تسمية الاطفال على اسماء اجدادهم .....

شوفي حبيبتي انا بنتي اسمها على جدتها ام زوجي وانا الي سميتها اسمها حلو والله وهاي الشي ترا يفرحهم كثير واللحين زوجي يقول اذا الله عطانا بنت ثانيه يبي يسميها على امي لكن انا ما ابي لان عندنا الاسم بنت اختي
لكن في اسماء اجداد بصراحه الواحد يعني صعب يسمي عليهم اقول لكم سالفه
وحده نعرفها اسم ابو زوجها طرار وحلف على ولده الا يسمي عليه والولد وافق لما جاه الولد سماه طرار تخيل ولد مثل القمر اسمه طرار (السموحه من الي يحملون مثل الاسم) لكن لما توفى الجد غيروا اسم الولد من طرار الى طلال لانه كلش مو مقتنعين بالاسم،،، المفروض الاهل ما يفرضون على عيالهم يسمون عليهم كل واحد حر بنفسه يسمي الي يبي طبعا

ادعوا لي الله يرزقني واحمل

انا سميت بنتي ورود على اسم يدة يدتي هههههههههههه أتغشمر معاكم

هالشي يا وخيتي حده يقهر انا زوجي حده متعصب من هالناحية وتخيلي 4 بنات من عيال اخوانهم وخواتهم على اسم امه وكلهم بأعمار بعض جان اعصب وقلت له بسميها ورود انا ابي هالاسم وعاجبني وانا اللي تعبت بالحمال والولادة المهم وبعد اقناع طويييييييييييييييل جدا جدا وافق ولكن بشرط انه البنت الثانية على اسم امه ووافقت عليه بس راح اخون فيه


تصدقون يا بنات احنا ما نقول حق رياييلنا بسمي على اسم امي او اسم ابوي مع انه انحب امهاتنا وابهاتنا بس الرياييل العكس لان السالفه كلها سالفه عناد وسيطرة وفخر وتفلسف زايد الحمدلله والشكر

ومرات ام الريل تغصب اعيالها بهالشيء وتلقون اسمها زليخه

يا إله الكون استر على كل وحدة متزوجة وسهل امورنا

ما قول الا الله يعينا على ما بلانا

كلام حلو ام ورود والله يخلي لج بنتج ذكرتيني بشي ان زوجي يبي اذا الله عطانا ولد يسمي على ابوه اسم ابوه عادي بس انا ابي اغير ما ابيه

لكن اذا الله رزقني الله يقدرني اقنعه على تغير الاسم الي في باله

شو رايكم بنات في أسم ( عتيقه ) وهل لازم الوحده تستسلم للناس؟؟؟؟

على طاري الأسماء ، البارحة دار حوار ساخن بيني وبين زجي على الأسماء (مع أني مو حامل ولا شي) بس يقول يالله يارب تكوني حامل هالشهر وإذا ولد باسميه (علي) قلت له لا لو تموت،، بعدين أهلي يفتكرون ان على أسم أخوك(وطبعا عبودي على أبوه) ويحطون بخاطرهم ..
وبقينا نتذابح على الأسماء .. قلت له خلاص سكر الموضوع لا في طفل ولا شي وأحنا متذابحين، خل الله يكتب له عمر ويصير خير....

بس بذمتكم مو حرام آنه آتعب وكل مرة هو يبي يسمي؟؟؟؟؟

والله انا وزوجي نبا نسمي عيالنا عكيفنا بس ام زوجي وايد تدخل تبا روحها تسمي عكيفها ماتخلي الواحد ع راحته انا اتعب وهيه تسمي

انا سميت ولدي محمد على اسم جده الا هو عمي:)

بس لو جبت ولد ثاني مستحيل اسميه على اسم ابوي هخخخ وايد قديييم وكبير على بيبي صغير

الله يسلمج اختي الطاف البحرين والله يرزقج الولد الصالح :drive1:


اختي boble عاد شنو معنات نكج مادري :dontknow:
المهم اسم عتيقة هذا بصراحة اسم خيالي ورومانسي وكيوت وعلى المودااااا :21_207:
هههههههههههههههههههههههههههههههههههههه

انا لومنج اختي وانذكر جدامي هذا الاسم وانا حامل تدرين شنو يصير بالبيبي؟؟ ا يتحول يصير ولد او ينتحر يطلع علطول او يظل مخشوش ما يطلع نهائياااا :21_95:

