تسمية الاطفال على اسماء اجدادهم .....

إذا كان اسم الجد او الجدة معقول وانت حبيتي تفرحينهم وتقدرينهم ما فيها شي بس اذا كان الاسم قديم وراحت عليه فما فيه داعي نعقد عيالنا فيه، مثلا انا لو جبت ولد بسميه على اسمه جده ( محمد) وخصوصا انه من خير الاسماء

موضوع جديد !

فعلا فيه ناس ما يخرجون عن هالقاعدة .. خلاص البنت على اسم الجدة لو عساه اسم اندثر و انقرض و الولد على اسم

الجد !

التجديد حلو .. و فيه اسماء عادي لو ناخذها من اجدادنا مثل علي , محمد , حسين , حسن , بالعكس هذي اسماء مباركة

المفروض تكون اول الاسماء اللي نفكر فيها قبل اختيار اي اسم ..

انا عني ولدي اسمه سيد صادق .. ماعندنا بالعايلة الا ولد عمه مثل اسمه ..

و نشوف آرائكم ..

احنا في العايلة ما عندنا هل كلام كل واحد
حر يسمي اولادة الاسم اللي يعجبه
بس في عايلة زوجي لازم عمي يوافق
على الاسم اول وبعدين يتسمى الطفل!!!!!!!!!!
بس انا سميت بنتي الاسم اللي يعجبني طبعا لقيت معااااااااااااااااااااارضه
شديدة من ابو زوجي وقطعنا صار ما يكلمنا
لكن بعدين اهو من نفسه اقتنع لكن بشروط!!!!!!!!
الله يعيننا

انا سميت ولدى سليمان عل اسم جده طبعا انا مب راضيه بس ريلي غصبني واذا بنت كان بيسمييها حليمه !!
شو انسوي نبى نرضي رياييلنا

وهج الحب .. الله يعيييينك !

احلى شي انج تختاريين اسامي لعيال بقتناع بدون محد يدخل يعني مو حللوه تختاريين اسامي قدييمه علشان ترضيين الاجداد والاسامي اصلا ما تناسب زمنه والاجداد بيبقون غاليين في القلب ولهم الاحترام والتقدير .... طبعا في اسامي قدييمه بس حللوه وما تصيير قديمه والعكس صحيح
تحياتيي

أنا سميت ولدي على أسم أبو زوجي الله يرحمه.... ماحبيت أرد زوجي بهالطلب يقول آنه يتيم من كنت صغير وخاطري يتسمى الولد باسمه وفعلا طلع ولد وسميناه عبدالله والحمدلله من أبرك الأسماء ربي يحفظه..

يوم حملت مرة ثانية ماسمع الا أخوه يقول جدام الأم والأخوان إذا هالمرة بنت تتسمى على أسم أمي (فاطمة) تعالوا على كيفكم تختارون.... والله سكت وكانت فيني غصة قلت خلاص قاموا يحددون الأسماء على كيفهم.

بس إذا الله كتب لي هالمرة باسمي البنت أسيل او زين مع أن كان في بالي عائشة قبل..
وإذا ولد عبدالرحمن أو عمر إن شاء الله...

هلا بنات,,,

حلو الواحد يسمي على أجداد عياله وخصوصا اذا كانوا عايشين,,,

انا سميت ولدي محمد على ابو زوجي بدون ما نتناقش في الموضوع,,,

ولما جبت بنت طلبت من زوجي اني اسميها على أمي فاطمة ووافق على طول,,,

والسبب انه خواتي عندهم بنات بس ما فكروا انهم يسمون على أمي ,,,

وما توقعت انه أمي تنتظر حد يسمي عليها ,,,, شو كانت فرحتها وشو تحب بنتي بشكل ما تصورونه

شفتو كيف فرحة الأجداد,,,

يعني انا بين ؤيد ومعارض
كل واحد حر بتسمية اعياله الموضوع مب غصب
بس في اسماء اتكون مباركة ومن خيرة الأسماء واتكون اتناسب كل السنين
وانا عن نفسي بناتي محد بالعائلة سماهم من قبل لآن اسمائهم من القرآن
نور بيان وجنان
بس بنتي آمنه سميتها على اسم أم النبي عليه وعلى آله افضل الصلاة والسلام وعلى فكرة امي بعد اسمها آمنه

انثى ويكون في علمج سليمان وحليمه مب جدود عيالى جدود ريلي خخخخخخخخخخ

موضوع حلو

انا عن نفسي اخو زوجي الكبير مسمي على اسم ابوه فما كان عندنا مشكلةمن هذه الناحية

بس المشكلة كانت انه ابو زوجي كان توه جايله حفيد و سماه حسن و كان يبي نسمي ولدنا حسين طبعا اسم حسين على الراس بس انا ماكنت ابيه لان وايد اعرفهم و بالعائلة اسمهم حسين بس الحمد لله لمن قلتله على اسم عمار اقتنع و عجبه واااااااايد لان ماكو احد مسميه....

موضوع فعلا مهم .. وفكرته حلوة


انا اقول ان تسمية المولود شي يخص الاب والام فققققققققققققققط وطبعا لازم يكون بالاتفاق ..

