لو كان رضيع انتي تعرضينه لخطر الاختناق وانصح البيجاما الطويله لانها تحمي البيبي من البرد .. واشدد على مراعاه درجه الحرار للمكيف يعني استحملو انتو الازواج وتلحفو بلحاف خفيف مو لازم بطانيه ثقيله كأنكم بالسكيمو ...... اول الايام انام ماعرف انا من غير المكيف ما يكون مثلج مع الوقت عشان خاطر بنتي . صرت انام في البروده الخفيفه .. وبس

اتمنى اني افدت صاحبه الموضوع والله يهدي الحال..

وعلى فكره انا كل الي كتبته اطبقه على بنتي عمرها الحين سنه وشهرين والحمدالله الامور ماشيه تمام

تحياتي
ام جنى

انا عندي اولاد اثنين ،، حسون عمره 3 سنوات و7 اشهر والصغير 10 اشهر ونص .. اثنينهم ينامون معاي بس المفروض كل واحد بسريره .. لكن حسون لاااااااااااازم اول شي ينام بيننا انا وابوه وبعدين نشيله نحطه في سريره واذا رد قعد يجي ينام بالوسط (w) .. والصغير عادي ينام بسريره لكنه اذا كان مصحصح يقعد يبكي علشان يجي سريرنا ويلعب ، واذا نايم وكل شوي يصحى او مريض انا احطه معاي على السرير ..

اتمنى اني اطلعهم في غرفتهم لكن المشكلة في ابوهم اللي مو راضي .. يقول بعدهم صغار وغرفتهم شوي بعيدة عن غرفتنا ويقول بيفكر ينقلهم غرفتهم لما يكمل الصغير سنتين على الاقل والكبير بيكون عمره قريب ال5 سنوات :qaq:


وعن التكيف احنا بعد وايد نعاني معاهم مع ان احنا مخلين اتجاه هواء المكيف بعيد عنهم ودرجة التكييف مخلينها 26 واحيانا 27 لما يمرضون ونخلي باب غرفتنا مفتوح دايما ومع ذلك احسه يؤثر عليهم ..

وعن البيجاما لما كان حسون صغير كنت على طوووول البسه بيجاما كم طويل وقت النوم بس يوم كبر شوي تمللت اواصل معاه :21_207: يعني اذا كنت اولردي ببدل له وقت النوم البسه بيجاما واما اذا كنت مثلا مسبحته العصر وعليه ملابس عادية ما ابدل الليل واخليه ينام بها :gum:
ونفس الشي الحين بالنسبة للصغير .. اذا كنت بسبحه او ببدل ثيابه قريب وقت النوم البسه بيجامة كم طويل وفي الاوضاع الباقية لا ..

وعن الغطاء .. احنا صايرين سرير حسون جنب ابوه وسرير حمود جنبي ، انا علي مسؤولية تغطية حمود وزوجي عليه مسؤولية حسون :2_106:


والله يحفظهم من كل سوء يا رب :9_28:

انا الحمد لله ابني هدوي "هادي" عمره 5 شهور ينام بسريره بس معانا بالغرفة وبس تكمل غرفته راح انقله فيها
باذن الله
وعن التكييف احنا منزلين عليه للاخر
والله يحميه ويحمي اولادكم من كل سوء

انا ابني ينام بغرفته بروحه لكن لما يصحى في الليل يجي ينام معاي

ولدي وبنتي ينامون معاي في نفس الغرفه وعل نفس السرير .. تخيلوا

اتضايق لانهم يلصقون فيه وما اقدر اتحرك اقوم الصبح جسمي متكسر ..

بس شو اسوي انا معودتنهم على هالطبع الخايس

وعن التكييف نحن ننزل عالمكيف الجو يكون عادي

انا بنتي عمرها شهرين ونص
وتنام معاي في نفس الغرفة والتكييف بارد
واخفض درجة البرودة بس نترك باب الغرفة مفتوح
والفها بالليل واغطيها بلحاف دافي بس اهي تفلل نفسها
وترمي اللحاف برجولها
و بصراحة اخاف عليها من البرد
وما اعرف الحل

والله مشكله هالتكيييييييف انا أعاني منه بس فديتهم تعودوا عليه

وولدي عمره سبع شهور ينام في سريره تعود عليه صار مثل اخوه اللي عمره سنتين والغطا انا اخاف عليهم ماأغطيهم اقول يبردون ولايفطسون خخخخخخخخ

انا بعد اعااااااااااني مع بنتي بس لقيت حل الحمدلله

اغطيها واغطي السرير نفسه ببطانيه واخلي فتحه صغيره عشان تتنفس


اما تضايق الخصوصيه ففعلا

ماتصلح معانا بعدين بالغرفه خطر عليها:|

ايوة ابني ينام معي بنفس الغرفة ... ينام في سريره ما ينام معي في السرير ... اصلا انا ما اخليه حتى لو قام مليون مرة باليل حتى ما يتعود ... بس لما يكون مريض انومه في وسطنا ...

والحمد لله هنا في صنعاء الجو عندنا بارد وما نستخدم مكيفات ولا مراوح ... ولهذا دايما ننام بالبطانية حتى في الصيف ... بس هذا ما يعني ان الطفل ما يمرض !!! اكيد يمرض في ايام الشتاء ...

بس المشكلة صارت ان نومه مرة خفيف اي حركة زايدة في سريرنا يصحي ... ( يعني باختصار ممنوع الحركة في السرير حقنا واي شي المفروض يتم في هدوء تام وهذا مستحيل )

مفكرة يتم السنين واحوله غرفة لوحده ...

انا ولدي عمره سنه و 3 شهور و ينام معانا بالحجره بس في سريره طبعا...من اول ما انولد وهو في سريره...بس هالفتره بدا يحب النوم ي سريرنا فاحيانا في الليل ينش و يصيح يبغي ينام ويانا..اخليه عندي بس يوم ينام بعمق ارده في سريره..واحيانا اخليه للصبح بس طبعا ما ارقد عدل ..كله ترفيس و محاتها اني افعصه او انه يقوم و يطيح من السرير...وبالنسبه للتبريد نخليه عال 23 او 24 وهي الدرجه الانسب للطفل..والحفه بلحاف من مذركير القطني اللي فيه منه الوان كثيره..وايد احبه..وماخذه منه للحين 3 الوان :)...واكون ملبستنه فانيلا داخليه كت و بجامه اوفراول عشان اتاكد ان ريوله متلحفه..وطبعا مستحيل ينام الا بهال لبس والا ما بقدر انام بارتياح...اخاف يبرد..
من كمل سنه وانا احاول اقنع ابوه ننقله حجرته مع ان حجرته لاصقه فحجرتنا بس ابوه يقول بعده صغير...مع انه اريح لنا وله...اقل حركه او نفس في الليل وهو نايم ينبهه..بس اتوقع بصبر لين تعتدل نومته وما يقول ولا مره في الليل عشان ما اسير وارد باليل....الله يعينا

انا نفس المعاناه محرومة من الخصوصيه