شنو عتيقة خلصت الاسامي؟؟
وترا ما يجوز اسم عتيقة تدرين ليش لان عتيقة يعني الشيء القديم والرسول نهى عن تسمية الابناء بأشياء تبعث للتشائم او اشياء مو زينة فا ديري بالج من هالنقطة


:2_106::balloons: بصراحة موضوع حلو وايد ويخلي الوحدة اتفضفض واتعبر عن خلجات نفسها

هههههههههههههههههه
مشكورين امهات على هالتفاعل

وانا اتفق مع ام ورود شنو اسم عتيقة
حررررررام تسمى طفلة بهالاسم

انا كتبت الموضوع وما توقعت تفاعل جذي

بس حلو تفاعلكم والكل قام يفضفض
هههههههههههه تسلمووووووووووووووون

رانيا البحرينية;4514468:
على طاري الأسماء ، البارحة دار حوار ساخن بيني وبين زجي على الأسماء (مع أني مو حامل ولا شي) بس يقول يالله يارب تكوني حامل هالشهر وإذا ولد باسميه (علي) قلت له لا لو تموت،، بعدين أهلي يفتكرون ان على أسم أخوك(وطبعا عبودي على أبوه) ويحطون بخاطرهم ..
وبقينا نتذابح على الأسماء .. قلت له خلاص سكر الموضوع لا في طفل ولا شي وأحنا متذابحين، خل الله يكتب له عمر ويصير خير....

بس بذمتكم مو حرام آنه آتعب وكل مرة هو يبي يسمي؟؟؟؟؟

ههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه

رانيا والله ذبحتيني من الضحك وعيوني صبصبت دمووووع

تدرين ليش؟

لان هااااي حركاتنا انا وزوجي نتهاوش ونتذابح على لااااااااااااااااااشي لا وخاطري اصيح تخنقني العبره
مثل الحين انا اقول له اسم امك أمينه انا بسميها آمنه هو نفس المعنى بس آمنه أحلى واصغر

هو يقول انا بسميها أمينه وبالحررررررررررررررررررف بالضبط كوبي ما اغير ولا حرف في الاسم

والله كان خاطري اقول له متخلف بس احترمت نفسي خخخخخخخخخخخ علما ان امه تبي آمنه

وعلى فكره انا مب حامل ولا افكر احمل الا لين كمل نمووور سنه ونص

على مايقولون نبرز الدوا قبل الفلعه خخخخخخخخخ

الصراحة ماايد لان الوحدة تبي اتسمي اي اسم في خاطرها

ماادري احس مافيها شي لو سمينا اولادنا

على اسامي اجدادهم بشرط تكون عاديه

مو معناها مو زين

ومشكوره ع الموضوع

هلا

والله انا بعد زوجي اللي سمه ولدي على اسم ابوه بس انا كنت مقتنعه في الاسم وان شاء الله الطفل الثاني انا بسميه ههههههه والله يستر لانه الرياييل يبون يسمون على كيفهم والاسم اللي يعجبهم

اي وانا اصلآ مااحب الاسامي المكرره في العايله ,, حلو الطفل يكون اسمه غير عن اللي قبله يعني اسم مب موجود في العايله

ام ورود تسلمين على التعليق والدعوة الزينه
والله يعطي الكل الف عافيه

مو بس على اسماء اجدادهم
كان جت على خير الا قولو على اسماء البلدان
ويتم التعصب بعد
فيه بنات صغار شفتهم لمن رحت المستشفى
يجننون لمن سالت عن اسمائهم الا وانصدم
وحده اسمها اماراتيه(والنعم باهل الامارات )بس لهلدرجه
ما شفت سالت امها ليش مسميتنها هذا الاسم؟؟؟؟
قالت لان يوم ولدتها ابوها كان بالامارات خخخخخخخخخ
عجييييييييييييييييييييييييييييبه
والثانيه اسمها بصرة.. ونفس السبب
جابتها بالعراق بمدينة البصره !!!!!!!!!!!!!!!!!!!!
الى هالدرجه ؟؟؟؟؟؟؟؟؟؟؟؟
والله اغلب الاعلانات اليوم بالجرايد امهات كبيرات في السن
يغيرون اساميهممم !!!!!!!!!!!!!!