لكن ما فيها شي مثلا اذا كان اسم الجد او الجدة معقول نسمي باسمائهم ونفرحهم :21_149:


انا عن نفسي كنت حابة اسمي ولدي الكبير "حسين " علشان انا ينادوني "أم حسين " :2_106: وبعد الولادة شفت شلون ابو زوجي يحب ولدي واااااااااااااايد ويفضله على بقية الاحفاد مع انهم ما شا الله كثيرين " زوجي اصغر عيال امه وابوه " .. فقررت ان اذا الله رزقني بولد ثاني اسميه على اسمه " أحمد " .. وطبعا هذا لان الاسم حلو ومعقول .. يمكن لو كان اسم قديم ما اسميه:balloons:

وبعد ما صار عندي الاسم اللي احبه واسم ابو زوجي في بالي ان اذا الله رزقني بولد ثالث بيكون على اسم ابوي وزوجي موافق من الحين :21_149:

انا طبعا اتمنى ان اجيب بنت واوقف خلاص واربيهم واهتم بنفسي من بعد ما يكبرون لكن انا قلت اذا الله كتب لي بولد ثالث بيكون على اسم ابوي الله يحفظه :iagree:

وأما البنات . للحين ما عندي بنات ولا عندي نية أسمي على اسم امي او اسم ام زوجي لانهم ما يعجبوني:sa32: وحتى اصلا ما عندي حاليا اسم معين للبنت .. بس زوجي يفضل اسم " بيان "


واللي الله كاتبه بيصير :9_28:

مشكورين عرايس على تفاعلكم

وانا اقول ان حتى لو اسم الجد معقول بس احيانا انتي حابة اسم ثاني

يعني انا مثلي عندي ولد واحد اوبو زوجي اسمه احمد ويصير خالي بعد

بس مو حابة اسمي احمد لانة اسم منتشر في العايلة وحابة اسم صادق

عشان جذي سميت ولدي صادق يعني حتى لو الاسم معقول بس احيانا الواحد يكون حاب اسم ثاني

وحرام احنا الي نجيب ونتعب ونربي والاسم مو احنا الي نختاره

ومشكورين مرة ثانية

بصراااااااحة

انا سميت ولدي سلطان على جده وبدووووون أي مناقشه أو زعل ولا فكرت افتح معاه موضوع

وانشالله اذا جاتني بنت بسميها أمينه على اسم امه

وبصراحه يستاهلوووووووون ناس يحبوني ويحبون ولدي ومن الألف لين الياء عليهم ويكفي انهن خايفين الله

ونشالله عقب ماسمي عليهم اسمي على امي وابوي وهو ماعنده أي مانع

ماشالله ماقصروا فينا وهاي اقل شي ممكن نجازيهم فيه

والله يخليهم لنا

بصراحة انا ضد تسمية الابناء على اسم اجدادهم اصلا انا احب ان اسم ولدى يكون مميز بالعيلة يعنى ما حد سماة و بحس انة اجبار و اكراة بس ايش نسوى حكم القوى

الله يسلمكم مثل ماقالت بعض العضوات

حكم القوي على الضعيف


أني كنت بسمي ولدي اسم غير بس لمن جبت البكر وبشرنا الجد قال اتسمونه علي على أسمه طبعا


وماعترضت اني بس أنكسر قلبي شويووونه عشان اني مو الاسم اللي ببالي

والحمد لله الحين اني احب اسم ولدي وأحمد ربي اني سميته علي


أما البنوته من قبل لا اعرف الجنس سميتها مريم وكل بلساني اسم مريم الريم ومريومه

ولمن ولدت بهااااا جت أمي الله يحفضها و طلبت ان نسميها بنين

شكلي لو بتم انجب ليييين العاشر مابيتسمون عيالي بمثل ما اريد وأخطط

والله انا اكثر شى اكرهة بحياتى اللقافة ثم اللقافة ثم اللقافة يعنى انا اسمى ابنى على كيفى و لما يتزوج ابنى كمان اسمى عيالة على كيفة والله افتراء حسبى الله ونعم الوكيل

ما شاء الله موضوع مميز فعلا ً ..


انا عن نفسي ما سميت على اسماء جدود اطفالي.. والحمدلله ما عندهم اعتراض بس مثل ما قالت قطر قيرل تكون حركة حلوة لو سمينا على اسماءهم خصوصاً لما نشوفهم يحبووونهم موت ويتفدونهم .. تحسين اقل شيء عشان تقدرينهم هو تسمية العيال باسمائهم..

هذا طبعا لو كانت الاسماء معقولة ومن النوع اللي ما يتغير مع الزمن او يصير قديم.. اما لو قديم .. اسمحولي هههه ..

امي وعمتي اسماءهم قديمة.. لكن اسم بنتي هو اللي اصرت عليه امي لازم اسميه لأنها تحبه وايد وكان خاطرها تييب بنت غيري وتسميه لكن ييت انا وقفلت عليهم خلاص ما يابوا لي خوات :D

وعمتي بعد تحب هالاسم خصوصا انه على اسم بنتها الصغيرة (حماتي ) وهي تحبها وتفضلها كونها اخر العنقود.. واي شيء يفرحها راح يفرح عمتي هههه صارت سنفورتي لعبة مو بنت..