هلالالالالا والله واخيرا حصلت مكان افش فيه خلقي

انا ولدي محمد سميته لاني واااايد كنت احب هالاسم وابو زوجي بعد اسمه محمد يعني ضربت عصفورين بحجر

ومريومه .. يوم يبتها زوجي قال عايشه وانا قلت مريم وتمينه على هاي الحاله الين اسبوع من ولادتها

قلتله اوعدك اذا الله عطانا بنت ثانيه اسميها عايشه اقتنع الحمدلله وسميتها مريم

بقولكم قصه حيااتي بطلع حرتي خخخخخخخخخخ

يعني انا بين مؤيد ومعارض

كل واحد حر بتسمية اعياله الموضوع مب غصب

والاسم يكون بتشاور بين الاب والام فقط ماله دخل عايله يتدخلون سواء من الاخوات والاباء والامهات

انا وزوجي نتفق مثلا اول بيبي سواء بنت او صبي له وثاني بيبي نفس الشي سواء بنت او صبي لي

مع اني مااعتقد بيوافق على الاسم اللي ابيه لكنه سيااسي ياخذني بالكلام ويقنعي باللي يبيه

المهم عن اسماء الاب والام او الجد والجدة باعتقادي الخاص احنا نحبهم بقلبنا وبذكراهم واللي يحب الشخص يذكره بالخير ويسويله اعمال خير ويتصدق عنه والخ

مب يسمي اعياله باسمائهم

بمعني انا احب امي اسمي بنتي باسمها يعني بهطريقه ابين حبي لامي ابينها بالمعامله بالحسن بتصدق عليها اسويلها ماي بير اطلعلها زكاة اتذكرها بالكلمه الطيبه خخخخخخخخخخخ طلعت اللي في قلبي

وطبعا اول بيبي بنت وزوجي لازم لازم اسميها عائشه على امه الله يرحمها وبدون نقاش وكلام انا ماعندي مانع الحمدالله الاسم حلو ومب قديم واايد لكني كلش ماكنت افكر اسمي هالاسم يعني حتى فرحه باختيار الاسم ماقدرت افرح فيها

ويليت محد مسمي على بنتي

تخيلو ال7 اخوان واخوات البكر البنت اسمها عائشه فتخيلوااااااااااااااااا لو بنتي بس بقول معليش لكن 7 واخوهم 8اللحين بيتزوج وطبعا اول بنت بدون نقاش عائشه

فتخيلوا لما نجتمع كل سبت واعيالنا معانا عائشه تعالي لا مو انتي انتي

الصراحه مأساه وخصوصا انه بعض اخوان زوجي المتزوجين مااستقلوا ببيوت بروحهم وساكنين معانا وكل واحد ينادي عوووووووووووش عووووووووووش

حتى اليهال يتلخبطون مايعرفون ينادون على من؟

قلنا نحب امهاتنا بس مب جذي عاااد 8 عوااشات بالعيله شي مب طبيعي

والقهر لما طلعت حامل اخته الكبيرة جدامي وبوجهي لازم تسمون على امي ليش على كيفج انتي اللي تعبتي وحملتي ومتي من الوجع الصراحه تخلف !!!! ماادري انا امها والا هي

ابوهم ماتدخل وهي تتدخل !!!!

معليش طلعت اللي بقلبي من القهررررررررررررررر

ههههههههههههههههههههههههههه والله ضحكتيني من قلب عروس الدوحة

يعني صح اهي مو قصة ماتنتهي الله يعينكم 8 عواشات في البيت الله يخليهم واااااجد صعبة

وانا برايي ان هالشي يتم برضا الطرفين الزوج والزوجة والأهل على عيني وراسي

بس شلهم دخل بأسامي عيالي وانا الحمد لله اخترت بروحي ومحد له شغل فيني ولا في عيالي

ولو تنقلب الأرض على السما اذا انا مو راضية لاحد يحاول يقنعني اذا قلت لأ يعني لأ

ماعدا زوجي طبعاً ربي يحفظه والحمد لله انا متوافقين في كل شي

شفتي اشلون احلى شوق موعووش وحده او ثنتين 8عواشات فتخيلي الموقف قلنا نحب امهاتنا بس موجذي

والله يخليلج زوجك واعياللك يارب

ههههههههههههههه والله ضحكتوني عرايس

انا نزلت الموضوع وما توقعت الاقبال عليه جذي

لكن صج خليتكم تطلعون حراتكم

عروس الدوحة وضع عايلتكم مو طبيعي 8 عواشات

ما شاء الله ههههههههههههههههههه

وتسلموون عالردود الحلووة